چىن چۇانگو، شۅحرەت زاكىر قىزىلسۇۇدا تەكشەرىپ ىزىلدۅۅدۅ بولدۇ

2020-06-22 10:46

 

جاقىندا اپتونوم رايوندۇق پارتكومدۇن شۇجئسى چىن چۇانگو، اپتونوم رايوندۇق پارتكومدۇن ورۇنباسار شۇجئسى، اپتونوم رايوندۇن تۅراعاسى شۅحرەت زاكىر قىزىلسۇۇ قىرعىز اپتونوم وبلاسىندا دايىمدۇۇلاشقان ىلدەتتىن الدىن الىپ تىزگىندۅۅ جانا ەكونومىكا قوومدۇن ۅنۉگۉۉسۉن بئركەلكى پئلانداپ ىلگەرى سۉرۉۉ قىزماتىن تەكشەرىپ ىزىلدەدى. چىن چۇانگو، شۅحرەت زاكىر مىنا بۇلاردى باسا كۅرسۅتتۉ : جاڭى دووردوعۇ پارتىيانىن شئنجاڭدى باشقارۇۇ جالپى ىقىمى ايرىقچا قووم وموقتۇۇلۇعۇ مەنەن ۇزاققا بەيپىل باشقارۇۇ باش نىشانىن تەرەڭدەي ىزچىلدەشتىرىپ جۉزۅلۅشتۉرۉپ، ىلدەتتىن الدىن الىپ تىزگىندۅۅ جانا كەمباعالدىقتان ارىلتۇۇ چابۇۇلۇ، ەكونومىكانى ۅنۉكتۉرۉۉ، قووم وموقتۇۇلۇعۇ قاتارلۇۇ قىزماتتاردى بئركەلكى پئلانداپ جاقشى ىشتەپ، ايتتىرباي ارقالاپ مايناپ چىعارىپ، ۅتكۅۅلگۅ ات سالىپ قىيىنچىلىقتاردى جەڭۉۉگۅ باتىل بولۇپ، جالپى بەتكەي الدۇۇ قووم قۇرۇپ چىعۇۇنۇن چەچۉۉچۉ جەڭىشىنە جەتىپ، كەمباعالدىتان ارىلتۇۇنۇن چەچۉۉچۉ چابۇۇلۇنا ۅتۉۉ كەرەك.



  اقتوو وودانى سىلۇ جىيايۇان باشقا جەرگە كۅچۉرۉپ كەمباعالداردى جۅلۅپ ورۇنداشتىرۇۇ تۉيۉنۉندۅ 1170 تۉتۉن ارحىپ تۇرعۇزۇپ كارتا بۉتۉرۉلگۅن كەمباعال تۉتۉندۅر جاشاپ، بالدار باقچاسى، باشتالعىچ مەكتەپ، سالاماتتىق ساقتوو تەيلۅۅ بوربورۇ، دۉكۅن قاتارلۇۇ تەلەگەيلەشكەن جابدۇۇلارى جانا سۇۇ، گاز، جىلۇۇلۇق، ەلەكتىر مەنەن قامدوو، ىنتەرنەت قاتارلۇۇ نەگىزگى جابدۇۇلارىنىن باارى تولۇق. چىن چۇانگو، شۅحرەت زاكىر ارحئپ تۇرعۇزۇپ كارتا بۉتۉرۉلگۅن كەمباعال تۉتۉن مۇرات احاتتىن ۉيۉنۅ كىرىپ، ۉيۉندۅكۉلۅر مەنەن چىنىعى ىقىلاستا اڭگەمەلەشىپ، كۅچۉپ كەلگەندەن كىيىنكى تۇرمۇش ابالىن كۉيۉنگۅن تۉردۅ سۇراپ، انىن ەمگەكچىل ەكى قولۇنا تايانىپ، كىرەشەسىن سىزىل اشىرىپ بايىپ، كۉندۅرۉن ۇلام جاقشىرتۇۇعا شىقتاندىردى. چىن چۇانگو : باشقا جەرگە كۅچۉرۉپ كەمباعالداردى جۅلۅۅنۉن «كىيىنكى جارىم ىشتەرى»ن بۉت كۉچۉ مەنەن جاقشى ىشتەپ، كىيىنكى جۅلۅپ-قولدوو ەپكىنىن اشىرىپ، كۅچۉپ كەلگەن قالقتىن تۇرۇقتۇۇ جاشاپ، جۇمۇشتانىپ، سەكىن بايىي الۇۇسۇنا چىنىعى كەپىلدىك قىلۇۇنۇ كۅرسۅتتۉ.




   چىن چۉانگو، شۅحرەت زاكىر حىباڭ مالچىلىق چەكتۉۉ شەرىكتىگىنە كەلىپ، ايىل چاربانى كەسىپتەشتىرىپ ۅنۉكتۉرۉۉ جانا دىيقاندارعا جاردامداشىپ كىرەشەسىن اشىرۇۇ ابالىن جەرىندە ەەلەدى. چىن چۇانگو : «شەرىكتىك+ بازا + كۅمۅكتۅشتۉك كوپەراتىبى+ دىيقان تۉتۉندۅر» ۉلگۉسۉن جاقشىرتىپ، انسايىن تۇرۇقتۇۇ تالامدىق بايلانىشۇۇ مەحانىزىمىن تۉزۉپ، «قان جاسوو» قۇرباتىن سىزىل كۉچۅتۉپ، كەمباعالدىقتان ارىلتۇۇ ناتىيجالارىن بەكەمدەپ، كەمباعالدىقتان ارىلتۇۇ ساپاتىن كۅتۅرۉۉ كەرەكتىگىن كۅرسۅتتۉ.




   چىن چۇانگو، شۅحرەت زاكىر بئر ەلەكتىروندۇق ئلىم-تەحنىكا شەرىكتىگىنە كىرىپ، ۅندۉرۉش تئجارات، تەحنىكا ىزىلدەپ ۅنۉكتۉرۉۉ، جۇمۇشقا ورۇنداشتىرۇۇعا باشتوو، قىزماتكەرلەردىن كىرەشەسى قاتارلۇۇ ابالداردى استەيدىل ەەلەپ، كەرقانانى تەحنىكالىق جاڭىلىق جاراتۇۇنۇ كۉچۅتۉپ، كەرقانانى چىمىرقانا قىلداشتىرىپ چوڭويتۇپ، كەسىپ دەڭگەەلى مەنەن كەمباعالداردى باشتوو كەمباعالدارعا مايناپ جەتكىزۉۉ قۇرباتىن تىنباي كۅتۅرۉپ، ابدان كۅپ كەمباعال قالىقتى جاقىن جەرىندە ۅز جەرىندە جۇمۇشتاندىرىپ، كىرەشەسىن تۇرۇقتۇۇ اشىرۇۇعا شىقتاندىردى.




  چىن چۇانگو، شۅحرەت زاكىر اقتوو وودانىنىن نان كەسىبىنىن ۅنۉگۉۉسۉن جايعاشتىرۇۇ بويۇنچا بەرىلگەن دوكلاتتى ۇقتۇ. چىن چۇانگو مىنا بۇلاردى كۅرسۅتتۉ: نان كەسىبىنىن ۅنۉگۉۉسۉنۅ باچىم تۉرتكۉ بولۇپ، كۅلۅمدۅشۉۉ، كەسىپتەشۉۉ، بازارلاشۇۇ دەڭگەەلىن كۅتۅرۉپ، انى دىيقانداردىن كىرەشەسىن اشىرۇۇداعى ۅنۉمدۉۉ تۇتقالاردىن بىرىنە ايلاندىرۇۇ كەرەك.


   چىن چۇانگو تەكشەرىپ ىزىلدۅۅدۅ مىنا بۇلاردى باسا كۅرسۅتتۉ : «تۅرت تاانىم»دى كۉچۅتۉپ، «تۅرتتۅ ۅزۉنۅ ىشەنۉۉ»نۉ بەكەمدەپ، « ەكىنى قورعوو»نۇ اتقارىپ، جولدوش شئى جئنپىڭدى ۅزۅك قىلعان پارتىيا بوربوردۇق كومىتەتىنىن چەچىم ورۇنداشتىرۇۇلارىن چەچكىن ىزچىلدەشتىرىپ جۉزۅلۅشتۉرۉپ، جالپى بەتكەي الدۇۇ قووم قۇرۇپ چىعۇۇ نىشان مىلدەتتەرىن بەك قارماپ، تۇرۇقتۇۇلۇق بارىشىندا العا ىلگەرىلۅۅ قىزمات باش نەگىزگى ىرعاعىندا بەكەم تۇرۇپ، ۉچ چوڭ چابۇۇلدۇ چەچكىن جاقشى الىپ بارىپ،« التىنى تۇرۇقتاندىرۇۇ» قىزماتىن تىنعىلىقتۇۇ جاقش ىشتەپ،« التىنى قامسىزدوو» مىلدەتتەرىن جاپىرت جۉزۅلۅشتۉرۉپ، كەمباعالدىقتان ارىلتۇۇ چابۇۇلۇندا چەچكىن كۉرۅشۉپ چەچۉۉچۉ جەڭىشىنە قول جەتكىرۉۉ نىشان مىلدەتتەرىن اتقارىپ، بۉت ماملەكەت مەنەن بىردىكتە جالپى بەتكەي الدۇۇ قووم قۇرۇپ چىعۇۇعا چىنىعى كەپىلدىك قىلۇۇ كەرەك. دايىمدۇۇلاشقان ىلدەتتىن الدىن الىپ تىزگىندۅۅنۉ جاقشى قارماپ، «سىرتتان كىرۉۉدۅن ساقتانۇۇ، ىچتەن جانىتتوودون ساقتانۇۇ»نۇن تۉردۉۉ چارالارىندا بەكەم تۇرۇپ جانا جاقشىرتىپ، تۉيۉندۉۉ ورۇندار، تۉيۉندۉۉ كىشىلەر توبۇ، تۉيۉندۉۉ ۅتكۅۅل ووزدورۇنداعى تۅپ الدىن الىپ تىزگىندۅۅنۉ چىڭالتىپ، مەكەن سۉيۅردۉك تازالىق اراكەتىن تىنعىلىقتۇۇ قۇلاچ جايدىرىپ، ار ۇلۇت قالقىن ئلمىي قورعونۇۇعا جەتەكتەپ، الدىن الىپ تىزگىندۅۅ ناتىيجالارىن بەكەمدۅۅ كەرەك. كەمباعالدىقتان ارىلتۇۇ چابۇۇلۇنۇن چەچكىن جەڭشىن قولعو كەلتىرىپ، «ەكىدە قام ساناباستىق، ۉچتۉ قامسىزدوو»نۇ بەك قارماپ، «التىدا تۅپ بولۇۇ»نۇ جۉزۅلۅشتۉرۉپ، «جەتى بئر تۉركۉم»، «ۉچتۅ ەپكىنىن ارتتىرۇۇ»نۇ تىنعىلىقتۇۇ ىلگەرى سۉرۉپ، كۅرنۅك ئلىپ ايداقتوو، ماسەلەلەردى تۉزۅتۉۉ، قايرا كەمباعالداشۇۇنۇ كۅزۅمۅلدۅۅ، قىيمىلدىق ابالدا جاردام بەرىپ جۅلۅۅنۉ كۉچۅتۉپ، كەسىپتى ۅنۉكتۉرۉۉ ارقىلۇۇ جۇمۇشتاندىرۇۇعا باشتوونۇ كۅرۉنۉكتۅندۉرۉپ، كەمباعالدىقتان ارىلتۇۇ ناتىيجالارىن سىزىل بەكەمدەپ جوعورۇلاتىپ، كۉچتۉ توپتوپ ەڭ اقىرقى قامالداردى الۇۇ كەرەك. ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۉپ، جاڭى ۅنۉگۉۉ تۉشۉنۉگۉن ىزچىلدەشتىرىپ، ۅنۉگۉۉ ىقماسىن باچىم بۇرۇپ، قارجى سالۇۇنۇ كەڭىرتۉۉ، كەرەكتۅۅنۉ جىلىشتاتۇۇ، تىشقى سوودانى تۇرۇقتاندىرۇۇعا كۉچۅپ، ۅزگۅچۅ ارتىچىلىقتۇۇ كەسىپتەردى تۉپتۅپ زورويتۇپ، جىبەك جولۇ ەكونومىكالىق القاعى ۅزۅكتۉۉ رايون قۇرۇلۇشۇن باچىمداتىپ، تئجارات-سوودا چۅيرۅسۉن سىزىل قىلداشتىرىپ، بازار نەگىزگى تۇلقۇلارىنىن چىيرالۇۇ قۇباتىن قوزعوتۇپ، ۅنۉگۉۉ تابىلعالارىن ەل تۇرمۇشۇن جاقشىرتۇۇ، ەل كۅڭۉلۉن الۇۇعا چىنىعى جۉزۅلۅشتۉرۉۉ كەرەك. قووم جالپى قىرداالىنىن شايكەشتۉۉ تۇرۇقتۇۇلۇعۇن ساقتاپ، باش نىشانعا ۉيرۉلۉپ، قۇراما مۇشتۇ جاقشى ۇرۇپ، جولعو قويعۇداي ۅنۉمدۉۉ وموقتۇۇلۇقتۇ ساقتوو چارالارىندا بەكەم تۇرۇۇدان تەرمەلبەي، ەل ىرايىن ەڭ جوعورۇ چەكتە ىنتىماقتاشتىرىپ جانا ۉيرۉلتۉپ، دايىمدۇۇلاشقان ىلدەتتىن الدىن الۇۇ تىزگىندۅۅ جانا ەكونومىكا قوومدۇن ۅنۉگۉۉسۉ ۉچۉن جاقشى چۅيرۅ جاراتۇۇ كەرەك.


   اپتونوم رايوندۇن ورۇن باسار تۅراعاسى جاۋ چئڭ قاتارلۇۇلار تەكشەرىپ ىزىلدۅۅدۅ بىرگە بولدۇ.



〖2020.06.22-10:46〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز