اپتونوم رايونۇبۇزدۇن سىفىردۇۇ ەكونومىكاسى جاشوو كۉچۉن بايقاتىپ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ

2020-06-27 10:01

اپتونوم رايونۇبۇز سىفىردۇۇ ەكونومىكانى زور كۉچ مەنەن ۅنۉكتۉرۉپ، جاڭى بئر ۇرپاق ماالىمات تەحنىكاسى جانا رەيال ەكونومىكانىن تەرەڭ جۇۇرۇلۇشۇۇسۇن ىشتىكتۉۉ جىلىشتاتىپ، ار قايسى كەسىپتەردىن سىفىرلاشتىرۇۇ، تئپ ۅزگۅرتۉۉ ارىمىن توقتووسۇز باچىمداتىپ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ. ەمى ىستانسىيابىزدىن بۇل جۅنۉندۅكۉ ۇنىۋەرسال قابارى نازارىڭىزداردا: 

 دۇانۋۇ مايرامى مەزگىلىندە، سايرام كۅلۉنۉن كۅپ-كۅك اسمانى، مۅلتۉرۅگۅن كۅل سۇۇسۇ مەنەن الىستاعى قارلۇۇ چوقۇ ۅز ارا ايقالىشىپ، كۅپتۅگۅن ساياقاتچىلاردى كەلىپ ساياقاتتووعو ەلىكتىردى. كۅرك رايونۇ بىيىل الىپ چىققان «بئر چۅنتۅك تەلەفون مەنەن سايرام كۅلۉن قىدىرۇۇ» اقىل ىدىرەكتۉۉ ساياقاتتوو APPسى ساياقاتچىلارعا بولعون ىراحاتتۇۇلۇعۇن جانا ەپچىلدىگىن اشىردى. ساياقاتچى گاۋ حۇي مىنداي دەدى: «بۇل چۅنتۅك تەلەفون APPسى اياباي جاقشى ەكەن، ىچىندە ار بئر كۅرك رايونۇ، ار بئر كۅرك تۉيۉندۉن تۉشۉندۉرمۅسۉ بار ەكەن، داعى كۅرك رايونۇنداعى اجاتقانالاردىن جايعاشۇۇ وردۇن سۇراپ بىلۉۉگۅ بولوت ەكەن، بۇل APP بولسو كۅرك رايونۇندا ساياقاتتوو ابدان وڭتويلۇۇ بولوت ەكەن». 

  جاقىنقى جىلداردان بەرى، اپتونوم رايونۇبۇز اقىل ىدىرەكتۉۉ ساياقاتتوو ۅرۉشۉن قۇرۇۇ ەپكىنىن سىزىل اشىردى. 4- ايدىن 29- كۉنۉ، «بئر چۅنتۅك تەلەفون مەنەن شئنجاڭدى ساياقاتتوو» ۅرۉشۉ ىنتەرنەتكە چىعىپ، ۅرۉشكۅ بۉت شئنجاڭداعى A داراجالۇۇدان جوعورۇ كۅرك رايون، قونوق ساراي، مادانئيات سارايلارى، اش-تاماق، ەلدىك قونولعو، اقىل ىدىرەكتۉۉ ساپار قاتارلۇۇ 20 مىڭدەن اشۇۇن نەگىزكى ساندۇۇ ماالىماتتى جۉكتۅپ، شئنجاڭدا ساياقاتتوودو «تاماق، جاتاق، ساپار، ساياقاتتوو، بۇيۇم ساتىپ الۇۇ، كۅڭۉل اچۇۇ» قاتارلۇۇ تەيلۅۅلۅردۉ نەگىزىنەن ىشكە اشىردى. اپتونوم رايوندۇق مادانئيات جانا ساياقات نازاراتى ساياقاتتى ۉگۉتتۅپ جايىلتۇۇ بوربورۇنۇن مۇدۇرۇ لئى مىڭ مىنداي دەدى: «شئنجاڭ ساياقاتىنداعى ەڭ تولۇق، ەڭ تۅپ، ەڭ جان جاقتىلۇۇ مادانئيات، ساياقات ماالىماتتارى مەنەن ماالىندا ساياقاتچىلاردى قامدايبىز، ىچىندەكى ماالىماتتار توقتووسۇز تولۇقتانىپ، تىنباي جاڭىلانىپ تۇرات، ساياقاتچىلاردىن ەڭ جاڭى ماالىماتقا ەە بولۇۇسۇنا كەپەلەتتىك قىلعالى بولوت». 

 اقىل ىدىرەكتۉۉ ساياقات اپتونوم رايونۇبۇزدۇن سىفىردۇۇ ەكونومىكانى ۅنۉكتۉرۉۉنۉن بئر كىچىرەيتىلگەن ەلەسى. جاقىنقى جىلداردان بەرى، اپتونوم رايونۇبۇز سىفىردۇۇ ەكونومىكانىن ۅنۅر جاي، ايىل چاربا، اعارتۇۇ، دارىلوو، قارتاڭداردى كۉتۉۉ، زات جۉگۉرتۉۉ، ۅكۉمۅت ىشتەرى تەيلۅۅسۉ قاتارلۇۇ سالاالاردا قولدونۇلۇپ تۉيۉندۅ سىناق قىلىنۇۇسۇن توقتووسۇز تۉرتمۅكتۅدۉ. 2019- جىلى، اپتونوم رايونۇبۇزدۇن سىفىردۇۇ ەكونومىكا كۅۅلۅمۉنۉن جالپى مۅلچۅرۉ 345 مئلليارت يۇانعا جەتىپ، وقشوش مەزگىلدەكىدەن 12 پايىزدان جوعورۇ ارتقان. بىيىل، جاڭىچا تااجى سىمال ۋئروس ۅپكۅ سەزگەنچى ىلدەتى كۅرۉلگۅندۅن كىيىن، سىفىردۇۇ ەكونومىكا اپتونوم رايونۇبۇزدۇن ىلدەتتىن الدىن الىپ تىزگىندۅۅ، جۇمۇشتۇ، ۅندۉرۉشتۉ قالىبىنا كەلتىرۉۉ، كەرەكتۅۅنۉ ىلگەرى سۉرۉۉ قاتارلۇۇ ار قايسى جاقتارىندا كۉچتۉۉ تاقانچىق مەنەن قامدادى. 4- ايدان بەرى، اقسۇۇ شاارى ەلەكتىروندۇق سوودا كەسىپ باقچاسىنا سۅۅنۉپ، ارت-ارتىنان 5 مايدان «تۉز باياندا تاانىشتىرىپ ساتۇۇ» قىيمىلىن ۅتكۅرۉپ، جاڭعاق، چىلان، الاقات، ۉجمۅ قاعى قاتارلۇۇ 20 تۉردۉۉ جەرگىلىكتىن ۅزگۅچۅ ايىل چاربا قوشۇمچا تۉشۉمدۅرۉن ساتىپ، ىنتەرنەتتە كۅرگۅن كىشىنىن سانى جالپى 21 مئللىيون 370 مىڭگە، تۉز باياندا ساتۇۇ مۅلچۅرۉ 75 مئڭ 700 بۇيرۇتماعا، ساتۇۇ سۇمماسى 2 مئللىيون 820 مئڭ يۇانعا جەتكەن. اقسۇۇ شااردىق سوودا ىشتەر مەكەمەسى ەلەكتىروندۇق سوودا بۅلۉمۉنۉن جووپتۇۇسۇ لىياڭ جئيانئى مىنداي دەدى: «بولوچوقتو بئز 10 ىنتەرنەتتەكى دۉكۅندۉ جاراتابىز. شئنجاڭدىن ايىل-چاربا ۅزگۅچۅ تۉشۉمدۅرۉن ساتىپ چىعارىپ، داعى كۅپ ساتىپ، كۅپچۉلۉككۅ شئنجاڭدىن ۅزگۅچۅ تۉشۉمدۅرۉنۉن وشونچولۇق جەگىلىكتۉۉ ەكەنىن بىلدىردىك».

  ۇچۇردا، سىفىردۇۇ ەكونومىكا داعى تەزدىگىن اشىرىپ ۅندۉرۉش سالااسىنا قاراي كەڭىرىپ، ۅنۅر جاي ىنتەرنەت تورۇ، اقىل ىدىرەكتۉۉ جاسووچۇلۇق قاتارلۇۇلاردى ۅكۉل قىلعان جاڭى ۉلگۉ، جاڭى كەسىپ تۇرپاتى توقتووسۇز چىعا كەلىپ، تەحنىكادا جاڭىلىق جاراتۇۇنۇ جەتەكتەپ، كەسىپتەردىن داراجا جوعورۇلاتۇۇسۇن تۉرتمۅكتۅپ، كەرقانالاردىن تئپ ۅزگۅرتۉۉسۉنۅ دەمۅۅر بولدۇ. ۅزگۅچۅ تىرانسىفورماتور جارناق چەكتۉۉ شەرىكتىگى جاقىنقى جىلداردان بەرى ساندۇۇ ماالىمات بوربورۇ، ۅنۅر جاي ىنتەرنەتى قاتارلۇۇ جاڭى نەگىزكى قۇرۇلۇش سالااسىن ىمەرچىكتەي، «اقىل ىدىرەكتۉۉ ەلەكتىر ىستانسىياسى»، «اقىل ىدىرەكتۉۉ كەن» قاتارلۇۇلاردى سىفىرلاشتىرۇۇ، ماالىماتتاشتىرۇۇ اقىل ىدىرەكتۉۉ ۉلگۉ كۅرسۅتۉۉ تۉر قۇرۇلۇشۇن سىزىل قۇلاچ جايدىرعان. ۅزگۅچۅ تىرانسىفور ماتور جارناق چەكتۉۉ شەرىكتىگىنىن لئدىرى جاڭ شئن مىنداي دەدى: «ماملەكەتتىن جاڭىچا نەگىزكى جابدۇۇ قۇرۇلۇش سالااسىن ىمەرچىكتەي جاڭىلىق جاراتۇۇ ەپكىنىن اشىرىپ، ىشكەرلەر ىستىراتەگىيا قۇرۇلۇشۇن اشىرىپ، ماملەكەت قۇرۇلۇشۇ تاجىرباقاناسىنىن جاڭىلىق جاراتۇۇ ۅرۉشۉن قۇرۇۇنۇ اشىرىپ، شەرىكتىكتىن ىلدەت مەزگىلىندەكى ۅزگۅچۅ چۅيرۅدۅ جوعورۇ ساپاتتا ۅنۉگۉۉسۉن ىشكە اشىرۇۇنۇ تۉرتمۅكتۅدۉك». 

 بىيىل، اپتونوم رايونۇبۇز سىفىردۇۇ ەكونومىكانىن ۅنۉگۉۉسۉن داعى بئر دەمجىي تۉرتمۅكتۅپ، سىفىردۇۇ ەكونومىكانىن قوشۇمچا نارقىن 370 مئللىيارت يۇانعا جەتكىرىپ، بۉت اپتونوم رايونۇبۇزدۇن ۅندۉرۉشتۉك جالپى نارقىندا ەەلەگەن سالىشتىرماسىن 27 پايىزدان اشىرۇۇعا چىمىرقانات. اپتونوم رايوندۇق ۅنۅر جاي جانا ماالىماتتاشتىرۇۇ نازاراتى ماالىماتتاشتىرۇۇنۇ جىلىشتاتۇۇ باشقارماسىنىن باشچىسى گو يۉفىڭ مىنداي دەدى: «كىيىنكى ارىمدا، بئز ماالىمات، قابارلاشۇۇ نەگىزكى جابدۇۇ قۇرۇلۇشۇن ۇلاندۇۇ جىلىشتاتىپ، 5G تور قۇرۇلۇشۇن باچىمداتىپ، ەلەكتىروندۇق ماالىمات تۉشۉمدۅرۉن قۇراشتىرۇۇ كەسىبى جانا جوعورۇ داراجالۇۇ ەلەكتىروندۇق جاسووچۇلۇق كەسىبىن كىرگىزۉۉگۅ ماانئى بەرىپ، شئنجاڭچا ۅزگۅچۅلۉككۅ ەە كۅرۉنۉكتۉۉ ەلەكتىروندۇق ماالمات كەسىبى سىستەماسىن قالىپتاندىرىپ، ماالىماتتاشتىرۇۇ، كەسىپتەشتىرۉۉنۉ جۇۇرۇلۇشتۇرۇپ جاڭىلىق جاراتىپ ۅنۉگۉۉنۉ اشىرا تۉرتمۅكتۅپ، جاڭى بئر ۇرپاق ماالىمات تەحنىكاسى جانا رەيال ەكونومىكانىن تەرەڭ جۇۇرۇلۇشۇۇسۇن ىلگەرى سۉرۉپ، رايوندۇق جەلەنىن اقچا مامىلە تەيلۅۅسۉ، ساياقات، تۉشۉمدۅردۉن جالعاندان ساقتانۇۇسۇ، ازىق-تۉلۉك قوووپسۇزدۇعۇ قاتارلۇۇ سالاالاردا قولدونۇلۇۇسۇ جانا ۅنۉكتۉرۉۉنۉ قولدوپ ارى تۉرتمۅكتۅپ، تور ەكونومىكاسى، ۅرۉش ەكونومىكاسى، ورتوق باارلاناتۇرعان ەكونومىكانى ۅنۉكتۉرۉۉنۉ تۉرتمۅكتۅپ، سىفىردۇۇ ەكونومىكانى ۅنۉكتۉرۉۉ دەڭگەەلىن جوعورۇ كۅتۅرۅبۉز. 

〖2020.06.27-10:01〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز