2- جولقۇ بوربوردۇن شئنجاڭ قىزماتى مايەك جىيىنى اچىلعاندان بەرى، شئنجاڭدىن جوعورۇ ساپاتتا ۅنۉگۉۉسۉنۅ سىزىل قىيمىلداتقىچ كۉچ قوشتۇ

2020-06-03 10:34

2- جولقۇ بوربوردۇن شئنجاڭ قىزماتى مايەك جىيىنى اچىلعاندان بەرى، شئنجاڭعا نئشاندۇۇ جاردام بەرگەن 19 ۅلكۅ، شاار شئنجاڭعا جالپى بەتكەي جاردام بەرۉۉ، شئنجاڭعا تۅپ جاردام بەرۉۉ، ۇزۇن مەزگىل شئنجاڭعا جاردام بەرۉۉدۅ بەكەم تۇرۇپ، شئنجاڭدىن تۉردۉۉ ىشتەرىنىن ۅنۉگۉپ العا باسۇۇسۇن تۉرتمۅكتۅپ، شئنجاڭدىن جوعورۇ ساپاتتا ۅنۉگۉۉسۉنۅ سىزىل قىيمىلداتقىچ كۉچ قوشتۇ. ىستانسىيابىز قابارچىلارى دوڭ جى-يوڭ، گاۋ مىڭحۇي، ياڭ جۇ، رىن شئنجەلەردىن قابارى:

جاقىندا، قىزىلسۇۇ قىرعىز اپتونوم وبلاستى مەنەن سانجى حۇيزۇ اپتونوم وبلاستى بىرگەلەشىپ توپ قۇراپ، جئياڭسۇ ۅلكۅسۉنۉن چاڭجوۋ، ۋۇشئى، كۇنشان، نانتوڭ سىياقتۇۇ 6 شااارىنا بارىپ، «كەسپ بويۇنچا شئنجاڭعا جاردام بەرۉۉ» جئياڭسۇ ساپارى جەلەلەش قىيمىلدارىن قۇلاچ جايدىرىپ، ۅز جەرىنىن كەسپ ساياساتى جانا سووداگەر چاقىرۇۇ چۅيرۅسۉن تاانىشتىردى. قىيمىل بارىشىندا، قىزىلسۇۇ مەنەن جئياڭسۇ ۅلكۅسۉندۅگۉ 13 كەرقانا قارجى سالۇۇ كەلىشىمىن تۉزۉشۉپ، تۉرگۅ قول قويۇلعان سۇمماسى جالپى 455 مئلىيون يۇانعا جەتىپ، توقۇماچىلىق، حئمىيا ۅنۅر جاي، ماشئنا سىياقتۇۇ كەسپتەردى قامتىدى. جاقىنقى جىلداردان بەرى، قىزىلسۇۇ وبلاستى سووداگەر چاقىرىپ قارجى كىرگىزۉۉ ساياساتىن ۉزگۉلتۉكسۉز قىلداشتىرىپ، جاردام بەرۉۉچۉ جئياڭسۇ ۅلكۅسۉ مەنەن جئياڭشى ۅلكۅسۉنۅن 200 دۅن اشۇۇن كەرقانانى كىرگىزىپ، ۅز جەرىنىن ەكونومىكاسىنىن ۅنۉگۉۉسۉ جانا كەمباعالدىقتان ارىلتۇۇ چابۇۇلۇنا ۅبۅلگۅ بولدۇ. اقتوو وودانى حىڭلئن پاحتا توقۇماچىلىق چەكتۉۉ شەرىكتىگى ــ جئياڭشىدەن كىرگىزىلگەن كەرقانا ەلە، 2015- جىلى زاۋوت قۇرۇلۇپ ازىرعا چەيىن، وشول جەردەگى 75 كەمباعال تۉتۉندۉ تۇرۇقتۇۇ جۇمۇشقا قابىلدادى. اقتوو وودانى جامالتەرەك ايىلى ۇكامەللە قىشتاعىنداعى ارحىپ تۇرعۇزۇپ كارتا بۉتۉرۉلگۅن كەمباعال تۉتۉن ايشەمگۉل ابدۇراحمان مەنەن كۉيۅسۉ 2019- جىلىدىن اياعىندا كەرقاناعا كەلىپ جۇمۇشقا ورۇنداشقان، ازىر كەمباعالدىقتان ارىلدى. ال قابارچىعا مىنداي دەدى: «كۉيۅۅم ەكۅۅبۉز ايىنا 5000 يۇان كىرەشە كىرگىزەبىز، مەن 6 ايدىن ىچىندە ەلە جوون بۇلادان ىچكە جئپ چىعارۇۇنۇ ۉيرۅنۉپ الدىم، ەمى چىمىرقانىپ ىشتەپ، داعى دا كۅپ اقچا تااپ، تۇرمۇشۇبۇزدۇ انسايىن جاقشى ۅتكۅرسۅك دەيم».

2- جولقۇ بوربوردۇن شئنجاڭ قىزماتى مايەك جىيىنى اچىلعاندان بەرى، شئنجاڭعا نئشاندۇۇ جاردام بەرۉۉچۉ ار قايسى ۅلكۅ، شاارلار كەسپتەر بويۇنچا شئنجاڭعا جاردام بەرۉۉنۉن ەپكىنىن ۉزگۉلتۉكسۉز اشىرىپ، جاردام العان جەرلەردىن ەكونومىكاسىنىن ۅنۉگۉۉسۉن زور داراجادا ىلگەرى سۉردۉ. ىستاتىستىكاعا قاراعاندا، 2017- جىلدان بەرى، جئياڭسۇ ۅلكۅسۉ ىلە قازاق اپتونوم وبلاستىنا 209 تۉردۉن ورۇن- وچوق الۇۇسۇنا جاردام بەرىپ، ال جەردە 20 مىڭدەن اشۇۇن جۇمۇش وردۇن كۅبۅيتكۅن؛ حىبىي ۅلكۅسۉ الدى- ارتى بولۇپ 73 تۉردۉن بايىنعولىن موڭعۇل اپتونوم وبلاستىنان ورۇن- وچوق الۇۇسۇن ىلگەرى سۉرۉپ، 38 مئڭدەن اشۇۇن ادام ىرەت جۇمۇشتانۇۇنۇ الىپ جۉرگۅن؛ فۇجئيان ۅلكۅسۉ 127 تۉردۉن سانجى حۇيزۇ اپتونوم وبلاستىنان ورۇن وچوق الۇۇسۇن تۉرتمۅكتۅپ، 5300 كىشىنىن جۇمۇشتانۇۇسۇن چەچكەن..... تالاي ۅنۅر جاي باقچا رايوندورۇ قۇرۇلۇپ، تالاي ۅنۅر جاي تۉرلۅرۉندۅ جۇمۇش باشتالىپ، بئر توپ كەسپتە شئنجاڭعا جاردام بەرۉۉ تۉرلۅرۉ ورۇن- وچوق الىپ تامىر تارتىپ، اپتونوم رايونۇبۇزدۇن كەمباعالدىقتان ارىلتۇۇ چابۇۇلۇ، ەل تۇرمۇشۇن جاقشىرتۇۇسۇ ۉچۉن بەكەم نەگىز سالعان.

باش شۇجئى شئى جئنپىڭ 2- جولقۇ بوربوردۇن شئنجاڭ قىزماتى مايەك جىيىنىندا: بۉت ماملەكەتتىن كۉچۉن ىشكە سالىپ، شئنجاڭعا نئشاندۇۇ جاردام بەرۉۉ قىزماتىن تەرەڭدەي جىلىشتاتىپ، جاردام بەرگەن قارجىلاردى نەگىزىنەن ەل تۇرمۇشۇ، نەگىزگى قاتمارلارعا ىشتەتۉۉ كەرەك،- دەپ كۅرسۅتكۅن. 6 جىلدان بەرى، شئنجاڭعا جاردام بەرگەن ار قايسى ۅلكۅ، شاارلار ٪80 دان اشۇۇن شئنجاڭعا جاردام بەرگەن قارجىنى ەل تۇمۇشۇ سالااسى، نەگىزگى قاتمارعا سالۇۇدا بەكەم تۇردۇ. جاردام العان جەرلەردىن اعارتۇۇنۇن ۅنۉگۉۉ دەڭگەەلىن جوعورۇ كۅتۅرۉۉ ۉچۉن، شئنجاڭعا جاردام بەرگەن ار قايسى ۅلكۅ، شاارلار قارجى جانا ىشكەرلەر سالىنماسىن ارتتىرىپ، 2000 دەن اشۇۇن بالدار باقچاسى، ورتو- باشتالعىچ مەكتەپ، كەسپتىك وقۇۇ جايلارىن جاڭىدان قۇرۇپ جانا كەڭەيتىپ قۇرۇپ، 3000 دەن اشۇۇن وقۇتۇۇچۇنۇ تانداپ جىبەرىپ، وشول جەردەگى وقۇتۇۇچۇلاردى 230 مئڭ ادام ىرەت تاربئيالادى. ماناس ووداندىق اعارتۇۇ مەكەمەسى پارتىگۇرۇپپاسىنىن ورۇنباسار شۇجئسى، مەكەمە باشچىسى فاڭ شئياۋدوڭ مىنداي دەدى: «جاقىنقى جىلداردان بەرى، وودانىبىزدىن اعارتۇۇ نەگىزگى جابدۇۇ جاعدايى، وقۇۇ-وقۇتۇۇ ساپاتى سىزىل جوعورۇ كۅتۅرۉلدۉ، بۇل فۇجئياندىن شئنجاڭعا تۉر، ىشكەرلەر، قارجى، تاربئيالوو سىياقتۇۇ جاقتاردان قولدوو كۅرسۅتكۅندۉگۉنۅن بولدۇ. بىزگە جاردام بەرگەن فۇجئياندىق كادىرلارعا چىن جۉرۅكتۅن ىراقمات ايتابىز».

2016- جىلى، ماملەكەتتىك سالاماتتىقتى ساقتوو دەن سوولۇق كومىتەتى دارىلوو ىشكەرلەرى «توپ قۇروو» ىڭعايىندا شئنجاڭعا جاردام بەرۉۉنۉ ۇيۇمداشتىرىپ جولعو قويۇپ، لئياۋنئڭ، حۇنان، شاڭحاي، گۇاڭدوڭ، جىجىياڭ، جئياڭسۇ، تئيانجىندان تۇرعان 7 ۅلكۅ، شاار تۉشتۉك شئنجاڭداعى 4 ايماق- وبلاس جانا تارباعاتاي، تۇرپان جانا بئڭتۇان 1- شى سىياقتۇۇ جەرلەردەگى 8 دوقتۇرقاناعا جاردام بەرگەن. دارىلوو ىشكەرلەرىنىن «توپ قۇروو» ىڭعايىندا شئنجاڭعا جاردام بەرۉۉ قىزماتىن مۇرداعى «جالعىز- جارىم تانداپ جىبەرۉۉ»دۅن «توپ قۇراپ جايعاشتىرۇۇ»عا ۅزگۅرتۉپ، «دوقتۇرقانالاردا بۅلۉمدۅردۉ كۅتۅرۅ الۇۇ»نۇ ۅكۉل قىلعان دوقتۇرقانانىن دارىلوو، باشقارۇۇ قۇرباتىن «قوش جوعورۇ كۅتۅرۉۉ» قۇرۇلۇشۇن تەرەڭدەي قۇلاچ جايدىرىپ، جاردام العان دوقتۇرقانالاردىن بۅلۉم، ئشقانالارى قۇرۇلۇشۇ جانا دارىلوو ىشكەرلەر قوشۇۇنۇ قۇرۇلۇشۇن سىزىل كۉچۅيتتۉ. شئنجاڭعا جاردامعا كەلگەن ادىستەر جانا جاردام العان دوقتۇرقانالارداعى مەدىتسىنا قىزماتكەرلەرىنىن ورتوق تىرىشۇۇسۇندا، جاردام العان 8 دوقتۇرقانانىن باردىعى ۉچ A داراجالۇۇ دوقتۇرقانا بولۇپ قۇرۇلۇپ، ۅز جەرىنىن دوقتۇرلارىنىن وورۇ مۉنۅزدۅپ دارىلوو قۇرباتى تااسئن جوعورۇلادى. قاشقار ايماقتىق بئرىنچى ەل دوقتۇرقاناسىنىن جۉرۅك چوڭ قان تامىر تىشقى بۅلۉمۉنۉن جووپتۇۇ ۋىراچى ەمىرىلا ئمام مىنداي دەدى: «تاتاال بولعون تۇباسا جۉرۅك وورۇسۇ، كىلاپان وورۇسۇ، چوڭ قان تامىر وورۇسۇنا قاراتا، شئنجاڭعا جاردام بەرۉۉچۉ ادىستەر تەحنىكا، ماشىعۇلات، كىلىنكالىق نازارئيا جاعىندا بىزگە قولمو-قول ۉيرۅتتۉ، بئر قىيلا تاتاال وپەراتسىيالاردى بئز ازىر ۅز الدىبىزعا بۉتۉرۅ الاتۇرعان بولدۇق».

    ىستاتىستىكاعا نەگىزدەلگەندە، 2014-جىلدان 2019-جىلعا چەيىن، شئنجاڭعا جاردام بەرۉۉچۉ 19 ۅلكۅ-شاار جۉزۅلۅشتۉرگۅن شئنجاڭعا جاردام بەرۉۉ قارجىسى 80 مئلليات يۇاندان اشىپ، جولعو قويعون شئنجاڭعا جاردام بەرۉۉ تۉرۉ 9000دەن كۅپ بولۇپ، تانداپ جىبەرىلگەن كادىر- ىشكەرلەر 9مىڭگە جاقىنداپ، ىيكەمدۉۉ كىرگىزىلگەن ىشكەرلەر 60مئڭ ادام ىرەت بولعون. اپتونوم رايوندۇق پارتكوم پارتئيا مەكتەبى فەلوسوفئيا بۅلۉمۉنۉن ورۇن باسار مۇدۇر چىن حوڭ مىنداي دەدى: «2-جولقۇ بوربوردۇن شئنجاڭ قىزماتى مايەك جىيىنى اچىلعاندان بەرى، 19 ۅلكۅ-شاار سالعان قارجى زور سۇممالۇۇ، قاتىشقان ادام سانى كۅپ، قاپتالعان كۅلۅمۉ مۇردا كۅرۉلبۅگۅن داراجادا بولۇپ، تىيانشاندىن تۉشتۉك-تۉندۉگۉنۉن ۅنۉگۉۉ كەبەتەسىن زور داراجادا ۅزگۅرتۉپ، ار ۇلۇت ەلى ورتوسۇنداقى قارىم-قاتتوو، الماشتىرۇۇ، جۇۇرۇلۇشۇۇنۇ زور داراجادا ىلگەرى سۉرۉپ، سوتسىيالىستىك كۉچتۉ توپتوپ چوڭ ئش بۉتۉرۉۉدۅي ساياسئي ارتىقچىلىقتى تولۇق كۅرسۅتۉپ بەردى. بئز جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن كۉچتۉۉ جەتەكچىلىگىندە، 19 ۅلكۅ شااردىن ۅزۉمسۉز كۉچۅپ جاردام بەرۉۉسۉندۅ، اعا قوشۇلۇپ شئنجاڭداقى ار ۇلۇت كادىر قالقىنىن ۅز-ۅزۉن كۉچتۅندۉرۉپ، جاپاالۇۇ كۉرۅش جاسووسۇندا، بئز سۅزسۉز ماالىندا جالپى بەتكەي الدۇۇ قووم قۇرۇپ چىعىپ، قووم وموقتۇۇلۇعۇ، ۇزاققا بەيپىل باشقارۇۇنۇ سۅزسۅز ەرتەلەپ ىشكە اشىرۇۇبۇزعا بەكەم ىشەنەبىز».

〖2020.06.03-10:34〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز