كۅرۅۅگۅن كۅز كەمباعالدىقتان ارىلتۇۇنۇن جولۇن تااماي تاپتى

2020-05-23 12:42

باش شۇجئى شئى جئنپىڭ «كەمباعالداردى تۅپ جۅلۅۅ، كەمباعالدىقتان تۅپ ارىلتۇۇنۇ جالپى بەتكەي جۉزۅلۅشتۉرۉپ، تۉشتۉك شئنجاڭدى كەمباعال رايوندورۇن كەمباعالدىقتان ارىلتۇۇ چابۇۇلۇنۇن نەگىزگى كۉرۅش مايدانى قىلۇۇ كەرەك»،- دەپ كۅرسۅتكۅن. ۇچۇردا، اپتونوم رايونۇبۇزدۇن جوعورۇ- تۅمۅنۉ ىنتىماقتۇۇ بئر نەەتتە، تۅپ چارا قولدونۇپ، جۉزۅلۅشتۉرۉۉنۉ بەكەم قارماپ، كۅرنۅك ئلىپ كۉرۅشتۉ ايداقتاپ، كەمباعالدىقتان ارىلتۇۇ چابۇۇلۇنۇن چەچكىن كۉرۅشۉنۉن چەچۉۉچۉ جەڭشىن قولعو كەلتىرۉۉگۅ بااردىق كۉچۉ مەنەن اتتاندى. ىستانسىيابىز قابارچىلارى جئن لەي، دوڭ جىيوڭ، رىن شىنجەلەر جازعان « كۅرۅۅگۅن كۅز كەمباعالدىقتان ارىلتۇۇنۇن جولۇن تااماي تاپتى» دەگەن اتايىن قابارى:

   جەركەن وودانى بەشكەنت شاارچاسى ساڭبازار قىشتاعىنىن كەمباعالداردى جۅلۅۅ زاۋوتۇندا، قىشتاق تۇرعۇنۇ اسىگۉل توحتىقۇربان ۇستازىنىن جەتەكتۅۅسۉندۅ كىيىم تىگۉۉ تەحنىكاسىن ۉيرۅنۉپ جاتتى. مۇردا، ۉي- بۉلۅ ايالى بولعون اسىگۉل توحتىقۇربان نەگىزىنەن ۉيدۅ بالا باعۇۇچۇ، كىرەشەسىنىن بااردىعى جۇبايىنىن سىرتقا چىعىپ ىشتەمچىلىك قىلۇۇسۇنان كەلچۉ، ازىر ال ەشىك الدىندا ەلە جۇمۇشقا ورۇنداشتى. ال مىنداي دەدى: « بۇل زاۋوتقو كەلگەنىمە بئر اي بولدۇ، ازىر تەحنىكانى ابدان جاقشى ىيگەرىپ الدىم، مەن داعى سۉرۅت سىزۇۇنۇ جاقشى كۅرۅم، بئر كىيىمدى تولۇق تىگۉۉنۉ ۉيرۅنۉپ بولعوندون كىيىن داعى دولبورلوونۇ ۉيرۅنۉپ، ۅزۉم بئر كىيىم- كەچە تىگۉۉ دۉكۅنۉن اچۇۇعا چىمىرقانام.

  جەركەن وودانى بەشكەنت شاارچاسى ساڭبازار قىشتاعىنىن كەمباعالداردى جۅلۅۅ زاۋوتۇ 2019- جىلى 4- ايدا قۇرۇلعاندان بەرى، 340 قىشتاق تۇرعۇنۇن جۇمۇشقا ورۇنداشتىردى، انىن ىچىندە 99 كىشى ارحئپ تۇرعۇزۇپ كارتا بۉتۉرۉلگۅن كەمباعال تۉتۉن. جەركەن وودانى حايجوۋ كىيىم تىگۉۉ چەكتۉۉ شەرىكتىگى ۅندۉرۉش بۅلۉمۉنۉن دىرەكتورۇ، ساڭبازار قىشتاعى كەمباعالداردى جۅلۅۅ زاۋوتۇنۇن جووپتۇسۇ تۇ شىيانشۉي مىنداي دەدى:«ازىر جۇمۇشۇنا قاراپ مايانا ەسەپتەيبىز، كۅپ ىشتەسە كۅپ الات. ەڭ تۅمۅنۉ 1100 يۇاندان 1200 يۇانعا چەيىن، كىيىنكى مەزگىلدەرگە بارعاندا 3 مئڭ يۇاندان 4 مئڭ يۇانعا چەيىن الا تۇرعاندار بار. كىيىنكى قادامدا بئز كەرقانانىن ۅندۉرۉشۉن كەڭىرتىپ، انسايىن كۅپ كىشىنى جۇمۇشقا ورۇنداشتىرابىز.»

  باش شۇجئى شئى جئنپىڭ «كەسىپتى ۅنۉكتۉرۉۉــ كەمباعالدىقتان ارىلتۇۇنۇ ىشكە اشىرۇۇنۇن تۉپكۉ چاراسى»،- دەپ باسا بەلگىلەگەن. بۉگۉنكۉ كۉندۅ، جوون توپ توقۇماچىلىق كىيىم- كەچە، ەلەكتىروندۇق قۇراشتىرۇۇ، ازىق- تۉلۉككۅ ئش قوشۇۇ سىياقتۇۇ ەمگەك چوردوندوشقون تىپتەگى كەسىپ بويۇنچا كەمباعالداردى جۅلۅۅ زاۋوتتورۇ تۉشتۉك شئنجاڭدىن تەرەڭ كەمباعال رايوندورۇندا قۇيرۇق ۇلاش ورۇن- وچوق الىپ تامىرلاپ، جەرگىلىكتۉۉ قىشتاق تۇرعۇندارىنىن كىرەشەسىن ارتتىرۇۇ جانا كەمباعال تۉتۉندۅردۉ جۇمۇشقا ورۇنداشتىرىپ كەمباعالدىقتان ارىلۇۇعا ۅنۉمدۉۉ باشتادى.

   كەسىپتى گۉلدۅندۉرۉپ، جۇمۇشقا ورۇنداشتىرۇۇنۇ جىلىشتاتۇۇ مەنەن بىرگە، جەر- جەرلەر داعى ئش جۉزۉندۉك ابالىعا نەگىز، بئر تۉتۉنگۅ بئر چارانى جالپى جولعو قويۇپ، كەمباعالداردى تۅپ جۅلۅپ، كەمباعال تۉتۉندۅردۉن ۅزگۅچۅ ەگىنچىلىك، باقماچىلىقتى ۅنۉكتۉرۉپ، كىرەشەسىن اشىرىپ كەمباعالدىقتان ارىلۇۇسۇنا جەتەكتەپ جاردام بەردى. قاراقاش وودانى قاراساي شاارچاسى الاقۇم قىشتاعىنىن تۇرعۇنۇ ەسەن ەدىلەت مايىپ بولۇپ قالعاندىقتان، تۇرمۇشۇ قىيىنچىلىقتا بولچۇ. وشەنتىپ، قىشتاق ەسەن ەدىلەتتى تۅمۅن تۇرمۇش كەپەلەتى تۉتۉنۉنۅ كىرگىزەت، ارى انى ۇي باعۇۇ كەسىبىن ۅنۉكتۉرۉۉگۅ شىقتاندىرىپ، داعى انىن 50 مئڭ يۇان از سۇممالۇۇ قارىز ۅتۉنۉچ قىلۇۇسۇنا جاردام بەرەت. 2019- جىلى ەسەن ەدىلەت باققان 11 ۇيدان 80 مئڭ يۇاندىق كىرەشە بولوت. ال مىنداي دەدى:« ۇي باعۇۇ بارىشىندا قىيىنچىلىقتارعا جولۇقسام، مەنى تەحنىكالىق جاعىنان جەتەكتەيت، سانىن قانتئپ ارتتىرۇۇ، قانتئپ سەمىرتۉۉ سىياقتۇۇ جاقتاردا. مەن مايىپ بولسوم داعى، بئروق مەن جانا ەلە باقماچىلىق كۅلۅمۉن ۇلاندۇۇ كەڭىرتىپ، كەمباعالدىق اتىمدى الىپ جىبەرەم.»

   حوتەن ايماقتىق ايىل- چاربا ايىل- قىشتاق مەكەمەسىنىن قاراقاش وودانى قاراساي شاارچاسى الاقۇم قىشتاعىندا تۇرۇشتۇۇ بئرىنچى شۇجئسى باي جىيانمئڭ قابارچىعا مىنداي دەدى: «باش شۇجئى شئى جئنپىڭ: جەرىنىن، كىشىنىن جاعدايىنا جاراشا، ەمنە كەم بولسو وشونۇ تولۇقتوو، ەمنە ىشتەي السا وشونۇ ىشتۅۅ، تۉيۉنگۅ چەيىن، تامىرىنا چەيىن جۅلۅۅ، كەرەك- دەپ كۅرسۅتكۅن. بئزدىن قىشتاق بىيىل جۇمۇشقا ورۇنداشتىرۇۇ مەنەن كەسىپتى سىزىل قاتااڭ قارماپ، كەمباعالدىقتان ارىلتۇۇ چارالارىن تۉتۉندۅرگۅ، كىشىلەرگە چەيىن تۅپتۅپ، ايرىقچا چەت الىسقى جەرلەردەگى تۉتۉندۅر، كۉزۅتۉلچۉ تۉتۉندۅر جانا كەمباعالدىقتان ارىلا ەلەك تۉتۉندۅرگۅ جاردام بەرىپ جۅلۅۅنۉ كۉچۅتۉپ، كەمباعالدىقتان ارىلتۇۇ مىلدەتىن چەچكىن بۉتۉرۅبۉز.»

   باش شۇجئى شئى جئنپىڭ «ايىل- قىشتاق بەيپىل قونۇشتاندىرۇۇ جانا كۅچمۅن مالچىلاردى تۇرۇقتۇۇ قونۇشتاندىرۇۇ قۇرۇلۇشۇ، شاار- شاارچا قامسىزدوو مۉنۅزدۉۉ بەيپىل قونۇشتاندىرۇۇ قۇرۇلۇشۇن جاقشى جولعو قويۇپ، دىيقانچىلىق- مالچىلىق رايوندور مەنەن چەك ارا رايوندوردۇن نەگىزگى جالپىلىق تەيلۅۅسۉن جاقشىرتىپ، چىمىرقانىپ ار ۇلۇت قالقىن انسايىن جاقشى تۇرمۇش ۅتكۅرتۉۉ كەرەك»،- دەپ كۅرسۅتكۅن. بۉگۉنكۉ كۉندۅ، اپتونوم رايونۇبۇزدۇن ايىل- قىشتاق مالچىلىق رايوندورۇ، ايرىقچا تۉشتۉك شئنجاڭداعى تەرەڭ كەمباعال رايوندور جول، تۇراق جاي، مەكتەپ، دوقتۇرقانا، بالدار باقچاسى سىياقتۇۇ نەگىزگى جابدۇۇ شارتىن زور داراجادا جاقشىرتىپ، ايىل- قىشتاق كەبەتەسى جاپجاڭى تۉسكۅ كىرىپ، ار ۇلۇت قالقىنىن ەە بولۇۇ سەزىمى، باقىت سەزىمى جانا قووپسۇزدۇق سەزىمى داعى تىنباي كۉچۅدۉ. ماملەكەتتىك ەل قۇرۇلتايى ۅكۉلۉ، كىرىيە وودانى قۇربان تۇلۇم ەستەلىك سارايىنىن تۉشۉندۉرۉۉچۉسۉ رۇقىيەم مەتسەيدى مىنداي دەدى: «بئز بەيپىل قونۇشتاندىرۇۇنۇن ەلگە نارپ جەتكىرۉۉ ساياساتىنان باارلاندىق، ەسكىرىپ رەمونتتولبوي قالعان ەسكى ۉيلۅردۉ جاڭىلادىق، چوڭ جاتاق بۅلمۅسۉ، تازا اشقانا، تازالىق بۅلمۅسۉ بار، داعى تابئعىي گاز مەنەن كۉن ەنەرگىياسىندا سۇۇ ىسىتقىچ بار، بىلتىر بئزدىن بۇل جەردە «كۅمۉردۉ ەلەكتىرگە ۅزگۅرتۉۉ» قۇرۇلۇشۇن جولعو قويۇپ، كۅپچۉلۉكتۉن ىسىنۇۇسۇ داعى دا قووپسۇز، تازا بولدۇ. ازىر بىزدئن قارتايعاندا كۉتۉنۉۉ اقچابىز بار، بالدار جاقشى تاربئيانى قابىلداپ، جاشتار دىلگىرلىك مەنەن سىرتقا چىعىپ ىشتەمچىلىك قىلات. بۉگۉنكۉ كۉندۅ، ايىلداشتاردىن كۉنۉ كۉنسايىن جاقشى بولۇپ كەتتى. »

   ۇچۇردا، كەمباعالدىقتان ارىلتۇۇ چابۇۇلۇندا چەچكىن كۉرۅشۉپ چەچۉۉچۉ جەڭىشىن قولعو كەلتىرۉۉنۉن العىلىقتۇۇ ۇچۇرۇنا كىردى. بۇل ۉچۉن، اپتونوم رايونۇبۇز «ەكىدە قام ساناباستىق، ۉچتۉ قامسىزدوو»نۇ بەكەم قارماپ، «التى تۅپ» تۉ جۉزۅلۅشتۉرۉپ، «جەتى بئر تۉركۉم»، «ۉچتۅ ەپكىنىن ارتتىرۇۇ» نۇ تىنعىلىقتۇۇ جىلىشتاتىپ، قالعان كەمباعالدىق اتى الىنا ەلەك 10 وودانداعى كەمباعال تۉتۉندۅردۉ بىيىل جىل ەتەگىندە تولۇق، ماالىندا كەمباعالدىقتان ارىلتۇۇعا چىنىعى كەپەلەتتىك قىلات. ماملەكەتتىك ساياسئي كەڭەشتىن مۉچۅسۉ، شئنجاڭ ايىل چاربا داشۅسۉنۉن مۇدۇرۇ جىياڭ پئڭ ان مىنداي دەدى: «بۉت شئنجاڭدىن ار قايسى جاقتارى اراكەتتەنىپ،«ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ كادىرلار، كەمباعالداردى جۅلۅۅ اتايىن كادىرلارى، داعى جوعورۇ وقۇۇ جايى، ئلىمىي ىزىلدۅۅ ورۇندارىنىن ئلىم- تەحنىكا قىزماتچىلارى زور مۅلچۅردۅ قىزمات ىشتەپ، تۉشتۉك شئنجاڭدىن كەبەتەسى جاپجاڭى تۉسكۅ كىرىپ، دىيقانداردىن رۇحۇ ابالىندا داعى ەبەگەيسىز زور ۅزگۅرۉۉ بولدۇ، بەتىنەن قۇبانىچ جااپ، كەلەچەكتەگى ۅنۉگۉۉگۅ، باقتىلۇۇ تۇرمۇشقا قاراتا ىشەنىچى تولۇپ- تاشتى.»

〖2020.05.23-12:42〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز