تۉشتۉك شئنجاڭ رايونۇ دارىلوو بوربورۇ قۇرۇلۇش تۉرۉ قاشقار ايماعىنىن كۅنۅشاار وودانىندا قۇرۇلۇش باشتادى

2020-11-19 16:15

 11- ايدىن 18- كۉنۉ تۉشتۅن مۇردا، تۉشتۉك شئنجاڭ رايونۇ دارىلوو بوربورۇ قۇرۇلۇش تۉرۉ قاشقار ايماعىنىن كۅنۅشاار وودانىندا قۇرۇلۇش باشتادى، تۉر قۇرۇلۇپ بۉتكۅندۅن كىيىن، تۉشتۉك شئنجاڭداعى تۅرت ايماق، وبلاستىن رايوندۇق جۇعۇشتۇۇ وورۇلاردى دارىلوو تەحنىكا ۇنىۋەرسال تەيلۅۅ دەڭگەلىن جانا جالپى تۇلقۇ تەيلۅۅ قۇرباتىن داعى بىردەمچىي ۅستۉرۅت. ەمى ىستانسىيابىز قابارچىسى لئى ۋىيدىن بۇل جۅنۉندۅكۉ قابارى نازارىڭىزداردا.

  تۉشتۉك شئنجاڭ رايونۇ دارىلوو بوربورۇ قۇرۇلۇش تۉرۉنۉن ەەلەگەن جەر ايانتى بولجول مەنەن 600 مو، ئمارات ايانتى 160 مئڭ چارچى مەتىر بولۇپ، جۇعۇشتۇۇ وورۇلار رايونۇ، ۇنىۋەرسال دوقتۇرقانا رايونۇ، ۅپكۅ وورۇلارى دوقتۇقاناسى، جۇمۇشچۇ-قىزماتچىلار تۇرمۇش رايونۇ سىياقتۇۇ تۅرت ئرى جۅندۅمدۉۉ رايوندۇ پئلانداپ ورۇنداشتىرىپ، 1300 كەرەبەت دولبوورلونعون. تۉردۅ ۉچ مەزگىلگە بۅلۉپ قۇرۇلۇش قىلۇۇ پئلاندالعان، بئرىنچى مەزگىلدىك تۉرگۅ جالپى 21 مئللىيون يۇان قارجى سالىنات، تۉردۉ كۅتۅرۅگۅ الۇۇچۇ جاق، قاشقار گۇاڭجىيان توبۇ چەكتۉۉ شەرىكتىگىنىن مۇدۇرىيات باشچىسى ساۋ ۋىيدوڭ مىنداي دەدى: «بئرىنچى مەزگىلدىك قۇرۇلۇشتۇ بئر جىلدا بۉتۉرۉۉ پئلاندالدى، قۇرۇلۇش مازمۇنۇ نەگىزىنەن جۇعۇشتۇۇ وورۇلار دوقتۇرقانا رايونۇ، بۇل بۅلۉكتۅ بوجومول مەنەن 500 كەرەبەت بار، بئز قۇرۇلۇش قىلۇۇ بارىشىندا بۉت بارىشتا ار قايسى جاقتان ىلدەتتىن الدىن الۇۇ قىزماتىن جاقشى ىشتەپ، ناق مايدان جۇمۇشچۇلارىنىن قووپسۇزدۇعۇن قامسىزدايبىز».  

 بىلۉۉگۅ قارعاندا، تۉشتۉك شئنجاڭ رايونۇ دارىلوو بوربورۇ قاشقار ايماقتىق بئرىنچى ەل دوقتۇرقاناسىن قۇرۇلۇش قىلۇۇداعى بااشتوق ورۇن قىلىپ، قاشقار ايماقتىق 6- ەل دوقتۇرقاناسىن نەگىزگى ورۇن قىلىپ، جوڭشان داشۅسۉ قاراماعىنداعى 3- دوقتۇرقانا، بەيجىن دئتان دوقتۇرقاناسى، فۇدان داشۅسۉ قاراماعىنداعى حۇاشان دوقتۇرقاناسى، شاندوڭ داشۅسۉ چئلۇ دوقتۇرقاناسى سىياقتۇۇلاردى نەگىزگى نىشااندۇۇ كىرگىزىپ- چىعارۇۇ دوقتۇرقاناسى قىلات. تۉر قۇرۇلۇپ بۉتكۅندۅن كىيىن، تۉشتۉك شئنجاڭ رايونۇ دارىلوو بوربورۇ «دارىلوو، تاربئيا، ىزىلدۅۅ، الدىن الۇۇ، دەن- سولۇق، باشقارۇۇ» بئر تۇلقۇلاشقان جۇعۇشتۇۇ وورۇلاردىن الدىن الىپ تىزگىندۅۅ، وورۇ مۉنۅزدۅپ دارىلوو بوربورۇنا ايلانىپ، تۉشتۉك شئنجاڭ رايونۇنۇن دارىلوو بايلىعىن تەپە- تەڭدەشتىرۉۉ، تەڭ ساپاتتاشتىرۇۇسۇن داعى بىردەمچىي ىلگەرى سۉرۅت. جوڭشان داشۅسۉ سۉن يئشىياندى ەسكەرۉۉ دوقتۇرقاناسىنىن ورۇن باسار باشچىسى، قاشقار ايماقتىق 1- ەل دوقتۇرقاناسى پارتكومۇنۇن ورۇن باسار شۇجئسى، باشچىسى لئن تئيانشئن مىنداي دەدى: «بۉتكۉل قۇرۇلۇش دولبوورۇ 1+X بولۇپ، 1 جۇعۇشتۇۇ وورۇلار بوربورۇن نەگىز قىلات، X قاراپايىم ەلدىن دەن- سولۇعۇنا تااسىر جەتكىرگەن باشقا وورۇلاردى كۅرسۅتۅت، مئسالى جۉرۅك، مەە قان تامىر وورۇلارى، ۅسمۅ سىياقتۇۇلار، بۇل تۉر، توپ قۇروو ىڭعايىندا شئنجاڭعا نئشااندۇۇ جاردام بەرۉۉ ارقىلۇۇ بئر ئرى تۉركۉمدۅكۉ ىشكەرلەردى تاربئيالاپ، تەحنىكانى بۉتكۉل تۉشتۉك شئنجاڭ رايونۇنا تۉشۉرۉپ، كەە بئر وورۇلار بويۇنچا ەرتە مۉنۅزدۅۅ، ەرتە دارىلوونۇ ىشكە اشىرىپ، تۉشتۉك شئنجاڭ رايونۇنۇن جۇعۇشتۇۇ وورۇلار سىياقتۇۇ وور وورۇلاردىن الدىن الىپ تىزگىندۅۅ قۇرباتىن جالپى تۇلقۇدان ۅستۉرۉپ، جالپىلىق سالاماتتىقتى ساقتوو، الدىن الىپ تىزگىندۅۅ قۇرباتىن زور داراجادا كۅتۅرۅت».

〖2020.11.19-16:15〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز