ماملەكەتتىك ەكى جىيىن كۅشۅگۅسۉن اچتى

2020-05-22 10:33

   5-ايدىن 21-كۉنۉ ماملەكەتتىك ەكى جىيىن كۅشۅگۅسۉن اچتى. جاڭىچا تااجى سىمال ۋئرۇس ۅپكۅ سەزگەنچى ىلدەتىنىن تااسئرى ايىنان 2020-جىلدىق ماملەكەتتىك ەكى جىيىندىن ۇباقتى كەچەندەتىلىپ، ىلدەتتىن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉندۅ ورچۇندۇۇ ىستىراتەگىيالىق جەتىشكەندىكتەرگە قول جەتكىرۉۉ ۇچۇرۇندا اچىلدى، ماانئسى ابدان ۅزگۅچۅ. جاڭىچا تااجى سىمال ۋئرۇس ۅپكۅ سەزگەنچى ىلدەتى كۅرۉلگۅندۅن كىيىن، پارتئيا بوربوردۇق كومىتەت ىلدەتتىن الدىن الىپ تىزگىندۅۅنۉ باشقى چوڭ ئش قاتارى بەكەم قارماپ، باش شۇجئى شئى جئنپىڭ ۅزۉ قول باشچىلىق قىلىپ، ۅزۉ ورۇنداشتىرىپ، ەلدىن ۅمۉر قووپسۇزدۇعۇن جانا دەنە سالاماتتىعىن بئرىنچى ورۇنعا قويۇۇدا بەكەم تۇرۇپ، بۉت پارتئيا بۉت ارمئيا بۉت ماملەكەتتەكى ار ۇلۇت ەلىنە جەتەكچىلىك قىلىپ، ىلدەتتىن الدىن الىپ تىزگىندۅۅدۅكۉ ەلدىك كۉرۅشتۉ، جالپى تۇلقۇ كۉرۅشتۉ، توسۇپ سوققۇ ۇرۇۇ كۉرۅشۉن جاقشى الىپ باردى. شئنجاڭدا، اپتونوم رايوندۇق پارتكوم جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن چەچىم، ورۇنداشتىرۇۇلارىن چەچكىن ىزچىلدەشتىرىپ جۉزۅلۅشتۉرۉپ، «ىشەنچىتى بەكەمدەپ، جاپاا-ماشاقاتتا ۅز ارا جاردامدا بولۇپ، ئلمىي الدىن الىپ، تۅپ چارا قولدونۇۇ» باش تالابى بويۇنچا قالىڭ كادىر، قالقتى جەتەكتەپ بئر نەەت بئر ماقساتتا قايراتتان سەپىل سالىپ، ىلدەتتىن الدىن الىپ تىزگىندۅۅنۉن قاتااڭ تىعىز الدىن الۇۇ چەبىن قۇرۇپ، ىلدەتتىن الدىن الىپ تىزگىندۅۅ مەنەن ەكونومىكا قوومدۇ ۅنۉكتۉرۉۉ قىزماتىن بىركەلكى جىلىشتاتۇۇدا ىشتىكتۉۉ بەرەكەتتەرگە قول جەتكىردى. بۉگۉندۅن باشتاپ، ىستانسىيابىز «قايراتتان سەپىل سالىپ، كەرەمەت جاڭى باراقتى داعى جازالى» دەگەن جەلەلەش قاباردى ورتوعو چىعارات. بۉگۉن 5-ايدىن 22-كۉنۉ، «›ىلدەت ›كۉرۅشۉنۉن بئرىنچى چەبىندە پارتئيا تۇۇسۇ جەلبىرەدى» دەگەن 1-بۅلۉگۉن ۇعاسىزدار:

   بئر قانچا كۉندۅن بەرى، جوڭتاي توبۇ شئنجاڭ حۇاتاي وور حئمىيا ۅنۅرجاي چەكتۉۉ جووپتۇۇلۇق شەرىكتىگىنىن پولئى ۋىنەل حىلورىد ۅندۉرۉۉ سەحىندە، جۇمۇشچۇلار باچىم ۅندۉرۉش الىپ بارىپ، ار كۉنۉ 500 توننالىق ۅزگۅچۅ پولئى ۋىنەل حىلورىد سىمولاسىن تولۇق چەنەمدە قامدوونۇ كەپىلدىككە الدى. ىلدەتتىن سوققۇسۇنا قاراتا، شەرىكتىك پارتكومۇ تەرەڭدەي كۅزدۅن كۅچۉرۉپ انالىزدەپ، بازار قىرداالىن ىزىلدەپ ۅكۉم چىعارىپ، 5-ايدىن باشىندا ۅندۉرۉش باعىتىندا ماالىندا بۇرۇلۇش جاساپ، تۉشۉم قۇرۇلماسىن قىلداشتىرىپ، ۅندۉرگۅن ۅزگۅچۅ پولئى ۋىنەل حىلورىد سىمولاسى جئياڭسۇ، جىجئياڭ سىياقتۇۇ جەرلەردەكى تۅمۅنكۉ اعىن كەرقانالاردى قامداپ، بازاردا تااسئرى جاقشى بولدۇ. 

   شەرىكتىكتىن بىيىلقى بئرىنچى جولقۇ ۅندۉرۉش پئلانىن تەسكۅۅسۉ بۇل ەلە ەمەس. ىلدەت كۅرۉلگۅن باشتاپقى مەزگىلدەردە، اپتونوم رايونۇبۇزدۇن زارىل حئمىيا ۅنۅرجاي كەرقاناسى قاتارى، شەرىكتىك ەڭ الدى مەنەن پارتئيا مۉچۅلۅرۉ اۋانگارت ەپكىندۉۉلۅر اتىرەتىنىن قۇرۇپ، نەگىزىنەن پارتئيالۇۇ كادىرلار باقچالۇۇ رايون سەحى بان گۇرپپاسى بئرىنچى چەبىنە تۉشۉپ، گىپوحىلور سىياقتۇۇ دەزىنفەكسىيالوو سۇيۇقتۇۇعۇن جاسايتۇرعان چىيكى ماتەرىيال تۉشۉمدۅرۉن ۅندۉرۉپ-قامدوونۇ بۉتۉن كۉچۉ مەنەن قامسىزدادى. ىلدەت مەزگىلىندە، شەرىكتىك اپتونوم رايونۇبۇزدۇن ارقايسى جەرلەرىندەكى 631 ورۇندۇ 430 توننالىق گىپوحىلور مەنەن اقىسىز قامداپ، حۇبەي ۋۇحانعا جاردامعا بەرگەن گىپوحىلور 70 تونناعا جەتتى. شەرىكتىكتىن ۅندۉرۉش تاشىمال تئجارات بوربورۇنۇن مۇدۇرۇ فان سوڭيئڭ قابارچىعا، تۉشۉمدۉ ەڭ الدى مەنەن ىلدەتتىن الدىن الۇۇ بئرىنچى چەبىنە جەتكىرىپ بەرۉۉ ۉچۉن، پارتئيالۇۇ كادىرلار 2-ايداقى قاتۇۇ سۇۇققا قاراباي، تۉنۉ مەنەن تالاداقى قۇيۇپ جۉكتۅۅ ناق مايدانىن قورعوپ تۇرعانىن ايتىپ مىنداي دەدى: بئر كۉنۉ، بئز ۋۇحانعا 30 توننالىق دەزىنفەكسىيالوو سۇيۇقتۇعۇن سەلبىك بەرۉۉ مىلدەتىن تاپشىرىپ الدىق، پارتئيا مۉچۅلۅرۉ باش بولۇپ، 6 گۇرپپاعا بۅلۉنۉپ، تۉن قاتىپ 12 سااتتا 600 تۇڭعا قۇيۇپ جۉكتۅۅ مىلدەتىن ورۇنداپ بۉتتۉك. پارتئيا مۉچۅسۉ قاتارى باشقالاردان كۅبۉرۅۅك كۉچ چىعارىپ، دىلگىر ارقالاپ، اعىمدى جىرەپ العا ىلگەرلەگەندە انان كوممۇنىستىك پارتئيا مۉچۅلۅرۉنۉن قاتۇۇ كۉرۅش قىلالاتۇرعان، كۉرۅشتۉ جەڭە الاتۇرعان وزوت ئستىلىن كۅرسۅتۉپ، وشول ارقىلۇۇ ايلاناداقىلارعا تااسئر كۅرسۅتۉپ جانا الاردى باشتاعالى بولوت.

  ۅمۉر تايشان تووسۇنان داعى قادىرلۇۇ، ىلدەتتىن ۅزۉ بۇيرۇق، الدىن الىپ تىزگىندۅۅنۉن ۅزۉ جووپكەرچىلىك. جاڭىچا تااجى سىمال ۋئرۇس ۅپكۅ سەزگەنچى ىلدەتىنە قاراتا، اربئر پارتئيا مۉچۅسۉ الدىعا سۇۇرۇلۇپ چىعىپ، اربئر كۉرۅش قورعونۇن ۇراباس بەكەم قىلىپ تۇرعۇزۇپ، پارتئيا تۇۇسۇن بئرىنچى چەپتە بىيىك جەلبىرەتەلى.

  حۇبەي ۋۇحان ــ ىلدەتكە قارشى سوققۇ ۇرۇۇنۇن ەڭ الدىنقى چەبى بولدۇ. 2-ايدىن 9-كۉنۉ، شئنجاڭدىن 3-تۉركۉمدۅكۉ حۇبەيگە جاردام بەرۉۉ دارىلوو اتىرەتىندەكى 142 اتىرەت مۉچۅسۉ ۋۇحان داشۅسۉ ەل دوقتۇرقاناسىنىن چىعىش دوقتۇرقانا رايونۇنداقى 14ـ، 15ـ ەكى وور وورۇ نووقاستار رايونۇن ۅتكۅرۉپ الدى. دارىلوو اتىرەتىندە، جالپى 79 پارتئيا مۉچۅسۉ بار. الار باش بولۇپ جۇعۇشتۇۇ وورۇلار رايونۇنا كىرىپ كەزەكچىلىكتە تۇرۇپ، قۇلقۇندۇ سۉرتۉپ ۉلگۉ الۇۇ سىياقتۇۇ قىزماتتاردى دىلگىر ۉستۉنۅ الىپ، قووپقو تىكە بەت كەلىپ، ۅمۉردۉ قۇتقاردى. شئنجاڭدىن 3-تۉركۉمدۅكۉ حۇبەيگە جاردام بەرۉۉ دارىلوو اتىرەتىنىن مۉچۅسۉ، ۋۇحان داشۅسۉ ەل دوقتۇرقاناسىنىن چىعىش دوقتۇرقانا رايونۇ 14-وور وورۇ نووقاستار رايونۇنۇن ۇباقتىلۇۇ پارتئيا ياچىيكا شۇجئسى گو انشۇان مىنداي دەدى: پارتئيا مۉچۅلۅرۉن بوربور قىلىپ، اربئر نووقاس رايونۇ بىردەن چاقان توپ بولۇپ، كۅپچۉلۉكتۉن باارى بەكەم ارقان بولۇپ چىيرالىپ، مۉمكۉندۉكتۉن بارىنچا اربئر نووقاستى دارىلاپ ساقايتۇۇنۇن ارعاسىن قىلدى.

ىلدەت مەزگىلىندە، اپتونوم رايونۇبۇزدا 80 مىڭگە جۇۇق نەگىزكى قاتمار پارتئيا ۇيۇمۇ، 1 مئللىيون 420 مئڭ ار ۇلۇت پارتئيالىق كادىرلار ىلدەتتىن الدىن الىپ تىزگىندۅۅ بئرىنچى چەبىندە كۉرۅش جاسادى. وور وورۇلار بۅلمۅسۉندۅكۉلۅردۉ باارى كۉچۉ مەنەن قۇتقارىپ دارىلاعاندان، شاار، ايىلداعى قوومدۇق قونۇشتاردا ۉي سايىن كىرىپ ارالاپ تەيلۅۅ جۉرگۉزگۅنگۅ چەيىن، زاۋوت سەحتەردە ۉستۅك قوشۇپ ۅندۉرگۅندۅن، زاتتىق بۇيۇمداردى تاشمالدوو لئنىياسىندا مئنۇت، سەكونتتۇ قولدون بەربەي جۉرگۅنگۅ چەيىن، قالىڭ پارتئيا مۉچۅلۅرۉ ئش جۉزۉندۉك اراكەتى مەنەن «پارتئيا مەنەن ەل ۉچۉن باارىن قۇرمان قىلۇۇعا ار ۇباقىت دايىن تۇرۇۇ»داي پارتئياعا كىرگەندەكى انت سۅزۉن ئش جۉزۉنۅن ۅتكۅردۉ. ماملەكەتتىك ەل قۇرۇلتايى ۅكۉلۉ، اقسۇۇ ايماقتىق پارتكومدۇن ورۇن باسار شۇجئسى، اكىمچىلىك مەكەمەسىنىن ۋالئسى نئياز اشىم مىنداي دەدى: «ار داراجالۇۇ پارتئيا، ۅكۉمۅت جانا پارتئيالىق كادىرلارعا قاراتىلعان بئر جولقۇ چوڭ سىناق، بئر جاعىنان ار بئر كادىردىن پارتئيالۇۇلۇعۇنا قاراتىلعان سىناق، ارى قىزمات ىستىلىنە قاراتىلعان سىناق. اقسۇۇ ايماعىنىن 4 بانزا جەتەكچىلەرىن ىلدەتتىن الدىن الىپ تىزگىندۅۅ قول باشچىلىق ىشتابىندا ار قايسى اتايى تۉر گۇرۇپپالارىنا ورۇنداشتىردى، باارى گۇرۇپپا باشچىسى، ورۇن باسار گۇرۇپپا باشچىسى قاتارلۇۇ قىزمات مىلدەتتەرىن ارقالادى. وودان، ايىل-قىشتاقتارداعى ارا داراجالۇۇلاردىن باارىسى قىزمات وردۇن بەكەم قايتارىپ، ۉستۅك قوشۇپ ىشتەپ، قورعوندۇق رولۇن كۅرسۅتتۉ. ايرىقچا قوومدۇق قونۇش جانا قىشتاق كومىتەتىنەن تۇرعان بۇل نەگىزكى قاتماردىن پارتئيالۇۇ كادىرلارى، بئرىنچى داراجالۇۇ ۉن قاتۇۇنۇ قوزعوتقوندون باشتاپ، ئشقانادا، چاتىردا تاماقتانىپ، قونۇپ، كادىر جانا قالىقتىن ورتوسۇنداعى بايلانىش داعى بئر دەمجىي تەرەڭدەشتى.»

بۉگۉنكۉ كۉندۅ شئنجاڭدىن ۇلۇۇ جەرگەسىندە، كەنەن كەتكەن دىيقانچىلىق اتىزدارىندا دىيقانچىلىق ىشتەرى قاربالاس بولۇپ، كەرقانا زاۋوت ىچىندەكى ماشىنەلەر توقتوبوي گۉرۉلدۅپ، تۉيۉندۉۉ تۉر قۇرۇلۇش ناق مايداندارى دۇۇماندۇۇ الىپ بارىلۇۇدا... ساندۇۇ ماالىماتتا كۅرسۅتۉلۉشۉنچۅ: 4- ايدىن 16- كۉنۉنۅ چەيىن، بۉت اپتونوم رايونۇبۇزداعى كۅۅلۅمدۅن جوعورۇ كەرقانالار جۇمۇشتۇ 100 پايىز قالىبىنا كەلتىرىپ، جۇمۇشتۇ قايرا باشتاعان جۇمۇشچۇلار 519 مىڭگە جەتىپ، قالىپتۇۇ جۇمۇشچۇ ىشتەتۉۉدۅ تۉزگۅن سالىشتىرماسى 100 پايىزعا جەتتى؛ ورتو، چاقان، مىكىرو كەرقانالاردىن جۇمۇشتۇ قالىبىنا كەلتىرۉۉ سالىشتىرماسى 98.88 پايىزعا جەتكەن. شئنجاڭدىن ۅندۉرۉش تۇرمۇشۇ تولۇق قالىبىنا كەلىپ، جاشوو كۉچۉن كۅرسۅتتۉ. شئنجاڭدا تۇرۇشتۇۇ ماملەكەتتىك ساياسئي كەڭەشتىن مۉچۅسۉ، گومىنداڭ كۅڭتۅرۉشتۉك كومىتەتى شئنجاڭ رايوندۇق كومىتەتىنىن تۅراعاسى، شئنجاڭ ايىل چاربا داشۅسۉنۉن مەكتەپ باشچىسى جئياڭ پئڭ-ان مىنداي دەدى: «ىلدەتتىن الدىن الىپ تىزگىندۅۅ مەزگىلىندە، ار داراجالۇۇ پارتئيا ۇيۇمدارىنىن باارى ۉن قاتىپ، كۅپچۉلۉككۅ پارتئيانىن جەتەكچىلىگىنەن تۇرعان بۇل ەڭ چوڭ تۉزۉم ارتىقچىلىعىن سەزىندىردىك. ازىر دايىمدۇۇلاشقان ىلدەتتىن الدىن الىپ تىزگىندۅۅ ارتقى كۅرۉنۉشۉ استىندا، ماملەكەتتىن ەكى جىيىنى اچىلدى، ارى ماملەكەتىبىزدىن بۇل ۅزگۅچۅ قاتااڭ سىناققا بايىمدۇۇ بولۇپ، سالماقتۇۇ قادام مەنەن «ەكىنى بئر كەلكى جوسپورلوپ»، «قوش جەڭىش»كە قاراي باسقانىن تولۇق كۅرسۅتتۉ. پارتئيانىن جەتەكچىلىگىندە، ار داراجالۇۇ پارتئيا ۇيۇمدارى، قالىڭ پارتئيالىق كادىرلاردىن ورتوق چىمىرقانۇۇسۇندا، قالىڭ قالىقتى ىلدەتكە قارشى تۇرۇۇ كۉرۅشۉنۅ، كەمباعالدىقتان ارىلتۇۇ چابۇۇلۇ، ايىل-قىشتاقتاردى گۉلدۅنتۉۉ، قووم وموقتۇۇلۇعۇن ىلگەرى سۉرۉۉنۉ قامتىعان تۉردۉۉ جاقتارىندا بارعان سايىن كۅپ، انسايىن زور بەرەكەتتەرگە قول جەتكىرۉۉگۅ ىنتىماقتۇۇ جەتەكتەدى، مۇنۇن باارىسى پارتئيانىن جەتەكچىلىگى، جۇڭگوچو تۉزۉمدۉن ۇشۇنداي ارتىقچىلىعى جانا بەينەلەنۉۉسۉ.»

〖2020.05.22-10:33〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز