اپتونوم رايونۇبۇزداعى ورتو، باشتالعىچ مەكتەپ، ورتو داراجالۇۇ كەسپىي مەكتەپتەر قووپسۇز، تارتىپتۉۉ وقۇۇ باشتاپ ساباقتى قالبىنا كەلتىردى

2020-03-25 11:59

اپتونوم رايونۇبۇزداعى ورتو، باشتالعىچ مەكتەپ، ورتو داراجالۇۇ كەسپىي مەكتەپتەر قووپسۇز، تارتىپتۉۉ وقۇۇ باشتاپ ساباقتى قالبىنا كەلتىردى، جەر- جەرلەر تەيلۅۅ قامتاماسىزداندىرۇۇ قىزماتىن جاقشى ىشتەدى.

 3- ايدىن 23- كۉنۉ بۉت شئنجاڭداعى 5000 دەن اشۇۇن مەكتەپتەگى 4 مئللىيوندون اشۇۇن وقۇۇچۇ مەكتەپ قوينۇنا قايتىپ كەلدى، جەر- جەرلەردەكى ار قايسى مەكتەپتەر جۇعۇشتۇۇ وورۇنۇن الدىن الىپ تىزگىندۅۅ جانا وقۇۇ، وقۇتۇۇنۇن ار تۉردۉۉ مىلدەتىن جالپىلاي جۉزۅلۅشتۉرۉپ، وقۇۇ باشتاپ ساباقتى قالبىنا كەلتىرۉۉنۉن قووپسۇز، تارتىپتۉۉ بولۇۇسۇنا، وقۇۇتۇچۇ- وقۇۇچۇلاردىن دەن سوولۇعۇنا چىنىعى كەپەلەتتىك قىلدى.

مەكتەپتەردىن قووپسۇزدۇعۇن قامتاماتسىزداندىرۇۇ ۉچۉن، جەر- جەرلەردىن سالاماتتىقتى ساقتوو دەن سولۇق كومىتەتى، اعارتۇۇ سىياقتۇۇ تارماقتار ار قايسى مەكتەپتەردىن ماسكە، دەنە تەمپەراتۇراسىن ۅلچۅۅ اسپابى، دىزەنفەكسىيا سۇيۇقتۇعۇ سىياقتۇۇ جۇعۇشتۇۇ وورۇنۇن الدىن الۇۇ زاتتىق ماتىرىيالدار اجاتىن تۅپ ىرەتتەپ جانا ىيگەرىپ، الدىن الىپ قورعونۇۇ زاتتىق ماتىرىيالدارىن سەپتەپ زاپاسقا قويۇۇنۇ مىقتۇۇ ىشتەپ، وقۇتۇۇچۇ- وقۇۇچۇلاردىن الدىن الىپ قورعونۇۇ اجاتىن قامتاماتسىزداندىردى. قومۇل سىفان مەكتەبى پارتكومۇنۇن مۉچۅسۉ، ورۇن باسار مەكتەپ باشچىسى چىن لئچئن مىنداي دەدى:« بئز مەكتەپ چۅيرۅ تازالىعىن جۅنگۅ سالۇۇدان جۇعۇشتۇۇ وورۇنۇن الدىن الۇۇ زاتتىق ماتىرىيالدار زاپاسىنا چەيىن قۇنت قويۇپ داياردىق كۅردۉك، ۇچۇردا بئزدىن تازالىق، دىزەنفەكسىيالوودوعۇ زاتتىق ماتىرىيالدارىبىز تولۇق، جارىم ايعا جەتەت، جارىم ايدان كىيىن بئز جاڭىدان تولۇقتايبىز».

قورعوس شاارى يئچىگاشان شىبە ايىلدىق بوربوردۇق مەكتەپ ارقا ساپ ئشقاناسىنىن مۇدۇرۇ چاۋ ۋانيئى مىنداي دەدى: «84 دىزەنفەكسىيالوو سۇيۇقتۇعۇ، ماسكە، ىسپىرت، الدىن الىپ قورعونۇۇ كىيىمى سىياقتۇۇ زاتتىق ماتىرىيالدار بئر قىيلا جەتەرلۉۉ، وقۇۇچۇلارعا، وقۇۇتۇچۇلارعا بئر قىيىلا جەتەرلۉۉ ماسكە سەپتەپ بەردىك، ار قايسى جىلدىقتاردا دەنە تەمپەراتۇراسىن ۅلچۅۅ اسپابى بار، دەنە تەمپەراتۇراسىن ماالىندا ۅلچۅپ تۇرات».

جەر- جەرلەردەگى ار قايسى مەكتەپتەر وقۇۇتۇچۇ- وقۇۇچۇلاردىن سالاماتتىق ابالىن تۅپ ىيگەرىپ، مەكتەپكە كىرىپ-چىعۇۇنۇ باشقارۇۇنۇ قاتااڭ كۉچۅتۉپ، ۉي- بۉلۅ، مەكتەپ بىرگەلەشىپ، وقۇۇچۇلاردىن الدىن الىپ قورعونۇۇ قىزماتىن چوعۇۇ جاقشى ىشتەدى. تۇرپان شااردىق اعارتۇۇ مەكەمەسى پارتىگۇرۇپپاسىنىن شۇجئسى چىن جئن مىنداي دەدى:«مەكتەپكە كەلگەن وقۇۇتۇچۇ- وقۇۇچۇلاردىن باردىعىنا سالاماتتىق ەستەلىگىن تۇرعۇزۇپ، ئرى- ساندۇۇ ماالىماتتى تەكشەردىك ارى جۅن بىلىك ايرىمالاندىرۇۇ كارتاسىن جاساپ، چەچكىن تۉردۅ بايلانىشسىز كىشىلەردى مەكتەپكە مۉلدۅ كىرگىزبەدىك؛ دەنە تەمپەراتۇراسىن ۅلچۅۅ، ساباققا بارۇۇ، قايتۇۇ، تاماقتانۇۇ، جاتاقتا جاتۇۇ سىياقتۇۇ ار قايسى القالاردى باشقارۇۇنۇ قىلداتتاشتىردىق، بۉت شاارداعى اعارتۇۇ قىزماتكەرلەرىنە قاراتا جۇعۇشتۇۇ وورۇنۇن الدىن الىپ تىزگىندۅۅ بىلىمدەر تاربئياسىن الىپ بارىپ، مەكتەپتە جۇعۇشتۇۇ وورۇ بولبوستۇقتۇ چەچكىندۉۉ ىشكە اشىردىق».

جىڭ ووداندىق 2- ورتو مەكتەپتىن دوقتۇرۇ حان لئى مىنداي دەدى:«بۉتكۉل وقۇۇتۇچۇ- وقۇۇچۇلارعا 7 باسقىچتۇۇ قول جۇۇش جانا ماسكەنى تۇۇرا تاعىنۇۇ ارعاسىن، وشوندوي ەلە دەنە تەمپەراتۇراسىن ۅلچۅۅ اسپابىن ىشتەتۉۉ ارعاسىن ۉيرۅتۉپ، وقۇۇتۇچۇ- وقۇۇچۇلاردى تازا، سوو، قووپسۇز چۅيرۅدۅ قىزمات جانا ۉيرۅنۉۉ مۉمكۉندۉگۉنۅ ەە قىلدىق.»

وقۇۇ باشتاعاندان كىيىن ار قايسى مەكتەپتەر ار قايسى جىلدىقتاعى وقۇۇتۇچۇ- وقۇۇچۇلاردى وقشوبوعون ۇباقىتتا مەكتەپكە كەلۉۉ، ۇباقىتقا بۅلۉپ تاماقتانۇۇعا ئلمىي ورۇنداشتىرىپ، جاتاقتى ىلايىقتاشتىرىپ، وقشوبوعون ۇباقىتتا سىرتقى قىيمىلداردى قۇلاچ جايىلتىپ، توپتوشۇپ چوعۇلۇۇنۇن الدىن الدى. ۉرۉمچۉ شااردىق جوعورۇ داراجالۇۇ ورتو مەكتەپ تولۇق 1- جىلدىقتاردىن پارتئيا ياچايكا شۇجئسى لىيۇ جۉن مىنداي دەدى: «تولۇق ورتو 1- جىلدىق، 2- جىلدىق، 3- جىلدىق وقۇۇچۇلارى وقشوبوعون ۇباقىتتا مەكتەپكە كەلەت، وقۇۇچۇلار تاماقتانۇۇ تالابى بويۇنچا بئر باعىتتا ولتۇرۇپ تاماقتانىپ، بەلگىلۉۉ ارالىقتى ساقتايت، بئز باردىق قىزماتچى- جۇمۇشچۇلارعا تاربئيالوو الىپ بارىپ، ۇشۇنداي جووپكەرچىلىك سەزىمىن ىيىنە جەتكىرە جۉزۅلۅشتۉردۉك».

ۉرۉمچۉ شااردىق 53- باشتالعىچ مەكتەپ وقشوبوعون ۇباقىتتا تاماقتانۇۇ جانا مەكتەپ جەتەكچىلەرى تاماقتا چوعۇۇ بولۇۇ تۉزۉمۉن جولعو قويدۇ. مەكتەپ پارتئيا ياچەيكاسىنىن شۇجئسى دۇ حوڭفاڭ مىنداي دەدى: «بئزدىن ساتىپ الۇۇ قىزماتكەرلەرىبىزدىن دەن سوولۇق كۉبۅلۉگۉ بار، مەكتەپكە كىرۉۉدۅن مۇردا دەنە تەمپەراتۇراسىن ۅلچۅتۉپ، اۋتو ۇناالاردى تىزىمدەتىپ، دىزەنفەكسىيالايبىز، ال ەمى اشقانانى ار كۉنۉ دىزەنفەكسىيالايبىز، بئر كەلكى تاراتقان تاماق چىنىسىن تاماقتان مۇردا، كىيىن ەكى ىرەت جوعورۇ تەمپەراتۇرالۇۇ دىزەنفەكسىيالوو ساندىعىندا دىزەنفەكسىيالاپ، بالداردىن تاماقتانۇۇسۇنۇن تازا، سوو بولۇۇسۇنا كەپەلەتتىك قىلابىز، تاماقتانۇۇدا وقشوبوعون ۇباقىتتا جوعورۇ بەلەسكە تۇۇرا كەلتىربۅۅ ىقماسىن قولدونۇپ، كىلاس مۇدۇرلارى مۇعالىمدەر بالدار مەنەن تاماقتانۇۇدا سۅزسۉز چوعۇۇ بولسو، جەتەكچىلەر، ورتو داراجالۇۇ كادىرلار اندا ساندا تاماقتا چوعۇۇ بولوت».

سانجى شااردىق 5- ورتو مەكتەبى وقۇۇتۇ ئماراتىنىن ار بئر قاباتىنا كارىدوردو مۇعالىمدەردى تارتئپتى ساقتووعو ورۇنداشتىردى. مۇعالىم جاڭ چۇنشئى مىنداي دەدى:« وقۇۇچۇلار ساباقتان تۉشكۅندۅن كىيىن كارىدوردو ئزۇۇ-چۇۇ قىلۇۇسۇنا، توپتووشۇۇسۇنا قاتااڭ تىيىم سالىپ، وقۇۇچۇلاردىن ماسكە تارتۇۇسۇن كۅزۅمۅلدۅپ ايداقتاپ، كۅز اسىروو گىمناستىكاسىنىن الدى- ارتىندا قول جۇۇشقا بۇيرۇدۇق».

جەر- جەرلەردەگى ار قايسى مەكتەپتەر جەلەلەش قاتااڭ ئش- چارا، قاتااڭ باشقارۇۇ ارقىلۇۇ وقۇۇچۇلاردىن قادىرجام ۉيرۅنۉۉسۉنۅ سوو، قووپسۇز چۅيرۅ جاراتىپ بەردى، جەركەن ووداندىق 1- ورتو مەكتەپ تولۇق 2- جىلدىق وقۇۇچۇسۇ مۇزاپپەر مامەت مىنداي دەدى: «مەكتەپتە باردىعىبىز ماسكە تاعىنىپ، ايرىم پارتادا ولتۇرۇپ ساباق ۇقتۇق، مەكتەپ ار بئر كىلاستى دىزەنفەكسىيالادى، تاماق چىنىسىن ۅزۉبۉز الىپ باردىق، باردىعى جاقشى».

بىڭتۇان 8- شئسى 121- تۇان 1- باشتالعىچ مەكتەپتىن وقۇۇچۇسۇ چاي ياجە مىنداي دەدى: «مەكتەپ بۇل جولقۇ جۇعۇشتۇۇ وورۇنۇن الدىن الىپ تىزگىندۅۅنۉ قاتااڭ الىپ باردى، بۇل جەردە ابدان قادىرجام وقۇپ جاتابىز، بئز دا ىشتىكتۉۉلۉك مەنەن مەكتەپتىن باردىق ەرەجە- تۉزۉمۉنۅ شايكەشىپ، ۅزۉبۉزدۉ جانا ساباقتاشتارىبىزدىن قووپسۇزدۇعۇن جاقشى قورعوپ جاتابىز».

〖2020.03.25-11:59〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز