بۉت ەلدىن سالاماتتىعىن تەكشەرۉۉ تارتىپتۉۉ جىلىشتاتىلدى

2020-05-19 10:39

  باش شۇجئى شئى جئنپىڭ، ەلدىن ۅمۉر قووپسۇزدۇعۇ مەنەن دەنە سالاماتتىعىنا كەپىلدىك قىلۇۇ ـــ پارتئيابىزدىن ماملەكەت باشقارىپ اكىمچىلىك جۉرگۉزۉۉسۉنۉن بئر تۉردۉۉ ورچۇندۇۇ مىلدەتى-دەپ كۅرسۅتكۅن. ۇچۇردا اپتونوم رايونۇبۇزدۇن 2020- جىلقى بۉت ەلدىن سالاماتتىعىن تەكشەرۉۉ قىزماتى تارتىپتۉۉ جىلىشتاتىلۇۇدا. ۅزگۅچۅلۅنگۅن تەيلۅۅ ارقىلۇۇ، ەلدىن سالاماتتىعىنا زىيان كەلتىرگەن تۉردۉۉ جۇعۇشتۇۇ وورۇلاردى «ەرتە بايقاپ، ەرتە دىياگىنوز قويۇۇ، ەرتە الدىن الۇۇ، ەرتە دارىلوو»نۇ جاقشى ىشتەپ، ار ۇلۇت ەلىنىن سالاماتتىق اجاتىن قانااتتاندىرۇۇدا.   

   5- ايدىن 17- كۉنۉ، اپتونوم رايونۇبۇزدۇن 2020- جىلقى «بۉت ەلدىن ازىقتانۇۇ اپتالىعى» قىيمىلى قوزعوتۇلدۇ، جەر-جەرلەردىن سالاماتتىقتى ساقتوو دەن سوولۇق تارماقتارى بۉت ەلدىن دەنە سالاماتتىعىن تەكشەرۉۉ قىزماتىنا بىرلەشتىرىپ، بۉت ەلدىن «ىلايىقتۇۇ ازىقتانۇۇ، ئمونىتتىن نەگىزى» دەگەن نەگىزگى تەمانى جاقشى ۉگۉتتۅپ جاتات. يىڭسار ووداندىق ەل دوقتۇرقاناسىنىن سالاماتتىقتى تەكشەرۉۉ بوربورۇندا، يىڭسار وودانى يىڭسار شاارچاسى شئحۇ قىشتاعىنىن تۇرعۇنۇ امانگۉل ۉسۅيۉن سالاماتتىعىن تەكشەرتۉۉ تۉرۉن بۉتۉرگۅندۅن كىيىن، اپتونوم رايوندۇق سالاماتتىقتى ساقتوو دەن سوولۇق كومىتەتى تۉزگۅن ىلايىقتۇۇ ازىقتانۇۇ ۉگۉت قولدونموسۇنا ەە بولدۇ. ال مىنداي دەدى: دوقتۇر ماعا قولدونمودوقۇ كۅڭۉل بۇرۇۇچۇ تۉرلۅر مەنەن سالاماتتىق بئلىمدەرىن ايتىپ بەرىپ، ىلايىعىندا دەنە تاقشالتۇۇنۇ كۉچۅتۉپ، ئمونىت قۇباتىمدى كۉچۅتۉۉمدۉ ەسكەرتتى. 

   2016- جىلدان باشتاپ، اپتونوم رايونۇبۇز ار جىلى بئر جولۇ بۉت ەلدىن سالاماتتىعىن تەكشەرىپ كەلەت، 2019- جىلدىن ەتەگىنە چەيىن، جالپى سالعان قارجىسى 5 مئللىيارد 324 مئللىيون يۇان بولۇپ، سالاماتتىعىن تەكشەرتكەندەر سانى 70 مئللىيون 810 مئڭ ادام ىرەتكە جەتكەن. سالاماتتىعىن تەكشەرۉۉ قىزماتى انسايىن ۅزگۅچۅلۅنگۅن، وڭتويلۇۇ بولۇۇسۇ ۉچۉن، سالاماتتىقتى ساقتوو دەن سوولۇق تارماقتارى بىيىلقى سالاماتتىعىن تەكشەرۉۉ تۉرۉن بەكىتكەندە، وقشوبوعون جاش قۇراعىنداعى كىشىلەرگە قاراتا ۅزگۅچۅلۅنگۅن سالاماتتىق تەيلۅۅسۉن الىپ بارىپ، ارى سالاماتتىق بويۇنچا سۇرامجىلوو، ۅزگۅچۅ سالاماتتىق تاربئياسىن بۉت ەلدىن سالاماتتىعىن تەكشەرۉۉ قىزماتىنا جۇۇرۇلۇشتۇرعان. يىڭسار ووداندىق ەل دوقتۇرقاناسى سالاماتتىق تەكشەرۉۉ بوربورۇنۇن سەستىرا باشچىسى جاڭ مەي مىنداي دەدى: ۇلاندۇۇ 15 جاشتان جوعورۇ سالاماتتىعىن تەكشەرتۉۉچۉلۅرگۅ ەكىنچى تۉركۉمدۅكۉ تۇبەركىلوز بويۇنچا ىرگەپ تەكشەرۉۉسۉنۅن سىرت، 45 جاشتان جوعورقۇ شاار-ايىل تۇرعۇنداردىن قانداعى مايىنىن تۅمۅن جىشتىقتاعى حولەستىرىنىن تەكشەرۉۉ، قانداعى جوعورۇ جىشتىقتاعى حولەستىرىنىن تەكشەرۉۉ، ەرلەردىن قۇۇق بەزىن ۇلتۇرا دووش ارقىلۇۇ تەكشەرۉۉ، ايالداردىن سۉت بەزىن ۇلتۇرا دووش ارقىلۇۇ تەكشەرۉۉنۉ جاڭىدان قوشقون. سالاماتتىعىن تەكشەرۉۉ اقىرلاشقاندان كىيىن بئز تەلەفون چالىپ زىيارات قىلۇۇ، ۉيۉنۅ بارىپ زىيارات قىلۇۇ سىياقتۇۇلاردى الىپ بارىپ، ار بئر سالاماتتىعىن تەكشەرتكەن تۇرعۇندارعا سالاماتتىق جەتەكتۅۅسۉن الىپ بارابىز.  

   نەگىزگى قاتمار دارىلوو اپپاراتى-ىلدەتتىن الدىن الىپ تىزگىندۅۅدۅكۉ اچقىچ، بىيىل اپتونوم رايونۇبۇز بۉت ەلدىن سالاماتتىعىن تەكشەرۉۉ قىزماتىن جولعو قويۇۇ دولبوورۇن تۉشۉرۉۉ مەنەن بىرگە، اپتونوم رايونۇبۇزدىن ئش جۉزۉندۉۉلۉگۉنۅ بىرلەشتىرىپ «نەگىزگى قاتمار دارىلوو اپپاراتىنىن جاڭىچا تااجى سىمال ۋئرۇس ۅپكۅ سەزگەنچىنىن الدىن الىپ تىزگىندۅۅ تەحنىكا دولبوورۇ»ن تۉزۉپ چىققان، جەر-جەرلەردىن نەگىزگى قاتمار دارىلوو اپاراتتارى ىلدەتتىن الدىن الىپ تىزگىندۅۅ چاارالارىن قاتاڭ جۉزۅلۅشتۉرۉپ، تۉركۉمگۅ بۅلۉپ ۇباقىت ايىرمالاندىرىپ الدىن بولجوشۇپ سالاماتتىعىن تەكشەرتۉۉ، «بئر كىشىگە بئر دىياگىنوز بئر بۅلمۅ» سىياقتۇۇ ارعالاردى قولدونۇپ كىشىلەردىن چوعۇلۇۇسۇنان ساقتاندى.

   فۇكاڭ شااردىق ەل دوقتۇرقاناسىنىن سالاماتتىق تەكشەرتۉۉ بوربورۇنا كىرگەندە، قىزماتكەرلەر سالاماتتىعىن تەكشەرتۉۉگۅ كەلگەن شاار تۇرعۇندارىن ىرەتى بويۇنچا تىزىمدەپ، تارتئبى بويۇنچا كەزەككە تىزىلۉۉگۅ جەتەكتەدى. فۇكاڭ شااردىق سالاماتتىقتى ساقتوو دەن سوولۇق كومىتەتىنىن ورۇن باسار مۇدۇرۇ ۋاڭ رىنتاۋ، ۇچۇردا فۇكاڭ شاارىندا 13 بۉت ەلدىن سالاماتتىعىن تەكشەرۉۉ تۉيۉنۉ ورۇنداشتىرىلىپ، ارى بۉت ەلدىن سالاماتتىعىن تەكشەرۉۉ ەكى كۅچمۅ تەيلۅۅ ماشئناسىن قوشۇپ ورۇنداشتىرىپ، شاار تۇرعۇندارىنىن الدىن بولجوشۇۇ تالابى بويۇنچا ار قايسى چاقان قونۇشتارعا بارىپ، شاار تۇرعۇندارىن سالاماتتىعىن تەكشەرتۉۉ تەيلۅۅسۉ مەنەن قامداپ جاتقانىن تاانىشتىرىپ مىنداي دەدى: كىيىنكى قادامدا، بئز ىلدەتتىن الدىن الىپ تىزگىندۅۅ چاارالارىن قاتاڭ جۉزۅلۅشتۉرۉۉ الدىنقى شارتى استىندا، قوومدۇق قونۇشقا كىرىپ، ايىل قىشتاققا تۉشۉپ، چەت الىسقى دىيقانچىلىق مالچىلىق رايوندورعو بارىپ، بۉت ەلدىن سالاماتتىعىن تەكشەرۉۉنۉ ەشىك الدىنا چەيىن جەتكىرەبىز.    

   ساپاتىن تىزگىندۅۅنۉ كۉچۅتۉپ، سالاماتتىعىن تەكشەرۉۉ دەڭگەلىن كۅتۅرۉۉ ۉچۉن، بىيىل جەر-جەرلەر داعى ايماق، وودان ەكى داراجالۇۇ ساپات تىزگىندۅۅ ادىستەرى تەحنىكا بويۇنچا جەتەكتۅۅ گۇرۇپپاسىن ايرىم-ايرىم قۇرۇپ، نەگىزگى قاتمار دارىلوو قىزماتكەرلەرى ۉچۉن كەسىپتىك تاربئيالوو جانا ناق مايداندا جاردام بەرىپ جەتەكتۅۅ الىپ بارعان. اپتونوم رايوندۇق سالاماتتىقتى ساقتوو دەن سوولۇق كومىتەتى نەگىزگى قاتمار سالاماتتىعىن ساقتوو باشقارماسىنىن باشچىسى گو ۋىيجئياڭ، كىيىنكى قادامدا، سالاماتتىقتى ساقتوو دەن سوولۇق تارماقتارى سالاماتتىعىن تەكشەرتۉۉ ناتىيجاسىن قولدونۇۇنۇ ۇلاندۇۇ كۉچۅتۉپ، اتايىن وورۇلاردىن الدىن الۇۇ تىزگىندۅۅنۉ ىزىلدۅۅ جانا كىيلىگىشۉۉسۉن قۇلاچ جايدىرارىن ايتىپ مىنداي دەدى: بئز مۅۅنۅتسۉز تۉردۅ اپتونوم رايوندۇن بايلانىشتۇۇ ساپات تىزگىندۅۅ ادىستەرىن جەر-جەرلەردەكى نەگىزگى قاتمار دارىلوو اپاراتتارىنا بارۇۇعا ۇيۇمداشتىرىپ، ناق مايداندا نەگىزگى قاتماردىن بۉت ەلدىن سالاماتتىعىن تەكشەرتۉۉسۉنۉن ساپات تىزگىندۅۅ قىزماتىن قۇلاچ جايدىرۇۇعا جەتەكتەيبىز. دارىلوو مەنەن الدىن الۇۇنۇ بىرلەشتىرىپ، ايرىقچا ۅنۅكۅت وورۇلاردىن الدىن الىپ تىزگىندەپ، وشول ارقىلۇۇ بئزدىن ساندۇۇ ماالىماتتى انالئز قىلۇۇ قىزماتىبىزدىن جاقشى ىشتەپ، قاراتمالۇۇ ايرىم سالاماتتىق سۇنۇشتارىن ورتوعو قويوبۇز. كىيىنكى قادامدا بئزدىن بۉت ەلدىن سالاماتتىعىن تەكشەرۉۉ قىزماتىن انسايىن قاراتمالۇۇ قىلابىز.

〖2020.05.19-10:39〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز