سايماچى جىگىت شىبىر سۅزدۅ بۇيرۇتما قابىلداپ، سايماچى قىز ۉيۉندۅ كىرەشەنى ارتتىرۇۇ مەنەن شاشىلىش

2020-02-11 12:16

 قومۇل ىستانسىياسىنىن قابارچىسى جاڭ يالان، رىن لئى-يوڭدۇن «سايماچى جىگىت شىبىر سۅزدۅ بۇيرۇتما قابىلداپ، سايماچى قىز ۉيۉندۅ كىرەشەنى ارتتىرۇۇ مەنەن شاشىلىش» دەگەن قابارى: 

«سالاماتىسزبى، الدىنقى جولقۇ چىعارمانىن اقى، 2700 يۇاندى سىزگە قىزىل تۉيۉنچۅك قىلىپ جىبەردىم .... » جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، قومۇلدۇن جۅرۅلگۅلۉۉ قول ۅنۅر قىزمات ۅنۅرقاناسى، سانشئى چاتقال مادانئيات تاراتۇۇ مەدىياسى شەرىكتىگىنىن باشقى دولبوورلووچۇسۇ، «سايماچى جىگىت» قادىر راحمان ار كۉنۉ سايماچى قىزدار مەنەن ۋئدىيودو سۉيلۅشۉپ، سايماچى قىزداردى ار تۉردۉۉ جۇعۇشتۇۇ ورۇنۇن الدىن الۇۇ قىزمات چارالارىنا شايكەشىپ كۅپ چوعۇلۇشتارعا بارباي، ۉيدۅن جىلباي ولتۇرۇپ سايماسىن سايىپ، ىنتەرنەت ارقىلۇۇ بۇيرۇتما قابىلداپ، كىرەشەسىن ارتتىرۇۇعا قوزعوتۇپ تۇرات.

2- ايدىن 7- كۉنۉ، قادىر راحمان سايماچى بىيكەچ رەيحانگۉل ابلەلىمگە بئر تۉركۉم سايما بويۇنچا بۇيرۇتما سۉيلۅشۉپ بەردى، ال داروو انى مەنەن ۋئدىيودو قابارلاشىپ سۉيلۅشتۉ: ـــ ازىر مەن جۅلۅنچۉ جاستىق، جاستاناار جاستىق زاكاسىن الدىم، قاراپ كۅرگۉن، مىنا ۇشۇنداي جاستىقتار، سەن مۇردا ۇشۇنداي جاستىقتاردى سايمالاعانسىڭ، زاكاس قابىلداي الاسىڭبى؟ 

ــ بىرۅۅ قانچا ەكەن؟ ـــ مۇرداعى بويۇنچا بىرۅۅ 30 يۇان. ــــ بولوت، بولوت.

بىيىل 37 جاشتاعى رەيحانگۉل ابلەلىم ــ قومۇل شاارى ەۋىرعول رايونۇ قارادۅۋە شاارچاسى تۉگمەنبويى قىشتاعىنىن تۇرعۇنۇ، مادانئيات دەڭگەەلى جوعورۇ ەمەس جانا ۉي بۉلۅسۉن قاروو سىياقتۇۇ كۅپتۅگۅن سەبەپتەر ايىنان، باشتان بويعو سىرتقا چىعىپ جۇمۇش ىشتەي الباعان، تۇرمۇشۇ دا انچا دەگەندەي جاقشى ەمەس بولچۇ. 2016- جىلى، «سايماچى جىگىت» قادىر راحمان سايماچىلار توبۇن قۇرۇپ، سانشئى چاتقال مادانئيات تاراتۇۇ مەدىيا شەرىكتىگىنىن باشقى دولبوورلووچۇسۇ بولدۇ. رەيحانگۉل ابلەلىم اعا قوشۇلعاندان كىيىن، توپ ىچىندەگى سايمانى ەڭ تەز سايعان، سايما بۇيرۇتماسىن ەڭ كۅپ العان سايماچىعا ايلاندى. ال مىنداي دەدى: «ازىر ۉي ابالىم جاقشى، سايما سايامىن، ازىر زاكاس كۅپ ، اقچا دا كۅپ، وشوندوي بولسو كىرەشەمدا كۅپ بولوت».

جۇعۇشتۇۇ وورۇ ابالى كۅرۉلگۅندۅن كىيىن، قادىر راحمان تەلەفون جە ىنتەرنەت ارقىلۇۇ بۇيرۇتمانى سايماچى قىزدارعا بۅلۉپ بەرىپ، الاردىن ۉيۉنۅن چىقپاي ولتۇرۇپ ەلە كىرەشەسىن ارتتىرۇۇسۇنا جاردام بەرەت. قادىر راحمان مىنداي دەيت: «ازىر سايماچى قىزدارىبىز ەچ قايدا بارىپ جۉربۅي، ۉيۉندۅ ولتۇرۇپ سايما سايىپ، بۇيرۇتمانى كۅبۉرۅۅك قابىلداپ، ۅزدۅرۉنۉن كىرەشەسىن ارتتىرا الات».


〖2020.02.11-12:16〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز