شئنجاڭعا نئشااندۇۇ جاردام بەرۉۉ قىزماتىن ۇلۇتتار ىنتىماعىن كۉچۅتكۅن قۇرۇلۇش قىلىپ قۇرۇپ چىقتى

2020-09-22 10:27

 ەمى ىستانسىيابىز قابارچىلارى دئڭ شئياۋدان، لو يۇانمئڭ، لئيۇ چئياڭ، دۇڭ جىيوڭدۇن «شئنجاڭعا نئشااندۇۇ جاردام بەرۉۉ قىزماتىن ۇلۇتتار ىنتىماعىن كۉچۅتكۅن قۇرۇلۇش قىلىپ قۇرۇپ چىقتى» دەگەن اتايىن قابارى نازارىڭىزداردا:

 جاقىندا، فۇجىيەن ۅلكۅسۉ چۉانجوۋ شاارىنىن شئنجاڭعا جاردام بەرۉۉ ۉلگۉ تۉرۉ «اققۇۇ شاارچاسى مالچىلاردى بەيپىل قونۇشتاندىرۇۇ» قۇرۇلۇشۇ شىدىر بۉتتۉ، بۇل سانجى شاارىنداعى ەڭ اقىرقى بئر تۉركۉم كۅچمۅ مالچى-اشىلى قازاق ۇلۇتتۇق ايىلىنداعى 502 تۉتۉن مالچى جايىت بويلوي مەكەندەگەن كۅچمۅن تۇرمۇش مەنەن تۉپكۉرۉنۅن قوش ايتىشىپ، ۅزدۅرۉنۉن جاڭى ۉيلۅرۉ بولعوندۇعۇنان دارەك بەرەت. بۇل ەكى كۉندۅ جاڭىدان قۇرۇلعان قونۇشتان سەمونت، شاعىل كۅتۅرۉپ ۉيلۅرۉن جاسالعالوو مەنەن شاشىلىش جۉرگۅن تۇرعۇنداردى كۅرۉۉگۅ بولوت. مالچى قىيزات ساكەن سۉيۉنگۅن تۉردۅ، كۅپچۉلۉك ەرتەرەەك جاڭى ۉيلۅرگۅ كۉچۅپ كىرۉۉنۉ چىدامسىزدىق مەنەن كۉتۉپ جاتقانىن ايتىپ مىنداي دەدى: مۇردا توودو مال باعىپ جاقادا ۉيۉبۉز جوق ەلە، ازىر ۇشۇنداي جاقشى ۉيلۅرگۅ كۅچۉپ كىرىپ جاشاعىداي بولدۇق، ۉيدۉن كۅلۅمۉ 85 چارچى مەتىر، تۇرمۇشۇبۇز انسايىن وڭتويلۇۇ بولدۇ. بالام مەكتەپتە وقۇپ جاتات، مەكتەبىبىز دا ابدان جاقىن، سالاماتتىقتى ساقتوو وردۇبۇزعا دا جاقىن، تۇرمۇش چۅيرۅبۉز ابدان جاقشى.

 تۉمۅن چاقىرىمدان كەلىپ شئنجاڭعا جاردام بەرىپ ەلدى الدىنقى ورۇنعا قويدۇ. ەكىنچى جولقۇ بوربوردۇن شئنجاڭ قىزمات مايەك جىيىنى اچىلعاندان بەرى، شئنجاڭعا جاردام بەرگەن ار قايسى ۅلكۅ شاارلار «ەكىدە قام ساناباستىق، ۉچتۉ قامسىزدوو»نۇ تىعىز ىمەرچىكتەي، شئنجاڭدىن تۇراقجاي قووپسۇزدۇعۇ، اعارتۇۇ بويۇنچا كەمباعالداردى جۅلۅۅ، سالاماتتىق بويۇنچا كەمباعالداردى جۅلۅۅ سىياقتۇۇ تۉر قۇرۇلۇشتارىن كۉچۅپ قولدووعو الىپ، شئنجاڭعا جاردام بەرۉۉ تۉر قارجىسىنىن 80 پايىزدان كۅبۉن ەل تۇرمۇشۇ سالااسىنا ىشتەتىپ، 80 پايىزدان كۅپ شئنجاڭعا جاردام بەرۉۉ قارجىسىن وودان شاار جانا اندان تۅمۅنكۉ نەگىزگى قاتمارلارعا ىشتەتىپ، ار ۇلۇت ەلىنىن ۅندۉرۉش تۇرمۇش شارت جاعدايىن سىزىل جاقشىرتقان.

 التى جىلدان بەرى، ار قايسى شئنجاڭعا جاردام بەرگەن ۅلكۅ شاارلار جەرگىلىكتىن ئش جۉزۉندۉلۉۉگۉنۅ بىرلەشتىرىپ، كەسىپ بويۇنچا شئنجاڭعا جاردام بەرىپ جۇمۇشتاندىرۇۇنۇ ىلگەرى سۉرۉۉ ەپكىنىن ارتتىرىپ، جاردامعا ەە بولعون جەردىن ەل تۇرمۇشۇنا نارىپ جەتكىرۉۉ، قىيمىلداتقىچ ەنەرگىياسىن جەتىلدىرۉۉ، قىسقالىقتارىن تولۇقتوو، ىنتىماقتىقتى ىلگەرى سۉرۉۉ، زاپاس كۉچۉن توپتووسۇنا دەمۅۅر بولعون.

  بۇل ەكى كۉندۅ، حوتەن شاارىنداعى شئنجاڭ جئڭحى توقۇماچىلىق ئلىم تەحنىكا چەكتۉۉ شەرىكتىگىنىن ۅندۉرۉش سەحىندە، جۉزدۅگۅن جۇمۇشچۇلار بئر تۉركۉم «كۅچۉرۉۉگۅ بولوتۇرعان جىلۇۇلۇق ساقتوو جارعاق قۇرۇلماسى، كۉن نۇرۇ ىلىمتا باستىرماسى» زاكاسىن بۉتۉرۉۉ مەنەن قاربالاس ىشتەپ جاتات. بۇل تۉردۉ ىلىمتا باستىرماسى بولسو بەيجىندىن شئنجاڭعا نئشااندۇۇ جاردام بەرۉۉچۉ كەرقاناسى شئنجاڭ جئڭحى توقۇماچىلىق ئلىم تەحنىكا چەكتۉۉ شەرىكتىگىنىن پانتەنتۉۉ تۉشۉمۉ بولۇپ، شئنجاڭ ئچى سىرتىنداعى قىردارلاردىن جاقشى القووسۇنا ەە بولعون. 2016-جىلى 8-ايدا ۅندۉرۉشكۅ كىرىشتىرىلگەندەن ازىرعا چەيىن، شەرىكتىك اتقارعان ساتۇۇ كىرەشەسى 350 مئللىيون يۇان بولۇپ، جەرگىلىكتەگى مىڭگە جۇۇق قىشتاق تۇرعۇندارىنىن جۇمۇشتانۇۇ ماسەلەسىن چەچكەن. كەرقانادا ۉچ جىل قىزمات ىشتەگەن حوتەن شاارى ئلچى ايىلى قوعۇنچى قىشتاعىنىن دىيقانى گۉلسۉم اۋۇت بۉگۉنكۉ كۉندۅ باشقارۇۇ قاتمارىنداعى كادىر بولۇپ جەتىشىپ چىققان. گۉلسۉم اۋۇت مىنداي دەدى: مەن بۇل قىزماتتى ابدان جاقتىرامىن، تابىلعاعا جەتكەندەي سەزەم، مەن جاقشى ىشتەيمىن.

 بىلۉۉگۅ قاراعاندا، بەيجىن شاارىنىن جاردامىندا، حوتەن شاارى، حوتەن وودانى، قاراقاش وودانى، لوپ وودانى، بئڭتۇان 14-شىسى سىياقتۇۇ 5 جاردامعا ەە بولعون جەرلەر جاڭىدان قۇرعان ۅنۅرجاي باقچا رايوندورۇنان جالپى 32 كەرقانا ورۇن-وچوق الىپ، 5 مىڭدەن اشۇقن كەمباعال جان-ساندىن جۇمۇشتانۇۇ ماسەلەسىن چەچكەن. بەيجىن شاارى شئنجاڭعا جاردام بەرۉۉ حوتەن قولباشچىلىق ىشتابى ئشقاناسىنىن مۇدۇرۇ ۋاڭ دامىڭ مىنداي دەدى: بئز ۅز جەرىنىن ابالىنا قاراي ئش كۅرۉۉدۅ بەكەم تۇرۇپ، تۉر قارجىسى، كەسىپ بويۇنچا شئنجاڭعا جاردام بەرۉۉ، كەرەكتۅۅ بويۇنچا كەمباعالداردى جۅلۅۅ، اقىل جاقتان نئشااندۇۇ جاردام بەرۉۉ سىياقتۇۇ جاقتارعا سىزىل كۉچ چىعارىپ، حوتەندەكى جەرگىلىكتۉۉ كادىرلار مەنەن بىردىكتە حوتەن ايماعىنىن كەمباعالدىقتان ارىلتۇۇ چابۇۇلۇنۇن جەڭىشىن قولعو كەلتىرۉۉ، بايىپ الدۇۇ تۇرمۇشقا جەتۉۉسۉ ۉچۉن بوربوردۇن تىيەشەلۉۉ سالىمىن قوشوبۇز.

 «قان بەرۉۉ»دۅن «قان جاسوو»عو چەيىن، سانىن ارتتىرۇۇدان ساپاتىن كۅتۅرۉۉگۅ چەيىن، 2016-جىلدان 2019-جىلعا چەيىن، شئنجاڭعا جاردام بەرگەن ار قايسى ۅلكۅ شاارلار جالپى 10 مىڭدەن اشۇۇن ەكونومىكالىق قىزماتتاشۇۇ تۉرۉن كىرگىزىپ، جۉزۅلۅشتۉرۉپ ناقتاشتىرعان قارجى 1 تئرليون 200مئليارت يۇان ايلاناسىندا بولۇپ، 80 مىڭدەن اشۇۇن از ساندۇۇ ۇلۇت قالقىن قوتورۇپ جۇمۇشتاندىرۇۇنۇ قولدوعون. بىيىل 6-ايدا، ادام كۉچۉ بايلىعى جانا قوومدۇق قامسىزداندىرۇۇ مئنىستىرلىگى اپتونوم رايوندۇق ەل ۅكۉمۅت مەنەن تۉشتۉك شئنجاڭداعى تۅرت ايماق وبلاستىن تەحنىك جۇمۇشچۇلار مەكتەبىن قۇرۇۇنۇ ورتوق جىلىشتاتۇۇ ەستەلىگىنە قول قويۇشۇپ، شئنجاڭدىن جۇمۇشقا ورۇنداشتىرۇۇ تولۇقتاما قارجىسىن 1 مئللىيارد 663 مئللىيون يۇاندان 2 مئللىيارت 300 مئللىيون يۇانعا كۅبۅيتتۉ، وشونۇ مەنەن بىرگە شئنجاڭ مەنەن «تۉشتۉك شئنجاڭداعى تۅرت ايماق وبلاستىن تەحنىك جۇمۇشچۇلار مەكتەبىن قۇرۇۇنۇ ورتوق جىلىشتاتۇۇ ەستەلىگىنە» قول قويۇشۇپ، بۉت شئنجاڭداعى ايرىقچا تۉشتۉك شئنجاڭداعى تۅرت ايماق وبلاستاعى 63 تەحنىك جۇمۇشچۇلار مەكتەبىنە نئشااندۇۇ جاردام بەرىپ جۅلۅۅ ەپكىنىن ارتتىرىپ، كەسىپتىك جۇمۇشچۇلاردى تاربئيالوونۇ باچىمداتقان. 9-تۉركۉمدۅكۉ ادام كۉچۉ بايلىعى جانا قوومدۇق قامسىزدوو مئنىستىرلىگىنىن شئنجاڭعا نئشااندۇۇ جاردام بەرۉۉ كادىرى، اپتونوم رايوندۇق ادام كۉچۉ بايلىعى جانا قوومدۇق قامسىزدوو نازاراتى پارتگۇرۇپپاسىنىن مۉچۅسۉ، ورۇن باسار نازىرى لئيۇ جۉنچاڭ مىنداي دەدى: جاقىنقى جىلدان بەرى، ماملەكەتتىك ادام كۉچۉ بايلىعى جانا قوومدۇق قامسىزدوو مئنىستىرلىگى شئنجاڭدىن جۇمۇشقا ورۇنداشتىرۇۇ تولۇقتاما قارجىسىنىن ار تۉردۉۉ قوومدۇق قامسىزداندىرۇۇ تولۇقتاماسى، جالپىلىق جىرعالچىلىق جۇمۇش ورۇن تولۇقتاماسى، كەسىپتىك تاربئيالوو تولۇقتاماسى جانا جۇمۇشقا ورۇنداشتىرۇۇ چاربا جاراتۇۇ تەيلۅۅ تولۇقتاماسىن قامسىزداپ جۉزۅلۅشتۉرۉۉ سىياقتۇۇ جاقتاردا ىشتىكتۉۉ رول كۅرسۅتۉپ، شئنجاڭدىن جۇمۇشقا ورۇنداشتىرۇۇ چاربا جاراتۇۇ قىزماتىن تۉرتمۅكتۅۅدۅ جاقشى بەرەكەتكە قول جەتكىرىپ، تۉيۉندۉۉ توپتوردۇن جۇمۇشقا ورۇنداشۇۇسۇ تولۇق قامسىزدالدى.

  كۅڭۉل قويۇپ شئنجاڭعا جاردام بەرىپ، چىنىعى مەەر ماحاباتى مەنەن شئنجاڭعا جاردام بەرىپ، شئنجاڭعا نئشااندۇۇ جاردام بەرۉۉ تىيانشاندىن تۉشتۉك تۉندۉگۉندۅ انسايىن قووز مەكەندى قۇرۇپ چىققاندان سىرت، داعى ۇلۇتتار ىنتىماعىنىن كۉردۉۉ توپۇراعىن تەرەڭدەتىپ قۇنارلۇۇ قىلدى.

  « الئجان ئنىم، جاقىندان بەرى قاندايسىڭ؟ بۉگۉن بئز كۉنشاندىن شئنجاڭعا جاردام بەرۉۉ قىزمات اتىرەتى اتىنان سىلەردى كۅرگۅلۉ كەلدىك...»

  ازىرقى ۇچۇر ارتىش شاارىنىن موناقى جۉزۉمۉ بىشىپ جەتىلگەن مەزگىل. جئياڭسۇ ۅلكۅسۉ كۉنشان شاارىنىن شئنجاڭعا جاردام بەرىپ جاتقان كادىرى دۇڭ لئياڭ قۇرچالىشقان تۇۇعانى الئجان ابلئتىپتىن ۉيۉندۅ ەمگەك كۉچۉ جەتىشسىز بولۇپ، جۉزۉم ۉزۉۉدۅن ابدان قابارتىر بولۇپ جاتقانىن ۇعۇپ، داروو شئنجاڭعا جاردام بەرگەن كادىرلاردى چوعۇلتۇپ اپتا اقىرىندا تۇۇعانىنىن ۉيۉنۅ جۉزۉم ۉزۉۉگۅ جاردامداشۇۇعا باردى، ارى ساتۇۇ جولۇن بايلانىشىپ بەردى. كۅپچۉلۉك تۉشتۅن مۇردا قاربالاس ىشتەشىپ قارا تەر باستى. مۇنۇ الئجان ابدۇلئتىپ تااسىرلەنىپ داروو چاي قۇيۇپ بەرىپ، قوون داربىزىن تئلىپ كۅپچۉلۉكتۉ ەس الۇۇعا چاقىردى. الئجان ابدۇلئتپ مىنداي دەدى: ۇشۇنداي جاقشى تۇۇعانىم بولعونۇنان ابدان تااسىرلەندىم. دەمەيدە دايىم مەنى كۅرگۅنۉ كەلىپ، ۉيدۅكۉ قىيىنچىلىقتارىمدى چەچىشىمە جاردام بەرەت.

 قارىم-قاتتوودون جۇۇرۇلۇشۇۇعا چەيىن، شئنجاڭعا نئشاندۇۇ جاردام بەرۉۉ قىزماتى «كۅپۉرۅ قۇرۇپ، سىرداش قىلىپ، جالپى بەتكەي، كۅپ قاتمارلۇۇ قارىم قاتتوو الماشۇۇ جۇۇرۇلۇشۇۇ مەحانىزىمىن قالىپتاشتىردى. ىستاتسىتىكاعا قاراعاندا، 2016-جىلدان بەرى، شئنجاڭعا جاردام بەرگەن كادىرلار نەگىزگى قاتمارداعى 14 مئڭ تۉتۉندۅن اشۇۇن از ساندۇۇ ۇلۇت قالقى مەنەن قۇرچالىشىپ تۇۇعانداشىپ، جالپى 94 مئڭ 200  ىرەت زىيارات قىلىپ، جالپى 646 مئليون يۇاندىق اقچا جانا بۇيۇم سەلبىك قىلعان؛ جالپى ۇيۇمداشتىرعان «دوستوشۇۇ، قۇرچالىشىپ تۇۇعانداشۇۇ»، «مادانئيات ارقىلۇۇ شئنجاڭدى نۇرلانتۇۇ» الماشترۇۇ ۅز ارا زىيارات قىلۇۇ سىياقتۇۇ ار تۉردۉ قىيمىلدار 10 مئڭ مايدان ىرەتتەن اشقان؛ شئنجاڭعا جاردام بەرگەن كادىر ىشكەرلەر جاردامعا ەە بولعون جەردەكى 42 مئڭ 600 كادىر ىشكەرلەر مەنەن جاردام بەرىپ جەتەكتۅۅ بويۇنچا قۇرچالىشىپ تۇۇعانداشىپ، كەسىپتىك بئلىم، وزوت تەحنىكا جانا باشقارۇۇ تاجىرىيبالارىن ىشتىكتۉۉ ۉيرۅتۉشكۅن. قاشقار شااردىق ەل دوقتۇرقاناسى ايالدار تۅرۅت بۅلۉمۉ ــــ شئنجىن شاارىنىن «توپ ۇيۇمدوو ىڭعايىندا دارىلوو ارقىلۇۇ شئنجاڭعا جاردام بەرۉۉ» بويۇنچا تۉيۉندۉۉ جاردام بەرىپ جۅلۅگۅن بۅلۉم، شئنجاڭعا جاردام بەرگەن دوقتۇرقانالاردىن «بىرگە-بئر» جەتەكتەپ جاردام بەرۉۉسۉندۅ، قاشقار شااردىق ەل دوقتۇرقاناسى ايالدار تۅرۅت بۅلۉمۉنۉن مۇدۇرۇ مەدەنئيەت ۋالئى بۅلۉمدۅكۉ بئرىنچى بولۇپ ۅز الدىنچا ۉچۉنچۉ داراجاداعى اپەراتسىيانى ىشتەي الۇۇچۇ ۇيعۇر دوقتۇرعا ايلانعان. مەدەنئيەت ۋالئى مىنداي دەدى: بىزگە بۇل شىنجىندىق ادىستەر جەتەكتەپ ۉيرۅتكۅندۅن كىيىن، بئز دا شىنجىنعا بارىپ بئلىم اشىرۇۇ مۅرتۉنۅ ەە بولدۇق، بۇل قىيىندىق داراجاداسى جوعورۇ ايرىم اپەراتسىيالاردى ۉيرۅنۉپ الدىق، انان ۉچۉنچۉ تۅرتۉنچۉ داراجاداعىنى ۉيرۅندۉك، بئز ازىر ۅز الدىبىزعا اپەراتسىيا قىلا الابىز.

 بئر نەەتتە جارىق چاچىپ تىيانشاندى نۇرلانتىپ، بازمىرت ورتوق ىلگەرلەپ شاڭدۇۇ باراقتى جاراتتى. التى جىلدان بەرى، شئنجاڭعا نئشااندۇۇ جاردام بەرۉۉ شئنجاڭدىن ەكونومىكا قوومۇنۇن دۉركۉرۅپ ۅنۉگۉۉسۉن كۉچۅپ تۉرتمۅكتۅپ، شئنجاڭ اتا مەكەندىن قۇچاعىندا ار ۇلۇت بووردوش ۅلكۅ رايون شاارلار مەنەن ورتوق ىلگەرلەپ، ورتوق ۅسۉپ ۅركۅندۅدۉ. اپتونوم رايوندۇق پارتكوم پارتئيا مەكتەبى (شئنجاڭ اكىمچىلىك شۅيۇانى) فىلوسوفىيا كافەدىراسىنىن ورۇن باسار مۇدۇرۇ، پىروفەسسور چىن حۇڭ مىنداي دەدى: پارتئيا 18-قۇرۇلتايىنان بەرى، جولدوش شئى جئنپىڭدى ۅزۅك قىلعان پارتئيا بوربوردۇق كومىتەت ىستىراتەگىيالىق جالپى قىرداال بىيىكتىگىنەن شئنجاڭ قىزماتىنا جالپى بەتكەي ورۇنداشتىرۇۇ جاساپ، شئنجاڭعا نئشااندۇۇ جاردام بەرۉۉ ماملەكەتتىن ىستىراتەگىياسى ەكەنىن، سۅزسۉز ۇزاققا چەيىن بەكەم تۇرۇپ، شئنجاڭعا نئشااندۇۇ جاردام بەرۉۉ قىزماتىن ۇلۇتتار ىنتىماعىن كۉچۅتۅ تۇرعان قۇرۇلۇش قىلىپ قۇرۇپ چىعۇۇ كەرەكتىگىن ايقىنداشتىرعان. شئنجاڭعا جاردام بەرگەن ۅلكۅ شاارلار جانا بوربوردوقۇ ورۇندار كەسىپ بويۇنچا شئنجاڭعا جاردام بەرۉۉ، ئلىم تەحنىكا بويۇنچا شئنجاڭعا جاردام بەرۉۉ، اعارتۇۇ بويۇنچا شئنجاڭعا جاردام بەرۉۉ، كادىر ىشكەرلەر بويۇنچا شئنجاڭعا جاردام بەرۉۉ، مادانئيات بويۇنچا شئنجاڭعا جاردام بەرۉۉ سىياقتۇۇ قىزماتتاردى بئر كەلكى پىلانداپ جىلىشتاتۇۇنۇ تىنباي كۉچۅتۉپ، شئنجاڭعا جاردام بەرۉۉ ىڭعايىنىن جاڭى، شئنجاڭعا جاردام بەرۉۉ قارجىسىنىن كۅپ، كەسىپ بويۇنچا شئنجاڭعا جاردام بەرۉۉسۉنۉن چىنىعى، قالقتىن نارىپقا ەە بولۇۇسۇ چىنىعى، قارىم قاتتوو الماشۇۇ جۇۇرۇلۇشۇۇسۇنۇن تەرەڭ بولۇۇسۇ مۇردا بولۇپ كۅربۅگۅندۅي بولۇپ، سوتسىيالىستىك كۉچتۉ چوردوندوشتۇرۇپ چوڭ ئش قىلۇۇداي ساياسئي ارتىقچىلىعىن تولۇق كۅرسۅتتۉ، شئنجاڭعا نئشااندۇۇ جاردام بەرۉۉنۇن ۇنىۋەرسال بەرەكەتى تىنباي جوعورۇلاپ، شئنجاڭدىن وموقتۇۇلۇعۇ ۅنۉگۉۉسۉندۅكۉ ار تۉردۉۉ ىشتەر ۉچۉن كۅرنۉكتۉۉ سالىمداردى قوشۇپ، كۉچتۉۉ قىيمىلداتقىچ كۉچ قوشتۇ.

〖2020.09.22-10:27〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز