شئنجاڭدىن العاچقى چوڭ تىپتەگى «كۉنلۉن جولۇعۇشۇۇسۇ» اتتۇۇ ناقتىلۇۇ كۅرۉنۉش دىراماسىنىن 2020- جىلقى قويۇلۇۇ مەزگىلى باشتالدى

2020-05-30 13:45

 5- ايدىن 28- كۉنۉ كەچتە، شئنجاڭدىن العاچقى چوڭ تىپتەگى «كۉنلۉندا جولۇعۇشۇۇ» اتتۇۇ ناقتىلۇۇ كۅرۉنۉش مۇزىكالۇۇ دىراماسىنىن 2020- جىلقى قويۇلۇۇ مەزگىلى باشتالدى، ىستانسىيابىز قابارچىسى ياۋ يەنىن قابارى:

  كەچكى ساات 21دە، تئياتىر كۅرۉۉگۅ كەلگەن كۅرۅرمۅندۅر دەنە تەمپەراتۇراسىن ۅلچۅتۉپ، دىزەنفەكسىيادان ۅتكۅندۅن كىيىن تارتىپتۉۉ مايدانعا كىرىپ، ارى بىردەن ورۇن تاشتاپ وتۇرۇشتۇ. كۉۉگۉم كىرگەندەن كىيىن، ايباتتۇۇ سالتتۇۇ مۇزىكانىن جاڭىرىشى مەنەن ويۇن ىراسمئي باشتالدى. «كۉنلۉندا جولۇعۇشۇۇ»، «شانحايجئڭ»، «مۇتىيەنزى ۇلامىشى»، «جۇشۇ جئنىيەن»》 سىياقتۇۇ بايىرقى كىتەپ جازمالارىن اڭگەمە نەگىزى قىلىپ، «كۉنلۉندا جولۇعۇشۇۇ»، «تۉشتۅگۉ ات»، «اراباداعى ۇبادا»، «كۅكۉرۅككۅ تۉيۉۉ»، «اسمان جەردىن جاڭىرىعى» سىياقتۇۇ بەش كۅشۅگۅ ارقىلۇۇ، جوۋ تىيەنزىنىن باتىشقا ساپار تارتىپ، قىيىنچىلىقتارعا جولۇعۇپ اقىرى شئى ۋاڭمۇ مەنەن كۉنلۉندۅ جولۇعۇشقانى باياندالعان. شئنجاڭدىق جاش ارتئس ۋاڭ چاۋ دىرامادا نەگىزگى كەيىپكەر جوۋ مۇۋاڭدىن رولۇن العان ، ال قابارچىعا مىنداي دەدى: «بۇل رولدۇ الۇۇ ۉچۉن بئر جىلعا جاقىن ۇباقىت قوروتۇپ تارىحتى ۉيرۅنۉپ، كەيىپكەردى تۉشۉندۉم، جانا كەسىپتىك ماشىعۇۇ الىپ باردىم. ەڭ اقىرىندا رەجىسسور گۇرۇپپاسىنىن مويۇندووسۇنا ەە بولدۇم، مەن شئنجاڭدىق جىگىت قاتارى ابدان سىيمىقتانامىن».

  «كۉنلۉندا جولۇعۇشۇۇ»نۇ قويۇۇ مايدانى ۉرۉمچۉ وودانى جىبەك جولۇ قار جىلعاياقتوو مايدانىنىن چىعىش جاق جىلعاسىندا بولۇپ، 20 مئڭ چارچى مەتىردەن اشۇۇن چوڭ ناقتىلۇۇ كۅرۉنۉش ساحناسى قۇرۇلۇپ، 3500دۅن اشۇۇن كۅرۉۉچۉ بئر ۇباقىتتا كۅرۅ الىشات. كۅرۅرمۅن جئيا مايرۇي مىنداي دەدى: «شئنجاڭدان مىنداي چوڭ تىپتەگى ناقتىلۇۇ كۅرۉنۉش دىرامماسىن كۅرگۅنۉمدۅن ابدان سۉيۉنۉپ جاتام، ناق مايداندا كۅرۉپ ابدان تاڭ قالدىم، بئيدىن كۅركۅمدۉگۉ ابدان جاقشى بولدۇ، وشوندوي ەلە ايرىم تارىح مادانئياتتى تۉشۉندۉم، ابدان سۉيۉنۉپ جاتام».

  چوڭ تىپتەگى «كۉنلۉندا جولۇعۇشۇۇ» اتتۇۇ ناقتىلۇۇ كۅرۉنۉش مۇزىكالۇۇ دىراماسىنا جۇڭگو توو-سۇۇ ناقتىلۇۇ كۅرۉنۉش ويۇن قويۇۇ سالااسىندا اتى بار، كەزىندە ماملەكەتتىك «بەش بئر قۇرۇلۇشۇ»، «ۋىنحۇا سىيلىعى»نىن ارداقتۇۇ ناامىنا ەە بولعون مەي شۇاييۇان  باش رەجىسسورلۇق قىلعان، بۉت دىرامانىن تۉردۉۉ ارتئس قىزماتكەرلەرى مىڭگە جەتكەن. ۉرۉمچۉ قاتتوو ساياقاتقا قارجى سالۇۇ توبۇ چەكتۉۉ شەرىكتىگىنىن مۇدۇرىيات باش قاتچىسى، باش دىرەكتور جاردامچىسى، «كۉنلۉندا جولۇعۇشۇۇ»نۇ چىعارۇۇچۇ ياڭ بو مىنداي دەدى: «بۇل دىراما باتىش تۉندۉكتۅگۉ ەڭ چوڭ ناقتىلۇۇ كۅرۉنۉشتۉۉ دىرامما، ۅزگۅچۅلۉگۉ بولسو تابىيعىي جاراتىلىش مەنەن ازىرقى زامان ئلىم تەحنىكاسىنىن ۅزگۅچۅلۉگۉن بىرلەشتىرىپ، وشونۇ مەنەن قاتار ناقتىلۇۇ كۅرۉنۉش مەنەن سىزۇۇنۇ ۅز ارا بىرلەشتىرىپ، بئزدىن كۅركۅم شئنجاڭدىن قووز كۅرۉنۉشۉن تولۇق كۅرسۅتۉپ بەردىك».

 تاانىشتىرۇۇعا قاراعاندا، ىلدەتتىن الدىن الىپ تىزگىندۅۅنۉ جاقشى ىشتۅۅ نەگىزىندە، چوڭ تىپتەگى «كۉنلۉندا جولۇعۇشۇۇ» اتتۇۇ ناقتىلۇۇ كۅرۉنۉش مۇزىكالۇۇ دىراماسى دايىمدۇۇلاشقان ويۇن قويۇۇنۇ الىپ بارىپ، ۉرۉمچۉ دانانشان ەل ارالىق ساياقات رايونۇ مەنەن جۇۇرۇلۇشۇپ ۅنۉگۉۉنۉ جىلىشتاتات ەكەن. ياڭ بو مىنداي دەدى: «نانشان بئزدىن ۉرۉمچۉ شاارىنىن ارتقى گۉل باقچاسى، وشوندوي ەلە كۅپتۅگۅن باشقا كۅرك تۉيۉندۅردۉن ايرىم تەلەگەيلەشكەن تەيلۅۅلۅرۉ بار، بۇل تۉردۉۉ ساياقات لئنىياسىن بىرلەشتىرۉۉ جانا بايلىقتى بىرىكتىرۉۉ ارقىلۇۇ، ۉرۉمچۉ شاارىنىن مادانئيات ساياقاتىنىن ۅنۉگۉۉسۉ ۉچۉن تىيەشەلۉۉ سالىمداردى قوشوبۇز».

 

〖2020.05.30-13:45〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز