جاڭىچا تااجى سىمال ۋئرۇس ۅپكۅ سەزگەنىچىنە بايلانىشتۇۇ ماالىماتتار جانا الدىن الۇۇ، تىزگىندۅۅ بىلىمدەرى

2020-02-12 16:21

 «دەن-سوولۇق زور بايلىق » بەرۉۉبۉزدۅ، «جاڭىچا تااجى سىمال ۋئرۇس ۅپكۅ سەزگەنىچى» جۇعۇشتۇۇ وورۇ ابالىنا نازار سالىپ، «قايراتبىزدان سەپىل سالىپ، جۇعۇشتۇۇ وورۇنۇن الدىن الۇۇ، تىزگىندۅۅ، توسۇۇ، سوققۇ ۇرۇۇ سالعىلاشۇۇسۇندا جەڭىشكە جەتەلى» تۉرمۅگۉبۉزدۅ، جاڭىچا تااجى سىمال ۋئرۇس ۅپكۅ سەزگەنىچىنە بايلانىشتۇۇ ماالىماتتار جانا الدىن الۇۇ، تىزگىندۅۅ بىلىمدەرى نازارىڭىزداردا بولوت.

  2-ايدىن 11-كۉنۉ، گوۋۇيۇان جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنا بىرلەشىپ الدىن الۇۇ، بىرلەشىپ تىزگىندۅۅ مەحانىزىمى بويۇنچا جۇعۇشتۇۇ وورۇ ابالىن ئلمىي جول مەنەن الدىن الىپ تىزگىندۅۅنۉ چىنعى كۉچۅتۉپ، كەرحانالاردىن قىزماتتى، ۅندۉرۉشتۉ قالبىنا كەلتىرۉۉ قىزماتىن تارتىپتۉۉ ويدوقۇداي جاقشى ىشتۅۅ جۅنۉندۅ اقبارات جارىيالوو جىينالىشىن اچتى. ماملەكەتتىك ۅنۉكتۉرۉۉ جانا ىسلاات كومىتەتى پارتگۇرۇپپاسىنىن مۉچۅسۉ، باش قاتچىسى سوڭ لىياڭ جىينالىشتا تاانىشتىرىپ مىنداي دەدى: 

  ازىر، بۉت ماملەكەت ابالىنان قاراعاندا، حۇبىيدەن باشقا ۅلكۅ (اپتونوم رايون، شاار)لار سەكىندەپ قايرادان قىزماتتى، ۅندۉرۉشتۉ قالبىنا كەلتىرىپ ايرىقچا، زارىل ەمدۅۅ زاتتىق ماتىرىيالدارى، ەنەرگىيا، اشتىق، قاتتوو، زات وبوروتۇ سىياقتۇۇ تۉيۉندۉۉ سالاالارداعى كەرحانالار قۇيرۇق ۇلاش جۇمۇش باشتادى. 2-ايدىن 10-كۉنۉ، ماسكە ۅندۉرۉۉچۉ كەرحانالاردىن قىزماتتى قالبىنا كەلتىرۉۉ مۅلچۅرۉ %76 دان اشتى، قورعونۇۇ كىيىمىن ۅندۉرۉۉچۉ كەرحانالاردىن قىزماتتى قالبىنا كەلتىرۉۉ مۅلچۅرۉ %77 بولدۇ، ماملەكەتتىك تۉيۉندۉۉ كۉزۅتۉپ ۅلچۅيتۇرعان اشتىق ۅندۉرۉۉ، ئش قوشۇپ ىشتۅۅ كەرحانالارىنىن قىزماتتى قالبىنا كەلتىرۉۉ مۅلچۅرۉ %94.6 ، كۅمۉر كەندەردىن ۅندۉرۉشتۉ قالبىنا كەلتىرۉۉ مۅلچۅرۉ %57.8، ەلەكتىر قۇرباتى، تابىعىي گاز جانا دايار ماي مەنەن قامدالۇۇسۇ جەتەرلۉۉ بولۇپ، ەل ابا جولدورۇ، تەمىر جول، سۇۇ تاشمالى تورۇ قالىپتۇۇ جۇمۇش جۉرگۉزدۉ. بئروق قىزماتتى، ۅندۉرۉشتۉ قالبىنا كەلتىرۉۉنۉ ىلگەرلەتۉۉدۅ داعى ەلە قايتىپ كەلىپ جۇمۇشقا تۉشكۅن قىزماتكەرلەردىن جەتىشبەستىگى، كەەبىر جەرلەردە جۇمۇش باشتووعو چەك قويۇۇ، ماسكە سىياقتۇۇ جۇعۇشتۇ وورۇدان ساقتانۇۇ بۇيۇمدارى وور داراجادا تارتىش بولۇۇسۇ، كەسىپ جەلەسىنىن جوعورۇ تۅمۅن اعىنى شايكەشبۅۅ، قاتتوو، توۋار وبوروتۇ شىدىر بولبوو، وشوندوي ەلە قارجى باسىمىنىن وور بولۇۇسۇ سىياقتۇۇ ماسەلەلەرگە تۇش كەلۉۉدۅ. 

سوڭ لىياڭ تاانىشتىرىپ مىنداي دەدى: 2-ايدىن 8-كۉنۉ، گوۋۇيۇان بىرلەشىپ الدىن الىپ، بىرلەشىپ تىزگىندۅۅ مەحانىزىمى قۇلاقتاندىرۇۇ باسىپ تاراتىپ، جۇعۇشتۇۇ وورۇ ابالىنان ئلمىي الدىن الىپ-تىزگىندۅۅنۉ چىنعى كۉچۅتۉپ، كەرحانالاردىن قىزماتىن، ۅندۉرۉشۉن قالبىنا كەلتىرۉۉ قىزماتىن تارتىپتۉۉ، ويدوقۇداي ىشتۅۅ جۅنۉندۅ ورۇنداشتىرۇۇ الىپ باردى. كىيىنكى ارىمدا ماملەكەتتىك ۅنۉكتۉرۉۉ جانا ىسلاات كومىتەتى بايلانىشتۇۇ تارماقتار مەنەن بىرگە وقشوبوعون جەرلەردىن وورۇ ابالىن ايىرىمالاندىرىپ، جۇعۇشتۇۇ وورۇدان ئلمىي الدىن الىپ تىزگىندۅۅنۉ توقتوسۇز كۉچۅتۉۉ مەنەن بىرگە، كەرحانالاردىن قىيىنچىلعى مەنەن ماسەلەسىن ماالىندا شايكەشتىرىپ چەچىپ، كەرحانالاردىن قىزماتىن، ۅندۉرۉشۉن قالبىنا كەلتىرۉۉسۉن تارتئپ مەنەن ىلگەرلەتىپ، قالىپتۇۇ ۅندۉرۉشۉن ەرتەرەەك قالبىنا كەلتىرەت. 

  بئرىنچى، جۇمۇش وردۇنا قايتا تۇرعانداردى توپقو، وقشوبوعون ۇباقىتقا بۅلۉپ قايتارۇۇنۇ تارتئپ مەنەن ىلگەرلەتۉۉ. ماملەكەت جوسبورۇ مەنەن ەل تۇرمۇشۇنا بايلانىشتۇۇ زارىل سالاا داروو قىزماتتى، ۅندۉرۉشتۉ قالبىنا كەلتىرەت، تۉيۉندۉۉ، چوڭ تۉرلۅردۅ ماالىندا جۇمۇش وردۇنا قايتۇۇنۇ ئش جۉزۉنۅ اشىرىپ، ەرتەرەەك جۇمۇش باشتووسۇ كەرەك، شارت-جاعدايى دايىن بولبوعون باشقا كەرحانالار ۇباقتىنچا جۇمۇش باشتاباسا دا بولوت، جۇعۇم كۅپ كۅرۉلگۅن رايون مەنەن چۇقۇل ەمەس قىزمات ورۇندارىنىن قىزمات وردۇنا قايتۇۇ ۇباقتىن ۇزارتۇۇعا بولوت. 

ەكىنچى،قاتتوو-تاشمالدى ۇيۇمدۇق جاقتان قامتاماسىزداندىرۇۇنۇ بار كۉچ مەنەن ويدوقۇداي ىشتەلەت. پويۇز، ۇچاققا ارالىق ساقتاپ ولتۇرۇۇ سىياقتۇۇ ارعالاردى قولدونۇپ، ابا الماشتىرۇۇ، دىزەنفەكسىيالوو، دەنە تەمپىراتۇراسىن ۅلچۅۅ سىياقتۇۇ كەرەكتۉۉ ارعالاردى قولدونوت. تاشمال ىشتەرىن ۇيۇمداشتىرۇۇنۇ كۉچۅتۉپ، وقشوبوعون ۇباقىتقا بۅلۉپ قايتارات.

ۉچۉنچۉدۅن، نۇكلەين كىسلوتاسىن تەكشەرۉۉ سىياقتۇۇ تەز تەكشەرۉۉ قۇرباتى داراجاعا، تۉرگۅ بۅلۉنۉپ داراجاسىن ارتتىرات. كەمەلدۉۉ يادىر كىسلوتاسىن تەكشەرۉۉ سىياقتۇۇ ئلىم-تەحنىكالىق ارعالاردان ويدوقۇداي پايدالانىپ، قووپسۇزدۇققا چىنعى كەپىلدىك قىلۇۇ شارتىندا، مەدەتسىينالىق كۉزۅتۉۉنۉ قابىلدوو جانا ۉيدۅ ايرىپ قويۇۇچۇلاردىن كۉزۅتۉۉ ۇباقتى ئلمىي بەلگىلۅۅ كەرەك. 

تۅرتۉنچۉ، تۉيۉندۉۉ كىشلەردى ايرىپ قويۇۇ مەنەن نووقاستى قابىلداپ ەمدۅۅ كۉچۅتۉلۅت. قىزمات وردۇنا قايتىپ كەلگەندەر ۅزۉنۉن ساپار ۇچۇرۇ مەنەن سالاماتتىق ابالىن داروو مالىمدوو، كەرحانالار، قوومدۇق قونۇشقا ايرىم-ايرىم جەكە سالاماتتىق ارحىبىن تۇرعۇزۇۇ كەرەك. وورۇ بەلگىسىنەن گۉمۅندۅنگۅندۅ، وشول جەردىن ۅزۉندۅ ايرىپ، ماالىندا وورۇ مۉنۅزدۅگۅ جىبەرۉۉسۉ كەرەك.

بەشىنچى، كەرحانالاردىن ار قايسى تۉردۅگۉ جۇعۇشتۇۇ وورۇدان ساقتانۇۇ تالاپتارىن استايدىل جۉزۅلۅشتۉرۉگۅ جەتەكچىلىك قىلات. جوعورۇ تولقۇن بولبوعون كەزدە جۇمۇشقا چىعۇۇ، ىيكەمدۉۉ قىزمات تۉزۉمۉ، مايانالۇۇ ەس الۇۇنۇ تەڭشۅۅ سىياقتۇۇ كۅپ تۉردۉ ارعالار ارقىلۇۇ كۉندۅلۉك تازالىق، دىزەنفەكسىيالوو، ابا الماشتىرۇۇ، دەنە تەمپىراتۇراسىن ۅلچۅۅ تۉزۉمۉن ورنوتۇپ جانا كەمەلدەندىرىپ، وقشوبوعون ۇباقىتقا بۅلۉپ، ورۇن قالتىرىپ ولتۇرۇپ تاماقتاندىرۇۇ جە بولبوسو قۇتۇعا سالىنعان تاماق جەتكىرىپ تاماقتانۇۇ كەرەك. 

التىنچى، بۉت كەسىپ چىنجىرىن شايكەشتۉۉ جۉرۉشتۉرۉسۉن ىلگەرلەتۉۉ. تۉيۉندۉۉ كەرحانالاردىن جىبەرىلگەن بايلانىش جاسووچۇلار تۉزۉمۉن ورنوتۇپ، كۅمۉر، ەلەكتىر، نەفىت، تابىعىي گاز مەنەن قامدوونۇ قامتاماسىزداندىرۇۇ جوسبورۇن تۉزۉپ، جۇعۇشتۇۇ وورۇدان ساقتانۇۇ بۇيۇمدارى، العىلىقتۇۇ چىيكى زات ماتىرىيالدارى، زارىل ۅندۉرۉش جابدۇۇلارى جانا مايدا تەتىكتەر، ازىق-تۉلۉك سىياقتۇۇ تۇرمۇشتۇق كەرەكتۉۉ بۇيۇمداردى چۇقۇل ابالعا تەڭتايلاش تۇرۇۇ بويۇنچا تاشمالدوونۇ قامسىزدوو كۅۅلۅمگۅ كىرگىزىلىپ، بايلانىشتۇۇ تاشمال ماشئنالارىن تەكشەربەستىك، توقتوتبوستۇق، اقى الباستىعى كەرەك. 

جەتىنچى، قووپسۇز ۅندۉرۉش مەنەن قووم تۇرۇقتۇلۇعۇن جالپى بەتكەي بەكەم قارموو كەرەك. وڭوي ۅرت كەتە تۇرعان، وڭوي جارىلا تۇرعان، ۇۇلۇۇ، زىياندۇۇ جۇمۇش ورۇندارىن كۉزۅتۉۉ، قورعوو كۉچۅتۉلۉپ، جۇعۇشتۇۇ وورۇدان ساقتانۇۇ بۇيۇمدارى، قامپادا ساقتوو، زات جەتكىرۉۉ، تاشمالدوو سىياقتۇۇ تۉيۉندۉ كەرحانالاردىن وور قووپسۇزدۇق، جاشىرىن قووبۇن تەكشەرۉۉنۉ تۉيۉندۉۉ جاقشى ىشتۅۅ كەرەك. 

سەگىزىنچى، جالپىلىق تەيلۅۅ جۉرگۉزۉنۉ قامتاماسىزداندىرۇۇ جۅندۅمۉن كۉچ سالاا جوعورۇلاتۇۇ. كەرحانالار دىزەنفەكسىيالوو سۇيۇقتۇعۇ، دەنە تەمپىراتۇراسىن ۅلچۅۅچۉ شايمانى سياقتۇۇ زاتتاردى دايىنداپ، جۇمۇشچۇ-قىزماتچىلاردىن ماسكە سىياقتۇۇ قورعونۇۇ بۇيۇمدارىن تاراتىپ بەرۉۉ كەرەك. ەس الباي ىشتەگەن ەمگەك اقىنى بايلانىشتۇۇ ساياسات بويۇنچا كەپەلەتتەندىرىپ جانا جۉزۅلۅشتۉرۉپ، جىرعالچىلىق مامىلەسىن ماالىندا تاراتۇۇ كەرەك. بايلانىشتۇۇ رايوندوردۇن جەكە اۋتوۇناسىنىن اقىرقى نومۇرۇ بويۇنچا قاتتووسۇن چەكتۅۅ ساياساتىن اتقارۇۇنۇ ۇباقتىنچا توقتوتۇۇعا بولوت. 

توعۇزۇنچۇ، كەرحانالار مەنەن قاراشتۇۇ جەرلەردەكى ۅكۉمۅتتۅردۉن جووپكەرچىلىگىن كۉچۅتۉۉ كەرەك. جەر-جەرلەر قىزمات مەحانىزىمىن قۇرۇپ جانا كەمەلدەندىرىپ، چوعۇۇ قورعونۇۇ، چوعۇۇ تىزگىندۅۅسۉن جۉزۅلۅشتۉرۉپ، قىزماتتى، ۅندۉرۉشتۉ قالبىنا كەلتىرۉۉنۉ ازىرقى زارىل مىلدەتى قىلۇۇ كەرەك. 


〖2020.02.12-16:21〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز