بورتالاا موڭعۇل اپتونوم وبىلاسى 39 تۉرگۅ چوردوندۇۇ جۇمۇش باشتاپ قالپىنا كەلتىردى

2020-03-25 10:59

3- ايدىن 21- كۉنۉ، بورتالاا موڭعۇل اپتونوم وبىلاسى 2020- جىلدىق تۇنعۇچ تۉركۉمدۅكۉ جاڭىدان سالىنۇۇچۇ جانا ۇلاندۇۇ سالۇۇچۇ 39 تۉرگۅ چوردوندۇۇ جۇمۇش باشتاپ قالپىنا كەلتىردى، بۇلار قاتتوو، شاار اكىمچىلىگى، نەگىزكى جابدۇۇ، سۇۇ ىشتەرى قۇرۇلۇشۇ، ەكولوگىيالىق چۅيرۅ قورعوو قاتارلۇۇ جاقتارعا چاتىشتۇۇ بولۇپ، جالپى 3 مئلليارت 485 مئللىيون قارجى سالىنعان. بورتالاا وبىلاستىق رادىيو-تەلەۋىزىيا ىستانسىياسىنىن قابارچىسى گو جىرۇنۇن قابارى:

وشول كۉنۉ، بورتالاا شاارىنىن شاار، ايىلدى سۇۇ مەنەن قامدوو داراجاسىن جوعورۇلاتۇۇ، ۅزگۅرتۉۉ ساپاتىن جوعورۇلاتىپ بەرەكەتىن اشىرۇۇ قۇرۇلۇشۇ، جىڭ ووداندىق ەل دوقتۇرقاناسىن كۅچۉرۉپ سالۇۇ وورۇ مۉنۅزدۅۅ ۇنۇۋەرسال ئمارات قۇرۇلۇشۇ، اراشان وودانى چاعانتۇنكە ايىلىنىن 2020- جىلدىق كەپەلۉۉ رايوندوردۇ ۅزگۅرتۉۉ، شئنجاڭ حۇاتوڭ جاڭى جىبەك جولۇ چۅيرۅ قورعوو ئلىم-تەحنىكا چەكتۉۉ شەرىكتىگىنىن جىلدىق ۅندۉرۉشۉ 150 مئڭ توننالىق ۇنعا ئش قوشۇۇ قاتارلۇۇ 39 تۉرگۅ چوردوندۇۇ جۇمۇش باشتاپ قالپىنا كەلتىردى.

جىڭ ووداندىق ەل دوقتۇرقاناسى شئنجاڭ بويۇنچا تۇنعۇچ تۉركۉمدۅكۉ وودان داراجالۇۇ ۅكۉمۅتتۉك دوقتۇرقانالاردى تۉيۉندۅ سىناق قىلۇۇ دوقتۇرقاناسى بولۇپ، ار ۇلۇت قالقىنىن وورۇ كۅرسۅتۉۉ، دارىلانۇۇ اجاتىن قانااتتاندىرۇۇ ۉچۉن، 2019- جىلى 7- ايدا جەرگىلىك وورۇ مۉنۅزدۅۅ ۇنۇۋەرسال ئماراتىن كۅچۉرۉۉ قۇرۇلۇش تۉرۉن باشتاعان. تۉر قۇرۇلۇشۇنۇن كۅزۅمۅلدۅۅچۉسۉ جاۋ جىڭجوڭ قابارچىعا مىنداي دەدى: «بىزگە جاشىل جول اچىپ بەردى، جۇمۇشچۇلار قىزمات وردۇنا ماالىندا كەلىپ، ماتەرىيالدار داعى ماالىندا، تۉيۉن بويۇنچا قۇرۇلۇش ورۇندارىنا جەتتى، 100 توننا بولوت چىبىقتى زاپاس دايىندادىق، بااردىق بولوت قۇۇر، تاقتاي، جىعاچتاردى 3 مئڭ چارچى مەتىردەن اشقىداي زاپاس دايىندادىق، بۇلار بئزدىن قۇرۇلۇش الىپ بارۇۇ اجاتىبىزدى تولۇق قانااتتاندىرات.»

جاڭىدان سالىنۇۇچۇ جانا ۇلاندۇۇ سالىنىچۇۇ تۉرلۅردۉ قالىبىنا كەلتىرۉۉ جانا جۇمۇش باشتاعاندان كىيىنكى قۇرۇلۇشتۇن ىلگەرىلۅۅسۉنۅ چىنىعى كەپەلەتتىك قىلۇۇ ۉچۉن، بورتالاا موڭعۇل اپتونوم وبىلاسىندا ار قايسى وودان، شاارلار قىزمات اتايى بانىن قۇرۇپ، «اپتالىق جىيىن، ايلىق ورۇنداشتىرۇۇ، مەزگىلدىك انالئز»دەن تۇرعان قىزمات مەحانىزىمىن تۇرعۇزۇپ، تۉر قارجىسىن شايكەشتىرۉۉ، جۇعۇشتۇۇ وورۇنۇن الدىن الۇۇ ارتىنا تۉشۉۉ، جۇمۇشچۇلار قىزماتقا چىعۇۇ قاتارلۇۇ قامتاماسىزداندىرۇۇ چاارالارىن ىشتىكتۉۉ جۉزۅۅلۅشتۉرۉپ، قارجى سالۇۇنۇ ىلگەرى سۉرۉۉ، تۇرۇقتۇۇ ارتۇۇنۇن ار قايسى نئشاان مىلدەتتەرىن باارى كۉچۉ مەنەن اتقاردى. بورتالاا شاارىنىن ورۇن باسار باشچىسى لئيۇ چىياڭ مىنداي دەدى: «بئز ۅز ۅزۉبۉزگۅ باسىم تۉشۉرۉپ، باتىل ۉستۉبۉزگۅ الىپ، بئر قولدو جۇعۇشتۇۇ وورۇنۇن الدىن الىپ تىزگىندۅۅنۉ بەكەم قارماپ، بئر قولدو تۉر قۇرۇلۇشتارىن بەكەم قارماپ، جۇعۇشتۇۇ وورۇ پايدا قىلعان تااسئردى ەڭ زور داراجادا ەڭ تۅمۅنكۉ چەككە تۉشۉرۉپ، ارقاعا سۉرۉلگۅن ىلگەرىلۅۅ تەزدىگىن قايتارىپ كەلەبىز.»

ەەلۅگۅ قاراعاندا، بىيىل بورتالاا موڭعۇل اپتونوم وبىلاسى جاڭىدان سالىنۇۇچۇ جانا ۇلاندۇۇ سالۇۇچۇ تۉردۅن جالپى 273 تۉ ورۇنداشتىرعان بولۇپ، جىل ىچىندە 11 مئلليارت 650 مئللىيون يۇان قارجى سالۇۇ پئلااندالعان.

 

〖2020.03.25-10:59〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز