شئنجاڭدىن تۇنعۇچ تۉركۉمدۅگۉ حۇبىيگە جاردام بەرگەن دارىلوو اتىرەتى جەڭىش مەنەن قايتىپ كەلدى

2020-03-27 11:38

 

 3-ايدىن 26-كۉنۉ، دارىلوو بويۇنچا قۇتقارىپ- دارىلوو مىلدەتىن تولۇق بۉتۉرگۅندۅن كىيىن، شئنجاڭدىن تۇنعۇچ تۉركۉم حۇبىيگە جاردام بەرگەن دارىلوو اتىرەتىنىن 142 مۉچۅسۉ ۇچاق مەنەن ۋۇحاندان ۉرۉمچۉ دئۋوپۇ ەل ارالىق ۇچاق جايىنا جەتىپ كەلدى. اپتونوم رايوندۇق پارتكومدۇن ورۇنباسار شۇجئسى، اپتونوم رايوندۇق جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىنا جەتەكچىلىك قىلۇۇ گۇرۇپپاسىنىن ورۇنباسار گۇرۇپپا باشچىسى لئى پىڭشئن ۇچاق جايعا چىعىپ توسۇپ الدى، ال اپتونوم رايوندۇق پارتكوم جانا ۅكۉمۅت وشوندوي ەلە بۉت شئنجاڭداعى ار ۇلۇت قالقى اتىنان، بااتىرلاردىن قايتىپ كەلگەنىن توسۇپ الىپ، اق قالاتچان جووكەرلەرگە چىن پەيىل ىراقماتىن، ارى ۇلۇۇ ۇرماتىن بئلدىردى.

   لئى پىڭشئن شئنجاڭعا قايتقان دارىلوو اتىرەتىنىن مۉچۅلۅرۉن قابىلداپ كۅرۉشكۅندۅ مىنداي دەدى: جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇسۇ كۅرۉلگۅندۅن كىيىن، شئنجاڭداعى قالىڭ دارىلوو قىزماتكەرلەرى باش شۇجئى شئى جئنپىڭ جانا پارتئيا بوربوردۇق كومىتەتىنىن چاقىرىعىنا دىلگىر ۉن قوشۇپ، بۉت شئنجاڭداعى ارۇلۇت ەلىنىن تابىشتووسۇن الىپ، حۇبىي ەلىنە بولعون تەرەڭ مەەرى- ماحاباتى مەنەن، كۅكۉرۅك كەرىپ ورتوعو چىعىپ، حۇبىيگە جاردامعا اتتانىپ، بار زەەن- كۉچ قۇباتىن جۇمشاپ، ۅزۉن ۇنۇتۇپ ىشتەپ، وشونۇ مەنەن بىرگە، ۇباقىت مەنەن تەڭ جارىشىپ، ولۇتتۇۇ وورۇ مەنەن كۉچ سىناشىپ، ۅمۉرۉ مەنەن جاشوونۇ قورعوپ، نووقاستاردى دارىلاپ ايىقتىرىپ، ۇلۇۇ سۉيۉۉنۉ حۇبىي ەلىنە، ۋۇحان ەلىنە تارتۇۇلاپ، حۇبىيدى قورعوو كۉرۅشۉ، ۋۇحاندى قورعوو كۉرۅشۉندۅ جەڭىشكە جەتۉۉ ۉچۉن سالىم قوشتۇ. سىلەر بەكەم قايراتتا، جىگەردۉۉلۉك مەنەن الىشىپ، ۅزۉمسۉز سالىم قوشۇپ، دوقتۇرلاردىن مەەرىمدۉۉلۉگۉندۅي بىيىك رۇحتۇ كۅرسۅتتۉڭۅر، جاڭى دووردوعۇ دارىلوو قىزماتكەرلەرىنىن جاقشى وبرازىن كۅرسۅتتۉڭۅر، جۇرتتاعى ەل سىلەردەن ووراقتانات جانا سىيمىقتانات، سىلەر جاڭى دووردوعۇ ەڭ سۉيۉكتۉۉ كىشىلەرسىڭەر!

لئى پىڭشئن مىنداي كۅرسۅتتۉ: ار داراجالۇۇ پارتكوم جانا ۅكۉمۅت مەنەن قاتىشتۇۇ جاقتار قامقوردۇق قىلۇۇ، كۉيۉنۉۉ چارالارىن جۉزۅلۅشتۉرۉپ، شئنجاڭعا قايتقان دارىلوو قىزماتكەرلەرىنىن چوردوندۇۇ ەس الۇۇ تەيلۅۅ قامتاماسىزداندىرۇۇ قىزماتىن قىلداتتاپ جاقشى ورۇنداشتىرۇۇسۇ كەرەك. جۇعۇشتۇۇ وورۇ بئرىنچى چەبىندە كۉرۅش قىلعان دارىلوو قىزماتكەرلەردىن تااسىردۉۉ ئش- ىزدەرىن زور كۉچ مەنەن ۉگۉتتۅپ، بۉتكۉل قوومدۇ جاڭى دووردوعۇ ەڭ سۉيۉكتۉۉ، ەڭ ۇرماتقا تاتىقتۇۇ اق قالاتچان جووكەرلەردەن ۉيرۅۅنۉۉگۅ جەتەكتەپ، جالپى ەل بئر نەەتتە، قايراتتان قورعون سالىپ، جىگەردۉۉلۉك مەنەن الىشىپ، قىيىن ۅتكۅۅلگۅ چابۇۇل جاسوونۇن ەڭ زور كۉچۉن ۇيۇتۇپ، جۇعۇشتۇۇ وورۇنۇن الدىن الىپ تىزگىندۅۅ جانا ەكونومىكا- قووم ۅنۉگۉۉسۉنۉن قوش جەڭىشىن قولعو كەلتىرۉۉ ۉچۉن ىنتىماقتاشىپ كۉرۅش قىلۇۇ كەرەك. 

 اپتونوم رايون جەتەكچىلەرىنەن تئيان ۋىن، ماڭلىك سەيىتتەر توسۇپ الۇۇدا چوعۇۇ بولدۇ. 

 

 

 

〖2020.03.27-11:38〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز