ۉرۉمچۉ شاارى مايىپتارعا اقىل ىدرەكتەشكەن مايىپتار كۉبۅلۉگۉن تاراتات

2020-05-20 12:22

 

5- ايدىن اقىرىنان مۇردا، ۉرۉمچۉ شاارى تۇنعۇچ تۉركۉمدۅ 1498 بارچا اقىل ىدرەكتەشكەن مايىپتار كۉبۅلۉگۉن تاراتىپ، مايىپتاردى ئلىم- تەحنىكا الىپ كەلگەن وڭتويلۇۇلۇقتان باارلاندىرىپ، «بئر كارتا بولسو، باردىق تەيلۅۅگۅ جەتۉۉ»نۉ ىشكە اشىرات. ىستانسىيابىز قابارچىلارى دوڭ جىيوڭ، گۇان شئياۋشىياۋنۇن قابارى:

 

بۇل جولۇ تاراتىلچۇ اقىل ىدرەكتەشكەن مايىپتار كۉبۅلۉگۉ 3- ۇرپاق مايىپتار كۉبۅلۉگۉ بولۇپ، سالاقاتىن ايىرمالاندىرۇۇ، كەسىپ باشقارۇۇ، قوومدۇق تەيلۅۅ سىياقتۇۇ كۅپ جۅندۅمدۅردۉ بئر تۇلقۇلاشتىرعان اقىل ىدرەكتۉۉ ۅزۅك كارتا. كارتادا مايىپتىن اتى- جۅنۉ، مايىپتىق تۉر داراجاسى، نوپۇسۇ سىياقتۇۇ نەگىزگى ماالىماتتار بار، جۅرۅلگۅلۉۉ قاعازچا مايىپتار كۉبۅلۉگۉنۉن اقىل ىدرەكتەشۉۉ داراجاسىن ۅستۉرگۅن. اپتونوم رايوندۇق مايىپتار بىرىكمەسى ماالىمات بوربورۇنۇن مۇدۇرۇ دىڭ جۉنحۇا مىنداي دەدى: «اقىل ىدرەكتەشكەن مايىپتار كۉبۅلۉگۉنۉن سۉركۅلۉۉگۅ چىدامدۇۇ، جالعان جاسوو قىيىن، الىپ جۉرۉۉگۅ ەپتۉۉ، اقىل ىدرەكتۉۉ چۅيرۅ قورعوودوي ۅزگۅچۅلۉكتۅرۉ بار. مايىپتار اقىل ىدرەكتەشكەن مايىپتار كۉبۅلۉگۉ مەنەن كۅچۅ اپتوبۇس، مەتروعو اقسىز ولتۇرسا بولوت؛ باقچا، كۅرك رايوندورۇنا كىرسە اقسىز بولوت جە جەڭىلدىك بەرىلەت؛ سوودا ساراي، تاندا بازار، بارچا ساتۇۇ، اش- تاماق، دۉر دۉينۅ سىياقتۇۇ مەەرىمدۉۉلۉك جەتكىرۉۉ كەرقانالارىنىن باادا جەڭىلدىك بەرۉۉ تەيلۅۅسۉنۅن باارلانا الات. اقىل ىدرەكتەشكەن مايىپتار كۉبۅلۉگۉ داعى مايىپتار بىرىكمەسىندەكى قىزماتكەرلەردىن قىيمىلدۇۇ جاڭىلوو، ايىقتىرۇۇ تەيلۅۅسۉ، جاعىلعى ماي تولۇقتاماسى سىياقتۇۇ تۉردۉۉ قىزماتتاردى قۇلاچ جايدىرۇۇبۇزعا داعى وڭتويلۇۇ بولدۇ».

«جۇڭحۇا ەل رەسپۇبلىكاسىنىن مايىپتار كۉبۅلۉگۉ» − مايىپتاردىن مايىپتىق تۉرۉ، داراجاسى سىياقتۇۇلاردى مويۇنداي تۇرعان زاكوندۇۇ دالئل، مايىپتاردىن ماملەكەت جانا جەرگىلىكتۉۉ ۅكۉمۅتتۉن جەڭىلدىك ساياساتىنان باارلانۇۇسۇنۇن زارىل نەگىزى. دىڭ جۉنحۇا ۇچۇردا ۉرۉمچۉ شاارىنىن چۇقۇل كارتا جاساپ جاتقانىن، 5- ايدىن اقىرىنان مۇردا تۇنعۇچ تۉركۉمدۅگۉ اقىل ىدرەكتەشكەن مايىپتار كۉبۅلۉگۉن تاراتارىن، جىل ەتەگىنەن مۇردا، ۉرۉمچۉ شاارىنداعى مايىپتاردىن ار بىرىندە بىردەن كارتا بار بولۇۇنۇ تۇرمۇشقا اشىرارىن، وشوندوي ەلە قۇيرۇق ۇلاش بۉت شئنجاڭ چۅلكۅمۉنۅ جايىلتا تۇرعانىن تاانىشتىرىپ مىنداي دەدى: «كىيىنكى ارىمدا، بئز بۉت شئنجاڭداعى جەر- جەرلەردىن ئش جۉزۉندۉك ابالىنا نەگىزدەلىپ، اقىل ىدرەكتەشكەن مايىپتار كۉبۅلۉگۉن قۇيرۇق ۇلاش بۉت شئنجاڭدىن جەر- جەرلەرىنە جايىلتىپ، مايىپتاردى <بئر>نۉ ىشكە اشىرابىز، وشوندوي ەلە مەەرىمدۉۉلۉك جەتكىرۉۉ كەرقانالارىنىن مايىپتارعا مەەرىمدۉۉلۉك جەتكىرۉۉ تەيلۅۅسۉ مەنەن قامدووسۇن، مايىپتارعا كۅڭۉل بۅلۉپ، قامقوردۇق جەتكىرۉۉسۉن ۉمۉت قىلابىز».

مايىپتاردىن داعى دا كۅپ وڭتويلۇۇلۇق جانا جىرعالچىلىقتان باارلانۇۇسۇ ۉچۉن، اپتونوم رايوندۇق مايىپتار بىرىكمەسى شئنجاڭ چىنجىرسىمال كەسىپ سوودا قوومۇ جانا ۉرۉمچۉ شاارى چىنجىرسىمال تئجارات قوومۇ مەنەن بىرگەلەشىپ، چوڭ كۅلۅمدۉۉ ۉگۉت قىيمىلىن ۅتكۅرۉپ، مۉچۅ كەرقانالاردىن مايىپتاردى جۅلۅپ جانا الارعا جاردام بەرۉۉ قاتارىنا دىلگىر قوشۇلۇۇعا اتتاندىردى. ازىرعا چەيىن، شئنجاڭ مئيرى توبۇ چەكتۉۉ شەرىكتىگى، شئنجاڭ جوڭشئڭ ۉي جەر مۉلك ورتومچۇلۇق جارناق چەكتۉۉ شەرىكتىگى، ۉرۉمچۉ شۇنمئڭ سوودا چەكتۉۉ شەرىكتىگى، ۉرۉمچۉ شاارى دانلۇ كىيىم جۇۇش چىنجىرسىمال جارناق چەكتۉۉ شەرىكتىگى سىياقتۇۇ 22 كەرقانا دىلگىر ۉن قاتتى. شئنجاڭ چىنجىرسىمال كەسىپ سوودا قوومۇنۇن اتقارۇۇ باشچىسى سوڭ جئفاڭ مىنداي دەدى: «بۇل كەرقانالاردىن باارى بۉت شئنجاڭدا كۅلۅمۉ بئر قىيلا چوڭ، تااسئر كۉچۉ بار كەرقانالار، بارچا ساتۇۇ، اش- تاماق، دۉر دۉينۅ، ۉي مۉلك ورتومچۇسۇ، جۇۇپ- تازالوو، اجارلاندىرۇۇ، قابارلاشۇۇ سىياقتۇۇلارعا قاتىشتۇۇ. مىندان كىيىن، مايىپتاردىن تەك اقىل ىدرەكتەشكەن مايىپتار كۉبۅلۉگۉ ەلە بار بولسو، تىيەشەلۉۉ جەڭىلدىك جانا باا تۉشۉرۉۉ قىيمىلدارىنان باارلانا الات».

 

〖2020.05.20-12:22〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز