كەسىپتى ۅنۉكتۉرۉپ كەمباعالدىقتان ارىلتۇۇنۇ ىلگەرى سۉرۉۉ

2020-05-16 11:43

 باش شۇجئى شئى جئنپىڭ: كەسىپ ارقىلۇۇ كىرەشەنى ارتتىرۇۇ ـــ كەمباعالدىقتان ارىلتۇۇ چابۇلۇۇنۇن نەگىزگى جولۇ جانا ۇزاققى چااراسى،-دەپ كۅرسۅتكۅن. ۇچۇردا تۉشتۉك شئنجاڭداعى ۉچ ايماق- وبلاستاعى كەمباعالدىق اتى الىپ سالىنا ەلەك ون كەمباعال وودان ايىل چاربا كەسىبىن ۅنۉكتۉرۉپ زورويتۇپ، كەمباعالدىقتان ارىلتىپ كىرەشە ارتتىرۇۇنۇ ىلگەرى سۉرۉۉدۅ. بۇل جۅنۉندۅ ىستانسىيابىز قابارچىسى رىن شئنجە، لئياڭ شۅلىيدىن قابارى:   

  جاي مەزگىلىنىن باشىندا، جەركەن وودانى حۇيحۇاڭ ايىل چاربا قوشۇمچا تۉشۉمدۅر دىيقاندار كەسىپتىك كۅمۅكتۅشتۉك كوپەراتىبىندە، اۋات شاارچاسى بازار قىشتاعىنىن ارحىپ تۇرعۇزۇپ كارتا بۉتۉرۉلگۅن كەمباعال تۉتۉنۉ پارحات مەمەت سەبدە گۉلۉ مايساسىنىن ۅسۉۉ ابالىن تەكشەرىپ جاتقان ەلە. ال قابارچىعا، 2019- جىلى 3 مو جەرگە سەبدە گۉلۉن ۅستۉرۉپ، 7 مئڭ يۇان تاپقانىن، بىيىل ال ۅستۉرۉۉ كۅلۅمۉن 10 موعو كەڭىرتكەنىن ايتىپ مىنداي دەدى: «ۅكۉمۅت ار موسۇنا 500 يۇاندان تولۇقتاما جاردام بەرەت، ازىر مەنىن ۅستۉرۉۉ تەحنىكام كۉندۅن -كۉنگۅ جاقشى بولۇۇدا، ۅستۉرگۅن سەبدە گۉلدۉ كۅمۅكتۅشتۉك كوپەراتىپكە بئر كەلكى ساتىپ بەرەبىز، ساتۇۇ ماسەلەسىنەن قاباتىرلانباي تۇرعان بولدۇق. اندان سىرت مەنىن كۅمۅكتۅشتۉك كوپەراتىپكە ىشتەگەنىمدى قوشقوندو، ار ايدا داعى 2500 يۇان تۇرۇقتۇۇ كىرەشەم بار، مەن بىيىل سۅزسۉز كەمباعالدىقتان ارىلامىن».

  بىيىل، تۉشتۉك شئنجاڭداعى ۉچ ايماق- وبلاستاعى كەمباعالدىق اتى الىپ سالىنا ەلەك ون كەمباعال ووداندىن كەسىپتى ۅنۉكتۉرۉپ كەمباعالدىقتان ارىلتۇۇ ارىمىن باچىم ىلگەرى سۉرۉۉ ۉچۉن، اپتونوم رايون بئر تۉركۉم كەمباعالداردى جۅلۅۅ كەسىبىن بەكىتكەن. جەركەن وودانى ىشتىكتۉۉ اراكەتكە كەلىپ، «پارتئيا ياچەيكاسى+ ۅستۉرۉۉ باازاسى+كۅمۅكتۅشتۉك كوپەراتىپ+دىيقان تۉتۉن» ۉلگۉسۉن قولدونۇپ، 70دەن اشۇۇن سەبدە گۉلۉن ۅستۉرۉۉ كۅمۅكتۅشتۉك كوپەراتىبىن قۇرۇپ، 70 مىڭدەن اشۇۇن ۅستۉرۉۉچۉ تۉتۉن، 300 مىڭدەن اشۇۇن كىشىنى سەبدە گۉلۉ كەسىبىن ۅنۉكتۉرۉۉگۅ قاتىشتىرعان، بولجول مەنەن بىيىل بۉت وودان بويۇنچا 400 مئڭ توننا سەبدە گۉلۉ ساتىپ الىنىپ، 260 مئلىيون يۇان قوشۇلما نارقتى ىشكە اشىرات ەكەن. جەركەن ووداندىق كەمباعالداردى جۅلۅۅ ئشقاناسىنىن مۇدۇرۇ ۋۇ گاڭ مىنداي دەدى: «ۅستۉرۉۉ بەرەكەتىن كۅتۉرۉپ ىلگەرى سۉرۉۉنۉ ىمەچىكتەي، سەبدە گۉلۉن ۅستۉرگۅن كەمباعال تۉتۉندۅرگۅ ار موسۇنا 500 يۇاندان ۉرۅۅن، جەر سەمىرتكىچ، جەر جارعاق، ۅسۉمدۉكتۉ قورعووچۇ دارى ساتىپ الۇۇ تولۇقتاما جاردامىن بەرىپ، باشتااق كەرقانالاردى جۅلۅۅ جانا دىيقان تۉتۉندۅردۉن زاتتىق ماتەرىيال تولۇقتاما جاردامىن كۉچۅتۉپ، كەرقانا جانا دىيقان تۉتۉندۉن ۅستۉرۉۉ ىشتىكتۉۉلۉگۉن كۅتۅرۉپ، سەبدە گۉلۉن ۅستۉرۉپ تۉشۉمدۉ ارتتىرىپ ۅنۉمۉن جوعورۇلاتۇۇنۇ ىشكە اشىرابىز».

  قاراقاش وودانى ايىل چاربا كەسىپ قۇرۇلماسىن تەسكۅۅ ارقىلۇۇ، ازىقتىق قوزۇقارىن كەسىبىن كۉچۅپ ۅنۉكتۉرۉپ، دىيقاندار كەمباعالدىقتان ارىلىپ بايۇۇنۇن داڭعىل جولۇنا تۉشتۉ. قابارچى قاراقاش وودانى سايباق ايىلى كامپا قىشتاعىنداعى كەمباعال تۉتۉن نۇرمەمەت ەحەت ۋاقىنىن ازىقتىق قوزۇقارىن چوڭ ىلىمتا باستىرماسىنان، جىتى اڭقىعان جاڭى ۅستۉرۉلگۅن قوزۇقارىن بازارعا چىعارىلىپ، ساتىلۇۇ الدىندا تۇرعانىن كۅردۉ. نۇرمەمەت ەحەت ۋاقى قابارچىعا مىنداي دەدى: «جۇبايىم قوزۇقارىن ورومولوو زاۋوتۇندا ىشتەيت، بئر ايلىق ماياناسى 1500 يۇان، ۉيۉمۅ دا ۉچ قوزۇقارىن چوڭ ىلىمتا باستىرماسىن قۇرعامىن، جاقشى ۅستۉرسۅم، بىيىل سىرتقا چىعىپ ىشتەبەي ەلە 50 مئڭ يۇان ايلاناسىندا اقچا تابامىن».

 سايباق ايىلى قاراقاش وودانىنداعى جان سانى ەڭ كۅپ چوڭ ايىل، مۇردا نەگىزدۉۉسۉ جۉگۅرۉۉ سىياقتۇۇ بەرەكەتى تۅمۅن اتىزدا دان ەگىندەرىن ۅستۉرۉپ، دىيقانداردىن كىرەشەسى ارتتىرۇۇسۇ اقىرىن بولۇپ كەلگەن. 2017- جىلى، جەرگىلىك ازىقتىق قوزۇقارىن ۅستۉرۉۉچۉ باشتااق كەرقانانى كىرگىزگەن. 2018- جىلدان باشتاپ، ۅستۉرۉۉ قۇرۇلماسىنا تەسكۅۅ الىپ بارۇۇ ارقىلۇۇ، ازىقتىق قوزۇقارىن اقىرىندىق مەنەن نەگىزگى جەتەكتۅۅچۉ ايىل چاربا كەسىبىنە ايلانعان. قاراقاش وودانى سايباق ايىلدىق پارتكومدۇن شۇجئسى شۉ حۇڭچاڭ قابارچىعا، بىيىل داعى باشتاپقى ئش قوشۇۇچۇ زاۋوت ۉيۉن سالعانىن، كىرەشە ارتتىرىپ بايۇۇ جولۇ وعو بەتەر كەڭىرگەنىن ايتىپ مىنداي دەدى: «قوزۇقارىن ۅستۉرۉۉ كەسىبىن جەتىشتىرىپ زورويتۇۇ ارقىلۇۇ، كەسىپتىن تۉمۅن تۉتۉنگۅ كىرۉۉسۉن تۉرتمۅكتۅدۉك، ۇچۇردا بئر تۉركۉم باشتاپقى ئش قوشۇۇچۇ زاۋوت كەرقانالاردى كىرگىزىپ، بئزدىن كەسىپتىن ۅنۉگۉۉ جولۇن داعى بىردەمجىي كەڭىرتتىك، 7300دۅن اشۇۇن تۉتۉندۅگۉ قالىقتى كىرەشە ارتتىرۇۇعا باشتاي الابىز».

 كەسىپتى ۅنۉكتۉرۉپ كەمباعالدىقتان ارىلتۇۇنۇ ىلگەرى سۉرۉۉ ۉچۉن داعى تايانىچى تۉر بولۇشۇ كەرەك، كەمباعالدىقتان ارىلتۇۇ چابۇۇلۇنۇن جەڭىشىن ماالىندا جوعورۇ ساپاتتا قولعو كەلتىرۉۉ ۉچۉن، كەرىيە وودانى «بئر ايىلدا بئر كەسىپ بولۇۇ، بئر كەسىپكە بئر كەرقانا بولۇۇ»داي كەسىپ جايعاشتىرۇۇسۇ بويۇنچا، كەسىپ تۉرۉنۉن بۉت قاپتالۇۇسۇن جىلىشتاتقان. كەرىيە ووداندىق كەمباعالداردى جۅلۅۅ ئشقاناسىنىن مۇدۇرۇ تاڭ مئڭشىڭ مىنداي دەدى: «قارجى تۉردۉ ەەرچىپ جۉرۉۉ، تۉر جوسپوردۇ ەەرچىپ جۉرۉۉ، جوسپور كەمباعال تۉتۉندۅردۉن اجاتىن ەەرچىپ جۉرۉۉ» پئرىنسىبىندە بەكەم تۇرۇپ، كەمباعالداردى جۅلۅۅ تۉرۉنۅن 68دى جولعو قويدۇق، ۅزگۅچۅ ارتىقچىلىقتۇۇ كەسىپتى كۉچۅپ ۅنۉكتۉرۉپ جۅلۅۅ ارقىلۇۇ، كەمباعالداردى جەتەكتۅۅ كەمباعالدىقتى ازايتۇۇ مەحانىزىمىن توقتووسۇز جاقشىرتىپ، وودان-ايىل-قىشتاقتا ۉچ داراجالۇۇ كەسىپتەردىن بۉت قاپتالۇۇسۇنا كەپىلدىك قىلعاندا عانا، دىيقان تۉتۉندۅردۉن كىرەشەسى قامسىزدالات».

〖2020.05.16-11:43〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز