اپتونوم رايونۇبۇزدۇن تاش جول قاتتوو تۇرۇقتۇۇ مۉلككۅ سالعان قارجىسى 54 مئلليارت 393 مئللىيون يۇانعا جەتىپ، جىلدىق نئشاان مىلدەتتى اشىرا اتقاردى

2021-01-12 10:58

 2020- جىلى، اپتونوم رايونۇبۇزدۇن تاش جول قاتتوو تۇرۇقتۇۇ مۉلككۅ سالعان قارجىسى 54 مئلليارت 393 مئللىيون يۇانعا جەتىپ، جىلدىق نئشاان مىلدەتتى اشىرا اتقاردى. ىستانسىيابىز قابارچىسى جئن لىيدىن قابارى:

  2020- جىلى، بۉت اپتونوم رايونۇبۇزدۇن تاش جول تورۇنۇن جالپى ۇزۇندۇعۇ 200 مئڭ كىلومەتىردەن، جوعورۇ تەمپتۉۉ تاش جول 5500 كىلومەتىردەن اشىپ، بااردىق ايماق، وبىلاس، شاارلار جوعورۇ تەمپتۉۉ تاش جول دوورۇنا قادام قويۇۇ نەگىزىندە، «ووداندار ارا 2- داراجالۇۇ تاش جولدۇ تۇتاشتىرۇۇ»نۇ ىشكە اشىردى. اپتونوم رايوندۇق قاتتوو-تاشمال نازاراتى قۇرۇلۇش باشقارۇۇ باشقارماسىنىن باشچىسى سۇن شئيانكۇي مىنداي دەدى: «قاتتوو سىستەماسى كۉتۉپ تۇرباي ارى تايانىپ الباي، دەمىلگەلۉۉ ىشتەپ، بئر سىيرا چاارالاردى قولدونۇپ، ىلدەتتىن تااسىرىنە ۇچۇراعان قۇرۇلۇشتاردىن ىلگەرىلۅۅسۉن قايتارىپ كەلىپ، مىلدەتتى اشىرا اتقاردىق. ماملەكەت جولۇ 216- لئنىياسىنىن ۉرۉمچۉ چىعىش2- ايلانماسى، پارچاساقالدان ۉرۉمچۉگۅ چەيىنكى (4 اۋتو ۇناا جولۇن 8 اۋتو ۇناا جولۇنا` ۅزگۅرتۉپ قاتتوو باشتالدى، داعى بئر قانچا وودانعا تۇتاشۇۇچۇ 2- داراجالۇۇ جولدو قاتتوو باشتالىپ، `13- بەش جىلدىق` جوسپوردوعۇ ووداندار ارا 2- داراجالۇۇ تاش جولدۇ تۇتاشتىرۇۇ كۅرسۅتكۉچۉن ىشكە اشىردىق.»

  بىيىل، اپتونوم رايونۇبۇز «شئنجاڭ ىچىندە ايلانۇۇ، شئنجاڭعا كىرىپ-چىعۇۇنۇ تەزدەتۉۉ»نۉ ۇلاندۇۇ باچىم تۉرتمۅكتۅپ، قاتتوو بويۇنچا كۉچتۉۉ ماملەكەت تۉيۉندۅ سىناق قىلۇۇ قۇرۇلۇشۇن جالپى بەتكەي جىلىشتاتىپ، تاش جول قاتتوو تورۇن كۉچۅپ قىلداشتىرىپ، زامانباپ زات جۉگۉرتۉۉنۉ ۅنۉكتۉرۉپ، تەيلۅۅ قامدوو ساپاتىن جوعورۇلاتىپ، قاتتوو-تاشمالدىن جوعورۇ ساپاتتا ۅنۉگۉۉ تايانچى سىستەماسىن باچىم قۇرۇپ چىعات. بىيىل، اپتونوم رايونۇبۇز تاش جول قاتتوو تۇرۇقتۇۇ مۉلككۅ قارجى سالۇۇ بويۇنچا 58 مئلليارتتان 60 مئلليارت يۇانعا چەيىن اتقارۇۇنۇ، 67 قاتتوو قۇرۇلۇش تۉرۉن جولعو قويۇۇنۇ پئلااندادى، مىندا ۇلاندىرۇۇچۇ قۇرۇلۇش تۉرۉ 56، جاڭىدان جۇمۇش باشتووچۇ تۉر11 ەكەن. تۉشتۉك شئنجاڭدىن تۉرلۅرۉنۅ 2- ايدى اقىرىندا، تۉندۉك شئنجاڭدىن تۉرلۅرۉنۅ 4- ايدىن باشى جۇمۇرمۇشتۇ جالپى بەتكەي قالىبىنا كەلتىرىپ قۇرۇلۇش الىپ بارۇۇ جورومولدونۇۇدا. اپتونوم رايوندۇق قاتتوو-تاشمال نازاراتى پارتكومۇنۇن ورۇن باسار شۇجئسى، نازارات باشچىسى ەسەنجان ەحمەت مىنداي دەدى: «ماملەكەت جولۇ 7- لئنىيا ۋۇتوڭ داچۉاندان مورئى بۅلۉگۉنۅ چەيىنكى جوعورۇ تەمپتۉۉ تاش جول، ماملەكەت جولۇ 315- لئنىيا چارقالىقتان نىيەگە چەيىنكى جوعورۇ تەمپىتۉۉ تاش جول قاتارلۇۇ 25 تۉردۉ بۉتۉرۉپ قاتتوو باشتووعو چىمىرقانىپ، ماملەكەت جولۇ 711- لئنىيا ۉرۉمچۉدۅن لوپنۇرعا چەيىن، ۅلكۅ جولۇ 21- لئنىياسى التايدان ۉرۉمچۉگۅ چەيىن سىياقتۇۇ 31 تۉر قۇرۇلۇشۇن باچىم جىلىشتاتىپ، ماملەكەت جولۇ 3003 لئنىياسى ۉرۉمچۉنۉ ايلانىپ جۉرۉۉ جوعورۇ تەمپتۉۉ (باتىش لئنىياسى) قۇرۇلۇشۇ، ماملەكەت جولۇ 218- لئنىياسى ناراتتان بالعىنتايعا چەيىن سىياقتۇۇ 9 تۉرگۅ جاڭىدان جۇمۇش باشتالات. بۉت اپتونوم رايونۇبۇزدا جوعورۇ تەمپتۉۉ تاش جولدۇن جالپى ۇزۇندۇعۇ 6 مئڭ كىلومەتىردەن اشىپ، جوعورۇ تەمپتۉۉ 1- داراجالۇۇ تاش جولعو تۇتاشۇۇچۇ ووداندان توعۇزۇ كۅبۅيۉپ، 89عا جەتەت.

〖2021.01.12-10:58〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز