زاكونسۇزدار مەنەن جان تىگىپ تايماشىپ، 21 جەرىنە بىچاق سايىلىپ بااتىرلارچا قۇرمان بولعون -جاۋ تىيانيۉ

2020-05-23 13:19

جاۋ تىيانيۉ، حانزۇ، 1974- جىلى 3- ايدا تۅرۅلگۅن، جۇڭگو كوممۇنىستىك پارتئياسىنىن مۉچۅسۉ، 1996- جىلى 7- ايدا قووم- قووپسۇزدۇق قىزماتىنا قاتىشقان، كۅزۉ تىرۉۉسۉندۅ جئلىن ۅلكۅسۉ حۇينان ووداندىق قووم- قووپسۇزدۇق مەكەمەسى شىداۋحى ساقچى بۅلۉمچۅسۉنۉن ورۇنباسار ساقچى بۅلۉمچۅ باشچىسى بولۇپ، ساقچىقانا قىزماتىن الىپ بارعان.

 جاۋ تىيانيۉ ساقچى بولعوندون بەرى، باشتان- اقىرى زاكونعو قايچىلىق قىلىپ قىلمىش ۅتكۅرۉۉگۅ سوققۇ ۇرۇۇ جانا قووم اماندىعىن قورعوونۇن بئرىنچى چەبىندە كۉرۅش قىلىپ، مىلدەتىن اق جۉرۅك اتقارىپ، كەسىپتى ۇرماتتاپ سالىم قوشۇپ، چىعاان قىزمات ناتىيجالارىنا قول جەتكىرگەن، الدى- ارتى بولۇپ 200 دۅن اشۇۇن قىلمىشتۇۇ ىشتەر دەلوسۇنۇن بەتىن اچىپ، قىلمىش شەكتۉۉسۉنۅن 60 نەچەنى قارماعان، كۅپ جولۇ قىزمات سەبەپتۉۉ جارالانىپ، قاراشتۇۇ رايوندۇن قووم اماندىعى تۇرۇقتۇۇلۇعۇن قورعوو ۉچۉن ۇرۇنتتۇۇ سالىم قوشقون. ال الدى- ارتى بولۇپ جەكە 3- داراجالۇۇ ەمگەكتەن ەكى جولۇ كۅرسۅتۉپ، جەكە سىيلىققا ەكى جولۇ ەە بولعون.

   2017- جىلى 2- ايدىن 10- كۉنۉ ساات 17 دە، جاۋ تىيانيۉ، حۇينان وودانى چئڭياڭ شاارچاسىندا دەلو تۇرعۇزۇلۇپ تەكشەرىلگەن، زاكونسۇز تۉردۅ توقوي جەرىن ەەلەپ العان قىلمىش شەكتۉۉسۉ يۉ فىڭلئندى بايقاعانى جۅنۉندۅ ساقچىعا ماالىمدوونۇ تاپشىرىپ الات. جاۋ تىيانيۉ داروو بئر جاردامچى ساقچىنى الىپ 50 كلومەتىر الىستاعى چئڭياڭ شاارچاسىنا اتتانات، ارى سىرتتا مىلدەت اتقارىپ جاتقان ەل ساقچىسى چىڭ يانشىڭ مەنەن ياڭ شئڭدى بارىپ جاردامداشۇۇعا قۇلاقتاندىرات. جاۋ تىيانيۉ اۋتوۇناا ايداپ چئڭياڭ چوڭ كۅپۉرۅۅسۉنۉن ايلاناسىنا بارعاندا، قىلمىش شەكتۉۉسۉ يۉ فىڭلئندى بايقاپ، داروو اۋتوۇناادان تۉشۉپ قارمايت. ويلوبوعوندو يۉ فىڭلئن اۋتوۇناانىن ارتقى ەشىگىن قاتۇۇ تەەپ بۇزۇپ جىبەرىپ، اۋتوۇنااداعى جاردامچى ساقچىنى اۋتوۇناادان تۉشۉۉگۅ ايلاسىز قالتىرات، ارى تۉن قاراڭعىسىنان پايدالانىپ قانجاردى الىپ چىعىپ، جاۋ تىيانيۉگۅ قالجوولونو سايا بەرەت. جاۋ تىيانيۉ انى مەنەن جان تىگىپ الىشىپ، كۅكۉرۅگۉ، قۇرساعى، بىلەگىنىن كۅپ جەرىنە بىچاق سايىلات، جاۋ تىيانيۉ اقىرى شايى كەتىپ قارلۇۇ جەرگە جىعىلات... بۇل كەزدە، جاردامعا كەلگەن ساقچى اۋتو ۇنااسى جەتىپ كەلەت، ەل ساقچىسى چىڭ يانشىڭ، ياڭ شئڭ جانا جاردامچى ساقچى يۉ فىڭلئنگە قاراي اتىرىلات، يۉ فىڭلئن داعى چىڭ يانشىڭدىن بىلەگىن بىچاق مەنەن جارالاعاندان كىيىن اۋتوۇناا ايداپ قاچات. ارتىنان، ەسىنەن تانعان جاۋ تىيانيۉنۉ قىزماتتاشتارى دوقتۇرقاناعا جەتكىرىپ چۇقۇل قۇتقارات، ەڭ اقىرىندا جاراسى وور بولعوندۇقتان قۇتقارۇۇ ۅنۉم بەربەي 43 جاشىندا قۇرمان بولوت. بەكىتۉۉ ارقىلۇۇ، جاۋ تىيانيۉنۉن 21 جەرىنە بىچاق سايىلعانى بەكىتىلەت.

   دەلو كۅرۉلگۅندەن كىيىن، توڭحۇا شاارى، حۇينان وودانى ەكى داراجالۇۇ قووم- قووپسۇزدۇق ورگاندارى داروو چۇقۇل الدىن دولبوور تۉزۉپ، قىلمىش شەكتۉۉسۉن بااردىق كۉچۉ مەنەن قولعو الۇۇنۇ باشتايت. وشول كۉنۉ كەچتە، قىلمىش شەكتۉۉسۉ يۉ فىڭلئن قووم- قووپسۇزدۇق ورگانىنا ۅزۉن ماالىمدايت.

2017- جىلى 3- ايدا، قووم- قووپسۇزدۇق مىنسىتىرلىگى سىياقتۇۇ ماملەكەتتىن قاتىشتۇۇ تارماقتارى جاۋ تىيانيۉگۅ «ماملەكەتتىك قووم- قووپسۇزدۇق سىستەماسىنداعى بئرىنچى داراجالۇۇ بااتىر ۉلگۉ» ارداق اتاعىن ىيعارات.

〖2020.05.23-13:19〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز