شئنجاڭدىن داعىدا جاقشى، داعىدا تەز ۅنۉگۉۉسۉن تەرمەلبەي بەكەم تۉرتمۅكتۅۅ كەرەك

2020-05-31 15:14

باش شۇجئى شئى جئنپىڭ 2- جولقۇ بوربوردۇن شئنجاڭ قىزمات مايەك جىيىنىندا: شئنجاڭدىن داعىدا جاقشى، داعىدا تەز ۅنۉگۉۉسۉن تەرمەلبەي بەكەم تۉرتمۅكتۅۅ كەرەك- دەپ كۅرسۅتكۅن. 6 جىلدان بەرى، اپتونوم رايونۇبۇز جاڭى دووردوعۇ پارتئيانىن شئنجاڭدى باشقارۇۇ جالپى ىقىمىن بەكەم، چەچكىن ىزچىلدەشتىرىپ جۉزۅلۅشتۉرۉپ، تۇرۇقتۇۇلۇقتا العا ىلگەرىلۅۅ قىزمات باش نەگىزكى ىرعاعىندا بەكەم تۇرۇپ، ىسلااتتى سىزىل تەرەڭدەتىپ، سىرتقا اچىپ جىبەرۉۉنۉ كەڭەيتىپ، ەكونومىكانىن جوعورۇ ساپاتتا ۅنۉگۉۉسۉن تىنباي تۉرتمۅكتۅدۉ. ىستانسىيابىز قابارچىسى جئن لىي، ەرىكتۉۉ قابارچىلارىبىز چىن حۇي، جىياڭ ياۋىندىن قابارى:

5- ايدىن 22- كۉنۉ، شئنجاڭ حۇاياڭ كەسىپتىك توبۇ چەكتۉۉ شەرىكتىگى ۇنىۋەرسال كەسىپ ىشتەرى بۅلۉمۉنۉن باشچىسى لئيۇ يوڭگاڭ سانجى شااردىق شاار تۇرعۇندارى تەيلۅۅ بوربورۇنا كەلىپ، شەرىكتىك ەمى كىم ارتىق قىلىپ ساتقان جەردە تاندا بازارى بۇيۇم ساقتوو زات جۉگۉرتۉۉ بوربورۇن قۇرۇۇ تۉرۉنۅ جۇمۇش باشتوو ۅتۅمۅلۅرۉن تەز ەلە بۉتۉردۉ. ال مىنداي دەدى: «‹جەردى العان زامات قۇرۇلۇش باشتوو› ساياساتىنا نەگىز، كىم ارتىق قىلىپ ساتقان جەرگە، 3 كۉندۅن كىيىن جۇمۇش باشتوو قۇلاقتاندىرۇۇسۇن قولۇبۇزعا الدىق، جارىم جىلعا جۇۇق ۇباقىتىبىز ۉنۅمدۅلۉپ قالدى. كەرقانابىز ۉچۉن ايتقاندا، ەرتە قۇرۇپ، ەرتە ىشكە كىرىشتىرىپ، ەرتە نارپ الابىز.»

«جەردى العان زامات قۇرۇلۇش باشتوو» سانجى شاارىنىن بىيىلقى «قويو بەرۉۉ، باشقارۇۇ، تەيلۅۅ» ىسلااتىن تەرەڭدەتۉۉدۅكۉ زارىل ئش-چااراسى. بۉت شئنجاڭداعى اكىمچىلىك ۇرۇقسات ۇقۇعۇن قىيلا چوردوندوشتۇرعان تۇنعۇچ تۉيۉندۅ سىناق قىلۇۇچۇ ورۇن قاتارى، سانجى شااردىق شاار تۇرعۇندارى تەيلۅۅ بوربورۇنان ازىر ەل ىشتەرى، قووم-قووپسۇزدۇق، ۉي باشقارۇۇ قاتارلۇۇ 27 تارماق ورۇن الىپ، تارماقتاردىن فۇنكىتسىياسىن بىرىكتىرۉۉ، تەيلۅۅ تارتئبىن قىلداشتىرۇۇ ارقىلۇۇ، ئش بۉتۉرگۅندۅ «كۅپ تارماق، كۅپ كۅزنۅك، تۉردۉۉ ماتەرىيال» عا قايتا-قايتا چاپقىلوو ماسەلەسىن چىمىرقانا چەچكەن. سانجى شااردىق اكىمچىلىك قاراپ چىعىپ تاستىقتوو مەكەمەسىنىن ورۇن باسار باشچىسى ۋاڭ يئمئن مىنداي دەدى: «بئر كۅزۉنۅكتۅ قابىلداپ بۉتۉرۉۉ، بىرگەلەشىپ قاراپ چىعىپ تاستىقتوونۇ جولعو قويۇپ، قاراپ چىعىپ تاستىقتوو ۇباقىت چەكتەمەسى قاتارلۇۇ ىڭعايلاردى تەسكەپ، قاراپ چىعىپ تاستىقتوو تارماقتارىنىن قىزماتىن الدىعا قاراي جىلدىرىپ، اكىمچىلىك قاراپ چىعىپ تاستىقتوو بەرەكەتىن ۅستۉرۉپ، داعىدا ساپاتتۇۇ تئجارات چۅيرۅسۉن جاراتتىق.»

2- جولقۇ بوربوردۇن شئنجاڭ قىزمات مايەك جىيىنى اچىلعان 6 جىلدان بەرى، اپتونوم رايونۇبۇز تۉيۉندۉۉ سالاالار بويۇنچا ىسلااتتى تىنباي تەرەڭدەشتىرىپ، ۅكۉمۅتتۉن فۇنكىتسىياسىندا بۇرۇلۇش جاسوونۇ باچىمداتىپ، ئش بۉتۉرۉۉ بەرەكەتىن جوعورۇلاتىپ، ۇلاندۇۇ باجىنى ازايتىپ، اقىنى تۅمۅندۅتۉپ، تئجارات چۅيرۅسۉن جاقشىرتىپ، بازاردىن جاشوو كۉچۉن چىيرالتتى. بىلتىر، بۉت اپتونوم رايونۇبۇزداعى كەرقانالارعا چاتىشتۇۇ تەيلۅۅ مۉنۅزۉندۅكۉ اقى الۇۇ تۉرۉ الدىنقى جىلداعى 24 تۉردۅن 13 تۉرگۅ قىسقارىپ، بۉت جىلدا ازايتىلعان باجى، تۅمۅندۅتۉلگۅن اقىنىن كۅلۅمۉ 28 مئلليارت يۇاندان اشىپ كەتتى. كەرقانا قۇرۇۇ، قۇرۇلۇش ۇرۇقساتى، مۉلك ۇقۇعۇن تىزىمدەتۉۉ قاتارلۇۇ كەسىپ ىشتەرىن بۉتۉرۉۉ ۇباقىتى كۅرۉنۉكتۉۉ قىسقاردى. اپتونوم رايوندۇق بازاردى كۅزۅمۅلدۅپ باشقارۇۇ مەكەمەسىنىن باشچىسى مەمەتجان ابلا مىنداي دەدى: «بئز كۉبۅلۉك مەنەن كەنەشكەنى ايرۇۇ، كۅپ كۉبۅلۉكتۉ بىرىكتىرۉۉ ، كەرقانا قۇرۇۇ ۇباقىتىن قىسقارتۇۇ قاتارلۇۇ ىسلاات تۉرلۅرۉن تىنعىلىقتۇۇ جىلىشتاتتىق. بۉت بارىشىندا ەلەكتىروندۇق تىزىمدۅۅ جانا ەلەكتىروندۇق تئجارات كەنەشكەسىن قولدونۇۇنۇ كۉچۅپ جىلىشتاتتىق. بىلتىر بۉت اپتونوم رايونۇبۇزداعى ار تۉردۉۉ بازار نەگىزكى تۇلقۇلارى 1 مئللىيون 863 مىڭگە جەتىپ، وقشوش مەزگىلدەكىدەن 26 پايىز ارتتى.»

وشونۇ مەنەن قاتار، اپتونوم رايونۇبۇز «بئر القاق، بئر جول»دۇ ورتوق قۇرۇۇعا ىشتىكتۉۉ جۇۇرۇلۇشۇپ، «بئر پورت»، «ەكى رايون»، «بەش چوڭ بوربور»، «چەك ارا ەكونومىكا القاعى»ن جىلىشتاتۇۇنۇ ىمەرچىكتەي، جىبەك جولۇ ەكونومىكا القاعى ۅزۅكتۉۉ رايون قۇرۇلۇشۇن باچىمداتتى. ۉرۉمچۉ ەل ارالىق قۇرعاقتىق پورت رايونۇ «توۋار چوعۇلتۇۇ، باقچا قۇرۇۇ، كەسىپتەردى ۉيرۉلتۉۉ» قۇرباتىن تىنباي جوعورۇلاتقان. جۇڭگو-ەۋروپا كەزەكچى پويۇزۇ ۉرۉمچۉ چوعۇلتۇۇ بوربورۇ ىراسمئي ىشكە كىرىشتىرىلگەن 4 جىلدان بەرى، قاتتاعان جۇڭگو-ەۋروپا كەزەكچى پويۇزۇ جالپى 3189 كەزەككە جەتىپ، ىچكەرى ۅلكۅلۅرگۅ چەيىن قانات كەرىپ، ەۋروپا-ازىيانى تۇتاشتىرىپ، ۅنۉگۉۉ تەزدىگى جانا كۅۅلۅمۉ ماملەكەت بويۇنچا الدىنقى ورۇندا تۇردۇ. شئنجاڭدىن رايون ارتىقچىلىعى، ساياسات ارتىقچىلىعى جانا اچىپ جىبەرۉۉ قىرداالى داعى جوون توپ كەرقانالاردى كەلىپ قارجى سالىپ كەسىپتەردى گۉلدۅنتۉۉگۅ ەلىكتىردى. جئنشاحى ۇنچۇلۇق چەكتۉۉ جووپتۇلۇق شەرىكتىگىنىن الاتوو ووزۇ ۇنۇۋەرسال باجى كەچىرىم قىلىنعان رايونعو 800 مئللىيون يۇان قارجى سالىپ، جىلىنا 400 مئڭ توننا ۇن جانا 200 مئڭ توننا كەسمە چىعارۇۇ تۉرۉن قۇرۇپ جاتات. شەرىكتىكتىن باش دىرەكتور جاردامچىسى ۋىي شىياۋشىياۋ مىنداي دەدى: «تۉر ىشكە كىرىشكەندەن كىيىن، جىلدىق ساتۇۇ سۇمماسى 4 مئلليارت يۇانعا جەتىپ، 350 مئللىيون يۇاندىق پايدا باجىنى ىشكە اشىرات دەپ جورومولدوپ تۇرابىز. 2020- جىلى كەرقانابىز داراجاسىن جوعورۇلاتۇۇنۇ، ئمپورتتۇق بۇۇدايعا ئش قوشۇپ ۇن تارتۇۇنۇ، ارتىنان داعى ئش قوشۇپ كەسمە چىعارۇۇنۇ ىشكە اشىرىپ، بۉتۉن كەسىپ جەلەسىن قالىپتاندىرىپ، الاتوو ووزۇن چوعۇلتۇۇ تۉيۉنۉ قىلىپ، بئر القاق، بئر جولدۇن جاردامىنان بۉت ماملەكەتكە تاراتىپ، كەرقانابىزدى داعىدا جاقشى ۅنۉكتۉرۉپ، داعىدا الىستارعا جەتەبىز.»

   باش شۇجئى شئى جئنپىڭ: ۅنۉگۉۉنۉ ەل تۇرمۇشۇن جاقشىرتۇۇ، جەرگىلىككە نارپ جەتكىرۉۉ، ىنتىماقتى العا باستىرۇۇ جاعىندا جۉزۅۅلۅشتۉرۉپ، ار ۇلۇت قالقىنا پارتئيانىن قامقوردۇعۇن جانا اتا-مەكەن چوڭ ۉي-بۉلۅۅسۉنۉن جىلۇۇلۇعۇن چىنىعى سەزىندىرۉۉ كەرەك- دەپ كۅرسۅتكۅن. 6 جىلدان بەرى، اپتونوم رايونۇبۇزدۇن كەسىپ قۇرۇلماسى تىنباي قىلداشىپ، ەكونومىكا جالپى چەنەمى تىنباي ۅسۉپ، رايون ۅندۉرۉش جالپى نارقى 920 قانچا مئلليارت يۇاندان 1 تئرىللىيون 350 مئلليارت يۇانعا اشىپ، اداتتاعى جالپىلىق قامچوت چىعاشاسىنىن 70 پايىزدان كۅبۉ ەل تۇرمۇشۇن قامسىزدوو جانا جاقشىرتۇۇ جاعىنا ىشتەتىلىپ، ۅنۉگۉۉنۉن تابىلعالارى ار ۇلۇت قالقىنا داعىدا كۅپتۅپ، داعىدا ادئل نارپ جەتكىردى. ۇچۇردا، 3 مئلليارت 90 مئللىيون قارجى سالعان تۉشتۉك شئنجاڭدىن «كۅمۉردۉ ەلەكتىرگە ۅزگۅرتۉۉ» قۇرۇلۇشۇ 1- مەزگىلدىك ەلەكتىر تورۇن سەپتۅۅ قۇرۇلۇشۇ چۇقۇل الىپ بارىلۇۇدا، قۇرۇلۇپ بۉتكۅندۅن كىيىن تۉشتۉك شئنجاڭدىن 4 ايماق، وبىلاسىنداعى 24 وودان، شاار، 199 ايىل، شاارچا، 1078 قىشتاقتىن، 290 مىڭگە جۇۇق دىيقان، مالچىنىن جىلۇۇق مەنەن قامدوو شارت-جاعدايىن جاقشىرتات. حوتەن ايماعى قاراقاش وودانى كۇيا شاارچاسى كۇيا قىشتاعىنىن «كۅمۉردۉ ەلەكتىرگە ۅزگۅرتۉۉ» قۇرۇلۇش تۉرۉنۉن قۇرۇلۇش ناق مايدانىندا، جۇمۇشچۇلار مامى تۇرعۇزۇۇ، سىم تارتۇۇ، ەلەكتىر مەنەن قامدوو سىم جولۇ قاندىرعاسىن ورنوتۇۇ مەنەن شاشىلىش جۉرۅت. قىشتاق تۇرعۇنۇ ابلەت راحماندىن ۉيۉنۅ ەلەكتىر مەنەن جىلىتۇۇ جابدۇۇسۇن ورنوتۇۇ الدىندا، اياباي قۇباندى، ال داعى قۇرۇلۇش وردۇنا بارىپ ىشتەمچىلىك قىلىپ، كىرەشەسىن ارتتىردى. ال مىنداي دەدى: «كۅمۉردۉ ەلەكتىرگە ۅزگۅرتۉۉ قۇرۇلۇشۇ تۇرمۇشۇبۇزعا كۅپتۅگۅن وڭتويلۇۇلۇقتاردى الىپ كەلەت، تازا ارى اقچا ۉنۅمدۅيت. مەن بۇل جەردەن قىزمات تاپتىم، داعى تەحنىكا ۉيرۅنۉپ الدىم، كۉنۉنۅ 150 يۇان تابام، پارتئيانىن جاقشى ساياساتىنا ىراقمات.»

〖2020.05.31-15:14〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز