ەل ازدەكتەگەن اق جۉرۅك قورعووچۇ ـــ رىن چاڭشئيا

2020-02-09 12:05

  ۇرماتتۇۇ ۇعارماندار بۉگۉن 2-ايدىن 9-كۉنۉ، ەل ازدەكتەگەن اق جۉرۅك قورعووچۇ ـــ رىن چاڭشئيانىن ئش- ىزدەرى مەنەن تاانىشاسىزدار:

    رىن چاڭشئيا 1964-جىلى تۅرۅلگۅن، حىنان ۅلكۅسۉنۉن سۉيشىيەن وودانىنان. 1983-جىلى ساقچى مەكتەپتى بۉتۉرگۅندۅن كىيىن، جىڭجوۋ شااردىق قووم-قووپسۇزدۇق مەكەمەسى جوڭيۇان بۅلۉمچۅ مەكەمەسىندە داياردىق سۇراق قىزماتى مەنەن الەكتەنۉۉگۅ بۅلۉنگۅن. 1992-جىلى 12-ايدا، جۇڭگو كوممۇنىستىك پارتئياسىنا كىرگەن. تىرۉۉ كەزىندە، دىڭفىڭ شااردىق قووم-قووپسۇزدۇق مەكەمەسىنىن باشچىسى بولعون. 

  ساقچىلىق مەنەن الەكتەنگەن 21 جىلدا، رىن چاڭشئيا ماملەكەت بويۇنچا 1-ماي ەمگەك وردەنى، ماملەكەت بويۇنچا 8-مارت قىزىل تۇۇچۇسۇ، ماملەكەت بويۇنچا وزوت ەل ساقچىسى قاتارلۇۇ تۉردۉۉ ارداق ناامعا 40ىرەتتەن اشۇۇن تاتىقتۇۇ بولعون. ىستاتىستىكاعا نەگىزدەلگەندە، رىن چاڭشئيا جوڭيۇان بۅلۉمچۅ مەكەمەسىنىن داياردىق سۇراق بۅلۉمۉندۅ قىزماتتانعان كەزىندە، جالپى قازىپ چىققان قالدىق قىلمىش، اشكەرەلەگەن باسىلىپ قالعان دەلو 1مئڭ 72 ، جالپى قۇبالاپ قارماعان قىلمىش شەكتۉۉسۉ 950دۅن اشىپ، حىنان قووم-قووپسۇزدۇق داياردىق سۇراعى تارىحىندا سالىشتىرعىسىز ناتىيجا جاراتقان. 

  2001-جىلى 4-ايدا، رىن چاڭشئيا دىڭفىڭ شااردق قووم-قووپسۇزدۇق مەكەمەسىنىن باشچىسى بولۇپ دايىندالعان. جەرگىلىكتە تۉردۉۉ دەلولوردۇن ۉيۉلۉپ قالۇۇسۇ وور بولعوندۇقتان رىن چاڭشئيا «جۉز كۉندۉك دەلو اشكەرەلۅۅ بىرلەشمە كۉرۅشۉن» ۇيۇمداعان. ايرىقچا دىڭفىڭ شاارى بايشاحۇپان زاكونسۇز قاماپ قويۇۇ، قاقتى سوقتۇۇ قىلۇۇ، كۉنۅۅسۉزدۅردۉ ۇرۇپ ۅلتۉرۉۉ، ەل كۉچتۉۉ قااردانعان ۋاڭسوڭ قارا قووم مۉنۅزۉندۅكۉ قىلمىشكەرلەر توبۇنا بەت كەلگەندە، رىن چاڭشئيا جان-جاقتىلۇۇ رازىۋىدكالىق تەكشەرۉۉ، تۅپ چارا قولدونۇۇ، كادىر ساقچىلاردى ۇيۇمدوو ارقىلۇۇ ۋاڭسوڭ جانا انىن 65 شەرىگىنىن بااردىعىن زاكون تورۇنا تۉشۉرگۅن. چوڭ دەلو، زارىل دەلو جانا كۉمۅندۉۉ قىيىن دەلولورعو ارت-ارتىنان ات سالعان سەبەپتۉۉ جەرگىلىكتەكى قالق القىش ايتىپ، دىڭفىڭعا بئر «اياباي مىقتى ايال ساقچى» كەلىپتىر دەشكەن. 

  2004-جىلى 4-ايدىن 14-كۉنۉ كەچتە، رىن چاڭشئيا جىڭجوۋ شااردىق قووم-قووپسۇزدۇق مەكەمەسىنە قىزماتىنان دوكلات بەرىپ بولعوندون كىيىن تۉن قاتىپ، دىڭفىڭعا بئر ورچۇندۇۇ دەلونۇ اشكەرەلۅۅ قىزماتىن ورۇنداشتىرۇۇ ۉچۉن قايتىپ باراجاتقان جولدو باقىتقا قارشى قاتتوو وقۇياسىنا قابىلىپ، 40 جاشىندا قازا بولعون. 2004-جىلى 5-ايدىن 1-كۉنۉ، رىن چاڭشئياعا ماملەكەت بويۇنچا قووم-قووپسۇزدۇق سىستەماسىنداقى بئرىنچى داراجالۇۇ بااتىر ۉلگۉ دەگەن ناام ىيعارىلعان. 2019-جىلى 9-ايدا، ال داعى «ەڭ سۉيۉكتۉۉ كۉرۅشۉچۉ» دەگەن ناامعا تاتىقتۇۇ بولعون.

〖2020.02.09-12:05〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز