دوستۇقتان بارىپ اعا- ئنى بولۇۇ

2020-06-04 15:55

توعۇزتاروو وودانى اقتۉبۅك شاارچاسى قورجىلعا قىشتاعىنىن تۇرعۇنۇ ۅمەرجان ەمراجان اعا قوڭشۇلاش حالئي قىشتاعىنىن تۇرعۇنۇ سۇن شۅبئىندەن دىيقانچىلىق ماتەرىيالدارىن ساتىپ العاندا انى مەنەن تاانىشىپ قالعان، 10 جىلدان بەرى، ەكۅۅ بئر- بىرىنە جاردام بەرىشىپ، بئر ۉي بۉلۅدۅگۉ جاقشى اعا- ىنىلەردەي بولۇپ قالعان. توعۇزتاروو ووداندىق رادىيو تەلە ىستانسىياسىنىن قابارچىلارى جاۋ حايلۇ، يئى جئنفىڭداردىن قابارى: 

 

ۇشۇل بئر قانچا كۉندۅ، سۇن شۅبئن اعاسى ۅمەرجان ەمراجاندىن ۉيۉنۅ كەلىپ، اعا قورودوعۇ قىزىل مىلىققا قانداي جەر سەمىرتكىچ بەرۉۉنۉ ۉيرۅتۉپ جاتتى، ەكۅۅ جۇمۇش ىشتەگەچ باارلاشىپ، ۅتۅ جاقىن ەلە. 

 

سۇن شۅبئن شاارچادا بئر دىيقانچىلىق ماتەرىيالدارى دۉكۅنۉن اچات، 2010- جىلى جازعى ەگىنچىلىك كەزىندە، ۅمەرجان ەمراجاندىن حئمىيالىق جەر سەمىرتكىچ، ۉرۅۅن سىياقتۇۇ دىيقانچىلىق ماتەرىيالدارىن ساتىپ العانعا اقچاسى قالباي قالعان، سۇن شۅبئندى تاانىباعاندىقتان، ۅمەرجان ەمراجان سۇن شۅبئندىن دۉكۅنۉنۅ بئر قانچا جولۇ بارىپ بئروق ناسىياعا الۇۇنۇ ووزۇنان چىعارا الباعان. انىن قىيىنچىلىعىن بىلگەندەن كىيىن، سۇن شۅبئن داروو ەلە 10 نەچە مئڭ يۇاندىق ۉرۅۅن، حىمىيالىق جەر سەمىرتكىچتى ۅمەرجان ەمراجانعا بەرىپ، انىن چۇقۇل قىيىنچىلىعىن چەچەت. ۅمەرجان ەمراجان مىنداي دەيت: «ال ماعا حئمىيالىق جەر سەمىرتكىچ، دىيقانچىلىق دارىلارى، ۉرۅندۅردۉ جاردامعا بەردى، انى الىپ قايتقاندان كىيىن ەگىندى ەگىپ، تۉشۉم العاندان كىيىن انىن اقچاسىن قايتارىپ بەردىم، كىيىنكى جىلدان باشتاپ اقىرىنداپ دوس بولۇپ قالدىق. ال: ›قىيىنچىلىعىڭ بولسو ماعا كەلگىن، مەن جاردام بەرەمىن› دەدى».  

 

دوس بولۇپ قالعاندان كىيىن، ۇي باعۇۇ تاجىرىيباسى بار ۅمەرجان ەمراجان دايىم سۇن شۅبئندىن ۉيۉنۅ بارىپ اعا ۇي باعۇۇنۇ ۉيرۅتۅت. سۇن شۅبئن مىنداي دەيت: «ەگىنچىلىك جاعىندا مەن اعا كۅبۉرۅۅك جاردام بەرەمىن. باقماچىلىق جاعىنداعى تەحنىكادا، مەن بىلە الباي قالعان كەزدەردە، مەن انى چاقىرامىن، ماعا ۉيرۅتۅت».

 

 

2017- جىلى، ەكۅۅ قۇۇرچالىشىپ تۇۇعان بولعوندون كىيىن، باردى- كەلدىسى انسايىن قويۇۇ بولدۇ. بىلتىر، ۅمەرجان ەمراجان جاڭى ۉي سالىپ ۉيۉن جاسالعالاعاندا قارجى جەتىشپەي، انىن ئنىسى بولعون سۇن شۅبئن داروو اعا 10 مئڭ يۇان الىپ بارىپ بەرگەن. ۅمەرجان ەمراجان مىنداي دەيت: ال ماعا «اقچا تاپقاندا قايتارساڭ بولوت، قايتارعانعا اقچاڭ بولبوسو قايتارباساڭدا مەيلى» دەدى. بئر تۇۇعان اعا- ىنىلەردەي ەلە بولۇپ قالدىق، مايرام بولعون كەزدەردە الاردىن ۉيۉنۅ بارىپ، بئزدىن ۉيگۅ كەلىپ بىرگە تاماقتانابىز. بالدارىبىز ۉيرۅنگۅن كەزدە الاردىن جاردامى كۅپ بولوت».   

 

بۉگۉنكۉ كۉندۅ، ەكۅۅ بئر- بئرىنىن تۇۇعاندارىنا ۅزۉنۉن تۇۇعانىنداي مامىلە قىلات. سۇن شۅبئن مىنداي دەيت: «الاردىن تۇۇعاندارىنا ۅزۉمدۉن بئر تۇۇعاندارىمداي ەلە مامىلە قىلامىن، ال داعى مەنىن ئنى- قارىنداشتارىما جانا اتاما دا وقشوش مامىلە قىلات. تەك قارشى جاقتا قانداي قىيىنچىلىق بولسو، كۉن- تۉنگۅ قاراباي تەلەفون چالسا ەلە، داروو جەتىپ بارابىز».

 

〖2020.06.04-15:55〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز