اپتونوم رايونۇبۇزدۇن جەر- جەرلەرى قووز شئنجاڭ قۇرۇۇعا چىمىرقاندى

2020-12-14 11:07

اپتونوم رايونۇبۇزدۇن جەر- جەرلەرى تۇنۇق سۇۇ جاشىل توونۇن ۅزۉ التىن توو كۉمۉش توو دەگەن تۉشۉۉنۉكتۅ بەكەم تۇرۇپ، ەكولوگىيالىق چۅيرۅنۉ قورعوو مەحانىزىمىن كەمەلدەندىرىپ، چۅيرۅنۉ جۅنگۅ سالۇۇنۇ سىزىل كۉچۅتۉپ، جاشىل تۅمۅن كۅمۉرتەكتۉۉ ۅنۉگۉۉنۉ تۉرتمۅكتۅپ، قووز شئنجاڭ قۇرۇۇعا چىمىرقاندى. ىستانسىيابىز قابارچىلارى گاۋ مىڭحۇي، چئيۇ جئندىن قابارى.

12- ايدىن 7- كۉنۉ تۉشتۅن مۇردا، جاڭى ەلە ىشتەتۉۉگۅ كىرىشتىرىلگەن اپتونوم رايوندۇن چۅيرۅ قورعوو قۇرۇلۇشۇنداعى تۉيۉندۉۉ قۇرۇلۇشۇ- باي وودانى شاار- شاارچا بۇلعاندى سۇۇنۇ بئر جاقتىلۇۇ قىلۇۇ زاۋوتۇنۇن ۅلچۅمۉن كۅتۅرۉپ ۅزگۅرتۉۉ قۇرۇلۇشۇ ناق مايدانىندا، قابارچى جەر استى قۇۇر تورۇ ارقىلۇۇ بۇل جەرگە كىرگەن بۇلعاندى سۇۇنۇن ارالاشماسى، مايدى، ازوت، فوسفوردۇ جوعوتۇۇ سىياقتۇۇ جەلەلەش تەحنىىيولوگىيا ارقىلۇۇ بئر جاقتىلۇۇ قىلىنعاندان كىيىن، سەكىن تازارعانىن كۅردۉ. سۇۇ چىعۇۇ ووزۇندا باي ووداندىق شاار- شاارچا بۇلعاندى سۇۇسۇن بئر جاقتىلۇۇ قىلۇۇ زاۋوتۇنۇن باشچىسى چىن لئى تۇنۇق سۇلىياۋ بوتەلكەگە بئر جاقتىلۇۇ قىلىنعان سۇۇنۇ قۇيۇپ قابارچىعا كۅرسۅتۉپ مىنداي دەدى:«ار تۉردۉۉ ساندۇۇ- ماالىمات ماملەكەتتىن بئرىنچى داراجالۇۇ A ۅلچۅمۉنۅ جەتكەن، دىيقانچىلىق اتىزى، توقوي سۇۇعاتتووسۇنا بۉتۉندۅي ىشتەتۉۉدۅ ماسەلە جوق».

ازىرعا چەيىن، اپتونوم رايونۇبۇز جالپى قۇرۇپ ىشتەتۉۉگۅ كىرىشتىرگەن شاار- شاارچا تۇرمۇشتۇق بۇلعاندى سۇۇنۇ بئر جاقتىلۇۇ قىلۇۇ زاۋوتۇ 111 گە جەتكەن، مۇنۇن ىچىندە بئرىنچى Aداراجالۇۇ قويۇپ بەرۉۉ ۅلچۅمۉنۅ جەتكىرىپ سالىنعانى 92 بولۇپ، بۉت اپتونوم رايوندۇن شاار- شاارچالارىندا بۇلعاندى سۇۇنۇ بئر جاقتىلۇۇ قىلۇۇ قۇرباتىن بۉتۉندۅي قاپتاتۇۇنۇ ىشكە اشىرىپ، ماملەكەت جانا اپتونوم رايوندۇن شاار- شاارچا بۇلعاندى سۇۇسۇن بئر جاقتىلۇۇ قىلۇۇ جانا قايرا پايدالانۇۇداعى «13- بەش جىلدىق جوسپور» نىشاان مىلدەتىن الدىن بۉتۉرگۅن. اپتونوم رايوندۇق ەكولوگىيالىق چۅيرۅ نازاراتى ەكولوگىيالىق چۅيرۅ باشقارماسىنىن باشچىسى مىڭ شىياۋيان :«14- بەش جىلدىق جوسپور» مەزگىلىندە، اپتونوم رايونۇبۇز بۉت اپتونوم رايوندۇن سۇۇ چۅيرۅ ساپاتىن سىزىل جاقشىرتۇۇنۇ ىلگەرى سۉرۅرۉن ايتىپ مىنداي دەدى: بۇلعانۇۇنۇن الدىن الۇۇ قويۇپ بەرۉۉنۉ ازايتۇۇنۇ كۉچۅتۉپ، ۅنۅر جاي، ايىل- چاربا، شاار- ايىلداردىن ار تۉردۉۉ بۇلعاندىلارىن قويۇپ بەرۉۉنۉ بەرەكەتتۉۉ تىزگىندەپ، قايرا پايدا بولعون سۇۇدان ايلانما پايدالانۇۇنۇ ىشتىكتۉۉ جىلىشتاتىپ، دارىيا الاپتارىنا كىرگەن بۇلعاندىلار مۅلچۅرۉن چىمىرقانىپ ازايتىپ، ەكولوگىيالىق چۅيرۅنۉن ساپاتىن سىزىل جاقشىلاپ، ەكولوگىيا قووپسۇزدۇق قالقانىن انسايىن بەكەمدەيبىز».

«13- بەش جىلدىق جوسپور» مەزگىلىندە، اپتونوم رايونۇبۇز اتموسفەرا بۇلعانۇۇسۇن الدىن الىپ جۅنگۅ سالۇۇ چابۇۇلۇن جوعورۇ ورۇندا تۉرتمۅكتۅپ، ۅنۅر جاي، وتۇندۇق كۅمۉر، ماتورلۇۇ قاتتوو ۇنالارى سىياقتۇۇ ‹ۉچ ئرى بۇلعانۇۇ قاينارىن› ۇنىۋەرسال جۅنگۅ سالۇۇنۇ سىزىل كۉچۅتتۉ، بىيىل 1- ايدان 10- ايعا چەيىن، اپتونوم رايونۇبۇزداعى 14 شااردىن ورتوچو جاقشى كۉن سانى سالىشتىرماسى ماملەكەت تالابىنا جاقىنداشقان؛ بۉت اپتونوم رايونۇبۇزدا جالپى توپۇراق چۅيرۅ ساپاتىن تەكشەرۉۉ وردۇنان 1000دئى جايعاشتىرىپ، بۉت اپتونوم رايوندوعۇ باردىق وودان( رايون، شاار)دى قاپتاعان توپۇراق چۅيرۅسۉن كۉزۅتۉۉ تورۇ نەگىزىنەن قالىپتاشقان؛ ۉچ تۉندۉك ىلىمتا توقويۇ، ايدوو جەردى چەگىندىرىپ توقويعو قايتارۇۇ، قۇمداشۇۇنۇن الدىن الىپ قۇمدۇ جۅنگۅ سالۇۇ سىياقتۇۇ تۉيۉندۉۉ قۇرۇلۇشتارعا سۉيۅنۉپ، جالپى 11 مئللىيون 130 مئڭ مو توقوي جەتىشتىرىپ، قۇمداشقان جەردى جۅنگۅ سالۇۇ ايانتى 24 مئللىيون 660 مئڭ موعو جەتىپ، 60 مئللىيون مو شالباا بەرەكەتتۉۉ قورعولعون جانا قالبىنا كەلتىرىلگەن. جاقىندا، حوتەن ايماعى پئلان ىچىندەگى 50 مئڭ مو تابئيعىي توقويدۇ سۇۇعارۇۇنۇ بۉتۉرۉپ، 30 مئڭ مونۇ اشىق اتقارعان، حوتەن ايماقتىق توقويچۇلۇق جانا جايلوو مەكەسى پارتىگۇرۇپپاسىنىن شۇجئسى چىن باۋجۉن مىنداي دەدى:« كىيىنكى ارىمدا، قۇمداشۇۇنۇن الدىن الۇۇ قۇمداشۇۇنۇ جۅنگۅ سالۇۇ ەكولوگىيالىق قۇرۇلۇشۇن بۉت كۉچۉ مەنەن جىلىشتاتىپ، حوتەندىن سىرتىن ەكولوگىيالىق قۇرچوو قۇرۇلۇشۇن ىشكە اشىرىپ، تۇرۇقتۇۇ، بەكەم ەكولوگىيالىق قالقاندى تۇرعۇزۇپ، 14- بەش جىلدىق جوسپور مەزگىلىندە 300 مئڭ مو جاشىلدىقتى جاڭىدان كۅبۅيتۉۉنۉ ىشكە اشىرۇۇنۇ قولعو كەلتىرەبىز».

اپتونوم رايوندۇق تابئيعىي بايلىق نازاراتى ۇنىۋەرسال جانا ىسلاات باشقارماسىنىن باشچىسى كى جۇانلئى «14- بەش جىلدىق جوسپور» مەزگىلىندە، اپتونوم رايونۇبۇزدۇن كۅك اسمان، مۅلتۉر سۇۇ، تازا توپۇراقتى قورعوو چابۇۇلۇن داعى بىردەمچىي تەرەڭدەشتىرىپ، اتموسفەرا بويۇنچا بىرگەلەشىپ الدىن الۇۇ بىرگەلەشىپ جۅنگۅ سالۇۇنۇ كۉچۅتۉپ، ابا ساپاتىن سىزىل جاقشىلاپ، ۅنۅر جايداعى كەرەكسىز سۇۇ، تۇرمۇشتۇق بۇلعاندى سۇۇ، ايىل- قىشتاق بۇلعاندى سۇۇسۇن ۇنۋەرسال جۅنگۅ سالۇۇنۇ بئر كەلكى پئلانداپ، سۇۇ ەكولوگىيالىق چۅيرۅ قووپسۇزدۇعۇنا چىنىعى كەپەلەتتىك قىلارىن توو- دايرا، توقوي، اتىز، كۅل، جايىت سىستەماسىن قورعوو جانا قالبىنا كەلتىرۉۉنۉ جولعو قويۇپ، تەكشەرۉۉ قۇرباتىن زامانداشتىرۇۇنۇ ۅستۉرۅرۉن ايتىپ مىنداي دەدى: تابئيعىي بايلىقتى جۅنگۅ سالۇۇ سىستەماسى جانا جۅنگۅ سالۇۇ قۇرباتىن زامانداشتىرۇۇداي بۇل نەگىزگى لئنىيانى ىمەرچىكتەپ، قورعوونۇ الدىن ورۇنعا قويۇۇ، ۅنۉگۉۉنۉ قامسىزدوو، ۉنۅمدۅۅنۉ تىقانداشتىرۇۇداي ۉچ جەتەكتۅۅ باعىتىنا ۉيرۉلۉپ، تابئيعىي بايلىقتان پايدالانىپ تىقانداشقان، جوعورۇ بەرەكەتتە ەكولوگىيالىق قورعوو جانا قالبىنا كەلتىرۉۉنۉ سىستەمالۇۇ، بەرەكەتتۉۉ ىشكە اشىرۇۇنۇ تۉرتمۅكتۅيبۉز.

 

〖2020.12.14-11:07〗    جووپتۇ رەداكتور:ayqurek
0

بايلانىشتۇۇ تەما

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز