اپتونوم رايونۇبۇز ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ

2021-01-12 12:40

 اپتونوم رايونۇبۇز جاشىل ۅنۉگۉۉ تۉشۉنۉگۉندۅ بەكەم تۇرۇپ، ۉنۅمچۉل چۅيرۅ قورعوو، تازا ەنەرگىيا قاتارلۇۇ جاشىل كەسىپتەردى سىزىل قىلداشتىرىپ جانا كۉچۅتۉپ، كەرقانالاردى تەيلۅۅ ۉلگۉسۉنۉن داراجاسىن اشىرۇۇعا، ئلىم تەحىنكا تابىلعالارىن ايلاندىرۇۇنۇ باچىمداتۇۇعا جەتەكتەپ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ. ىستانسىيابىز قابارچىلارى لان تئيان، گاۋ مىڭحۇي، رىن شئنجىيەنىن قابارى:

   جاقىندا، فۇكاڭ كەسىپ باقچاسىنا جايعاشقان شئنجاڭ جئنيۇان ەنەرگىيا چەكتۉۉ شەرىكتىگى باقچا ىچىندەكى تابىعئي گازدىن جوعورۇ بەلەسىن تەسكۅۅ جانا سۇيۇقتاندىرۇۇ جابدۇۇ قۇرۇلۇش تۉرۉن جوسپورلوپ دولبوورلوپ جاتتى. شئنجاڭ بويۇنچا تۇنعۇچ تۉركۉمدۅكۉ اپتونوم رايوندۇن ايلانمالۇۇ ەكونومىكا تۉيۉندۅ سىناق قىلۇۇ باقچا رايونۇ قاتارى، فۇكاڭ شاارى بۉت شئنجاڭدا «گازداشتىرۇۇ باقچا رايونۇ» قۇرۇلۇشۇن ەڭ وبولۇ باشتاپ، سووداگەر چاقىرۇۇ ارقىلۇۇ شئنجاڭ جئنيۇان ەنەرگىيا چەكتۉۉ شەرىكتىگىن كىرگىزىپ كەسىپ باقچا رايونۇنداعى كۅمۉر گازى جانا دومنا پەچ گازىنا قاراتا تازارتۇۇ الىپ باردى. شئنجاڭ جئنيۇان ەنەرگىيا چەكتۉۉ شەرىكتىگىنىن ورۇن باسار باش دىرەكتورۇ يۇان پئڭان مىنداي دەدى: «سااتىنا كوكۇس كۅمۉر قالدىق گازىنان 25 مئڭ كۇپ مەتردى بئر جاڭسىل قىلىپ، 11 مئڭ كۇپ مەتىر ۅلچۅمدۉۉ تابىعئي گازعا ايلاندىرىپ، كۉنۉمدۉك ۅندۉرۉۉچۉ تابىعئي گاز قۇرباتىبىز 250 مئڭ كۇپ مەتىرگە جەتتى. بۇل تەحنولوگىيا ۅكۉمۅتتۉن ايلانمالۇۇ ەكونومىكاعا پايدالانۇۇچۇ قارجىسىنان 8 مئللىيون 130 مئڭ يۇاندى الىپ، ايلانمالۇۇ ەكونومىكانى ۅنۉكتۉرۉۉ ىشەنچىبىزدى بەكەمدەدى.»

  ۇچۇردا، فۇكاڭ كەسىپ باقچاسىنداعى 23 كەرقانا كۅمۉردۉ گازعا ايلاندىرۇۇ قۇرۇلۇشۇن جولعو قويۇپ جاتات. كەسىپ باقچا رايونۇ ار جىلى 160 مئللىيون كۇپ مەتر كوكۇس كۅمۉر قالدىق گازىن 72 مئللىيون كۇپ مەتر تابىعئي گازعا ايلاندىرات، بۇل فۇكاڭ شاار چۅلكۅمۉندۅكۉ 220 مئڭ جان ساندىن 5 جىلىنۇۇ مەزگىلىندەكى گاز ىشتەتۉۉ مۅلچۅرۉ بولۇپ، جىلىنا داعى كۅمۉرتەك قوش قىچقىلىنان 180 مئڭ توننا، ازوت بىرىكمە زاتىنان 700 توننا از قويو بەرىپ، كۅمۉردۅن 72 مئڭ توننانى ۉنۅمدۅپ قالات.

   2020- جىلى، اپتونوم رايونۇبۇز جاشىل دولبوور، جاشىل تەحنىكا جانا تەحنولوگىيا، جاشىل ۅندۉرۉش، جاشىل باشقارۇۇ، جاشىل قامدوو جەلە قۇرۇلۇشۇ، چۅيرۅگۅ بولعون تااسئرى كىچىك، بايلىق ەنەرگىياسىنان پايدالانۇۇ بەرەكەتى جوعورۇ بولعون ۅنۅر جاي جاشىل ۅنۉگۉۉ ۉلگۉسۉن كۉچۅپ تۉرتمۅكتۅپ، كۅپتۅگۅن كەرقانالاردىن تئپ ۅزگۅرتۉپ داراجاسىن اشىرۇۇداعى نەگىزگى چابۇۇل باعىتىنا ايلاندى. دىلان سۇۇ تەحنىكا جارناق چەكتۉۉ شەرىكتىگى ار جىلى شەرىكتىكتىن تئجارات كىرەشەسىنىن ورتوچو 12 پايىزىن ىزىلدەپ اچۇۇ جاڭىلىق جاراتۇۇعا ىشتەتىپ، بۇلعاندى سۇۇنۇ تىزگىندۅۅ، كەرەكسىز سۇۇنۇ بايلىقتاشتىرىپ پايدالانۇۇ قاتارلۇۇ سۇۇنۇ تازارتۇۇ جاڭى تەحنولوگىياسى، جاڭى ماتەرىيال جانا جاڭى جابدۇۇنۇ كۉچۅپ اچىپ ۅنۉكتۅرت. ۇچۇردا، شەرىكتىكتىن ار تۉردۉۉ تەحنىكا، جابدۇۇسۇ شئنجاڭداعى ابونتور ۉچۉن ار جىلى بولجول مەنەن 250 مئللىيون كۇپ مەتىر سۇۇنۇ ۉنۅمدۅپ بەرۉۉدۅ. دىلان سۇۇ تەحنىكا جارناق چەكتۉۉ شەرىكتىگى سۇۇ بوربورۇ كەسىپ بۅلۉمۉنۉن باش دىرەكتورۇ ەسەن يۉسۉپ مىنداي دەدى: «ازىر شەرىكتىگىبىزدىن 65 تۉردۉۉ تاپقىردىق پاتەنتى بار، مىندا كۅمۉر حئمىيا ۅنۅر جاي كەرەكسىز سۇۇنۇ قايتا پايدالانۇۇ مۉلدۅ قويو بەربەستىك تۅمۅن قاتمارلۇۇ تەحنىكاسى، گۉل باسۇۇ بويوودون چىققان كەرەكسىز سۇۇنۇ مۉلدۅ قويو بەربەستىك تەحنىكاسى جانا نەفىت، نەفىت-حئمىياعا سۇۇ بەرۉۉ، سۇۇ ۉنۅمدۅۅ قاتارلۇۇلاردى قامتيت، بۇل تەحنىكالار شەرىكتىگىبىزگە جانا جەرگىلىكتەكى كەرقانالارعا، باقچا رايونۇنا قىيلا جاقشى چۅيرۅ جانا ەكونومىكا بەرەكەتىن الىپ كەلدى.»

   2020 - جىلى، اپتونوم رايونۇبۇز «ەنەرگىيا مەنەن بەرەكەتىن ۅلچۅمگۅ سالىشتىرۇۇ»، «ۅنۅر جايدا سۇۇ ۉنۉمدۅۅ»، «ەنەرگىيا ۉنۅمدۅۅ رەۋىزىياسى»، «ەنەرگىيا ۉنۅمدۅپ مۉنۅزدۅۅ» قاتارلۇۇ 6 چوڭ جاشىل ۅنۉگۉۉ اراكەتىن جولعو قويۇپ، قاراشتۇۇ رايوندوعۇ ۅندۉرۉش كەرقانالارىن جاشىل ۅنۉگۉۉگۅ قاراي تئپ ۅزگۅرتۉۉ ارىشىن باچىمداتۇۇعا چابىتتاندىرىپ جانا جەتەكتەپ، جىلىنا بولجول مەنەن ۇنۇۋەرسال ەنەرگىيا كەرەكتۅۅ مۅلچۅرۉنۅن 83 مئڭ توننا ۅلچۅمدۉۉ كۅمۉر، 2 مئللىيون 500 مئڭ كۇپ مەتىر سۇۇنۇ ۉنۅمدۅپ، جىلىنا ۅنۅر جاي قاتۇۇ تاشتاندىلار مۅلچۅرۉنۅن 119 مئڭ توننا پايدالانۇۇنۇ ىشكە اشىرىپ، بۉت اپتونوم رايونۇبۇزدان 15 كەرقانا، 2 باقچا رايون، 1 قامدوو جەلەسىن باشقارۇۇ كەرقاناسى، 15 دولبوورلونعون تۉشۉم، ۅنۅر جاي جانا ماالىماتتاشتىرۇۇ مىنىستىرلىگىنىن 5- تۉركۉمدۅكۉ جاشىل جاسووچۇلۇق تىزمەسىنە جەڭىشتۉۉ كىردى. اپتونوم رايوندۇق ۅنۅر جاي جانا ماالىماتتاشتىرۇۇ نازاراتى پارتىگۇرۇپپاسىنىن ورۇن باسار شۇجئسى، باشچىسى نئجات ىسمايىل مىنداي دەدى: «جاشىل باقچا رايونۇن جەتىشتىرىپ، جاشىل زاۋوت قۇرۇپ، جاشىل تۉشۉم ىزىلدەپ، تۉيۉندۉۉ سالاانى ىمەرچىكتەي كەسىپتەردىن جاشىل تئپ ۅزگۅرتۉۉسۉن جايىلتتىق. ئلىم-تەحنىكا قۇرامى جوعورۇ، بايلىق قورومجۇسۇ تۅمۅن، چۅيرۅ بۇلعووسۇ از بولعون جاشىل جاسوو سىستەماسىن باچىم قۇردۇق. تۉيۉندۉۉ كەرقانالاردىن ەنەرگىيا باشقارۇۇ سىستەما قۇرۇلۇشۇن تۉرتمۅكتۅپ، تۉيۉندۉۉ كەسىپ سالااسىنداعى كەرقانالاردى تازا ۅندۉرۉش تەحنىكاسىنا ۅزگۅرتۉۉسۉن جولعو قويۇۇعا دىلگىر جەتەكتەدىك.»

〖2021.01.12-12:40〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز