3-جولقۇ بوربوردۇن شئنجاڭ قىزماتى مايەك جىيىنى 9-ايدىن 25-كۉنۉنۅن 26-كۉنۉنۅ چەيىن بەيجىندى اچىلدى

2020-09-27 09:28

3-جولقۇ بوربوردۇن شئنجاڭ قىزماتى مايەك جىيىنى 9-ايدىن 25-كۉنۉنۅن 26-كۉنۉنۅ چەيىن بەيجىندى اچىلدى. جۇڭگو كوممۇنىستىك پارتئياسى بوربوردۇق كومىتەتتىن باش شۇجئسى، ماملەكەت تۅراعاسى، بوربوردۇق اسكەرىي ىشتەر كومىتەتىنىن تۅراعاسى شئى جئنپىڭ جىيىنعا قاتىشتى ارى زارىل سۅز سۉيلۅدۉ. شئى جئنپىڭ مىنداي دەپ باسا كۅرسۅتتۉ: «ازىرقى جانا مىندان كىيىنكى بئر مەزگىلدە شئنجاڭ قىزماتىن جاقشى ىشتۅۅدۅ، جاڭى دوور پارتئيانىن شئنجاڭدى باشقارۇۇ جالپى ىقىمىن تولۇق تۇۇرا ىزچىلدەشتىرىپ، شئنجاڭ قىزماتىنىن باش نئشاانىن بەكەم قارماپ، زاكون ارقىلۇۇ شئنجاڭدى باشقارىپ، ىنتىماقتاشتىرىپ شئنجاڭدى وموقتۇۇ قىلىپ، مادانئيات ارقىلۇۇ شئنجاڭدى جالچىتىپ، ەلدى بايىتۇۇ ارقىلۇۇ شئنجاڭدى گۉلدۅندۉرۉپ، ۇزاق مەزگىل شئنجاڭدى قۇرۇپ، باشقارۇۇ سىستەماسى مەنەن باشقارۇۇ قۇرباتىنىن زامانداشۇۇسۇن جىلىشتاتۇۇنۇ قامسىزداپ، الىستى كۅزدۅگۅن چارارالاردى كۅپتۅپ تۉزۉپ، نەگىزدى بەكەمدۅۅ چارالارىن كۅپتۅپ جولعو قويۇپ، ىنتىماقتۇۇ شايكەشكەن، گۉلدۅنگۅن بايكەر، مادانئياتتۇۇ العا ىلگەرلەگەن، بەيپىل تىرىچىلىك قىلعان، ەكولوگىياسى جاقشى بولعون جاڭى دوور جۇڭگوچو سوتسىيالىستىك شئنجاڭدى چىمىرقانا قۇرۇپ چىعۇۇ كەرەك. 

لئى كىچئياڭ جىيىندى باشقاردى. لئى جانشۇ، ۋاڭ حۇنئڭ، جاۋ لىجئى، حان جىڭ جىيىنعا قاتىشتى. ۋاڭ ياڭ قورتۇندۇ سۅزۉن سۉيلۅدۉ.

   شئى جئنپىڭ سۅزۉندۅ مىنداي دەپ كۅرسۅتتۉ: 2-جولقۇ بوربوردۇن شئنجاڭ قىزماتى مايەك جىيىنىنان بەرى، ارقايسى جاقتىن جاپاالۇۇ چىمىرقانۇۇسۇندا شئنجاڭ قىزماتى ورچۇندۇۇ بەرەكەتتەرگە قول جەتكىردى. شئنجاڭدىن ەكونومىكا قووم ۅنۉگۉۉسۉ مەنەن ەل تۇرمۇشۇنۇن جاقشىرۇۇسۇ مۇردا بولۇپ كۅربۅگۅن داراجاداقى جەتىشكەندىكتەرگە قول جەتكىرىپ، ار ۇلۇت قالقىنىن ەە بولۇۇ سەزىمى، باقتىلۇۇلۇق سەزىمى، قووپسۇزدۇق سەزىمى ۉزگۉلتۉكسۉز كۉچۅيدۉ. بىرىنچىدەن، ەكونومىكانىن ۅنۉگۉۉسۉ سىزىل جاقشىلاندى. 2014-جىلدان 2019-جىلعا چەيىن، شئنجاڭ رايونۇنۇن ۅندۉرۉش جالپى نارقى 919 مئلليارت 590مئللىيون يۇاندان 1تئرىللىيون 359 مئلليارت 710مئللىيون يۇانعا كۅبۅيۉپ، جىلدىق ورتوچو ارتۇۇسۇ 7.2پايىز بولدۇ. اداتتاقى جالپىلىق قامچوت كىرەشەسى 128مئلليارت 230مئللىيون يۇاندان 157مئلليارت 760مئللىيون يۇانعا كۅبۅيۉپ، جىلدىق ورتوچو ارتۇۇسۇ 5.7پايىز بولدۇ. نەگىزگى جابدۇۇلار ۉزگۉلتۉكسۉز جاقشىرىپ، باردىق ايماق، وبلاس-شاارلار جوعورۇ تەمپتۉۉ تاش جول دوورۇنا كىردى. ەكىنچىدەن، ەلدىن تۇرمۇشۇ كۅرنۉكتۉۉ جاقشىلاندى. 2014-جىلدان 2019-جىلعا چەيىن، شئنجاڭ تۇرعۇندارىنىن كىشى باشىندىق ورتوچو قارجىلووعو بولچۇ كىرەشەسىنىن جىلدىق ورتوچو ارتۇۇسۇ 9.1پايىز بولدۇ. ايىل-قىشتاق بەيپىل قونۇشتاندىرۇۇ قۇرۇلۇشۇنان 1مئللىيون 690مئڭ جۉرۉشتۅن اشۇۇنۇ، شاار-شاارچالارداقى قامسىزدوو مۉنۅزدۉۉ بەيپىل قونۇشتاندىرۇۇ قۇرۇلۇشۇنان 1مئللىيون 560مئڭ جۉرۉشتۅن اشۇۇنۇ سالىنىپ، ون مئللىيوندون اشۇۇن قالق جاڭى ۉيلۅرگۅ قۇبانىچتۇۇ كۅچۉپ كىردى. شاار-ايىلداردىن نەگىزگى جالپىلىق تەيلۅۅ دەڭگەلى ۉزگۉلتۉكسۉز جوعورۇلاپ، قوومدۇق قامسىزدوو سىستەماسى كۉنسايىن جاقشىرىپ، جالپى ەلدىن اقىسىز سالاماتتىق تەكشەرتۉۉسۉ جولعو قويۇلۇپ، دىيقانچىلىق-مالچىلىق رايوندورۇنداقى دارىلوو جابدۇۇلارىنىن شارتى كۅرنۉكتۉۉ جاقشىرىپ، ايىل-شاارچالارداقى سالاماتتىقتى ساقتوو دوقتۇرقانالارى جانا قىشتاق سالاماتتىق ساقتوو بۅلمۅلۅرۉنۉن ۅلچۅمدۅشۉۉ سالىشتىرماسى بىردەي 100پايىزعا جەتىپ، تۇرعۇنداردىن نەگىزگى دارىلوو قامسىزداندىرۇۇسۇنا قاتىشۇۇ سالىشتىرماسى 99.7پايىزعا جەتتى.

 ۉچۉنچۉدۅن، كەمباعالدىقتان ارىلتۇۇ چابۇۇلۇندا چەچۉۉچۉ مۉنۅزدۉۉ جەتىشكەندىكتەرگە قول جەتكىرىلدى. 2014-جىلى، شئنجاڭدا جالپى ارحىپ تۇرعۇزۇپ كارتا بۉتۉرۉلگۅن كەمباعال جان-سان 779مئڭ تۉتۉن، 3مئللىيون 89مئڭ كىشى، كەمباعال قىشتاق 3666، كەمباعال وودان 32 بولچۇ. 2019-جىلعا كەلگەندە شئنجاڭ بويۇنچا جالپى 2مئللىيون 923مئڭ 200 كىشى كەمباعالدىقتان ارىلىپ، 3107 كەمباعال قىشتاق كەمباعالدىقتان چەگىنىپ چىعىپ، 22 كەمباعال ووداندىن كەمباعالدىق اتى الىنپ سالىنىپ، كەمباعالدىق كۅرۉلۉۉ سالىشتىرماسى 2014-جىلداقى 19.4پايىزدان 1.24پايىزعا تۅمۅندۅدۉ. مىندا، تۉشتۉك شئنجاڭداعى تۅرت ايماق وبلاستا جالپى 2مئللىيون 511مئڭ 600 كىشى كەمباعالدىقتان ارىلىپ، 2683 كەمباعال قىشتاق كەمباعالدىقتان چەگىنىپ چىعىپ، 16 كەمباعال ووداندىن كەمباعالدىق اتى الىپ سالىنىپ، كەمباعالدىق كۅرۉلۉۉ سالىشتىرماسى 2014-جىلداقى 29.1پايىزدان 2.21پايىزعا تۅمۅندۅدۉ. «ەكىدە قام ساناباستىق، ۉچتۉ قامسىزدوو»دوقۇ كۅرنۉكتۉۉ ماسەلەلەر نەگىزىنەن چەچىلىپ، كەمباعال ۉي-بۉلۅلۅردۉن مىلدەتتۉۉ اعارتۇۇ باسقىچىنداقى بالدارى كەمباعالدىق ايىنان وقۇۇسۇز قالۇۇ، وقۇۇدان چەگىنۉۉسۉ قىيمىلدۇۇ نۅل بولۇۇنۇ ىشكە اشىرىپ، كەمباعال جان-ساندىن نەگىزگى دارىلوو قامسىزداندىرۇۇسۇ، چوڭ وورۇلار قامسىزداندىرۇۇسۇنا قاتىشۇۇ سالىشتىرماسى ورتوچو 100پايىزعا جەتىپ، باشقا جەرگە كۅچۉرۉۉ بويۇنچا كەمباعالداردى جۅلۅۅ مىلدەتى جالپى بەتكەي بۉتۉرۉلۉپ، كەمباعال قالقتىن ۅندۉرۉش تۇرمۇش شارتى زور سالىشتىرمادا جاقشىلاندى.

 تۅرتۉنچۉدۅن، بوربوردۇن قولدووسۇ جانا بۉت ماملەكەتتىن شئنجاڭعا نئشااندۇۇ جاردام بەرۉۉ ەپكىنى ۉزگۉلتۉكسۉز اشتى. 2014-جىلدان 2019-جىلعا چەيىن، بوربوردۇق مالئيانىن شئنجاڭ اپتونوم رايونۇ جانا بئڭتۇانعا قاراتا قوتورۇپ تۅلۅگۅن اقچا سومماسى 263مئلليارت 690مئللىيون يۇاندان 422مئلليارت 480مئللىيون يۇانعا كۅبۅيۉپ، جىلدىق ورتوچو ارتۇۇسۇ 10.4پايىز بولۇپ، 6 جىلدا شئنجاڭعا قولدوو كۅرسۅتكۅن اقچانىن جالپى سومماسى 2تئرللىيون يۇاندان اشقان. شئنجاڭعا نئشااندۇۇ جاردام بەرۉۉچۉ 19 ۅلكۅ-شاار جالپى باعىتتۇۇ نئشااندۇۇ جاردام بەرۉۉنۉ جالپى بەتكەي كۉچۅتۉپ، شئنجاڭعا نئشااندۇۇ جاردام بەرۉۉگۅ سالعان جالپى قارجى سومماسى (بئڭتۇاندى قامتىيت) 96مئلليارت 400 مئللىيون يۇانعا جەتىپ، جولعو قويۇلعان شئنجاڭعا نئشااندۇۇ جاردام بەرۉۉ تۉرۉ 10مىڭدەن اشىپ، شئنجاڭعا نئشااندۇۇ جاردام بەرۉۉچۉ ۅلكۅ-شاارلاردىن كەرقانالارىن كىرگىزۉۉ ارقىلۇۇ ناقتاشقان قارجى سومماسى 1تئرللىيون 684 مئلليارت يۇانعا جەتىپ، بوربور كەرقانالارىنىن قارجى سالۇۇ سومماسى 700 مئلليارت يۇاندان اشقان. جالپى جاعىنان قاراعاندا، شئنجاڭدا قووم وموقتۇۇ، ەل بەيپىل تىرىچىلىك قىلعان جاقشى قىردال كۅرۉلۉپ، ۇزاققا بەيپىل باشقارۇۇعا ارىم الۇۇعا مىقتى نەگىز سالىندى. ئش جۉزۉندۉك ىشتەر: ماملەكەتىبىز ۇلۇت قىزماتىن جەڭىشتۉۉ ىشتەگەنىن تولۇق دالىلدەدى. بۇل ناتىيجالاردىن قولعو كەلۉۉسۉ پارتئيا بوربوردۇق كومىتەتتىن كۉچتۉۉ جەتەكچىلىگىنىن ناتىيجاسى، بۉت پارتئيا بۉت ماملەكەت ەلىنىن ورتوق كۉرۅشكۅندۉگۉنۉن ناتىيجاسى، وشوندوي ەلە بۇعا شئنجاڭداقى 25مئللىيوندون اشۇۇن ار ۇلۇت ۇلان-قىزدارىنىن اقىل-پاراساتى جانا قان-تەرى سىڭگەن. شئى جئنپىڭ پارتئيا بوربوردۇق كومىتەت اتىنان شئنجاڭ قىزماتىنىن ارقايسى چەبىنە قاتىشقان جانا قولدوو كۅرسۅتكۅن جولدوشتوردون، شئنجاڭداقى ار ۇلۇت قالقىنان، نەگىزگى قاتمار بئرىنچى چەبىندە جاپاالۇۇ قىزمات ىشتەپ جاتقان قالىڭ كادىر، جۇمۇشچۇ-قىزماتكەرلەردەن چىن ىقلاستۇۇ ال سۇرايت. 

  شئى جئنپىڭ مىنا بۇلاردى باسا كۅرسۅتتۉ: پارتئيا 18-قۇرۇلتايىنان بەرى، پارتئيا بوربوردۇق كومىتەت شئنجاڭدى باشقارۇۇ مئزامىنا بولعون تاانىم جانا ىيگەرۉۉنۉ تەرەڭدەتىپ، جاڭى دوور پارتئيانىن شئنجاڭدى باشقارۇۇ جالپى ىقىمىن قالىپتاشتىرىپ، شئنجاڭ قىزماتىن ىستىراتەگىيالىق جاقتان قاروو مەنەن پئلاندوودو بەكەم تۇرۇپ، قووم وموقتۇۇلۇعۇ جانا ۇزاققا بەيپىل باشقارۇۇنۇ شئنجاڭ قىزماتىنىن باش نئشاانى قىلۇۇدا بەكەم تۇرۇپ، ەل كۅڭۉلۉن ۇيۇتۇۇنۇ تۉپكۉ نەگىز قىلۇۇدا بەكەم تۇرۇپ، جۇڭحۇا ۇلۇتۇ ورتوق تۇلقۇ تاانىمىن چىڭدوودو بەكەم تۇرۇپ، ماملەكەتىبىزدىن دئندى جۇڭگولوشتۇرۇۇ باعىتىندا بەكەم تۇرۇپ، سوتسىيالىستىك ۅزۅكتۉۉ نارق قاراشىن ۅۅرچۉتۉۉ جانا جەتىشىرىپ چىعۇۇدا بەكەم تۇرۇپ، ەل تۇرمۇشۇنا جاقىنداشىپ، جوعورۇ ساپاتتا ۅنۉگۉۉنۉ تۉرتمۅكتۅۅدۅ بەكەم تۇرۇپ، پارتئيانىن شئنجاڭ قىزماتىنا بولعون جەتەكچىلىگىن كۉچۅتۉۉدۅ بەكەم تۇردۇ. ئش جۉزۉندۉك بارىش: جاڭى دوور پارتئيانىن شئنجاڭدى باشقارۇۇ جالپى ىقىمىن بۉتۉندۅي تۇۇرا ەكەنىن، سۅزسۉز ۇزاق مەزگىل بەكەم تۇرۇۇ كەرەكتىگىن دالىلدەدى. بۉت پارتئيا ــ جاڭى دوور پارتئيانىن شئنجاڭدى باشقارۇۇ جالپى ىقىمىن ىزچىلدەشتىرۉۉنۉ بئر تۉردۉۉ ساياسئي مىلدەت دەپ بئلىپ، تولۇق تۇۇرا ىزچىلدەشتىرۉۉ جاعىنا كۉچ جۇمشاپ، شئنجاڭ قىزماتىندا باشتان-بويعو تۇۇرا ساياسئي باعىتتى ساقتووعو چىنىعى كەپىلدىك قىلۇۇسۇ كەرەك. 

  شئى جئنپىڭ مىنداي دەپ كۅرسۅتتۉ: شئنجاڭ قووم جالپى قىرداالىنىن سىزىل وموقتۇۇ، ۇزاق مەزگىل وموقتۇۇلۇعۇن ساقتوودو سوتسىيالىستىك زاكون ارقىلۇۇ باشقارۇۇ تۇۇسۇن بىيىك كۅتۅرۉپ، زاكون ارقىلۇۇ باشقارۇۇ رۇحۇن ۅرچۉتۉپ، ماملەكەتتى جالپى بەتكەي زاكون ارقىلۇۇ باشقارۇۇ تالابىن شئنجاڭ قىزماتىنىن ارقايسى سالاالارىنا جۉزۅلۅشتۉرۉۉ كەرەك. پارتىكوم جەتەكچىلىك قىلۇۇ، ۅكۉمۅت جووپتۇۇ بولۇۇ، قووم شايكەشۉۉ، جالپى ەل قاتىشۇۇ، زاكون ارقىلۇۇ باشقارىپ قامسىزدوودوي قوومدۇق باشقارۇۇ تۉزۉلمۅسۉن جالپى بەتكەي قالىپتاشتىرىپ، ورتوق قۇرۇپ، ورتوق باشقارىپ، ورتوق باارلانعان قوومدۇق باشقارۇۇ قىرداالىن جاراتۇۇ كەرەك.

 شئى جئنپىڭ مىنداي باسا كۅرسۅتتۉ: جۇڭحۇا ۇلۇتۇ ورتوق تۇلقۇ تاانىمىن بەكەم تۇرعۇزۇۇنۇ نەگىزگى لئنىيا قىلىپ، ار ۇلۇتتۇن چوڭ ىنتىماعىن ۉزگۉلتۉكسۉز بەكەمدۅۅ كەرەك. شئنجاڭ ەزەلتەن ەلە كۅپ ۇلۇت توپتوشۇپ ولتۇراقتاشقان رايون، شئنجاڭداعى ار ۇلۇت جۇڭحۇا ۇلۇتۇنۇن قان تامىرلاش چوڭ ۉي بۉلۅ مۉچۅسۉ. جۇڭحۇا ۇلۇتۇ ورتوق تۇلقۇ تارىحى، جۇڭحۇا ۇلۇتۇ كۅپ ۇيۇلدۇۇ بئر تۇلقۇلاشقان تۉزۉلۉشۉن ىزىلدۅۅنۉ كۉچۅتۉپ، جۇڭحۇا ۇلۇتۇ ورتوق تۇلقۇ تاانىمى تاربئياسىن شئنجاڭداعى كادىرلار تاربئياسى، جاش ۅسپۉرۉمدۅر تاربئياسى، قوومدۇق تاربئياعا كىرگىزىپ، ار ۇلۇت كادىر قالقىن تۇۇرا ماملەكەت قاراشى، تارىح قاراشى، ۇلۇت قاراشى، مادانئيات قاراشى، دئن قاراشىن تۇرعۇزۇۇعا تاربئيالاپ جەتەكتەپ، جۇڭحۇا ۇلۇتۇ ورتوق تۇلقۇ تاانىمىن جان دۉينۅنۉن تەرەڭ جەرىنە تامىر تارتتىرۇۇ كەرەك. ار ۇلۇتتۇن كەڭىرى قارىم قاتتوو، جالپى بەتكەي الماشتىرۇۇ، تەرەڭدەي جۇۇرۇلۇشۇۇسۇن ىلگەرى سۉرۉۉ كەرەك. شئنجاڭ ىسلام دئنىن جوڭگولوشتۇرۇۇ باعىتىندا بەكەم تۇرۇپ، دئندىن سوو ۅنۉگۉۉسۉن ىشكە اشىرۇۇ كەرەك. ىدىيالوگىيا سالااسى قىزماتىن تەرەڭدەي جاقشى ىشتەپ، مادانئيات ارقىلۇۇ شئنجاڭدى جالچىتۇۇ قۇرۇلۇشۇن تەرەڭدەي قۇلاچ جايدىرۇۇ كەرەك.

 شئى جئنپىڭ مىنداي كۅرسۅتتۉ: ۅنۉگۉۉ ـــ شئنجاڭدى ۇزاققا بەيپىل باشقارۇۇنۇن زارىل نەگىزى. شئنجاڭدىن رايون وردۇ ارتىقچىلىعىن كۅرسۅتۉپ، جىبەك جولۇ ەكونومىكالىق القاعى ۅزۅكتۉۉ رايون قۇرۇلۇشۇن جىلىشتاتۇۇنۇ قىيمىلداتقىچ كۉچ قىلىپ، شئنجاڭدىن ۅزۉنۉن رايون مۉنۅزدۉ اچىپ جىبەرۉۉ ىستىراتەگىياسىن ماملەكەتتىن باتىشقا اچىپ جىبەرۉۉ جالپى تۇلقۇ جايعاشتىرۇۇسۇنا كىرگىزىپ، سىرتقا اچىپ جىبەرۉۉ ارالجىسىن بايىتىپ، سىرتقا اچىپ جىبەرۉۉ قاتمارىن جوعورۇلاتىپ، اچىپ جىبەرۉۉ تىبىندەگى ەكونومىكا تۉزۉلمۅسۉندۅ جاڭىلىق جاراتىپ، ىچكى قۇرعاقتىققا اچىپ جىبەرىلگەن جانا لئنىيا بويۇنا اچىپ جىبەرىلگەن بىيىكتىكتى جاراتۇۇ كەرەك. ۅنۅر جايدىن نەگىزىن بەكەمدەپ بەرەكەتىن ارتتىرۇۇ جانا تئپ ۅزگۅرتۉپ داراجاسىن جوعورۇلاتۇۇنۇ تۉرتمۅكتۅپ، شئنجاڭدىن ۅزگۅچۅ ارتىقچىلىقتۇۇ كەسىپتەرىن جەتىشتىرىپ جانا زورويتۇپ، جەرگىلىكتۉۉ قالقتى كىرەشە ارتتىرىپ بايۇۇعا باشتوو كەرەك. قۇرۇلۇشتۇ ئلىمىي جوسپورلوپ، شاار- شاارچالاشتىرۇۇ ساپاتىن جالپى بەتكەي ۅستۉرۉۉ كەرەك. تۇنۇق سۇۇ، جاشىل توو ـــ التىن توو، كۉمۉش توو تۉشۉنۉگۉندۅ بەكەم تۇرۇپ، ەكولوگىيانى قورعوو قىزىل سىزىعىن چەچكىن قايتارىپ، چۅلدۉ جۅنگۅ سالۇۇ، سۇۇنۇ جۅنگۅ سالۇۇ جانا توقوي، جايىتتى قورعوو قىزماتىن بئر كەلكى پئلانداپ قۇلاچ جايدىرىپ، قووز شئنجاڭدىن اسىمانىن داعى دا كۅك، تووسۇن داعى دا جاشىل، سۇۇسۇن داعى تۇنۇق قىلۇۇ كەرەك.

 شئى جئنپىڭ مىنداي باسا بەلگىلەدى: ىلدەتتىن الدىن الىپ تىزگىندۅۅ جانا ەكونومىكا، قوومدۇن ۅنۉگۉۉسۉن بئر كەلكى پئلانداپ، «التىنى تۇراقتاندىرۇۇ» قىزماتىن جاقشى ىشتەپ، «التىنى قامسىزدوو» مىلدەتىن جۉزۅلۅشتۉرۉپ، كەمباعالدىقتان ارىلتۇۇ چابۇۇلۇ جانا جۇمۇشقا ورۇنداشتىرۇۇدان تۇرعان ەكى چوڭ ئشتى سىزىل بەكەم قارموو كەرەك. كەمباعالدىققا قايتۇۇنۇن الدىن الۇۇنۇ كۉزۅتۉپ تەكشەرۉۉ جانا جاردام بەرىپ جۅلۅۅ تۉزۉلمۅ مەحانىزىمىن جاقشىرتىپ جانا كەمەلدەندىرىپ، جالپى بەتكەي كەمباعالدىقتان ارىلتۇۇ مەنەن ايىل- قىشتاقتاردى جالچىتۇۇنۇ ورگانىكالىق چىركەشتىرۉۉنۉ سىزىل جىلىشتاتىپ، ىچكى ۅنۉگۉۉ قىيمىلداتقىچ كۉچۉ جانا ۅنۉگۉۉ جاشوو كۉچۉن كۉچۅتۉۉگۅ ماانئى بەرىپ، كەمباعالدىقتان ارىلعاندان كىيىن ۅنۉگۅۅ الۇۇسۇنا، سىزىل بولۇۇسۇنا چىنىعى كەپىلدىك قىلۇۇ كەرەك. ساياساتتىق قولدوو ەپكىنىن اشىرىپ، تۉزۉلمۅ مەحانىزىمىندە جاڭىلىق جاراتىپ، جاقىن ايلانادا ۅز جەرىندە جۇمۇشقا ورۇنداشتىرۇۇ مەنەن تارتىپتۉۉ قوتورۇپ سىرتقا چىعارىپ جۇمۇشقا ورۇنداشتىرۇۇنۇ ورگانىكالىق بىرىكتىرۉۉدۅ بەكەم تۇرۇۇ كەرەك. تۉشتۉك شئنجاڭدىن ەكونومىكا قوومۇن ۅنۉكتۉرۉۉ جانا ەل تۇرمۇشۇن جاقشىلوونۇ زور كۉچ مەنەن تۉرتمۅكتۅۅ كەرەك. كۅپ قاتمارلۇۇ، جالپى باعىتتۇۇ، ستەرولۇق ىڭعايدا شئنجاڭ اڭگەمەسىن جاقشى سۉيلۅپ، شئنجاڭدىن قووم وموقتۇۇلۇعۇ جالپى قىرداالىنىن چوڭ جاقشى قىرداالىن، كىشىلەردىن بەيپىل تىرىچىلىك قىلعان باقتىلۇۇ تۇرمۇشۇن جۉيۅلۉۉ ارى كۉچتۉۉ ۉگۉتتۅۅ كەرەك.

 شئى جئنپىڭ مىنداي كۅرسۅتتۉ: پارتئيابىزدىن العاچقى مۉدۅۅسۉ مەنەن ىيىق مىلدەتى ـــ شئنجاڭداعى ار ۇلۇت ەلىن ۅز ىچىنە العان جۇڭگو ەلىنە باقىت جاراتۇۇ، شئنجاڭداعى ار ۇلۇت ەلىن ۅز ىچىنە العان جۇڭحۇا ۇلۇتۇن جالچىتۇۇ. ار داراجالۇۇ پارتكوم جاڭى دوور پارتئيانىن شئنجاڭدى باشقارۇۇ جالپى ىقىمىنا تۇۇرالانىپ، بىلەسەلۉۉ تۉردۅ ئدىيادا، ساياسىيدە، اراكەتتە پارتئيا بوربوردۇق كومىتەتى مەنەن جوعورۇ داراجادا بىردەيلىكتى ساقتووسۇ كەرەك. مۇرات ىشەنىم تاربئياسىن تەرمەلبەي كۉچۅتۉپ، ساياسىي تاربئيالانۇۇنۇ كۅرۉنۉكتۅندۉرۉپ، كادىرلاردىن ساياسى ساپاتىن دايىمدۇۇ ايىرمالاندىرىپ، ار داراجالۇۇ جەتەكچىلىك ۇقۇعۇ باشتان بويعو اق جۉرۅك، تازا، ارقالاي العان كادىرلاردىن قولۇندا بەكەم ىيگەرىلۉۉسۉنۅ چىنىعى كەپىلدىك قىلۇۇ كەرەك. جەتىشتىرۉۉ، تاربئيالوو ەپكىنىن اشىرىپ، شئنجاڭ كادىرلار قوشۇۇنۇن جەتىشتىرۉۉ، تاربئيالوو جوسپورۇن ىزىلدەپ تۉزۉپ، نازارىيادا جەتىك ارى مىقتى، ساياساتتى ىيگەرۉۉسۉ ىيىنە جەتكەن، ئش جۉزۉنۅن ۅتكۅرۉۉ قۇرباتى كۉچتۉۉ كادىرلار قوشۇۇنۇن تاربئيالووعو كۉچ سالۇۇ كەرەك. پارتئياعا اق جۉرۅك، مۇرال جانا جۅندۅمدۅ تەڭ جەتىلگەن جوعورۇ ساپاتتۇۇ از ساندۇۇ ۇلۇت كادىرلار قوشۇۇنۇن قۇرۇۇنۇ زارىل مىلدەت قاتارى دايىما بەكەم قارماپ بوشوشتۇربوو كەرەك. ايقىن ادام ىشتەتۉۉ باعىتىن تۇرعۇزۇپ، ساياسىيدە جەتىك، ارقالووعو باتىل وزوت از ساندۇۇ ۇلۇت كادىرلارىنا قاراتا، تولۇق ىشەنىپ، ىنتىماقتى بەكەمدەپ، باتىل تانداپ ۅستۉرۉپ، كەڭىرى قويو بەرىپ ىشتەتىپ، بەينەسى كۅرۉنۉكتۉۉ بولعوندورۇن تىكەلەي بەلگىلەمەدەن اتتاتىپ ۅستۉرۉپ ىشتەتۉۉ كەرەك.

  شئى جئنپىڭ مىنداي باسا كۅرسۅتتۉ: شئنجاڭداعى ار ۇلۇت كادىرلارى ىشەنۉۉگۅ ارزىيت، كۉرۅشۉۉ كۉچۉ بار. الارعا ساياسىيدە چابىتتاندىرىپ، قىزماتتا قولدوو كۅرسۅتۉپ، كۉتۉم جاعىندا قامسىزداپ، تۇرمۇشۇنا كۅڭۉل بۅلۉپ، پىسحىكالىق جاقتان قامقوردۇق قىلىپ، ۅنۉمدۉۉ چارالاردى ىزىلدەپ قولدونۇپ، شئنجاڭدىن كادىر ىشكەرلەر قوشۇۇنۇن تۇراقتاندىرۇۇ كەرەك. ۇلۇت رۇحۇ جانا دوور رۇحۇن ۅرچۉتۉپ، تووروق رۇحۇ جانا بئڭتۇان رۇحۇن ئش جۉزۉندۅ كۅرسۅتۉپ، ار داراجالۇۇ كادىرلاردى جاڭى دووردو شئنجاڭعا تامىر تارتۇۇ، چەك اراعا سالىم قوشۇۇعا شىقتاندىرۇۇ كەرەك.

 شئى جئنپىڭ مىنا بۇلاردى كۅرسۅتتۉ، شئنجاڭ قىزماتىن جاقشى ىشتۅۅ بۉت پارتئيا بۉت ماملەكەتتىن چوڭ ئشى، سۅزسۉز بۉت ماملەكەت بئر تاقتا شاحمات ئدىياسىن بەكەم تۇرعۇزۇپ، پارتئيا بوربوردۇق كومىتەتتىن بئر كەلكى جەتەكچىلىگىن، بوربوردوقۇ تارماقتاردىن قولدوپ جەتەكتۅۅسۉن، ار قايسى ۅلكۅ شاارلاردىن جاردام بەرىپ شايكەشۉۉسۉن، شئنجاڭ نەگىزگى تۇلقۇ رولۇن كۅرسۅتۉۉنۉن قىزمات مەحانىزىمىن جاقشىرتۇۇ كەرەك. بوربوردۇن شئنجاڭ قىزماتىن شايكەشتىرۉۉ گۇرۇپپاسى پارتئيا بوربوردۇق كومىتەتتىن جەتەكچىلىگىندە، شئنجاڭ قىزماتىنا بولعون قىرداالدى تالقۇۇلاپ ۅكۉم چىعارۇۇ، ساياسات ىزىلدۅۅ، شايكەشتىرىپ جەتەكتۅۅ، ايداقتاپ تەكشەرۉۉنۉ كۉچۅتۉپ، ورچۇندۇۇ ماسەلەگە ماالىندا قىزمات پىكىرىن ورتوعو قويۇۇ كەرەك. بوربوردۇن بايلانىشتۇۇ تارماقتارى قىزمات وردۇندا بەكەم تۇرۇپ ۅز جووپكەرچىلىگىن تاق اتقارىپ، تىعىز شايكەشىپ، تەرەڭدەي تەكشەرىپ ىزىلدەپ ايداقتاپ، ماالىندا ماسەلەنى بايقاپ، قىيىنچىلىقتى چەچۉۉسۉنۅ جاردام بەرۉۉ كەرەك. شئنجاڭ اپتونوم رايوندۇق پارتكوم الدىنقى چەپتە تۇرۇپ، نەگىزگى تۇلقۇ جووپكەرچىلىگىن جاقشى اتقارىپ، قىزماتتاردىن جۉزۅلۅشۉۉسۉن جاقشى قارموو كەرەك. ىچكەرىدەكى ار قايسى ۅلكۅ، رايون، شاارلار شئنجاڭعا قاتىشتۇۇ قىزماتتاردى چىنىعى جاقشى ىشتەپ، شئنجاڭدىن وموقتۇۇلۇعۇ مەنەن ۅنۉگۉۉسۉن قولدوو كەرەك. ار قايسى شئنجاڭعا نئشااندۇۇ جاردام بەرگەن ۅلكۅ، شاارلار شئنجاڭ مەنەن بولعون شايكەشۉۉنۉ كۉچۅتۉپ، ۇزاققا چەيىن شئنجاڭعا جاردام بەرۉۉدۅ بەكەم تۇرۇپ، شئنجاڭعا نىشااندۇۇ جاردام بەرۉۉنۉن ۇنىۋەرسال بەرەكەتىن ۅستۉرۉۉ كەرەك. ىسلااتتى سىزىل تەرەڭدەتىپ، وموقتۇۇلۇقتۇ قورعوو قۇربات قۇرۇلۇشۇن كۉچۅتۉپ، بئڭتۇاندىن ۇيۇشتۇرۇۇ ارتىقچىلىعى مەنەن قوزعوتۇۇ قۇرباتىن تىنباي كۉچۅتۉپ، ۅزگۅچۅ رولۇن انسايىن جاقشى كۅرسۅتۉۉ كەرەك.

 لئى كىچئياڭ جىيىندى باشقارعاندا مىنا بۇلاردى كۅرسۅتتۉ، باش شۇجئى شئى جئنپىڭدىن زارىل سۅزۉ ەكىنچى جولقۇ بوربوردۇن شئنجاڭ قىزمات مايەك جىيىنى اچىلعاندان بەركى شئنجاڭ قىزماتى قولعو كەلتىرگەن وروشون جەتىشكەندىكتەردى جالپى بەتكەي قورتۇندۇلاپ، ۇچۇرداعى شئنجاڭ قىزماتى تۇش كەلگەن قىرداالدى تەرەڭدەي انالىزدەپ، جاڭى دووردوقۇ پارتئيانىن شئنجاڭدى باشقارۇۇ جالپى ىقىمىن چەچمەلەپ، ۇچۇرداعى جانا مىندان كىيىنكى بئر مەزگىلدەكى شئنجاڭ قىزماتىنىن جەتەكچى ئدىياسىن، نىشاان مىلدەتىن، باعىت ساياساتىن، ىستىراتەگىيالىق چااراسىن ايقىنداشتىرىپ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇسۇن تۉرتمۅكتۅۅنۉن تۉيۉندۉۉ قىزماتىن جالپى بەتكەي ورۇنداشتىردى، بۇل ابدان كۉچتۉۉ ساياسىيلىككە، ئدىيالىققا، نازارىيالىققا ەە، جاڭى دوور شئنجاڭ قىزماتىن جەتەكتۅۅنۉن پىروگرامما مۉنۅزدۉۉ نارقتۇۇ ۉجۅتۉ. استەيدىل ۉيرۅنۉپ ۅزدۅشتۉرۉپ، قىزمات ئش جۉزۉندۉلۉگۉنۅ بىرلەشتىرىپ تەرەڭدەي وي جۉگۉرتۉپ، ئزچىل جۉزۅلۅشتۉرۉۉ چاارالارىن ىزىلدۅۅ كەرەك. ئدىيا جانا اراكەتتى پارتئيا بوربوردۇق كومىتەتتىن شئنجاڭ قىزماتى جۅنۉندۅكۉ چەچىم ورۇنداشتىرۇۇلارىنا بىركەلكىلەشتىرىپ، شئى جئنپىڭدىن جاڭى دوور جۇڭگوچو سوتسىيالىزىم ئدىياسىن جەتەكچى قىلىپ، «تۅرت تاانىم»دى كۉچۅتۉپ، «تۅرتتۅ ۅزۉنۅ ىشەنۉۉ»نۉ بەكەمدەپ، «ەكىنى قورعوونۇ» اتقارىپ، ار تۉردۉ مىلدەتتەردىن جۉزۅلۅشۉۉسۉن تەرمەلبەي جاقشى قارماپ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇسۇن تۉرتمۅكتۅۅ كەرەك.

ۋاڭ ياڭ قورتۇندۇلوو سۅزۉندۅ مىنا بۇلاردى كۅرسۅتتۉ، باش شۇجئى شئى جئنپىڭدىن زارىل سۅزۉ الىستى كۅرۅگۅن، ئدىياسى تەرەڭ، مازمۇنۇ مول، جاڭى دوور شئنجاڭ قىزماتىن جەتەكتۅۅدۅكۉ پىروگىرامما مۉنۅزدۉۉ نارقتۇۇ ۉجۅت، شئنجاڭ قىزماتى تۇۇرا جولدو بەكەم تۇرۇپ جاڭىلىق جاراتۇۇ، جەڭىشكە جەتىپ الدىعا ىلگەرلۅۅگۅ جەتەكتۅۅچۉ كۉچتۉۉ ئدىيالىق قۇرال. باش شۇجئى شئى جئنپىڭدىن زارىل سۅزۉنۉن رۇحۇن تەرەڭ ۉيرۅنۉپ تولۇق ۅزدۅشتۉرۉۉنۉ زارىل ساياسىي مىلدەت قىلىپ، ۅزۅكتۉۉ مازمۇنۇ مەنەن رۇحۇ ماڭىزىن چىنىعى ىيگەرىپ، ۉيرۅنۉۉ بارىشىن تاانىمدى كۅتۅرۉۉ، قىزماتتى تۉزۅتۉۉنۉن بارىشىنا ايلاندىرۇۇ كەرەك. جاڭى دوور پارتئيانىن شئنجاڭدى باشقارۇۇ جالپى ىقىمىن تولۇق تۇۇرا تۉشۉنۉپ جانا ۇزۇن مەزگىل بەكەم تۇرۇپ، ئش جۉزۉندۉككۅ بىرلەشتىرىپ ئزچىل جۉزۅلۅشتۉرۉۉنۉ جاقشى قارماپ، شئنجاڭ قىزماتىنىن باشتان اقىرى تۇۇرا باعىتتا ىلگەرلۅۅسۉنۅ چىنىعى كەپىلدىك قىلۇۇ كەرەك. شئنجاڭ قىزماتىنىن باش نىشاانىن بەكەم ىيگەرىپ، ۇزاققى چاارانى پىلانداپ، نەگىزىن بەكەمدۅۅ چااراسىن اتقارىپ، ۇزاققا بەيپىل باشقارۇۇعا بايلانىشتۇۇ تەرەڭ قاتمارداعى ماسەلەدە چوعۇۇ كۉچ چىعارۇۇ كەرەك. شئنجاڭ جانا بوربوردوقۇ ار قايسى تارماقتار جىيىندىن رۇحۇن ئزچىلدەشتىرىپ جۉزۅلۅشتۉرۉۉچۉ جولعو قويۇۇ پىكىرلەردى تۉزۉپ چىعىپ، تۉيۉندۉۉ مىلدەتتەرگە قاراتا ار بئر تۉر بويۇنچا ىچكە چەچمەلەپ، پارتئيا بوربوردۇق كومىتەتتىن چەچىم ورۇنداشتىرۇۇلارىن ئش جۉزۉندۉك قىزمات بەرەكەتىنە ايلاندىرۇۇ كەرەك. ۇيۇمداپ جەتەكتۅۅ جانا شايكەشتىرىپ ايقالىشۇۇنۇ كۉچۅتۉپ، قىزمات جووپكەرچىلىگىن چىڭداپ، ايداقتاپ تەكشەرۉۉنۉ كۉچۅتۉۉ كەرەك. مول مازمۇندۇۇ ۉگۉت لەكسىيا قىيمىلدارىن ۇيۇمداشتىرىپ الىپ بارىپ، جىيىن رۇحۇنۇن نەگىزگى قاتماردىن تەرەڭىنە جەتۉۉ، ەل كۅڭۉلۉنۅن تەرەڭ ورۇن الۇۇسۇن تۉرتمۅكتۅۅ كەرەك.

  بەيجىندەكى ج ك پ بوربوردۇق كومىتەت ساياسىي بئيۇروسۇنۇن مۉچۅلۅرۉ، بوربوردۇق كومىتەت شۇجئچۇنۇن شۇجىلەرى، ماملەكەتتىك ەل قۇرۇلتايى تۇراقتۇۇ كومىتەتىنىن بايلانىشتۇۇ جەتەكچىلەرى، ماملەكەت ىشتەر كوممۇسسارلارى، ەڭ جوعورۇ ەل سوت مەكەمەسىنىن باشچىسى، ەڭ جوعورقۇ ەل پىروكۇراتۇرا مەكەمەسىنىن باشچىسى، ماملەكەتتىك ساياسىي كەڭەشتىن بايلانىشتۇۇ جەتەكچىلەرى قاتارلۇۇلار جىيىنعا قاتىشتى.

  شئنجاڭ ۇيعۇ اپتونوم رايوندۇق پارتئيا ۅكۉمۅتتۉن جووپتۇۇلارى جانا ار قايسى ايماق وبلاس شاارلاردىن پارتئيا ۅكۉمۅت نەگىزگى جووپتۇۇلارى، شئنجاڭ ۅندۉرۉش قۇرلۇش بئڭتۇانىنىن پارتئيا ۅكۉمۅت جووپتۇۇلارى جانا ار قايسى شىنىن پارتئيا ۅكۉمۅت نەگىزگى جووپتۇۇلارى، باشقا ار قايسى ۅلكۅ رايون شاارلاردىن جووپتۇۇلارى، بوربور جانا ماملەكەت ورگاندارىنىن بايلانىشتۇۇ تارماقتارىنىن جووپتۇۇلارى، بايلانىشتۇۇ ەلدىك توپتور، اقچا مامىلە اپپاراتتارى، بوربور كەرقانالارىنىن جووپتۇۇلارى، ارمئيانىن بايلانىشتۇۇ ورۇندارىنىن جووپتۇۇلارى قاتارلۇۇلار جىيىنعا قاتىشتى.

〖2020.09.27-09:28〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز