دىيقان- مالچى «كۉنگۅ قاراپ ەلەكتىر ىشتەتۉۉ» تارىحىنا چىنىعى تۉردۅ قوش ايتىشتى

2020-06-26 10:57

 6- ايدىن 25- كۉنۉ تۉشتۅن مۇردا، اپتونوم رايونۇبۇزداعى فوتوۋولت ەلەكتىرىن ىشتەتۉۉچۉ 11 اكىمچىلىك قىشتاعىنا چوڭ ەلەكتىر تورۇن جالعوو قۇرۇلۇشۇ تۉرۉنۉن بئرى بولعون-قارعالىق وودانى شىقشۇ ايىلىنا چوڭ ەلەكتىر تورۇ جالعانىپ، جەرگىلىكتەگى 1- تۉركۉمدۅگۉ 423 تۉتۉن 1897 دىيقان- مالچى «كۉنگۅ قاراپ ەلەكتىر ىشتەتۉۉ» تارىحىنا چىنىعى تۉردۅ قوش ايتىشتى. ىستانسىيابىز قابارچىسى لان تئياندىن قابارى: 

 تۉشتۅن مۇردا ساات 12 دە، قارعالىق وودانى شىقشۇ ايلى فوتوۋولت اكىمچىلىك ەلەكتىرىن ىشتەتۉۉچۉ قىشتاعىنا چوڭ ەلەكتىر تورۇن جالعوو قۇرۇلۇشۇندا قۇرۇلۇش بۉتۉپ ەلەكتىر جەتكىرىلدى، جەرگىلىكتەگى دىيقان- مالچىلار ىرداپ- بىيلەپ كۉتكۅنۉنۅ ۇزۇن بولعون ۇشۇل ۇچۇردۇ ورتوق قۇتتۇقتادى. شىقشۇ ايىلى شىقشۇ قىشتاعىنىن قىشتاق تۇرعۇنۇ يۉسۉپ ەمەت قۇدايبەردى ساتىپ العانىنا بئر جىلدان اشۇۇن ۇباقىت بولعون مۇزداتقىچىنا ەكەلتىر جالعادى، ال مىنداي دەدى: «ازىر قاباتىرلانبايبىز، مۇزداتقىچ، كىر جۇۇعۇچ، سۇۇ ىسىتقىچ، تۅك قازاندى، بۉگۉندۅن باشتاپ بااردىعىن ىشتەتە الابىز. بئزدىن جەر- جەمىش، ەت، جاشىلچا بۇل نەرسەلەرىبىزدىن بۇزۇلۇپ كەتۉۉسۉنۅن قاباتىرلانبايبىز، ار ۇباقىت جەگەلى بولوت. اسىرەسە ار كۉنۉ مەيلى كۉندۉز بولسۇن جە تۉن بولسۇن، تەلەۋىزور كۅرۅ الابىز.»

   شىقشۇ ايىلى قاراقورۇم تووسۇنۇن تەرەڭىنە جايعاشقان، دەڭىز دەڭگەەلىنەن بىيىكتىگى 2980 مەتىر، قارعالىق وودانىنىن وردۇ ەڭ الىس، تابئعىي چۅيرۅسۉ ەڭ ناچار بولعون چەك ارا ايىلى. 2019- جىلى، اپتونوم رايوندۇن تۉيۉندۉۉ قۇرۇلۇشۇ- فوتوۋولت ەلەكتىرىن ىشتەتۉۉچۉ 11 اكىمچىلىك قىشتاعىنا چوڭ ەلەكتىر تورۇن جالعوو قۇرۇلۇشۇ باشتالعان. شىقشۇ ايىلى فوتوۋولت ەلەكتىرىن ىشتەتۉۉچۉ اكىمچىلىك قىشتاعىنا چوڭ ەلەكتىر تورۇن جالعوو قۇرۇلۇشۇ انىن ىچىندەگى بىرۅۅ، قۇرۇلۇشقا جالپى 290 مئلليون يۇان قارجى سالىنعان، 110 كىلوۋولتتۇق تىرانسىفورماتور پونكىتىنەن بئرى ، 35 كلوۋولتتۇق ترانسىفورماتور پونكىتىنەن بىرۅۅ جاڭىدان سالىنىپ، 130 مئڭ مەتىر سىم جولۇ جاڭىدان تارتىلىپ، ەلەكتىر بۅلۉشتۉرۉۉ تىرانسىفورماتورۇنان سەگىزى جاڭىدان قوشۇلعان. 

ار بئر تەمىر مۇنارالار كۉنلۉن چوقۇسۇندا بوي كۅتۅرۉپ، تال- تال سىم كابەلدەر توونۇن تەرەڭ قوينۇنا سوزۇلۇپ كىرىپ، ۅنۉگۉۉنۉن قىيمىلداتقىچ كۉچۉ مەنەن ۉمۉتۉن جەتكىردى.

-- كۅپ مەدىيالۇۇ وقۇتۇۇ كىلاسىنىن سۉرۅتتۅرۉن كۅرۅ الدىڭاربى؟--كۅردۉك. -- سىلەر ەمنەنى كۅردۉڭۅر؟ -- پويۇزدۇ...

 ەلەكتىر جالعانعان وشول كۉنۉ، شىقشۇ ايىلدىق باشتالعىچ مەكتەپتىن كۅپ مەدىيالۇۇ ەلەكتىرلۉۉ وقۇتۇۇ جابدۇۇسۇ داعى مايدانعا تۉشتۉ، 4- جىلدىق ساباققاناسىندا، بالدار كۅزدۅرۉن باقىرايتا اچىپ ەكىرانداعى سۉرۅتتۉ قادالا قاراشتى. وقۇۇچۇ مۇزاپار ئبرايىم مىنداي دەدى: «مەن بۉگۉن ابدان قۇباندىم، ازىر ەلەكتىر بار، كىلاستىن ئچى جارىدى، ابدان اچىق كۅرۅم، جازعان قاتىم داعى ابدان سۇلۇۇ، ساباقتاشتار كۅپ مەدىيالۇۇ وقۇتۇۇ قۇرالدارى مەنەن ساباق وقۇيت، ساباقتاشتار داعى ابدان قۇباندى.»

  تۇرۇقتۇۇ ەلەكتىر قۇباتى داعى ايىلداعى كەسىپ ۅنۉگۉۉسۉنۅ قىيمىلداتقىچ كۉچ قوشتۇ. ۇشۇل ەكى كۉندۅ، شىقشۇ ايىلدىق پارتكومدۇن شۇجئسى لئى يۉن ايىلدىن مال- چارباچىلىقتى ۅنۉكتۉرۉۉسۉن پئلانداي باشتادى. ال مىنداي دەدى: «بئزدىن شىقشۇ ايىلى مال- چارباچىلىق زور ايىلى، ازىر چوڭ ەلەكتىر جالعانعاندان كىيىن، بئزدىن ايىل بئر قۇشقانا قۇرۇپ، بۇل مالداردىن ەتىنەن جاسالعان تۉشۉمدۅرگۅ تەرەڭدەي ئش قوشۇپ، جوعورۇ بااعا ساتۇۇنۇ پئلاندادىق. ار قايسى جاقتاردىن بااردىعى ار قانداي جابدۇۇ- شايمانداردى ىشتەتۉۉگۅ بولوت. »

 بىلۉۉگۅ قاراعاندا، 2019- جىلدان 2020- جىلعا چەيىن، اپتونوم رايون جانا ماملەكەتتىك ەلەكتىر تورۇ چەكتۉۉ شەرىكتىگى اتايىن قارجىدان 592 مئلليون يۇان سالىپ، 11 فوتوۋولت اكىمچىلىك قىشتاعىنا چوڭ تور ەلەكتىرىن جالعوو قۇرۇلۇشۇن قۇرۇۇنۇ جىلىشتاتىپ، 1535 تۉتۉن دىيقان- مالچىعا نارپ جەتكىرىپ، ورتوچو ار بئر تۉتۉنگۅ سالىنعان قارجى 386 مئڭ يۇانعا جەتكەن، چوڭ ەلەكتىر تورۇن ۇزارتۇۇ ىڭعايىندا فوتوۋولت ەلەكتىرىن ىشتەتۉۉچۉ اكىمچىلىك قىشتاعىندا ەلەكتىر كەمچىل بولۇۇ ماسەلەسىن جالپى بەتكەي چەچكەن. ۇچۇردا، فوتوۋولت ىشتەتۉۉچۉ 10 اكىمچىلىك قىشتاعىنا ەلەكتىر جالعوو مىلدەتى بۉتۉرۉلگۅن. بوجومول مەنەن 6- ايدىن 30- كۉنۉنۅن مۇردا، ەڭ اقىرقى بئر فوتوۋولت ىشتەتۉۉچۉ اكىمچىلىك قىشتاعىنا داعى چوڭ ەلەكتىر تورۇ جالعانات ەكەن. ماملەكەتتىك ەلەكتىر تورۇ شئنجاڭ ەلەكتىر قۇباتى شەرىكتىگى پارتكومۇنۇن ورۇنباسار شۇجئسى، ورۇنباسار باش دىرەكتورۇ شۉ جىيانجوڭ 徐建忠مىنداي دەدى: «ماتەرىيال تاشىمالى قىيىنچىلىعى، تابئعىي شارتتىن ناچارلىعى، قۇرۇلۇش قىلۇۇچۇلاردىن تارتىش بولۇۇسۇ سىياقتۇۇ بئر سىيرا جەلەلەش قىيىنچىلىقتاردى جەڭىپ، جەرگىلىكتىن ەلەكتىر كەمچىل بولۇۇ ماسەلەسىن جالپى بەتكەي چەچىپ، چەت- الىسقى توولۇ رايوندوردۇن ۅندۉرۉش تۇرمۇشتا ەلەكتىر ىشتەتۉۉ چۅيرۅسۉن زور داراجادا جاقشىلاپ ەلە قالباي، ار ۇلۇت قالقىنا پارتئيا بوربوردۇق كومىتەتىنىن چەك اراداعى قالقتىن قامىن قىلۇۇسۇ مەنەن قامقوردۇعۇن سەزىندىرىپ، پارتئيانىن كەمباعالدىقتان ارىلتۇۇ چابۇۇل ساياساتى الىپ كەلگەن شاراپاتتان باارلاندىردىق.»

〖2020.06.26-10:57〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز