كۅپ جەرلەر جۇڭگوچو دارى ماتەرىيالدار «اتايىن جاسوو دارى باعى»ن قۇرۇۇسۇن تۉرتمۅكتۅپ، كەمباعالدىقتان ارىلتۇۇ چابۇۇلۇنا ۅبۅلگۅ بولدۇ

2020-06-28 10:14

 بىيىل اپتونوم رايونۇبۇز جۇڭگوچو دارى ماتەرىيالدارى كەسىپ جايعاشۇۇسۇن سىزىل قىلداشتىرىپ، كۅپ جەرلەردىن جۇڭگوچو دارى ماتەرىيالدار «اتايىن جاسوو دارى باعى»ن قۇرۇۇسۇن تۉرتمۅكتۅپ، كەمباعالدىقتان ارىلتۇۇ چابۇۇلۇنا ۅبۅلگۅ بولوت. ىستانسىيابىز قابارچىسى ياۋ يە، پىراكتىكانت قابارچى لئيۇ جىلاردىن قابارى نازارىڭىزداردا: 

 ۇشۇل ۇباقىتتاردا، گۇما وودانى سانجۇ شاارچاسى قۇمئعىل قىشتاعىنىن پارتئيا ياچەيكا شۇجئسى الىمجان ابلەت ۇباقتى بولسو ەلە قىشتاقتاعى جۇڭگوچو دارى ماتەرىيالدارىن ۅستۉرۉۉ كۅمۅكتۅشتۉك كوپراتىبىنە كەلىپ دارى ماتەرىيالدارىنىن ۅسۉۉ ابالىن بايقايت. ال قابارچىعا مىنداي دەدى: «مۇردا قىشتاق تۇرعۇندارى نەگىزدۉۉسۉ بۇۇداي جانا جۉگۅرۉ ۅستۉرۉۉنۉ نەگىز قىلچۇ، ار مو جەردەن ۅزدۉك نارقىن چىعارىپ تاشتاعاندا، پايداسى 200 يۇاندان 300 يۇانعا چەيىن ەلە. ازىر جۇڭگوچو دارى ماتەرىيالدارىن ۅستۉرگۅندۅن كىيىن، ار مو جەردەن 2 مئڭ يۇاندان 5 مئڭ يۇانعا چەيىن كىرەشە ارتتىراتۇرعان بولدۇ، بىيىل بۉت قىشتاقتا جۇڭگوچو دارى ماتەرىيالدارىنان 1500 مو جەرگە ۅستۉرۅت».

  مۇردا، كۅلۅمۉ چاقان ارى تاراقاي بولعون جۅرۅلگۅلۉۉ ەگىنچىلىك-- قۇمئعىل قىشتاعىنداعى قىشتاق تۇرعۇندارىنىن نەگىزدۉۉ كىرەشە قاينارى بولچۇ. ۇشۇل بئر نەچە جىلدا، دىيقانداردىن كىرەشە ارتتىرۇۇ جولۇن كەڭىرتۉۉ ۉچۉن، اپتونوم رايوندۇق بازاردى كۅزۅمۅلدۅپ باشقارۇۇ مەكەمەسىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» بويۇنچا قىشتاقتا تۇرۇشتۇۇ قىزمات اتىرەتى اقىرىنداپ وسمو جىلدىزى (بانلانگىن)، قان تەبەر (داڭسان)، تۉلكۉ قۇۇراي (حۇاڭچئى) سىياقتۇۇ جۇڭگوچو دارى ماتەرىيالدارىن كىرگىزىپ ۅستۉردۉ، وشوندوي ەلە شئنجاڭ ئچى- سىرتىنداعى مەدىتسىنالىق دارى كەرقانالارىن قىشتاققا كەلىپ ساتىپ الۇۇعا دىلگىر چىركەشتىرىپ، قىشتاق تۇرعۇندارىنىن جۇڭگوچو دارى ماتەرىيال ۅستۉرۉۉسۉندۅگۉ پايدانى تۇرۇقتۇۇ جوعورۇلاتۇۇسۇنا ۅنۉمدۉۉ تۉردۅ چىنىعى كەپەلەتتىك قىلدى. بئرىنچى شۇجئى، قىزمات اتىرەتىنىن باشچىسى مۇحمەت وسمان قابارچىعا مىنداي دەدى: «بئزدىن جىلسايىن قايرالاپ جايىلتۇۇبۇز ارقىلۇۇ، بىيىلعا كەلگەندە، قاراپايىم قالقتىن جۇڭگوچو دارى ۅستۉرۉۉ دىلگىرلىگى ابدان جوعورۇ بولدۇ، انتكەنى الاردىن قاپچىعى قامپايدى. كىيىنكى قادامدا، جۇڭگوچو دارى ماتەرىيالدارىن ئلمىي باشقارۇۇ تاربئيالووسۇن كۉچۅتۉپ، جۇڭگوچو دارى ماتەرىيالدارىنىن ساپاتىن جوعورۇلاتابىز».

   بىلۉۉگۅ قاراعاندا، 2017- جىلدان باشتاپ، اپتونوم رايونۇبۇز قاشقار، حوتەن، اقسۇۇ سىياقتۇۇ ايماقتاردا جۇڭگوچو دارى- ماتەرىيال بويۇنچا كەمباعالدىقتان ارىلتۇۇ چابۇۇلۇن جۅلۅۅ تۉرۉن جولعو قويۇۇنۇ جىلىشتاتىپ، بوربور جانا اپتونوم رايوندۇق مالئيا جالپى 7 مئلليون 450 مئڭ يۇان اتايىن تۉر قارجىسىن سالىپ، جۇڭگوچو دارى ماتەرىيالدارىن ۅستۉرۉۉ كەسىبىنىن ۅنۉگۉۉسۉن قولدوعون. ۇشۇل ايدا، اپتونوم رايون داعى «جۇڭگو ەمچىلىك دارىلارىنا مۇراستىق قىلىپ جاڭىلىق جاراتىپ ۅنۉكتۉرۉۉنۉ ىلگەرى سۉرۉۉنۉ جولعو قويۇۇ پىكىرى»ن چىعارىپ، اپتونوم رايونۇبۇزدۇن جۇڭگوچو دارى ماتەرىيالدارى بايلىعىن قورعوو جانا پايدالانۇۇسۇن كۉچۅتۉپ، كۅلۅمدۅشتۉرۉپ جانا قالىپتاشتىرىپ ۅستۉرۉۉنۉ جىلىشتاتىپ، شئنجاڭ ئچى- سىرتىنداعى كەرقانالاردى جۇڭگوچو دارى ماتەرىيالدارى نەگىزگى ۅندۉرۉش رايونۇندا «اتايىن جاسوو دارى باعى»ن تۇرعۇزۇۇعا ەلىكتىرۉۉنۉ ايقىن ورتوعو قويدۇ. 

   ساياساتتىق قولدوو سىستەماسىنىن تىنباي جاقشىلانۇۇسۇ مەنەن بىرگە، اپتونوم رايونۇبۇزدۇن مەدىتسىنالىق دارى كەسىبى باشتااق كەرقانالارى داعى بىلەسەلۉۉ ىشتەپ، جەتەكتەپ ۉلگۉ كۅرسۅتۉۉ رولۇن دىلگىر كۅرسۅتۉپ، جۇڭگوچو دارى ماتەرىيالدارى كەسىبىنىن سىزىل ۅنۉگۉۉسۉنۅ دەمۅۅر بولدۇ. اپتونوم رايونۇبۇزدۇن ۅزۉندۅ تۇنعۇچ دارى ماتەرىيالىن ۅستۉرۉۉ بازاسى بار بولدۇ، كەمەلدەنگەن كەسىپ جەلەسىن قالىپتاشتىرعان ۇلۇتتۇق مەدىتىسىنالىق دارى كەرقاناسى قاتارى، ۇچۇردا شئنجاڭ يئندولان ۇيعۇر ەمچىلىك دارىلارى جارناق چەكتۉۉ شەرىكتىگى 3500 مولۇق، ماملەكەتتىن GAP (ماملەكەتتىن جاقشى ايىل چاربا كۅلۅمدۅشتۉرۉۉ ۅلچۅمۉ) مويۇندوو تالابىنا شاي كەلگەن ۅستۉرۉۉ بازاسىن قۇرۇپ چىقتى. شەرىكتىكتىن باش ىنجىنەرى چىن جۉ، ازىر شەرىكتىك ۅزۉندۉك ارتىقچىلىعىنا سۅۅنۉپ، بۉت اپتونوم رايوندۇن كۅپ جەرلەرىندە « اتايىن جاسوو دارى باعى »ن قۇرۇپ جاتقانىن بئلدىرىپ مىنداي دەدى: «‹شەرىكتىك+ دىيقان تۉتۉن›دۅي قىزماتتاشتىق ۉلگۉسۉ ارقىلۇۇ، داعى دا كۅپ دىيقانداردى شئنجاڭ جۇڭگوچو دارى ماتەرىيالدارىن قورعوو جانا بۇل تۉر قىزماتىنان سىزىل پايدالانۇۇدان باارلاندىرىپ، جەرگىلىكتەگى دىيقانداردىن كىرەشەسىن ارتتىرۇۇسۇنا سالىم قوشۇۇدا. ۇچۇردا، بئز فۇكاڭ، كۅكتوقوي، (ۉرۉمچۉ شاارى) نانشاندا قىزماتتاشقان دىيقان تۉتۉندۅر بار. وشونۇ مەنەن بىرگە، داعى (تۉشتۉك شئنجاڭداعى) جانا 10 قىشتاق مەنەن وسمو جىلدىزى (بانلانگىن) جانا وسمو جالبىراعى دارى ماتەرىيالىنىن ۅستۉرۉۉ جىينوو كەلىشىمىن تۉزدۉك. ‹شەرىكتىك+ دىيقان تۉتۉن› مىنداي ۉلگۉنۉ جايىلدىرۇۇ جاقىنقى ەكى جىلدا اقىرىنداپ 3 مئڭ مودون كۅبۉرۅۅككۅ كەڭىرىپ، بئزدىن ۅندۉرۉش اجاتىبىزدى قانااتتاندىرا الات».

   اپتونوم رايوندۇن «جۇڭگو ەمچىلىك دارىلارىنا مۇراستىق قىلىپ، جاڭىلىق جاراتىپ ۅنۉكتۉرۉۉنۉن جولعو قويۇۇ پىكىرى»نە نەگىز، اپتونوم رايونۇبۇز شارتى بار ايماق، وبلاس، شاارلاردىن دارى ماتەرىيالىن چوعۇلتۇپ تاراتۇۇ بوربورۇ جانا زامانداشقان جۇڭگوچو دارى ماتەرىيالدارىن قامپادا ساقتوو زات جۉگۉرتۉۉ بوربورۇن پئلانداپ قۇرۇپ، كەسىپ جايعاشۇۇسۇن قىلداشتىردى. بىيىل 4- ايدا، قومۇل شاارى ەۋىرعول رايونۇ ۉرۉمچۉ كاڭدا چئڭچىن ايىل چاربا ئلىم تەحنىكا چەكتۉۉ شەرىكتىگىن جەرگىلىككە بارىپ جۇڭگوچو دارى ماتەرىيالداردىن ۅستۉرۉۉگۅ كىرگىزدى. شەرىكتىك جەرگىلىكتەگى دىيقان تۉتۉندۅردۉ ۉرۅۅن، دىيقانچىلىق ماشئنالارى، ايدوو باشقارۇۇ سىىياقتۇۇلاردان تارتىپ، بۉتكۅن تۉشۉمدۉ ساتىپ الۇۇنۇن «تولۇق بئر جۉرۉش» تەيلۅۅسۉ مەنەن قامداپ، ۇچۇردا قومۇل شاارى ەۋىرعول رايونۇنۇن جۇڭگوچو دارى ماتەرىيالدارىن ۅستۉرۉۉ كۅلۅمۉ 5 مئڭ مودون اشىپ كەتتى. شەرىكتىكتىن باش دىرەكتورۇ ۋۇ بو، شەرىكتىك ۉچ جىلدان بەش جىلعا چەيىن ۇباقىتتا جەرگىلىكتە بئر جۇڭگوچو چۅپ- دارى سوودا چوعۇلتۇپ تاراتۇۇ بازارىن قۇرۇپ، كەمەلدۉۉ جۇڭگوچو دارى ماتەرىيالدارى كەسىپ جەلەسىن جاراتۇۇنۇ پئلانداعانىن تاانىشتىرىپ مىنداي دەدى: «جۇڭگوچو چۅپ دارى تۉرۉن كۅپ تۉردۉۉلۅشتۉرۉپ، جۇڭگوچو چۅپ دارى سوودا بازارىن قۇرۇپ، سوودا بازارىن ىمەرچىكتەي جۇڭگوچو چۅپ دارىنىن العاچقى ئش قوشۇۇ جانا تەرەڭدەي ئش قوشۇۇ كەسىپ جەلەسىن جاڭىدان كۅبۅيتۉپ، ۅستۉرۉۉدۅن ساتۇۇعا چەيىن جابىق ايلانما جىيناپ الۇۇ جولۇن قالىپتاشتىرىپ، تۉشۉمدۉن قوشۇمچا نارقىن جوعورۇلاتابىز».

  اپتونوم رايوندۇق سالاماتتىق ساقتوو- دەن سوولۇق كومىتەتى جۇڭگو ەمچىلىك دارىلارىن باشقارۇۇ باشقارماسىنىن 3- داراجالۇۇ تەكشەرىپ ىزىلدۅۅچۉۉسۉ پاڭ شىبئن مىنداي بئلدىردى: «(كىيىنكى قادامدا) ۅكۉمۅتتۉك جۇڭگو ەمچىلىگى تۉرۉندۅگۉ دوقتۇرقانالار، دارى- دارمەكتەردى ۅندۉرچۉ كەرقانالارىن «اتايىن جاسوو دارى باعى»نىن جۇڭگوچو دارى ماتەرىيالدارىن نەگىزگى چىيكى ماتەرىيال قىلعان دارىلاردى الدى مەنەن ساتىپ الۇۇعا شىقتاندىرابىز. ‹كەرقانا/ كۅمۅكتۅشتۉك كوپراتىبى+ ئلمىي ىزىلدۅۅ اپپاراتتارى+دىيقان تۉتۉن ىڭعايىن قولدونۇپ، كەمباعال رايوندوردوعۇ جۇڭگوچو دارى ماتەرىيالدارىن ۅستۉرۉۉ ساپاتىن جوعورۇلاتىپ، وزوت ساپاتتۇۇ جۇڭگوچو دارى ماتەرىيالدارىن ۅستۉرۉۉ ايانتىن كەڭىرتەبىز. ئلمىي ىزىلدەپ جەتەكتۅۅ جانا تەحنىكالىق تاربئيالوو ارقىلۇۇ، كەمباعال رايوندوردوعۇ جۇڭگوچو دارى ماتەرىيالدارىن ۅستۉرۉۉچۉلۅردۉن تەحنىكالىق دەڭگەەلىن جوعورۇلاتىپ، جۇڭگوچو دارى ماتەرىيالدارىن ۅستۉرۉۉ وپۇرتالىنان وولاق بولۇپ، جۇڭگوچو دارى ماتەرىيالدارىن ۅستۉرۉۉ كىرەشەسىن كۅبۅيتۅبۉز». 

〖2020.06.28-10:14〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز