بىيىل اپتونوم رايونۇبۇز كەپەلۉۉلۅر رايونۇن ۅزگۅرتۉپ قۇرۇۇ بويۇنچا 73 مئڭ 160 جۉرۉش ۉي قۇرۇۇ مىلدەتىن بۉتۉرۉۉنۉ پئلاندادى

2020-05-22 11:17

 بىيىل اپتونوم رايونۇبۇز كەپەلۉۉلۅر رايونۇن ۅزگۅرتۉپ قۇرۇۇ بويۇنچا 73 مئڭ 160 جۉرۉش ۉي قۇرۇۇ مىلدەتىن بۉتۉرۉۉنۉ پئلاندادى. 4-ايدىن اقىرىنا چەيىن شاار-شاارچالارداعى كەپەلۉۉلۅر رايونۇن ۅزگۅرتۉپ قۇرۇۇ تۉرۉ بويۇنچا 14 مئڭ 412 جۉرۉش ۉيگۅ قۇرۇلۇش باشتالىپ، جالپىلىق ئجارا ۉي تۉرۉنۅن 9022 جۉرۉش ۉيگۅ قۇرۇلۇش باشتالدى. ىستانسابىز قابارچىلارى ياڭ جۇ، گاۋ مىڭحۇيدۇن قابارى.

  بۇل ەكى كۉندۅ، قۇلجا وودانى قاش شاارچاسى تۇدىيۇزى قىشتاعىنىن تۇرعۇنۇ ما جئنبىياۋ كەپەلۉۉلۅر رايونۇن ۅزگۅرتۉپ قۇرۇۇ ناق مايدانىندا جىعاچچىلىق ىشتەپ جاتات، ازىر ەسكى ۉيۉ چاعىلىپ، 2 قاباتتۇۇ بئر چاقان ئمارات العاچقى قاندىرعاسى قالىپتاندى. بىلتىر ال وودان ۇيۇمداشتىرعان دىيقان-مالچىلاردىن ۅنۅر- جۅندۅمگۅ تاربئيالوو كۇرسۇنا قاتىشىپ، تامچىلىق تولۇمدۇۇلۇق كۉبۅلۉگۉن العان. ازىر دىيقانچىلىقتىن انچا شاشىلىش ەمەس كەزىنەن پايدالانىپ، ۅزۉ ۇستا بولۇپ، جاڭى ۉيۉن ەرتەرەەك بۉتۉرۉپ العىسى كەلدى. ال مىنداي دەدى: سەمونت، بولوت چىبىق، كىرپىچ، شاعىل سىياقتۇۇ نەرسەلەردى دايىنداپ الدىم، تالاپ بويۇنچا ساپاتتۇۇ جاقشى ىشتەيم، باشقالارعا كۅتۅرۅ بەرسەڭ 180 مئڭ يۇاندان 190 مئڭ يۇانعا بۉتۅت ەكەن، ۅزۉم ۇستا بولۇپ ىشتەگەندى بىلەم، وشوعو ۅزۉم ىشتەدىم، اعا 28 مئڭ 500 يۇان تولۇقتامانى قوشقوندو 130 مئڭ يۇان چىعاشالايت ەكەنمىن.

   قۇلجا وودانى قاش شاارچاسىنىن ورۇنباسار باشچىسى باي شىياۋدوڭ قابارچىعا بىيىل شاار-شاارچالارداعى كەپەلۉۉلۅر رايونۇن ۅزگۅرتۉپ قۇرۇۇ تۉرۉندۅ، قىشتاق كادىرلارىنىن داعى ۉي سالاتۇرعان تۉتۉندۅردۉ كۅتۅرۅ الىپ بايلانىشىپ بەرۉۉگۅ جووپتۇۇ بولۇپ، ئش جۉزۉندۉك قىيىنچىلىقتاردى چەچىپ، شايكەشتىرۉۉ قىزماتىن جاقشى ىشتەگەنىن ايتىپ مىنداي دەدى: بىيىل 170 تۉتۉنگۅ ۉي سالۇۇ مىلدەتىبىز بار، ازىرعا چەيىن %45ىنا جۇمۇش باشتادىق، بئز ەرتە جۇمۇش باشتاپ ەرتە بۉتۉرۉپ، دىيقانچىلىقتىن ۇشۇنداي ارا-چولو كەزىنەن پايدالانىپ ۉيلۅردۉ مۉمكۉندۉكتۉن بارىنچا سالىپ بۉتۉرۉپ، بۉتۉرگۅندۅن كىيىن ىشتىكتۉۉ تۉردۅ سىرتقا چىعىپ ىشتەيبىز.»

 

 

  بىيىل اپتونوم رايونۇبۇز شاار-شاارچالارداعى كەپەلۉۉلۅر رايونۇن ۅزگۅرتۉپ قۇرۇۇ مىلدەتى بويۇنچا 73 مئڭ 160 جۉرۉش ۉيدۉ، جالپىلىق ئجارا ۉيدۅن 35مئڭ987 جۉرۉش ۉيدۉ بۉتۉرۉپ،4233 تۉتۉندۉن ئجارا تولۇقتاماسىن تاراتۇۇنۇ پئلانداعان. اپتونوم رايوندۇق تۇراق ۉي جانا شاار-ايىل قۇرۇلۇش نازاراتى قامسىزدوو باشقارمالىعىنىن باشچىسى چىن گاڭ قابارچىعا بىيىل اپتونوم رايوندۇن داعى شاار-شاارچالارداعى قامسىزدوو مۉنۅزدۉۉ بەيپىل قونۇشتاندىرۇۇ قۇرۇلۇشۇن سىزىل جاقشى جولعو قويۇپ، اقچالاي تولۇقتاپ تۅلۅۅ، ناقاي بۇيۇم جايعاشتىرۇۇ، قورعوو جانا ۅزگۅرتۉپ كەڭىرتىپ قۇرۇۇ، تۇرعۇندار قاالاماي قاتىشۇۇ جانا بىردىكتە قۇرۇۇنۇ ۅزارا بىرلەشتىرۉۉ قاتارلۇۇ فورمالاردى قولدونۇۇ ارقىلۇۇ، ۇلاندۇۇ قۇرۇلۇپ جاتقان ورۇنداشتىرۇۇ ۉيلۅرۉن بۉتۉرۉۉنۉ جىلىشتاتارىن، ارى « كۅلۅمۉ چوڭ بولبوسو دا قۇرباتى تولۇق بولۇۇ، ۉيدۉن ىچكى قۇرۇلماسى اسقاتما ساپاتى جاقشى بولۇۇ» تالابى بويۇنچا جالپىلىق ئجارا ۉيلۅر بايلىعىن سەپتۅۅنۉ قىلداشتىرىپ تەگىزدەشتىرەرىن ايتىپ مىنداي دەدى: بىيىل كەپەلۉۉلۅر رايونۇن ۅزگۅرتۉپ قۇرۇۇ قىزماتىن تىنعىلىقتۇۇ جىلىشتاتىپ، ارقايسى ايماق وبلۇستاردى جۉزۅلۅشتۉرۉۉ قارجىسىن دىلگىر چوعۇلتۇپ، تۉر قۇرۇلۇشۇن باچىمداتىپ، قۇرۇلۇش ساپاتىنا چىنىعى كەپىلدىك قىلىپ، بىيىل الدىن بەكىتىلگەن نئشان مىلدەتتەردى چىمىرقانا بۉتۉرۉۉگۅ ايداقتايبىز، وشول قاتاردا جالپىلىق ئجارا ۉيلۅردۉ سەپتەپ باشقارۇۇ قىزماتىن كۉچۅپ قالپ-نۇققا تۉشۉرۉپ، جالپىلىق ئجارا ۉيلۅردۉ سىستەماعا كىرگىزۉۉ قىزماتىن ىشتىكتۉۉ جىلىشتاتىپ، 6-ايدىن ەتەگىنەن مۇردا شاارلارداعى جالپىلىق ئجارا ۉيلۅر بايلىعىن سىستەماعا كىرگىزۉۉنۉ بۉتۉرۉپ، كىيىنكى جارىم جىلدا شارتى كەلە تۇرعان وودان-شاارلاردا جالپىلىق ئجارا ۉيلۅردۉ باشقارۇۇ سىستەماسىن ىشتەتۉۉنۉ باشتاپ، وشونۇ مەنەن جالپىلىق ئجارا ۉيلۅردۉ باشقارۇۇنۇن ماالىماتتاشۇۇ، اقىل-ىدرەكتەشۉۉ دەڭگەەلىن جاپىرت كۅتۅرۅبۉز.» 

 

 

〖2020.05.22-11:17〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز