اپتونوم رايونۇبۇز كۅپ تۉردۉۉ چارانى تەڭ قولدونۇپ ايىل قىشتاقتاردى جاشىلداندىرىپ كۅركۅمدۅۅنۉ قۇلاچ جايدىردى

2020-05-22 11:37

«شئنجاڭدىن ايىل قىشتاقتاردى گۉلدۅندۉرۉۉ ىستىراتەگىياسى جوسپورۇ»ندا: 2020- جىلعا بارعاندا، اپتونوم رايونۇبۇزدۇن ايىل قىشتاقتارىنىن جاشىلدىق مەنەن قاپتالۇۇ سالىشتىرماسى ٪15 عا، 2022- جىلعا بارعاندا، اپتونوم رايونۇبۇزدا ايىل قىشتاقتاردىن جاشىلدىق مەنەن قاپتالۇۇ سالىشتىرماسى ٪22 عا جەتكىرىلەت، دەپ ورتوعو قويۇلعان. بۉگۉنكۉ كۉندۅ، جاشووسۇ جىرعاال، چۅيرۅسۉ كۅركتۉۉ، ايىل كۅرۉنۉشۉ قاراپايىم دا تارتىمدۇۇ، قونۇشتانۇۇعا، كەسپتەنۉۉگۅ، ساياقاتتووعو جايلۇۇ بولعون كۅركۅم ايىل قىشتاق كۅركۅم ورومۇ سۉرۅتۉ جەر- جەرلەردە جايىلا باشتادى. ىستانىيسابىز قابارچىلارى لىي مئڭ، لئياڭ شۅلىيلەردىن قابارى:

ساار مەنەن ەلە، قاراقاش وودانى اقساراي ايىلى گۉللۉك قىشتاعىنىن تۇرعۇنۇ تۇرسۇنتوحتى ىسمايىل ۅزۉنۉن جاشىلچا جەرىندە جاشىلچا جانا جاڭى تىككەن مۅمۅ داراقتارىن سۇعاتتاي باشتادى. ەمى ەلە بۉچۉر بايلاپ، جاقشى ۅسۉپ جاتقان ۅرۉك داراقتارىنا قاراپ تۇرۇپ، اياباي قۇباندى. ال مىنداي دەيت: مىنا بۇل بئر قانچا تۉپ كۅچۅت جاڭىدان تىككەن الما جانا ۅرۉك كۅچۅتۉ، كۅچۅتتۉ قىزمات اترەتى بەرگەن. تەحنىكتەر داعدى بىزگە تىگۉۉ تەحنىكاسىن ۉيرۅتتۉ، ۉچ جىلدان كىيىن بۇل كۅچۅتتۅر مۅمۅ بايلايت، ۅزۉبۉز عانا جەپ قالباي، داعى ساتا الابىز. قوروونۇن ىچىنە جاشىلچا جانا گۉلدۅردۉ تولتۇرا ۅستۉرگۅن ەلەم، ازىر قورووم كۅركۉنۅ چىعىپ قالدى.

بىيىل قاراقاش وودانى اقساراي ايىلىنىن گۉللۉك قىشتاعى ايىل قىشتاقتاردى جاشىلداندىرىپ كۅركۅمدۅشتۉرۉۉ تۉرۉ بويۇنچا 200 مئڭ يۇان اتايىن قارجىسىنان پايدالانىپ، قىشتاق تۇرعۇندارىنىن قورولورۇ، قىشتاق ىچىندەگى جالپىلىق چۅلكۅمدۅر جانا ايىل قىشتاق جولدورۇنۇن ەكى جاعىنا كۅرككۅ قويۇلۇۇچۇ گۉلدۅردۉ ۅستۉردۉ جانا قوروولوردۇن ىچىندە 200 موودون اشۇۇن ەكونومىكالىق داراق كۅچۅتتۅرۉن قويدۇ. اپتونوم رايوندۇق توقويچۇلۇق جانا جايىت مەكەمەسىنىن قاراقاش وودانى اقساراي ايىلى گۉللۉك قىشتاعىنا جىبەرگەن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اترەتىنىن 1- شۇجئسى لئى شئنمئڭ مىنداي دەدى: بئز بالدار باقچاسى جانا قىشتاق تۇرعۇندار كومىتەتىندە كۉلگۉن روشانگۉل جانا چوڭ اتىرگۉل ۅستۉردۉك، ايىل قىشتاق جولدورۇنۇن ەكى جاعىنا تونا داراعىن قويدۇق جانا 40 مودوي جەرگە تۉردۉۉ گۉلدۅردۉ ۅستۉردۉك، 200 تۉتۉن قىشتاق تۇرعۇندارىنىن ار بىرۅۅنۉن قورووسۇنا الما، ۅرۉك جانا شابداالى داراعىنان 15 تۉپتۅن تىكتىك، ازىر باردىق قۇرۇلۇش مىلدەتىن بۉتۉردۉك. تۉر قۇرۇلۇشۇ ارقىلۇۇ، قىشتاقتىن كەلبەتى مەنەن كىشىلەردىن قونۇشتانۇۇ چۅيرۅسۉن جاقشىرتىپ ەلە قالباي، داعى قوروو ىچىندەگى مۅمۅ باق كۅچۅتتۅرۉن قويۇۇ ارقىلۇۇ، ار بئر تۉتۉن بولجول مەنەن كىرەشەسىن 500- 1000 يۇان ارتتىرا الات.

بىلۉۉگۅ قاراعاندا، بىيىل، اپتونوم رايونۇبۇز 694 قىشتاقتا جاشىلداندىرۇۇ قۇرۇلۇشۇن قۇلاچ جايدىرۇۇنۇ تۉيۉندۉۉ قولدووعو الات، ۇچۇردا باردىق قۇرۇلۇشتار باشتالعان، ارى ار بئر قىشتاققا 200 مئڭ يۇان ۅلچۅمۉ بويۇنچا قىشتاقتىن جاشىلداندىرۇۇ القاعىنداعى كۅچۅتتۅر جانا كىشى قولدۇۇ تىگۉۉچۉ ماشئنالارعا تولۇقتاما جاردام بەرىلگەن. ۇشۇل بئر قانچا كۉندۅ، ماناس وودانى گۇاڭدوڭدئى ايىلى شئياۋحايزى قىشتاعىنىن تۇرعۇنۇ لئيۇ جىگونۇن جاشىلچا ۅستۉرگۅن جەرىندە، جاشىلچالار كۅكتۅپ، تۉردۉۉ تۉستۅگۉ اتىرگۉلدۅر قۇلپۇرا اچىلىپ، دۉركۉرۅگۅن جاشوو كۉچۉ بئلىنىپ تۇردۇ. لئيۇ جىگو مىنداي دەيت: قىشتاقتان بىزگە گۉل ۉرۅۅنۉن تاراتىپ بەردى، جولدۇن ەكى جاعىنداعى جاپايى گۉلدۅرگۅ ارالاشتىرىپ ۅستۉردۉك. مىندان ارى قونۇشتانۇۇ چۅيرۅبۉز انسايىن قووز، جاشووعو جايلۇۇ بولسو ەكەن دەيبىز، بۇل بئزدىن تىلەگىبىز.

ەكى جىلدان بەرى، ماناس وودانى قونۇشتانۇۇ چۅيرۅسۉن جۅنگۅ سالۇۇنۇ زور كۉچ مەنەن قۇلاچ جايدىرۇۇ مەنەن بىرگە، قىشتاق تۇرعۇندارىنىن قوروو- جاي چارباسىن ۅنۉكتۉرۉۉسۉنۅ جاردام بەرىپ، قىشتاق تۇرعۇندارىن كىرەشەسىن ارتتىرىپ بايۇۇعا باشتاپ، ايىل قىشتاق ساياقاتى داعى العاچقى كۅلۅمدۉ قالىپتاندىردى. ماناس وودانى تابىعئي بايلىق مەكەمەسىنىن ورۇنباسار مۇدۇر داراجالۇۇ كادىرى لئيۇ جەكۇن مىنداي دەدى: 2020- جىلى، بۉتكۉل وودانداعى 41 قىشتاقتىن جاشىلداندىرۇۇ سالىشتىرماسى تولۇق ۅلچۅمگۅ جەتىپ، ٪30 دان جوعورۇ بولدۇ، جاشىلداندىرىپ كۅركۅمدۅشتۉرۉۉ بويۇنچا ۉلگۉ كۅرسۅتۉۉچۉ 495 تۉتۉندۉ جەتىلدىرىپ، ۉلگۉ كۅرسۅتۉۉچۉ تۉتۉندۅردۉن ۉلگۉلۉك بەرەكەتى تااسئن كۅرۉلدۉ، 56 قىشتاقتىن جاشىلداندىرىپ كۅركۅمدۅۅ قىزماتى بەكەمدەلىپ داراجاسى جوعورۇلاتىلىپ، اپتونوم رايون بويۇنچا جاشىلداندىرىپ كۅركۅمدۅۅدۅگۉ ۉلگۉ كۅرسۅتۉۉچۉ 6 قىشتاق قۇرۇلۇشۇ بايسالدۇۇ جىلىشتاتىلدى. وودان بويۇنچا ايىل قىشتاقتاردىن ۅندۉرۉش تۇرمۇش چۅيرۅسۉ جالپى بەتكەي جاقشىلانىپ، ايىل قىشتاقتاردىن ەكولوگىياسىنىن جاشووعو جايلۇۇ بولۇۇ دەڭگەەلى تااسىن جوعورۇلادى.

اپتونوم رايوندۇق توقويچۇلۇق جانا جايىت مەكەمەسى ەكولوگىيانى قورعوو قالىبىنا كەلتىرۉۉ باشقارماسىنىن ورۇنباسار باشچىسى فئي يۉلئياڭ قابارچىعا : 2018- جىلى اپتونوم رايونۇبۇز ايىل قىشتاقتاردى جاشىلداندىرىپ كۅركۅمدۅۅ قۇرۇلۇشۇ قىزماتىن قوزعوتۇپ ازىرعا چەيىن الدى- ارتى بولۇپ 170 مئلىيون يۇان قارجى سالىپ، 750 قىشتاقتىن جاشىلداندىرۇۇ قووزدووشتۇرۇۇنۇ قۇلاچ جايدىرۇۇسۇن قولدووعو العانىن ايتىپ مىنداي دەدى: «14- بەش جىلدىق» جوسپور مەزگىلىندە، اپتونوم رايوندۇق توقويچۇلۇق جانا جايىت مەكەمەسى تۉردۉۉ توقوي جەتىلدىرۉۉ قۇرۇلۇشتارىنان تولۇق پايدالانىپ، قىشتاقتاردى جاشىلداندىرۇۇنۇ قولدوو ەپكىنىن ارتتىرىپ، ايىل قىشتاقتاردىن ەكولوگيالىق بايلىعىن قورعوونۇ ورچۇندۇۇ كۉچۅتۉپ، ايىل قىشتاق ەكولوگىيا بايلىعىنىن جالپى مۅلچۅرۉن ارتتىرىپ، ايىل قىشتاق ەكولوگىيا بايلىعىن جۅنگۅ سالۇۇنۇ جوعورۇ كۅتۅرۉپ، ايىل قىشتاق جاشىل ەكولوگىيا كەسىبىن ۅنۉكتۉرۉپ، ۅزگۅچۅ ەكولوگىيا مادانئياتىن ىشتىكتۉۉ ۅرچۉتۉپ، 1000 قىشتاقتىن ايىل قىشتاقتى جاشىلداندىرۇۇ قووزدووشتۇرۇۇنۇ ورچۇندۇۇ قولدووعو الىپ، ايىل قىشتاقتاردىن قونۇشتانۇۇ چۅيرۅسۉن جاقشىرتۇۇ ارقىلۇۇ، دىيقان قالايىق قالقتىن باقتىلۇۇلۇق سەزىمىن، ەە بولۇۇ سەزىمىن كۉچ سالا اشىرىپ، «قىشتاعى كۅركۅم، كەسىبى جالچىعان، ۉي بۉلۅ بايكەر، كىشىلەر ىراشكەردۉۉ جاشاعان» ەكولوگىياسى جانعا جايلۇۇ كۅركۅم ايىل قىشتاقتاردى قۇرۇپ چىعات.

 

〖2020.05.22-11:37〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز