قورعوس شاارى كەسىپتىن چوردوندوشۇۇسۇن باچىمداتىپ، زامانداشقان كەسىپ سىستەماسىن قۇردۇ

2021-01-13 10:26

قورعوس شاارى كەسىپتىن چوردوندوشۇۇسۇن باچىمداتىپ، زامانباپ كەسىپ سىستەماسىن قۇرۇپ، «چوڭ جول ەكونومىكاسى» نان «چەك ارا ووزۇ ەكونومىكاسى»نا، «كەسىپ ەكونومىكاسى» نا ۅزگۅرۉۉنۉ ىشكە اشىردى. بۇل جۅنۉندۅ قابارى نازارىڭىزداردا:  

 ۇشۇل بئر نەچە كۉندۅ، قورعوس گوشىڭ چىماحى اۋتوۇناا ئلىم - تەحىنىكا چەكتۉۉ شەرىكتىگى سىناق ۅندۉرۉشتۉن ەڭ اقىرقى دايىندىق قىزماتتارىن ىشتەپ جاتات. بۇل كەرقانا قورعوس شاارى 2020- جىلى كىرگىزگەن زامانباپ جابدۇۇ جاسوو كەرقاناسى بولۇپ، جالپى 2 مئلليارت يۇان قارجى سالىنعان نەگىزىنەن ماتور سئلىندىر قاپقاعى، تەزدىك ۅزگۅرتۉۉ ساندىق قابى، كومپىرەسسور قابى جانا جاڭى ەنەرگىيا ەلەكتىرومەحانىكالارى سىياقتۇۇ اۋتوۇناا تەتىكتەرىن ۅندۉرۉپ، ال ماملەكەتىبىزدىن اۋتوۇناا تەتىكتەرىن تۉيۉندۉۉ ۅندۉرۉچۉ كەرقانا سانالات. شەرىكتىكتىن دايىمدۇۇ ىشتەر بويۇنچا ورۇنباسار باش دىرەكتورۇ لئياڭ تاۋ مىنداي دەدى: « جالپى ەكى ۅندۉرۉش لئنىياسىن قۇراشتىرىپ تەسكۅۅنۉ بۉتۉردۉك، ۇچۇردا سىناق ۅندۉرۉشتۉن ەڭ شاشىلىش باسقىچىنا كىردىك، 1- ايدىن ەتەگىندە، فىرانسئيانىن پەوجەت سىترون، گەرمانىيانىنBMW (بئى، ەم، دابىليو) اۋتو ۇناا توبۇن، داعى مەرسەدەس توبۇن بئرىنچى تۉركۉمدۅكۉ ۉلگۉ تۉشۉم مەنەن قامدووبۇزدان ۉمۉت بار».    

2020-جىلى قورعوس شاارى سووداگەر چاقىرىپ قارجى كىرگىزۉۉ تۉرۉنۅن 62 نى جۉزۅلۅشتۉرۉپ، 22 مئلليارت 336 مئلليون يۇان قارجى ناقتاشىپ، جابدۇۇ جاسوو، ەلەكتىروندۇق العاچقى تەتىكتەر، باالۇۇ مەتالدار جانا جاڭى ماتەرىيالدارعا ئش قوشۇۇ سىياقتۇۇلاردى نەگىز قىلعان زامانداشقان كەسىپ سىستەماسىن اقىرىنداپ قۇردۇ. وشونۇ مەنەن بىرگە، قورعوس شاارى چەك ارا ووزۇ ابزەلدۉۉلۉگۉنۅ سۅۅنۉپ نان كەسىبىن كۉچۅپ ۅنۉكتۉرۉپ، 2020- جىلى 6- ايدا قۇرۇپ بۉتۉرگۅن قورعوس نان كەسىپ باقچاسىنا سىرتقا باعىتتالعان تىپتەگى ئش قوشۇۇ كەرقاناسىنان 10 قانچاسى ورۇن الىپ، ئمپورت- ەكىسپورت كەرقاناسى 60 دان اشىپ، ازىرعا چەيىن، ەكىسپورتتوعون نان، چوڭ بولكا سىياقتۇۇ نان تۉشۉمدۅرۉ 1 مئلليونعو جاقىنداپ، بۉت شئنجاڭداعى ەڭ زور بولعون نان تۉشۉمدۅرۉنۅ ئش قوشۇپ ۅندۉرۉپ ەكىسپورتتوو بازاسىنا ايلاندى. ورۇن العان كەرقانا، قورعوس جئنيئى ەل ارالىق سوودا (توبۇ) چەكتۉۉ شەرىكتىگىنىن مۇدۇرىيات باشچىسى يۉ چىڭجوڭ مىنداي دەدى: «بئزدىن تۉشۉمدۅرۉبۉز تەزدىك مەنەن، جوعورۇ ۅنۉمدۅ ورتو ازئيا ماملەكەتتەرىنە ەكىسپورتتولوت، بىلتىر 1- ايدان 11- ايعا چەيىن ەكىسپورت سوودا سۇمماسى 350 مئلليون ا ق ش دوللارىنا جەتتى».

ىستاتىستكاعا نەگىزدەلگەندە، 2020- جىلى قورعوس چەك ارا ووزۇنۇن ئمپورت جۉك تاشىمال مۅلچۅرۉ 31 مئللىيون 210 مئڭ 900 تونناعا جەتىپ، سوودا سۇمماسى 223 مئلليارت 766 مئلليون يۇان بولعون. قورعوس شااردىق پارتكومدۇن تۇرۇقتۇۇ مۉچۅسۉ، دايىمدۇۇ ىشتەر بويۇنچا ورۇنباسار شاار باشچىسى جاڭ يوڭنئڭ مىنداي دەدى: «ناقتىلۇۇ ەكونومىكا، ساياقات ەكونومىكاسى، چەك ارا ووزۇ ەكونومىكاسىن تەرمەلبەي ۅنۉكتۉرۉپ، ۅنۅر جايدىن نەگىزىن كۉچۅتۉپ ۅنۉمۉن اشىرۇۇ جانا تئپ ۅزگۅرتۉپ داراجاسىن جوعورۇلاتۇۇنۇ باچىم تۉرتمۅكتۅپ، جالپى جاقتۇۇ، جوعورۇ دەڭگەەلدە قورعوستۇ «جىبەك جولۇ ەكونومىكا القاعى» ۅزۅكتۉۉ رايونۇنۇن زارىل تارماق تۉيۉنۉ، «بئر القاق، بئر جول» قىزماتتاشتىق دەمىلگەسىنىن ۅرنۅك جانا ۉلگۉسۉنۅ، شئنجاڭ ەكونومىكاسىنىن جوعورۇ ساپاتتا ۅنۉگۉۉسۉنۉن زارىل اشۇۇ ۇيۇلۇ، ماملەكەت ىچكى قۇرعاقتىعىن اچىپ جىبەرۉۉ مەنەن چەك اراعا قاراي جايىلىپ اچىپ جىبەرۉۉنۉن جاڭى بىيىكتىگى قىلىپ جاراتابىز».

〖2021.01.13-10:26〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز