اق قالاتچانداردىن اعىمدى جىرەپ جۉرۉشۉ

2020-05-23 13:15

ىستانسىيابىز قابارچىلارى لان تئيان، لئي مئڭ، دوڭ جى-يوڭ، لئى ۋىي، گۇان شئياۋشىياۋلاردىن قابارى:

  5- ايدىن 22- كۉنۉ ساارقى ساات 9 دا، اپتونوم رايوندۇق جۇعۇشتۇۇ وورۇلار دوقتۇرقاناسى وور نووقاستار مەدىتسىنالىق بۅلۉمۉنۉن دوقتۇرۇ جاڭ جىيەنفىڭ ۅز ۇباعىندا تەلەۋىزوردۇن الدىنا وتۇرۇپ، 13- كەزەكتۉۉ ماملەكەتتىك ەل ۅكۉلدۅر قۇرۇلتايىنىن 3- جولقۇ جىيىنىن ناقتىلۇۇ ابالىن تۉز باياندان كۅردۉ. ال قابارچىعا مىنداي دەدى: ۅكۉمۅت قىزمات بايانداماسىندا، الدىن الىپ تىزگىندۅۅ قۇرباتىن زور داراجادا كۅتۅرۉپ، ىلدەتتىن جانىتتووسۇنان چەچكىن ساقتانىپ، ەلدىن سالاماتتىعىن چەچكىن قورعوو كەرەك- دەپ كۅرسۅتۉلدۉ. ىلدەت اقىرلاشپادى، بئز ۇلاندۇۇ قىزمات وردۇبۇزدا بەكەم تۇرۇپ، دايىمدۇۇلاشقان ىلدەتتىن الدىن الىپ تىزگىندۅۅنۉ جاقشى ىشتەپ، ەسكەرتۉۉ سەگىنالىن ۇزاققا جاڭىرتىپ، مۉلدۅ بوشوشپووبۇز كەرەك.

 جاڭىچا تااجى سىمال ۋئرۇس ۅپكۅ سەزگەنچ ىلدەتى كۅرۉلگۅندۅن بەرى، اپتونوم رايوندۇق پارتكوم مەنەن ۅكۉمۅت جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن كۉچتۉۉ جەتەكچىلىگىندە، ىشەنىچى بەكەمدۅۅ، جاپا-ماشاقاتتا بىرگە بولۇۇ، ئلمىي الدىن الىپ دارىلوو، تۅپ چاارا قولدونۇۇ باشقى تالابى بويۇنچا، اپتونوم رايوندۇق دارىلوو قۇتقارۇۇ ادىستەر گۇرۇپپاسىن ماالىندا ۇيۇمداشتىرىپ قۇرۇپ، ارى 11 جاڭىچا تااجى سىمال ۋئرۇس ۅپكۅ سەزگەنچى بويۇنچا تۉيۉندۉۉ قۇتقارىپ دارىلوو دوقتۇرقاناسىن بەكىتكەن، اپتونوم رايوندۇق جۇعۇشتۇۇ وورۇلار دوقتۇرقاناسى وشولوردۇن بئرىسى. دوقتۇرقانانىن پارتكوم شۇجئسى زىڭ پئڭحۇا مىنداي دەدى: بئز مىقتى دارىلوو قۇتقارۇۇ كۉچۉن ۇيۇمداشتىرىپ، نووقاستى قۇتقارىپ دارىلوو ەپكىنىن ارتتىرىپ، ۅلۉمدۅن قۇتقارىپ وورۇنۇ دارىلوو، ۅمۉردۉ قادىرلوو، باتىل سالىم قوشۇۇ، چەكسىز مەەر جەتكىرۉۉدۅي كەسىپتىك دوقتۇرلاردىن رۇحۇن قىزماتتا كۅرسۅتتۉك.

 «ىلدەت بۇيرۇق، الدىن الىپ تىزگىندۅۅ جووپكەرچىلىك». تۉتۉنسۉز سوعۇش مايدانىندا، اپتونوم رايونۇبۇزداعى قالىڭ دارىلوو قىزماتكەرلەرى قان- تەرى مەنەن ەلدىن ۅمۉرۉن قورعوو، ىلدەتكە قارشى تۇرۇۇداي بەكەم قورعونۇۇ چەبىن تۇرعۇزۇشتۇ.

  5- ايدىن 20- كۉنۉ، شئنجاڭ مەدىتسىنا داشۅسۉنۉن 2017 -جىلدىق كىلئنىكالىق مەدىتسىنا كەسىبىنىن ساباققاناسىندا، شئنجاڭ مەدىتسىنا داشۅسۉنۅ قاراشتۇۇ بئرىنچى دوقتۇرقانانىن وور نووقاستار مەدىتسىنالىق بوربورۇ بئرىنچى بۅلۉمۉنۉن ورۇنباسار مۇدۇرۇ يۉ چاۋشئيا ۅزۉنۉن ۋۇحانداعى جاڭىچا تااجى سىمال ۋئرۇس ۅپكۅ سەزگەنچى ىلدەتىنە قارشى تۇرعانداعى كەچىرمەلەرىن ايتىپ بەرىپ جاتتى. ال: «بۇل مەنىن العاچقى تۉركۉمدۅكۉ حۇبەيگە جاردام بەرگەن دارىلوو اتىرەتىنىن مۉچۅسۉ قاتارى وشول جاققا بارعانداعى سۉرۅتۉم»- دەدى. ۇباقىتتى 1- ايدىن 28- كۉنۉنۅ جىلدىرساق، وشول كۉنۉ كۅكتۅم مايرامىنىن 4- كۉنۉ ەلە. بۇل كۉنۉ شئنجاڭ مەدىتسىنا داشۅسۉنۅ قاراشتۇۇ 6 دوقتۇرقانادان 142 دارىلوو قىزماتكەرى شئنجاڭدىن بئرىنچى تۉركۉمدۅكۉ حۇبەيگە جاردام بەرۉۉچۉ دارىلوو اتىرەتى قاتارى ۇيۇمداشىپ، شئنجاڭداعى ار ۇلۇت ەلىنىن وور تاپشىرماسىن ارقالاپ، قارشى باعىتقا قاراي اتتانىشقان. يۉ چاۋشئيا قابارچىعا، ماملەكەتتەگى العاچقى تۉركۉمدۅكۉ حۇبەيگە جاردام بەرۉۉچۉ دارىلوو اتىرەتى قاتارى، شئنجاڭدىن بئرىنچى تۉركۉمدۅكۉ حۇبەيگە جاردام بەرگەن دارىلوو اتىرەتى جەتىپ بارعاندا، ۋۇحان ىلدەتتىن ەڭ قووپتۇۇ چۇقۇل مەزگىلىندە تۇرعان ەكەن، اتىرەت مۉچۅلۅرۉ ۋۇحان داشۅسۉ ەل دوقتۇرقاناسىنىن چىعىش دوقتۇرقانا رايونۇندا جەرگىلىكتەگى دوقتۇرلار مەنەن ارالاش كۉرۅش قىلىپ، بئرىنچى تۉركۉمدۅ جاڭىچا تااجى سىمال ۋئرۇس ۅلكۅ سەزگەنچى مەنەن جۇعۇمدالعان نووقاستى قابىلداعان. ال ەمى ۅزۉ تۇرعان جۉرۅك ىچكى وورۇلار بۅلۉمۉ وور نووقاستاردى كۉزۅتۉۉ وردۇ 8 قووپتۇۇ وور داراجاداعى نووقاستى قابىلداعانىن ايتىپ مىنداي دەيت: نووقاستاردىن ابالى ابدان وور، كەەدە بئر قانچا نووقاستىن قانداعى قىچقىلتەكتىن قۇرامى ون قانچاعا تۉشۉپ قالات. مىنداي ابالدا وور نووقاستاردى تۉشۉنگۅندۅر كۅبۉرۅۅك ىشتەشكە تۇۇرا كەلەت، كۉندۉزۉ وشول جەردە بولوبۇز، تۉندۅسۉ چاقىرعاندا جەتىپ بارابىز، ار كۉنۉ نووقاستاردى كۅز ۉزبۅي كۉزۅتۉپ تۇرابىز، نووقاستار دا تەزدەن ايىعا باشتادى.

  ارتىنان ەلە، بەش ايماق وبلاس شاارداعى 102 سەستىرا قىزماتكەرىنەن ۇيۇمداشقان شئنجاڭدىن ەكىنچى تۉركۉمدۅكۉ حۇبەيگە جاردام بەرگەن دارىلوو اتىرەتى 2- ايدىن 7- كۉنۉ ۋۇحان قونوق ساراي چارچى دوقتۇرقاناسىنا بارىشتى. اپتونوم رايوندۇق ەل دوقتۇرقاناسىنىن 142 دوقتۇر سەستىرالارىنان ۇيۇمداشقان شئنجاڭدىن ۉچۉنچۉ تۉركۉمدۅكۉ حۇبەيگە جاردام بەرگەن دارىلوو اتىرەتى 2- ايدىن 9- كۉنۉ ۋۇحان داشۅسۉ ەل دوقتۇرقاناسى چىعىش دوقتۇرقانا رايونۇنداعى ەكى وور نووقاستار رايونۇن بۉت قۇرۇلما تۉزۉمدۉۉ ۅتكۅرۉپ الىپ باشقارعان. جاڭىچا تااجى سىمال ۋئرۇس ۅپكۅ سەزگەنچىنىن ۅزگۅچۅلۉگۉ دارىلوو قىزماتكەرلەرىنە مۇردا بولۇپ كۅربۅگۅندۅي ات سالىشۇۇلاردى الىپ كەلگەن. شئنجاڭدىن ۉچۉنچۉ تۉركۉمدۅكۉ حۇبەيگە جاردام بەرگەن دارىلوو اتىرەتى كۉتۉمدۅۅ اتىرەتىنىن جەتەكچىسى بىن يەنلئى مىنداي دەدى: سەستىرالار قورعونۇۇ كىيىمىن كىيىپ، ۉچ قابات قول قاپتى كىيىپ، كۅزدۉ قورعوو كۅز اينەگىن تاعىشات، از ەلە اراكەت قىلسا تەردەپ ابدان جايسىزدانات. دوقتۇرقاناعا مويۇن سۇنۇپ تاپشىرعان نووقاستىن تۉردۉۉ دارىلووسۇن ماالىندا بۉتۉرگۅندۅن سىرت، نووقاستىن باردىق كۉندۅلۉك تۇرمۇشۇن سەستىرالار باشقارات، وشونۇ مەنەن قاتار باشقالار مەنەن باارلاشۇۇنۇ جاقشى ىشتۅۅ كەرەك، دەنە قۇرباتى جانا پىسحىكالىق جاققا بولعون سىناعىدا زور بولدۇ، بئر داعى سەستىرا ماعا كەلىپ بۇل قىزماتتى ىشتەبەيمىن- دەپ ايتپادى، الار نووقاسقا كۅڭۉل قويۇپ قاراشتى.

  قىشتىن ىزعارى ۉرۉپ تۇرعان كەزدەن جازدا گۉلدۅر قۇلپۇرۇپ اچىلعانعا چەيىن، دارىلوو اتىرەتىندەكى مۉچۅلۅر ۇباقىت مەنەن تەڭ جارىشىپ، وورۇ مەنەن قارماشىپ، قايراتتۇۇ سالعىلاشىپ، كۉنۉ- تۉنۉ كۉرۅش قىلىپ، ۋۇحان ەلىنىن مويۇندووسۇنا ەە بولدۇ. الار: «شئنجاڭعا ىراقمات، سىزدەرگە ۇرمات بئلدىرەبىز» دەشتى. 3- ايدىن 30- كۉنۉ، شئنجاڭدىن حۇبەيگە جاردام بەرگەن دارىلوو اتىرەتىنىن ەڭ اقىرقى بئر كۉركۉم 158 مۉچۅسۉ امان- ەسەن قايتىپ كەلىشتى. ۇشۇنۇ مەنەن اپتونوم رايونۇبۇزدىن حۇبەيگە جاردام بەرگەن دارىلوو قۇتقارۇۇ قىزماتى ىيگىلىكتۉۉ اقىرلاشتى.

  چاپا- ماشاقاتقا چىداپ، جەڭىشتى قولعو كەلتىردى. شئنجاڭدىن ۉچ تۉركۉمدۅكۉ حۇبەيگە جاردام بەرگەن دارىلوو اتىرەتى «ماملەكەتتىك سالاماتتىقتى ساقتوو دەن- سوولۇق سىستەماسىنىن جاڭىچا تااجى سىمال ۋئرۇس ۅپكۅ سەزگەنچى ىلدەتىنىن الدىن الىپ تىزگىندۅۅ قىزماتىنداعى وزوت كوللەكتىپ» دەگەن ناامعا ەە بولۇشتۇ، 6 دارىلوو قىزماتكەرى «ماملەكەتتىك سالاماتتىقتى ساقتوو دەن-سوولۇق سىستەماسىنىن جاڭىچا تااجى سىمال ۋئرۇس ۅپكۅ سەزگەنچى ىلدەتىنىن الدىن الىپ تىزگىندۅۅ قىزماتىنداعى وزوت جەكە» ناامىنا تاتىقتۇۇ بولدۇ. ماملەكەتتىك ەل قۇرۇلتاي ۅكۉلۉ، چاپچال شىبە اپتونوم ووداندىق ەل دوقتۇرقاناسى سەستىرالار بۅلۉمۉنۉن مۇدۇرۇ گو شئياۋحۇڭ مىنداي دەدى: ەڭ قىينالعان، ەڭ چاپا چەككەندەر بئزدىن بئرىنچى چەپتەگى دارىلوو قىزماتكەرلەر بولدۇ، الار ۅز قىزمات وردۇندا بۉت نەەتى مەنەن بار كۉچۉن چىعارىشتى، ۉي-بۉلۅسۉنۅن كەچىپ، كۅپچۉلۉكتۉن قامىن ويلوشۇپ، قايراتتان سەپىل سالىشتى، وشوندون ۇلام بئزدىن ىلدەتتىن الدىن الىپ تىزگىندۅۅ قىزماتىبىز باسقىچ مۉنۅزدۉۉ جەتىشكەندىكتەرگە قول جەتكىردى.

 بىلۉۉگۅ قاراعاندا، ىلدەت كۅرۉلگۅندۅن بەرى، اپتونوم رايونۇبۇزدان 2850دۅن اشۇۇن الدىنقى چەپتەگى دارىلوو قىزماتكەرلەر دارىلاپ قۇتقارۇۇعا تىكەلەي قاتىشقان. ماملەكەتتىك ساياسئي كەڭەشتىن مۉچۅسۉ، اپتونوم رايوندۇق سالاماتتىقتى ساقتوو دەن- سوولۇق كومىتەتىنىن ورۇن باسار مۇدۇرۇ ەرزات زادا مىنداي دەدى: قالىڭ دارىلوو قىزماتكەرلەرى بۉت زەەنىن سالىپ كەسىپتى ۇرماتتاپ، العىلىقتۇۇ مەزگىلدە كۅكۉرۅك كەرىپ سۇۇرۇلۇپ چىعىشتى. بئزدىن دارىلوو قىزماتكەرلەرىبىز، ۇلاندۇۇ تۉردۅ بۉتۉن زەەنى مەنەن ەل ۉچۉن تەيلۅۅ جۉرگۉزۉپ، دارىلوو قىزماتكەرلەرىنىن مەيرىمدۉۉلۉگۉن كۅرسۅتۉۉسۉن ۉمۉت قىلامىن.

〖2020.05.23-13:15〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز