اپتونوم رايونۇبۇزدۇن جەر- جەرلەرى 19- ماي جۇڭگو ساياقات كۉنۉ جەلەلەش قىيمىلىن ۅتكۅردۉ

2020-05-20 10:48

 باش شۇجئى شئى جئنپىڭ: ساياقات-وقشوبوعون ماملەكەت، وقشوبوعون مادانئياتتى الماشتىرۇۇ ۉلگۉ الۇۇداعى زارىل جولۇ، ەكونومىكانى ۅنۉكتۉرۉۉ، جۇمۇشتانۇۇنۇ ارتتىرۇۇداعى ۅنۉمدۉۉ چاارا، وشوندوي ەلە ەلدىن تۇرمۇش دەڭگەلىن كۅتۅرۉۉدۅكۉ زارىل كەسىپ-دەپ كۅرسۅتكۅن.

5- ايدىن 19- كۉنۉ بولسو 10- جۇڭگو ساياقات كۉنۉ، اپتونوم رايونۇبۇزدۇن جەر- جەرلەرى «جۇرتتۇ سۉيۉۉ-شئنجاڭدى ساياقاتتوو» دەگەن نەگىزگى تەمانى ىمەرچىكتەي «19- ماي جۇڭگو ساياقات كۉنۉ» جەلەلەش قىيمىلىن ۅتكۅرۉپ، دايىمدۇۇلاشقان ىلدەتتىن الدىن الىپ تىزگىندۅۅ چاارالارىن قاتااڭ جۉزۅلۅشتۉرۉۉ نەگىزىندە، ساياقاتچىلاردى سوو ساياقاتتووعو جەتەكتەپ، ساياقات كەرەكتۅۅسۉن تۉرتمۅكتۅپ، ساياقات بازارىن چىيرالتتى. 

  تۉشتۅن مۇردا، 2020- جىلقى «جۇڭگو ساياقات كۉنۉ» شئنجاڭ بۅلۉمچۅ مايدان قىيمىلى قاشقار شاارىندا ۅتتۉ، قوزعوتۇۇ ازەمىندە، اپتونوم رايوندۇق مادانئيات جانا ساياقات نازاراتى 4A داراجالۇۇ 13 كۅرك رايون مەنەن اپتونوم رايوندوقۇ 70 «ايىل قىشتاق ساياقات تۉيۉندۉۉ قىشتاعى»نا كۅرنۅك ئلىپ، «قاشقار ۅز ماشئناسى مەنەن ساياقاتتوو لاگەرى»نىن كۅرنۅگۉن اچىپ، ارى «قووز ايىل قىشتاقتى ۅز ماشئناسى مەنەن ساياقاتتوو» قىيمىلىن قوزعوتتۇ. قاشقار بايىرقى شاارى ساياقات مادانئياتتى اچىپ ۅنۉكتۉرۉۉ چەكتۉۉ شەرىكتىگىنىن مۇدۇرىيات باشچىسى مو حايبو مىنداي دەدى: ۉيچۅ ماشئنا جانا ۅز ماشئناسى مەنەن ساياقاتتوو لاگەرىنىن كۅرنۅگۉن اچۇۇ، بئر جاعىنان بىزگە چوڭ مۅرت الىپ كەلسە، داعى بئر جاعىنان بئز ۉچۉن دا چوڭ اتاانداشتىق جاراتتى، بئز ساياقاتچىلارعا قانداي تەيلۅۅ جۉرگۉزۅبۉز، ساياقات قونولعوسۇن جاراتىپ، ساياقات القاقتارىن الارعا انسايىن ىراقات، انسايىن وڭتويلۇۇ قىلىپ بەرەبىز؟ دەگەندەر مىندان كىيىنكى بئزدىن استەيدىل چىمىرقانىپ ىشكە اشىرۇۇچۇ بئر نئشاانىبىز.

  10- جۇڭگو ساياقات كۉنۉن ۇتۇرلاپ الۇۇ ۉچۉن، اپتونوم رايونۇبۇزدۇن جەر- جەرلەرى ۅزۉنۉن ارتىقچىلىعىنا بىرلەشتىرىپ، ىنتەرنەت جانا ىنتەرنەتسىز ىڭعايدى بىرلەشتىرۇۇ ارعاسىن قولدونۇپ، مول مازمۇندۇۇ تۉركۉن تۉستۉ مادانئيات جانا ساياقات قىيمىلىن تارتىپتۉۉ ۇيۇمداشتىردى. دۉينۅلۉك مۇراس ساياقاتى، ايىل قىشتاق ساياقاتى، ۅنۅرجاي ساياقاتى، ىزىلدۅۅ ــ ۉيرۅنۉۉ ساياقاتى، ەكولوگىيا ساياقاتى، كۉتۉنۉۉ ساياقاتى، تۉشتۉك شئنجاڭ ەلدىك سالت-ساناا سەزىنۉۉ ساياقاتى سىياقتۇۇ لئنىيا تۉشۉمدۅردۉ بار كۉچ مەنەن جايىلتىپ، ساپاتتۇۇ بولعون مادانئيات جانا ساياقات بايلىقتارىن بىرىكتىرىپ، «شئنجاڭ سونۇن جەر» ماركەسىن ۇلاندۇۇ جاراتتى. 

  5- ايدىن 19- كۉنۉ، ۉرۉمچۉ شاارى «جۇرتتۇ ساياقاتتاپ-ۅزگۅرۉۉلۅردۉ كۅرۉۉ-ۉرۉمچۉ-سالقىن بئر جاي» ساياقات مەزگىل قىيمىلى باشتالدى، ناق مايداندا ۅز ماشئناسى مەنەن ساياقاتتوو 9 لئنىيا تۉشۉمۉ جارىيالانىپ، ارى بئرىنچى ايلامپاداعى ساياقات كەرەكتۅۅ بەلەتى تاراتىلدى. ۉرۉمچۉ شااردىق مادانئيات جانا ساياقات مەكەمەسى (مادانئي مۇراستار مەكەمەسى) ساياقاتتى جايىلتۇۇ جانا سىرت مەنەن الماشۇۇ باشقارماسىنىن جووپتۇۇسۇ گو يوڭحو مىنداي دەدى: بئز تۉندۉك شئنجاڭداعى 8 شاار مەنەن بىرىمدىك تۉزگۅندۅن كىيىن، ۉرۉمچۉ شاارىن چىعار تۉيۉن جانا اقىرقى تۉيۉن قىلعان تۉندۉك شئنجاڭدى ۅز ماشئناسى مەنەن ساياقاتتوو ايلانمالۇۇ ساياقات لئنىياسىن چىعاردىق، ۉرۉمچۉدۅن جولعو چىعىپ، چىعىشتى بويلوي، چىعىش تىيەنشاندان باسىپ تىيانشاندى ايلانىپ مئڭ چاقىرىم جول جۉرۅبۉز، داعى باتىشتا جۉز چاقىرىمدىق دانشىيا لئنىياسىن دا كۅپچۉلۉككۅ تاانىشتىرىپ ۅتتۉك، بئز ۇشۇل ارعا ارقىلۇۇ كۅپچۉلۉككۅ شئنجاڭدىن قووز كۅرۉنۉشۉن سەزىندىرۉۉنۉ ۉمۉت قىلابىز.

   حوتەن ايماعى قاراقاش وودانى ساياقات كۉنۉندۅ «بۇل جەرگە كەلىپ، قاالوو ايتۇۇ» دەگەن مادانئيات ساياقات ىرىن جارىيالادى، وشونۇ مەنەن بىرگە، بۇلۇتتا ساياقات بويۇنچا توقتومعو قول قويۇشۇۇ، تور جىلدىز چەبەرلەرىن سۇنۇشتاپ، ىنتەرنەتتە ايىل-قىشتاق ساياقات تاانىمال لئنىيا جولۇن تاانىشتىرۇۇ قىيمىلىن قۇلاچ جايدىردى. قاراقاش ووداندىق پارتكومدۇن تۇرۇقتۇۇ مۉچۅسۉ، ورۇن باسار وودان اكىمى دۇ پانچىڭ مىنداي دەدى: بئز داعى بۇل تۉردۉۉ مادانئيات ۉگۉتۉ ىڭعايىندا بئزدىن قاراقاشتىن گۇمانىتاردىق كۅركۉ، تابئعىي كۅرۉنۉشۉن انسايىن جاقشى تاراتىپ، بئزدىن بۉگۉنكۉ قووز قاراقاش، باقتىلۇۇ قاراقاشتى وعو بەتەر كۅپ كىشىلەرگە بىلدىرۉۉنۉ ۉمۉت قىلابىز.

  موڭعۇلكۉرۅ وودانى «جۇڭگو ساياقات كۉنۉ» ۉگۉت قىيمىلىندا، زاتتىق ەمەس مادانئيات مۇراستار مادانئيات جاراتۇۇچۇلۇق تۉشۉمدۅرۉن ىشتىكتۉۉ تاانىشتىرىپ، زاتتىق ەمەس مادانئيات مۇراستاردى ۇلاندىرۇۇچۇلار ناق مايداندا ساياقاتچىلارعا «زاتتىق ەمەس مادانئيات مۇراس» ۅنۅرۉن كۅرسۅتۉپ، كۅپچۉلۉككۅ ساياقاتتاپ كۅڭۉل اچۇۇ مەنەن بىرگە زاتتىق ەمەس مادانئيات مۇراستاردىن تارتىمدۇۇلۇعۇن سەزىندىردى. ساياقاتچى تاڭ جئيايئى مىنداي دەدى: ماعا بەرگەن تااسئرى تەرەڭ بولدۇ، سايما، قول ۅنۅر بۇيۇمدارى بار، جۇڭحۇانىن جۅرۅلگۅلۉۉ مادانئياتىن دووردون دوورعو ۇلانتىپتىر.

  اقسۇۇ ايماعى ساياقات كۉنۉندۅ 16-كەزەكتۉۉ اقسۇۇ «دولان-كۉسۅن» مادانئيات ساياقات مايرامىن باشتاپ، مادانئيات ساياقات توۋارلار كۅرگۅزمۅسۉ، دولان دىيقاندار سۉرۅت كۅرگۅزمۅسۉ سىياقتۇۇ قىيمىلداردى ۅتكۅردۉ. ساياقاتچى لئى حوڭروڭ مىنداي دەدى: قورووز سوعۇشتۇرۇۇ، قوچقور سۉزۉشتۉرۉۉنۉ كۅرۉپ، كەزەكتەشىپ سەلكىنچەك تەپتىك، داعى ۇلۇتتۇق ىر-بىيلەر اتقارىلىپ، ابدان دۇۇماندۇۇ بولدۇ.

  باش شۇجئى شئى جئنپىڭ: ساياقات كەسىبى ــ ۇنىۋىرسال مۉنۅزدۉۉ كەسىپ، ەكونومىكانىن ۅنۉگۉۉسۉن ۅرگۅ تارتۇۇداقى زارىل قىيمىلداتقىچ كۉچ،-دەپ كۅرسۅتكۅن. بورتالا موڭعۇل اپتونوم وبلاسىنىن «جۇڭگو ساياقات كۉنۉ» قىيمىلى اراشان وودانىندا ۅتتۉ، قىيمىل ناق مايدانىندا ۇچاق مودەلى ويۇنۇ، ات بايگە سىياقتۇۇ قىيمىلدار ۅتتۉ. وشونۇ مەنەن بىرگە، شئنجاڭ رادىيو-تەلەۋىزىيا ىستانسىياسى داعى جئڭدوڭ تاندا بازارى، شئنجاڭ مۅمۅچۉلۉگۉ داتاڭ جىبەك جولۇ مۅمۅچۉلۉك چەكتۉۉ شەرىكتىگى مەنەن بىرگەلەشىپ، «جۇرتتاشتاردىن الدۇۇ قوومعو جەتۉۉسۉنۅ جاردام بەرىپ، الىپ بارۇۇچۇلار تۉز باياندا توۋار تاانىشتىرىپ ساتۇۇ»نۇن 5-مايدان قىيمىلىن ۅتكۅرۉپ، اراشان ووداندىق پارتكومدۇن ورۇن باسار شۇجئسى، وودان اكىمى ۋۇ لىيەندى جەرگىلىكتىن ساياقات بايلىعىن جانا ساپاتتۇۇ ايىل چاربا تۉشۉمدۅرۉن تاانىشتىرۇۇعا سۇنۇشتادى. ۋۇ لىيەن مىنداي دەدى: بۇل جولقۇ قىيمىل ارقىلۇۇ اراشان وودانىنىن ساياقات كەسىبىنىن ۅنۉگۉۉسۉن ىلگەرى سۉرۉپ، بۇل جولقۇ توۋار تاانىشتىرىپ ساتۇۇ قىيمىلى ارقىلۇۇ داعى ساياقات تۉشۉمدۅرۉنۉن بىردەمجىي ۅنۉگۉپ زورويۇۇعا باشتاپ، ەڭ اقىرىندا دىيقانداردىن كىرەشەسىن ارتتىرىپ بايىتۇۇ ماقساتىنا جەتەبىز، ارى بۉت كەسىپ جەلەبىزدى وعو بەتەر مولۇقتۇرا ىشتەيبىز.

   بىيىل، اپتونوم رايون «جۇڭگو ساياقات كۉنۉ» قىيمىلىن مۅرت قىلىپ، شئنجاڭ ىچىندەكى ساياقات بازارىن باچىم چىيرالتىپ، ساياقات ەكونومىكا جاڭى ارتۇۇ تۉيۉنۉن جەتىشتىرىپ، قارجى سالۇۇ، كەرەكتۅۅنۉ ۅرگۅ تارتىپ، ساياقات ارقىلۇۇ جۇمۇشتانۇۇ، جۇمۇش وردۇن كۅبۅيتۉپ، ايىل چاربا قوشۇمچا تۉشۉمدۅرۉن ساتۇۇنۇ تۉرتمۅكتۅپ، وعو بەتەر كۅپ قالقتى كەمباعالدىقتان ارىلتىپ بايىتىپ، ساياقات كەسىبىن چىنىعى تۉردۅ ەلدى بايىتۇۇچۇ كەسىپكە، باقىت كەسىبىنە ايلاندىرات. اپتونوم رايوندۇق مادانئيات جانا ساياقات نازاراتىنىن پارتگۇرپپا شۇجئسى حوۋ حانمئن مىنداي دەدى: ىلدەتتىن الدىن الۇۇ ابالىندا، بئز كۅپچۉلۉكتۉن سالاماتتىعىن كەپىلدىككە الۇۇ مەنەن بىرگە داعى شئنجاڭدىن ساياقات بازارىن چىيرالتۇۇبۇز كەرەك. وشوندۇقتان بئز ورتوعو قويعون شئنجاڭدىقتاردىن شئنجاڭدى ساياقاتتووسۇ ــ الاردىن جۇرتتۇ سۉيگۅندۉگۉنۉن بئر تۉردۉۉ بەينەسى، ازىرقى ۇچۇردا قۇرچالىشىپ تۇۇعانداشقاندار ساياقاتى، اتا-ەنە بالدار ساياقاتى، شاار ايلاناسى ساياقاتى، جەكە ماشىنا ساياقاتىنىن باارى دۇۇماندۇۇ الىپ بارىلۇۇدا، ايرىقچا قووز ايىل-قىشتاق قۇرۇلۇشۇ جانا ايىل-قىشتاقتاردى گۉلدۅندۉرۉۉ قۇرۇلۇشۇندا وعو بەتەر كۅپ قىشتاق تۇرعۇندارى ساياقات كەسىبىبىزگە كىرىشىپ، ساياقاتتان نان تااپ جەپ، ساياقات ارقىلۇۇ بايىپ، كەمباعالدىقتان ارىلۇۇدا.

〖2020.05.20-10:48〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز