ماملەكەتتىك جاڭىچا تااجى سىمال ۋئرۇس ۅپكۅ سەزگەنچىنە قارشى سوققۇ ۇرۇۇ داڭازالاپ- سىيلوو جىيىنى سالتاناتتۇۇ ۅتتۉ

2020-09-09 10:28

 

ماملەكەتتىك جاڭىچا تااجى سىمال ۋئرۇس ۅپكۅ سەزگەنچىنە قارشى سوققۇ ۇرۇۇ داڭازالاپ- سىيلوو جىيىنى 9- ايدىن 8- كۉنۉ تۉشتۅن مۇرۇن بەيجىن ەل سارايىندا سالتاناتتۇۇ ۅتتۉ، باش شۇجئى شئى جئنپىڭ ماملەكەت وردەنى جانا ماملەكەت ارداق- ناام اتاعىنا ەە بولعوندورعو وردەن بەردى ارى زارىل سۅز سۉيلۅدۉ. اپتونوم رايونۇبۇزداعى ار ۇلۇت كادىر، قالىق تۉردۉۉ جولدور مەنەن جىيىندىن تۉز بايانىن كۅرۉپ ۇقتۇ. كۅپچۉلۉك: جۇڭگونۇن ىلدەتكە قارشى كۉرۅشۉ جۇڭگو رۇحۇن، جۇڭگو كۉچۉن، جۇڭگونۇن ۉستۉنۅ الۇۇسۇن تولۇق ايگەنەلەپ، ار ۇلۇت قالقىنىن ۅزۉنۅ ىشەنۉۉ جانا سىيمىق سەزىمىن، ۇيۇشۇۇ كۉچۉن جانا بوربورعو ۇمتۇلۇۇ كۉچۉن زور داراجادا كۉچۅتتۉ، بۇل بئزدىن جاڭى دوور، جاڭى ساپاردا توسقوولدوردۇ جارىپ ۅتۉپ، بااتىرلارچا العا ىلگەرىلۅۅبۉزگۅ سۅزسۉز شىق بەرەت،- دەشتى. ەمى ىستانسىيابىزدىن بۇل جۅنۉندۅكۉ ۇنىۋەرسال قابارى نازارىڭىزداردا: 

  باش شۇجئى شئى جئنپىڭ مىنا بۇلاردى كۅرسۅتتۉ: جاڭىچا تااجى سىمال ۋئرۇس ۅپكۅ سەزگەنچى ىلدەتى 100 جىلدان بەركى بۉت جەر شاارىندا تاراعان ەڭ وور جۇعۇشتۇۇ وورۇنۇن كەنەن تارالۇۇسۇ، جاڭى جۇڭگو قۇرۇلعاندان بەركى ماملەكەتىبىز جولۇققان تارالۇۇ تەزدىگى ەڭ تەز، جۇعۇمدالۇۇ چۅلكۅمۉ ەڭ كەنەن، الدىن الىپ تىزگىندۅۅ قىيىندىق داراجاسى ەڭ وور ورچۇندۇۇ كۉتۉۉسۉز كۅرۉلگۅن جالپىلىق سالاماتتىق ساقتوو وقۇياسى. بئز ەل باارىدان بىيىك، ۅمۉر باارىدان بىيىك دەگەندە بەكەم تۇرۇپ، چەچكىن قۇرچ ەردىك جانا قاجىباس قايرات مەنەن، ۇباقىت مەنەن جارىشىپ، وورۇ مەنەن تايماشىپ، ىلدەتتىن الدىن الىپ تىزگىندۅۅ ەلدىك كۉرۅشۉ، جالپى تۇلقۇ كۉرۅشۉ، توسۇپ سوققۇ ۇرۇۇ كۉرۅشۉن تەزدەن الىپ بارىپ، ماملەكەتتىك ىلدەتكە قارشى تۇرۇۇ كۉرۅشۉنۉن ورچۇندۇۇ ىستىراتەگىيالۇۇ تابىلعاسىنا قول جەتكىردىك. ۇشۇل نەگىزدە، بئز ىلدەتتىن الدىن الىپ تىزگىندۅۅ جانا ەكونومىكا، قوومدۇ ۅنۉكتۉرۉۉ قىزماتىن بئر كەلكى جوسپورلوپ جىلىشتاتىپ، ۅندۉرۉش، تۇرمۇش تارتئبىن چىڭ قارماپ قالىبىنا كەلتىرىپ، كۅرۉنۉكتۉۉ بەرەكەتتەرگە قول جەتكىردىك. جۇڭگونۇن ىلدەتكە قارشى تۇرۇۇ كۉرۅشۉ، جۇڭگو رۇحۇن، جۇڭگو كۉچۉن، جۇڭگونۇن ۉستۉنۅ الۇۇسۇن تولۇق ايگىنەلەدى.

 

  شئنبجاڭ ۇچاق جاي (توبۇ) چەكتۉۉ جووپتۇۇلۇق شەرىكتىگى ۉرۉمچۉ ەل ارالىق ۇچاق جايى بۅلۉمچۅ شەرىكتىگى تەز قۇتقارۇۇ بوربورۇ تەز قۇتقارۇۇ پونكىتىنىن ورۇن باسار باشچىسى حاۋ حۇي بۇل جولۇ «ماملەكەتتىك جاڭىچا تااجى سىمال ۋئرۇس ۅپكۅ سەزگەنچى ىلدەتىنە قارشى سوققۇ ۇرۇۇداعى چىعاان جەكە» اتاعىنا ەە بولدۇ. حاۋ حۇي، جاڭى دووردوعۇ ەلدىن سالاماتتىعىنا بەت كەلە العىداي اق جۉرۅك قورعووچۇ بولو تۇرعانىن ايتىپ مىنداي دەدى: «باش شۇجئى شئى جئنپىڭ: جۇڭگونۇن ىلدەتكە قارشى تۇرۇۇ كۉرۅشۉ، جۇڭگو رۇحۇن، جۇڭگو كۉچۉن، جۇڭگونۇن ۉستۉنۅ الۇۇسۇن تولۇق ايگىنەلەدى دەپ كۅرسۅتتۉ. بئر دارىلوو قىزماتكەرى قاتارى، سۉيلۅگۅن سۅزۉن ۇققاندان كىيىن ەسەلەپ تولقۇنداندىم. ىلدەتتەي چوڭ سىناق الدىندا، بئز ىلدەتكە قارشى سوققۇ ۇرۇۇ ەڭ الدىنقى چەبىندە تۇرۇپ، ۇباقىت مەنەن جارىشىپ، ۅمۉرۉبۉز جانا قان تەەرىبىز مەنەن قاراپايىم قالىقتىن ۅمۉر قووپسۇزدۇعۇن جانا دەنە سالاماتتىعىن قورعوپ، جاڭى دووردوعۇ ەلدىن سالاماتتىعىنا بەت كەلە العىداي اق جۉرۅك قورعووچۇلاردان بولۇۇبۇز تئيىش!»

  باش شۇجئى شئى جئنپىڭدىن سۅزۉن ۇققاندان كىيىن، ۉرۉمچۉ شاارى سايباق رايونۇ ياشان تىلكە رايونۇن باشقارۇۇ كومىتەتى تاييۉ قوومدۇق قونۇشۇنۇن مۇدۇرۇ چاڭ شئكۉي تەرەڭ تااسىرلەنىپ، ەسەلەپ شىق العان، وشوندوي ەلە ۅزۉنۉن ىلدەتتىن الدىن الۇۇ، ىلدەتكە قارشى تۇرۇۇ قىزماتىنا قاتىشقان ار بئر ئشىن ىزدەرىن ەسىنە سالعان. ال مىنداي دەدى: «ەسەلەپ شىقتاندىم، ەسەلەپ ووراقتاندىم، سىيمىقتاندىم. ىلدەت مەزگىلىندە، قالىڭ تۇرعۇن قالىق قىزماتىبىزعا اياباي شايكەشىپ، ۉيدۅ ايرۇۇنۇ جاقشى ىشتەپ، كۅپچۉلۉك ىنتىماقتاشىپ بئر نەەتتە ىلدەتكە قارشى سوققۇ ۇرۇپ، جۇڭگو رۇحۇن، جۇڭگو كۉچۉن، جۇڭگونۇن ۉستۉنۅ الۇۇسۇن تولۇق ايگىنەلەدى.»

 

  شئنجاڭ مەدىتسىنا داشۅسۉنۅ قاراشتۇۇ 1- دوقتۇرقانا تەز قۇتقارۇۇ جاراقات بوربورۇنۇن تەز مۉنۅزدۅۅ ىچكى بۅلۉمۉنۉن مۇدۇرۇ ياڭ جئيانجوڭ بۇل جولۇ «ماملەكەتتىك چىعاان كومپارتىيا مۉچۅسۉ»، «ماملەكەتتىك جاڭىچا تااجى سىمال ۋئروس ۅپكۅ سەزگەنچى ىلدەتىنە قارشى سوققۇ ۇرۇۇداعى چىعاان جەكە» دەگەن ەكى ارداق ناام اتاعىنا ەە بولدۇ. ياڭ جئيانجوڭ مىنداي دەدى: «بۇل جولۇ پارتئيا بوربوردۇق كومىتەتتىن داڭازالاپ- سىيلووسۇنا ەە بولدۇم، بۇل بئر تۉردۉۉ باارىنان ۇلۇۇ ۇرمات، اندان دا زارىلى بئر تۉردۉۉ قامچى، مىندان كىيىن ۅز قىزماتىمدى داعى دا جاقشى ىشتەپ، قىزماتتاردى جاقشى اتقارىپ، پارتئيانى جانا ەلدى قامسىز قىلام!». 

  جىڭ وودانى ماڭدئڭ ايىلدىق دوقتۇرقاناسى دوقتۇرقاناعا جاتۇۇ بۅلۉمۉنۉن سەستىراسى لئى جئيايئى، داڭازالاپ-سىيلانعان بااتىرلاردى، چىعاان جەكەلەردى ۉلگۉ قىلا تۇرعانىن ايتىپ مىنداي دەدى: « داڭازالاپ-سىيلانعان بۇل بااتىرلار جاڭىچا تااجى سىمال ۋئرۇس ۅپكۅ سەزگەنچى ىلدەتىنە قارشى سوققۇ ۇرۇۇ مەزگىلىندە، الار جەتىك دارىلوو تەحنىكاسى مەنەن نووقاستاردى جانجاقتىلۇۇ اسىراپ قۇتقاردى. نەگىزكى قاتمارداعى دوقتۇرقانانىن سەستىراسى قاتارى، الاردىن اجالعا ارالجى، جارالۇۇعا مەدەت بولۇۇداي قاجىباس مۉنۅزۉنۅن ۉيرۅنۉپ، وورۇلاردى بوربور قىلىپ، نووقاستاردىن سالاماتتىعىن جاقشى قورعويۇم.»

توعۇزتاروو ووداندىق ۅرت ۅچۉرۉۉ ۅرتتۅن ساقتانۇۇ قۇتقارىپ جاردام بەرۉۉ چوڭ اتىرەتى تەرى زاۋوتۇ جولۇ ۅرت ۅچۉرۉۉ ۅرتتۅن ساقتانۇۇ پونكىتىنىن زاپاس ۅرت ۅچۉرۉۉ ۅرتتۅن ساقتانۇۇ جووكەرى ياڭ پئڭ، داڭازالانىپ-سىيلانعان بااتىرلاردان العا ىلگەرىلۅۅ كۉچۉن الا تۇرعانىن ايتىپ مىنداي دەدى: «ىلدەت قااردۇۇ كەلدى، جارىققا چىققان چىعاان تىپىك كىشىلەر ار بئرىبىزدىن ۉيرۅنۉشۉبۉزگۅ ارزىيت. ۅرت ۅچۉرۉۉ، ۅرتتۅن ساقتانۇۇچۇ قاتارى، ەل جۇرتچۇلۇعۇ اجاتتۇۇ كەزدە قووپ-قىرسىقتان قورقپوي، الدىعا چىعابىز».

شئنجاڭ مەدىتسىنا داشۅسۉ 1-كىلىنىكالىق مەدىتسىنا شۅيۇانى كىلىنكالىق مەدىتسىنا ئلىمىنىن وقۇۇچۇسۇ ابابەكرى ابلئز مىنداي دەدى: «پارتئيانىن ىنتىماقتاشتىرىپ جەتەكتۅۅسۉندۅ، ماملەكەتىبىز جاڭىچا تااجى سىمال ۋئرۇس ۅپكۅ سەزگەنچى ىلدەتىنە قارشى سوققۇ ۇرۇۇنۇن ورچۇندۇۇ ىستىراتەگىيالۇۇ تابىلعاسىنا قول جەتكىردى. بۇل جۇڭگو رۇحۇن، جۇڭگو كۉچۉن، جۇڭگونۇن ۉستۉنۅ الۇۇسۇن بەينەلەدى. بئز جاقشى دووردو تۅرۅلدۉك، ەڭ جاقشى اعارتۇۇنۇ قابىلدادىق، وشوندۇقتان پارتئيا جانا ماملەكەتتىن بىزدەن كۉتكۅن ۉمۉتۉن جەردە قويبوي، ەڭ جاقشى تۇرپات مەنەن الدىنقى مۇۇنداردان كۉچ ۇلوو تاياعىن قولۇبۇزعا الۇۇبۇز تئيىش.»

〖2020.09.09-10:28〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز