اپتونوم رايونۇبۇز كۅپ تۉردۉۉ چارانى تەڭ قولدونۇپ دىيقانداردىن كىرەشە ارتتىرۇۇسۇن سىزىل جىلىشتاتتى

2020-02-10 12:39

  بىيىل، اپتونوم رايونۇبۇز ايىل-قىشتاق كەسىپتەرىن ۅنۉكتۉرۉۉنۉ كۉچۅپ جىلىشتاتىپ، ايىل-قىشتاق تۇرعۇندارىنىن جاقىن جەردە جۇمۇشتانۇۇسۇن ىلگەرى سۉرۉپ، ايىل- قىشتاقتىن كىشى باشىندىق ورتوچو بۅلۉشتۉرۉۉگۅ بولچۇ كىرەشەسىن سىزىل تۇرۇقتۇۇ ارتتىرۇۇنۇ تۉرتمۅكتۅدۉ. بۇل جۅنۉندۅ ىستانسىيابىزدىن ۇنىۋەرسال قابارى:

  بۇل ەكى كۉندۅ، حوتەن شاارى شورباق ايىلى گازۇڭ قىشتاعىنىن جئنسى قول ۅنۅر بويۇمدار دىيقاندار كەسىپتىك كۅمۅكتۅشتۉك كوپەراتىبىنىن ۅندۉرۉش سەحىندە اسپاپتار كۉرۉلدۅپ، ون قانچا جۇمۇشچۇ بئر تۉركۉم مەدىتسىنادا قولدونۇلباي تۇرعان اداتتاعى بئر جولۇ قولدونۇلۇۇچۇ قورعونۇۇ كىيىمىن تىگىپ جاتىشقان ەلە.

  جئنسى قول ۅنۅر بويۇندار دىيقاندار كەسىپتىك كۅمۅكتۅشتۉك كوپەراتىبى 2018-جىلى 10-ايدا قۇرۇلعان، نەگىزىنەن كىيىم -كەچەگە ئش قوشۇۇ، تىگۉۉ مەنەن الەكتەنەت. بئرىنچى تۉركۉمدۅ كۅمۅكتۅشتۉك كوپەراتىپكە كەلىپ ىشتەگەن ارحئپ تۇرعۇزۇپ كارتا بۉتۉرۉلگۅن كەمباعال تۉتۉن قاتارى، كۅمۅكتۅشتۉك كوپەراتىپتىن مۉچۅسۉ ارزىگۉل ابىلەز ەكى جىلعا جەتپەگەن ۇباقىتتا زاۋوتتۇن تەحنىك چەبەرىنە ايلانعان. جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورسۇنۇن الدىن الىپ تىزگىندۅۅ قىزماتى ۉچۉن بئر كىشىلىك كۉچ چىعارا تۇرعانىن بىلگەندەن كىيىن، ال بئرىنچى ۇباقىتتا زاۋوتقو قايتىپ بارعان. ارزىگۉل ابىلەز مىنداي دەدى: «ۉيرۅنۉۉ ارقىلۇۇ، تىكمەچىلىك ۅنۅرۉمدۅ ىلگەرلۅۅ بولدۇ، ۇچۇردا مەنىن مايانام 2200 يۇانعا جوعورۇلادى، كۉيۅۅمدۉن دا تۇرۇقتۇۇ كىرەشەسى بار، بئر ايدا 3 مئڭ يۇان الات، ۉي-بۉلۅبۉزدۉن بئر جىلدىق كىرەشەسى 60 مئڭ يۇاندان كۅبۉرۅۅك بولوت. مەن الدىنقى چەپكە بارا الباسام دا، بئروق مەن سۅزسۉز بئر كىشىلىك سالىم قوشۇشۇم كەرەك، بۇل مەنىن قىلۇۇعا تىيىشتۉۉ ئشىم».

  ۇچۇردا جئنسى قول ۅنۅر بۇيۇمدارى دىيقاندار كەسىپتىك كۅمۅكتۅشتۉك كوپەراتىبى جالپى 86 ايىل-قىشتاق ايالدارىن جاقىن جەردە جۇمۇشتاندىرعان. كۅمۅكتۅشتۉك كوپەراتىپتىن جووپتۇۇسۇ دئلنۇر توحتى مىنداي دەدى: «بئز كىيىنكى قادامدا كۅلۅمۉن بىردەمجىي كەڭىرتىپ، شىم تىگۉۉ سەحىن قۇرۇپ، 30دان 50گۅ چەيىن كىشى قابىلدووعو دايىندىق كۅرۉپ جاتابىز، شورباق ايىلىنىن جۇمۇشقا ورۇنداشتىرۇۇ ماسەلەسىن چەچۉۉ مەنەن بىرگە، داعى باشقا ايىلداردان ايالداردى جۇمۇشقا قابىلداپ، الارعا ۅنۅر ۉيرۅتۉپ كىرەشەسىن ارتتىرىپ بايىتابىز».

  2019-جىلى، اپتونوم رايونۇبۇزداعى ايىل-قىشتاق تۇرعۇندارىنىن كىشى باشىندىق ورتوچو بۅلۉشتۉرۉۉگۅ بولچۇ كىرەشەسى 13 مئڭ 122 يۇانعا جەتىپ، ارتۇۇ تەزدىگى الدىنقى جىلداعىدان 1.2 پويەنت جوعورلاپ، 2016-جىلدان بەركى جاڭى بىيىكتىكتى جاراتقان. مىندا، جۇمۇشتاندىرۇۇ-ايىل قىشتاق تۇرعۇندارىنىن كىرەشە اشىرۇۇسۇنداعى زارىل جول بولعون. 2019-جىلى بۉت جىلدا اپتونوم رايونۇبۇز قوتورۇپ جۇمۇشتاندىرعان ايىل-قىشتاق ارتىق ەمگەك كۉچتۅرۉ 2 مئللىيون 860 مئڭ ادام بولۇپ، جىلدىق نئشاان مىلدەتتىن 106 پايىزىن اتقارىپ، تۉشتۉك شئنجاڭداعى كەمباعال ۉي-بۉلۅلۅردۉن ەمگەك كۉچتۅرۉن 3 جىلدا 100 مئڭ ادام ىرەت قوتورۇپ جۇمۇشقا ورۇنداشتىرۇۇ پىلانىن بئر جىل مۇردا اتقارىپ، ايىل-قىشتاق تۇرعۇندارىنىن مايانا مۉنۅزدۉۉ كىرەشەسىن تەز جوعورلووعو ۅنۉمدۉۉ باشتاعان. ىستاتىستىكاعا قاراعاندا، 2019-جىلى اپتونوم رايونۇبۇزداعى ايىل-قىشتاق تۇرعۇندارىنىن كىشى باشىندىق ورتوچو مايانا مۉنۅزدۉۉ كىرەشەسى 3410 يۇانعا جەتىپ، وقشوش مەزگىلدەگىدەن 15.8 پايىز ارتقان. اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى جۇمۇشقا ورۇنداشتىرۇۇنۇ ىلگەرى سۉرۉۉ باشقارماسىنىن كادىرى ما جىيەنيۉن مىنداي دەدى: «2020-جىلى، بئز باش نئشااندى جەتەكچى قىلىپ، جۇمۇشتاندىرۇۇنۇ تۇرۇقتۇۇۇۇلاشتىرۇۇنۇ كۅرنۉكتۅندۉرۉپ، جۇمۇشتاندىرۇۇنۇ الدىنقى ورۇنعا قويۇۇ ساياساتىن جولعو قويۇۇنۇ نەگىزگى لئنىيا قىلىپ، ايىل-قىشتاقتاعى ارتىق ەمگەك كۉچتۅردۉ ۇيۇمدۇۇ قوتورۇپ جۇمۇشقا ورۇنداشتىرۇۇنۇ دايىمدۇۇلاشتىرىپ جىلىشتاتىپ، كەسىپتىك جۅندۅمۉن ۅستۉرۉۉ اراكەتىن جالپى بەيكەي جىلىشتاتىپ، ەمگەكچىلەردىن جۇمۇشقا ورۇنداشۇۇ جۅندۅمۉ مەنەن ساپاتىن كۅتۅرۉپ، كەسىپ ارقىلۇۇ ەلدى تىنچتاندىرۇۇ، كەسىپ ارقىلۇۇ ەلدى تۇرۇقتۇۇ قىلۇۇ، كەسىپ ارقىلۇۇ كەمباعالدىقتان ارىلۇۇسۇن ىلگەرى سۉرۅبۉز».

  ساندۇۇ ماالىماتتا كۅرسۅتۉلۉشۉنچۅ، ۇچۇردا، تۇرۇقتۇۇ ارتقان ۉي-بۉلۅ تئجارات تازا كىرەشەسى داعى ەلە اپتونوم رايونۇبۇزداعى ايىل-قىشتاق تۇرعۇندارىنىن بئرىنچى چوڭ كىرەشە قاينارى، 2019-جىلى، بۉت رايوندوقۇ ايىل-قىشتاق تۇرعۇندارىنىن كىشى باشىندىق ورتوچو تئجارات تازا كىرەشەسى 6761 يۇان بولۇپ، وقشوش مەزگىلدەگىدەن 2.1 پايىز ارتقان. قۇتۇبىي وودانى چۅارگوۋ شاارچاسى قىزىلتاس قىشتاعى تىيەنتا جايلووسۇ ۇي-قوي باقماچىلىق كۅمۅكتۅشتۉك كوپەراتىبىندە، كۅمۅكتۅشتۉك كوپەراتىپتىن جووپتۇۇسۇ تالعات مۇرات، بۇل كۉندۅرۉ ىنتەرنەتتەگى زاكاستارىن بئر جاڭسىل قىلۇۇ مەنەن قاربالاس. 2019-جىلى، اقچا مامىلە اپپاراتتارىنىن ۅسۉمسۉز قارىز اقچا بەرۉۉ جاردامىندا، ال 50دۅن اشۇۇن قىشتاق تۇرعۇنۇن باشتاپ ئش قوشۇۇ زاۋوتۇن قۇرۇپ، دىيقانچىلىق تۉشۉمدۅردۉ ىنتەرنەتتە جانا ىنتەرنەتسىز جاعدايدا ساتقان، ۇچۇردا، كۅمۅكتۅشتۉك كوپەراتىپتىن مۉچۅلۅرۉنۉن جىلدىق ورتوچو كىرەشەسى 20 مئڭ يۇاندان اشقان، تالعات مۇرات مىنداي دەدى: «ۅندۉرگۅن ۇي-قويدۇن بارىن ۅزۉبۉز تاڭعاقتاپ، سۉتتۅن جاسالعان تۉشۉمدۅر، جىلقى ەتى، چۇچۇق، داعى ۇي-قويدۇن ەتىنە ئش قوشۇپ ساتىپ جاتابىز».

  ۇچۇردا، اپتونوم رايونۇبۇز ايىل چاربا تۉشۉمدۅرۉنۅ ئش قوشۇۇ كەسىبىن ساياسات جاقتان قولدوپ جاردام بەرۉۉنۉ تىنباي كۉچۅتۉپ، جەر-جەرلەردىن تئجارات سوودا چۅيرۅسۉن سىزىل قىلداشتىرۇۇدا. ازىرعا چەيىن، اپتونوم رايون بويۇنچا دىيقانچىلىق تۉشۉمدۅرگۅ ئش قوشۇۇچۇ كەرقانالاردىن سانى 13 مئڭدەن اشىپ، ايىل چاربا تۉشۉمدۅرۉنۅ ئش قوشۇۇ كەسىبىنىن تۉشۉم نارقى وقشوش مەزگىلدەگىدەن 4 پايىز ارتىپ، ايىل چاربا تۉشۉمدۅرۉنۅ ئش قوشۇۇ قوشۇلما نارق سالىشتىرماسى 160 پايىزعا جەتكەن. اپتونوم رايوندۇق ايىل چاربا ايىل-قىشتاق نازاراتى ايىل-قىشتاق كەسىپتەرىن ۅنۉكتۉرۉۉ باشقارماسىنىن ورۇن باسار باشچىسى دىڭ كاڭچۇ مىنداي دەدى: «2020-جىلى، اپتونوم رايونۇبۇز ايىل چاربانىن قامدوو جاق قۇرۇلمالۇۇ ىسلااتىن ۇلاندۇۇ كۅرنۉكتۉۉ تەرەڭدەتىپ، ايىل قىشتاق كەسىپتەرىن كۉلدۅنتۉۉنۉ بەكەم جىلىشتاتات. ارتىقچىلىقتۇۇ ايىل چاربا تۉشۉمدۅرۉن ۅندۉرۉۉ ورۇنداشتىرۇۇسۇن ئلمىي جوسپورلوپ، اشتىقتى تۇرۇقتۇۇ قىلۇۇ، پاحتانى قىلداشتىرۇۇ، مالچىلىقتى ىلگەرى سۉرۉۉ، مۅمۅ كەسىبىن كۉچتۅندۉرۉۉ، ۅزگۅچۅ كەسىپتى كۉلدۅنتۉۉنۉ ۇلاندۇۇ جىلىشتاتات. ايىل چاربا تۉشۉمدۅرۉنۅ ئش قوشۇۇ كەسىبىن كۅرنۉكتۉۉ ۅنۉكتۉرۉپ، ايىل چاربا تۉشۉمدۅرۉن شئنجاڭ ىچىندە ساتىپ الۇۇ جانا شئنجاڭ سىرتىنا ساتۇۇ ەكى تورۇن باچىم قۇرۇپ، تۉشتۉك شئنجاڭدىن مۅمۅلۉۉ باق كەسىبىنىن بازاردا تابىشتاپ ساتىپ الۇۇ ساياساتىن جاقشىرتات. بئر تۉركۉم نەگىزگى ۅزگۅچۅ كەسىپتەردىن اسىل تەرەڭدەي ئش قوشۇۇ كەرقانالارى، باازاسىن جەتىشتىرىپ چىعىپ، ايىل-قىشتاق كەسىپتەرىنىن جاڭى قىيمىلداتقىچ ەنەرگىياسىن جەتىلدىرىپ، ايىل چاربانىن بەرەكەتىن اشىرۇۇ، دىيقانداردىن كىرەشەسىن ارتتىرۇۇ، ايىل-قىشتاقتى ۅنۉكتۉرۉۉنۉ جىلىشتاتات».

〖2020.02.10-12:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز