جەر-جەرلەردەكى تۉيۉندۉۉ قۇرۇلۇش تۉرلۅرۉ قۇيرۇق ۇلاش جۇمۇشتۇ قالبىنا كەلتىردى

2020-03-26 17:02

 جاقىنقى بئر قانچا كۉندۅن بەرى، اپتونوم رايونۇبۇز جەر-جەرلەرى جۇمۇشچۇ-قىزماتچىلار جۇمۇش وردۇنا قايتۇۇ، زاتتىق ماتەرىيال تاشىمالى سىياقتۇۇ جاقتاردا بەرەكەتتۉۉ چارالاردى قولدونۇپ، تۉيۉندۉۉ قۇرۇلۇشتاردا جۇمۇشتۇ باچىم قالبىنا كەلتىرۉۉنۉ، باچىم قۇرۇلۇش الىپ بارۇۇنۇ تۉرتمۅكتۅدۉ.  

   3-ايدىن 23-كۉنۉ، شئحۇ شاارى چىگىشور دايراسى جىرعىلىت سۇۇ ىشتەر تۉيۉنۉ قۇرۇلۇشۇ قۇرۇلۇشتۇ قالبىنا كەلتىردى. قۇرۇلۇش تۉر بۅلۉمۉنۉن دايىمدۇۇ ىشتەر بويۇنچا ورۇن باسار دىرەكتورۇ جۉ يۉن قابارچىعا، جەرگىلىكتۉۉ ۅكۉمۅتتۉن شايكەشتىرىپ جانا جاردام بەرۉۉسۉندۅ، قۇرۇلۇش الىپ بارۇۇچۇلار شئنجاڭعا شىدىر قايتىپ كەلىپ، قۇرۇلۇشتۇن جۇمۇشتۇ قالبىنا كەلتىرۉۉسۉنۅ پايدۇبال تۉپتۅگۅندۉگۉن ايتىپ مىنداي دەدى: «ۇچۇردا، جىرعىلىت سۇۇ ىشتەر تۉيۉنۉ قۇرۇلۇشۇنۇن جۇمۇشتۇ قالبىنا كەلتىرۉۉ سالىشتىرماسى 80پايىزعا جەتتى، قالعان شئنجاڭ سىرتىنان كەلەتۇرعاندار شااردىق پارتكوم، شااردىق ۅكۉمۅت جانا شااردىق سۇۇ ىشتەر مەكەمەسى، جىرعىلىت سۇۇ ىشتەر تۉيۉنۉن باشقارۇۇ مەكەمەسىنىن كۉچتۉۉ قولدووسۇندا، تۉيۉندۅن تۉيۉنگۅ اۋتو ۇناا مايلاپ شئنجاڭعا كەلدى. بولجول مەنەن 3-ايدىن 31-كۉنۉنۅن مۇرۇن، تۉر جۇمۇشتۇ، ۅندۉرۉشتۉ قالبىنا كەلتىرۉۉنۉ 100پايىز ىشكە اشىرات»

  جىرعىلىت سۇۇ ىشتەر تۉيۉنۉ قۇرۇلۇشۇ-چىگىشور دايراسى ۅرۅۅنۉندۅكۉ تىزگىندۅۅ مۉنۅزدۉۉ سۇۇ ىشتەر تۉيۉنۉ، قۇرۇلۇشقا جالپى 978 مئللىيون يۇان قارجى سالىنعان، بولجول مەنەن جىلىنا چىعاراتۇرعان ەلەكتىر مۅلچۅرۉ 45مئللىيون 600 مئڭ كىلوۋات سااتقا جەتەت. قۇرۇلۇش بۉتكۅندۅن كىيىن، جىلىنا چىگىشور دايراسىنىن جوعورقۇ اعىنىنداقى سۇعات رايونۇن 29مئللىيون 710مئڭ كۇپ مەتىر سۇۇ مەنەن قامداپ، شئحۇ شاارىنىن شاار جانا ۅنۅرجاي ۅنۉگۉۉسۉن 33مئللىيون كۇپ مەتىر سۇۇ مەنەن قامدايت. 

   3-ايدىن 23-كۉنۉ، اپتونوم رايوندۇن «13-بەش جىلدىق جوسپور»ۇنداقى ەلدىك ابا جولۇ تۉيۉندۉۉ قۇرۇلۇشۇ--اقسۇۇ ۇچاق جاي 2-مەزگىلدىك ۅزگۅرتۉپ كەڭىرتىپ قۇرۇۇ قۇرۇلۇشۇ جۇمۇشتۇ جالپى بەتكەي قالبىنا كەلتىرگەن. ۇچۇردا نەگىزگى تۇلقۇ قۇرۇلۇش جالپى قۇرۇلۇش مۅلچۅرۉنۉن 63 پايىزىن ورۇنداپ بۉتۉپ، ىچكى بۅلۉك جاسالعاسى جانا بۅلمۅ سىرتىنداقى قوشۇمچا قۇرۇلۇشتارعا قۇرۇلۇش الىپ بارىلۇۇدا. جۇڭگو قۇرۇلۇش شئنجاڭ قۇرۇلۇش سالۇۇ توبۇ اقسۇۇ ۇچاق جاي تۉرۉن ۅزگۅرتۉپ كەڭىرتىپ قۇرۇۇ قۇرۇلۇش تۉرۉنۉن دىرەكتورۇ جاڭ لىڭجىيە مىنداي دەدى: «جۇعۇشتۇۇ وورۇنۇن الدىن الۇۇ مەنەن ۅندۉرۉشتۉ ەكى قولدو تەڭ قارماپ، ەكۅۅ تەڭ اقساتپاتىق. تۉر بۅلۉمۉ بۉتۉن كۉچۉن چىعاردى، اقسۇۇ ۇچاق جايىبىز بەلگىلەنگەن قۇرۇلۇش مەرچەمى بويۇنچا ۇباداسىن تولۇق اتقارۇۇعا چىمىرقانات».

  قومۇل بئڭتۇان-جەرگىلىك جۇۇرۇلۇشقان چوڭ جولۇ قۇرۇلۇشۇ 3-ايدىن 20-كۉنۉنۅن باشتاپ جۇمۇشتۇ جالپى بەتكەي قالبىنا كەلتىردى. جۇڭگو قاتتوو توبۇ 4-تاش جول قۇرۇلۇش مەكەمەسى چەكتۉۉ شەرىكتىگى بئڭتۇان-جەرگىلىك جۇۇرۇلۇشقان چوڭ جول تۉرۉنۉن جووپتۇۇسۇ لئى جىيەندوڭ قابارچىعا، قۇرۇلۇش جۇمۇشتۇ باچىم قالبىنا كەلتىرىپ، قومۇل شااردىق قاتتوو تاشىمال مەكەمەسى سىياقتۇۇ ورۇنداردىن ىشتىكتۉۉ شايكەشتىرۉۉسۉ جانا كۉچتۉۉ جاردام بەرۉۉسۉنۅن نارىپ العاندىعىن ايتىپ مىنداي دەدى: «الىس ارالىقتان جۇمۇشتۇ قالبىنا كەلتىرۉۉ بويۇنچا بايلانىشۇۇ ارعاسىن قولدونۇپ، قۇرۇلۇش الىپ بارۇۇچۇ قوشۇۇن، داعى جۇمۇشچۇلار مەنەن ىشتىكتۉۉ اشتاشىپ، اۋتو ۇناا مايلوو، جۇمۇشچۇ-قىزماتچىلاردى ۅزدۅرۉ اۋتو ۇناا ايداپ كەلۉۉگۅ دەم بەرۉۉ سىياقتۇۇ ىڭعايلاردى قولدونۇپ، تۉيۉندۅن تۉيۉنگۅ تۉرلۅردۉ قايتارىپ كەلدى. ۇچۇردا جۇمۇش وردۇنا بارعاندار 220عا، جابدۇۇ سانى 160عا جەتتى، ۅندۉرگۅن زاتتىق ماتەرىيالدارىبىز جانا جۇعۇشتۇۇ وورۇنۇن الدىن الىپ تىزگىندۅۅ زاتتىق ماتەرىيالدار زاپاسىبىز جەتەرلۉۉ. بئز 4-ايدىن اقىرىندا باردىق جول تامانى قۇرۇلۇش ىشتەرىن، 8-ايدىن ەتەگىندە كۅپۉرۅ بەتىنە قۇرۇلۇش الىپ بارۇۇ ىشتەرىن، 9-ايدىن ەتەگىندە باردىق جول بەتى قۇرۇلۇش ىشتەرىن بۉتۉرۉپ، قاتتوو قووپسۇزدۇق قۇرۇلۇشۇنا كىرگىزىپ، بىيىل اۋتو ۇناا شىدىر قاتتووعو چىنىعى كەپىلدىك قىلابىز». 

〖2020.03.26-17:02〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز