جانىنان كەچىپ باشقالاردى قۇتقارعان، قووپتون قۇتقارۇۇ بااتىرى ـــ جىڭ جوڭحۇا

2020-02-11 12:22

  2- ايدىن 11- كۉنۉ، جانىنان كەچىپ باشقالاردى قۇتقارعان، قووپتون قۇتقارۇۇ بااتىرى ـــ جىڭ جوڭحۇانىن ئش-ىزدەرىن تاانىشتىرابىز. 

 جىڭ جوڭحۇا، مۇرداعى فۇجىيان ۅلكۅسۉ سانمئڭ شاارى جىياڭلى ووداندىق ۅرت ۅچۉرۉۉ ۅرتتۅن ساقتانۇۇ چوڭ اتىرەتى 1- ورتو اتىرەتى 1- بانىنىن بانجاڭى بولعون. ارمئياعا كىرگەن 5 جىلدا، ال ىلگەرى 3- داراجالۇۇ ەمگەك سڭىرىپ، چىعاان اسكەر دەپ باالانىپ، كۅپ جولۇ ارمئيانىن تۉردۉۉ سىيلىقتارىنا ەە بولعون. 

  2004- جىلى 7- ايدىن 7- كۉنۉ، سىزىل نۅشۅردۉن چابۇۇلۇنا ۇچۇراعان جىياڭلى وودانىندا سەل كۉچۅگۅن. تۉشكۅ جۇۇق، ۋان-ان شاارچاسىنىن 6 تۇرعۇنۇ قۇم باسقان كەمەنى سەل اعىزىپ كەتبەسىن دەپ، نۅشۅرگۅ قاراباي كەمەنى بەكەم بايلاپ قويوت. سەل ۅركۅچتۅپ كەلەت، 6 كىشى قاچقانعا ۉلگۉربۅي، سەلدىن ورتوسۇنداعى بئر قۇم دۅبۅسۉنۅ قامالىپ قالىپ، تەزدىك مەنەن ۇلۇۇلاعان سەل سۇۇسۇ ار ۇباقىت الاردىن جانىن الۇۇسۇ مۉمكۉن ەلە.

 جىياڭلى ووداندىق ۅرت ۅچۉرۉۉ ۅرتتۅن ساقتانۇۇ چوڭ اتىرەتىنىن وفىتسەر-جووكەرلەرى ناق مايدانعا تەزدەن جەتىپ بارىپ، قول باشچىسى ماتورلۇۇ قايىق مەنەن دارىيادان ۅتۉپ ادام قۇتقارۇۇ چەچىمىن چىعارعاندا، جىڭ جوڭحۇا بئرىنچى بولۇپ قايىققا چىعات. بئروق، قامالىپ قالعان كىشىلەردى سالعان قايىق قايتاارىندا ماتورۇ قوقۇس ۅچۉپ قالىپ، تىزگىنىن جوعوتۇپ، تەزدىك مەنەن ىلدىيدى قاراي اعات. جىڭ جوڭحۇا قامىش باقان مەنەن جەەكتەكى كىچىك داراقتىن سۅڭگۅگۉنۅ كۉچۉنۉن باارىنچا ىلمەشتىرىپ، 6 قىشتاق تۇرعۇنۇنۇن قايىقتان سەكىرۉۉسۉنۅ قول باشچىلىق قىلىپ جانا جاردام بەرىپ، جەەككە چىعارىپ قووپتون جەڭىشتۉۉ قۇتقارات. قوقۇس، كىچىك داراق تۉبۉنۅن سىنىپ، جىڭ جوڭحۇا سۇۇعا سەكىرگەندەن كىيىن، كۉچۉنۉن باارىنچا جەەككە قاراي سۉزۉپ، باقىتقا قارشى سەلدىن ۅركۅچۉ مەنەن چوڭ توسمونۇن استىنا كىرىپ كەتىپ، 23 جاشىندا بااتىرلارچا قۇرمان بولعون. 

  2004- جىلى 11- ايدا، گوۋۇيۇان، بوربوردۇق اسكەرى كومىتەتى جىڭ جوڭحۇاعا «قووپتون قۇتقارۇۇ بااتىرى» دەگەن ارداق ناامدى ىيعارعان. 

〖2020.02.11-12:22〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز