اپتونوم رايونۇبۇزدۇن باجى ىشتەر تارماقتارى كۅپ تۉردۉۉ چارانى بىردىكتە قولدونۇپ، كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉنۅ دەمۅۅر بولدۇ

2020-03-26 16:12

  اپتونوم رايونۇبۇزدۇن باجى ىشتەر تارماقتارى ارقايسى تۉردۉۉ باجى الۇۇدا جەڭىلدىك بەرۉۉ ساياساتىن ىشتىكتۉۉ ناقتىلۇۇ ىچكەلەي جۉزۅلۅشتۉرۉپ، كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉ ۉچۉن «تەز كونۇپكاسىن» باستى. ىستانسىيابىز قابارچىسى لو يۇانمئڭدىن قابارى:  

   جاقىندا، قومۇل فىڭشىڭ ايىل چاربا قوشۇمچا تۉشۉمدۅرۉ ۇنىۋىرسال دۉڭ تاراتۇۇ بازارى چەكتۉۉ شەرىكتىگى 3 جىلعا جاقىنقى باجى تاپشىرۇۇسۇ جاقشى بولعون ىشەنىمىنە سۉيۅنۉپ، 2مئللىيون يۇاندىق قارىز اقچاعا ۅتۉنۉچ بەرىپ الدى. شەرىكتىكتىن باش دىرەكتورۇ ۋاڭ جىلئى مىنداي دەدى: «بۇلۇت باجى قارىز اقچا» تۉشۉمۉ ارقىلۇۇ، باجى ىشتەر مەكەمەسى، قۇرۇلۇش بانكەسى مەنەن بىرگە، بىزگە 2مئللىيون يۇاندىق اتايىن تۉر قارجىسىن شايكەشتىرىپ بەردى، بۇل اقچا جاشىلچا-اشتىق-ماي قوشۇمچا ازىق تۉلۉكتۅر جانا تۇرمۇشتا زارىل كەرەكتەلۉۉچۉ تۉشۉمدۅردۉن كەەبىر چىيكى ماتەرىيالىن ۅندۉرۉۉدۅكۉ تەسكەپ تاشۇۇ، زاپاس ساقتووعو ىشتەتىلەت، وشونۇ مەنەن بىرگە بئز داعى قاتىشتۇۇ زاپاس داياردوو جابدۇۇسۇ جانا ساتۇۇ تور تۉيۉندۅرۉن قۇرۇۇعا داياردىق كۅرۉپ جاتابىز. 

   جۇعۇشتۇۇ وورۇنۇن تااسىرىندە، كەەبىر كەرقانالاردا قارجى كەمچىل بولۇۇ ابالى ساقتالدى، قومۇل شااردىق باجى ىشتەر مەكەمەسى كۅپتۅگۅن بانكەلەر مەنەن قىزماتتاشىپ، «باجى مەكەمەسى-بانكە ۅز ارا دەم بولۇۇ»نۇ تەرەڭدەتىپ، باجى تاپشىرۇۇ ىشەنىم ەستەلىگى جاقشى بولعون كەرقانالاردى قارجى جۉگۉرتۉۉ تەيلۅۅسۉ مەنەن قامداپ، كەرقانالاردىن قىيىنچىلىعىن چەچتى. ىستاتىستىكاعا نەگىزدەلگەندە، ازىرعا چەيىن، 132 كەرقانا «بۇلۇت باجى قارىز اقچا» سىياقتۇۇ ىشەنىم قارىز اقچا ساياساتىنان باارلانىپ، قارىز اقچا جالپى سۇمماسى 20مئللىيون يۇاندان اشقان.

  جاقىنقى بئر قانچا كۉندۅن بەرى، اپتونوم رايونۇبۇز باجى ىشتەر تارماقتارى كۅپ تۉردۉۉ چارانى بىردىكتە قولدونۇپ، كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉنۅ قولدوو كۅرسۅتتۉ. مىندا جەكە تئجاراتچىلار، چاقان كۅلۅمدۅكۉ كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉنۅ قولدوو كۅرسۅتۉۉ بويۇنچا قوشۇلما نارق باجىسىنان جەڭىلدىك بەرۉۉ ساياساتى 3-ايدىن 1-كۉنۉنۅن باشتاپ جولعو قويۇلدۇ. بۇل تۉردۉۉ چارا بولسو قوشۇلما نارق باجىسىن چاقان كۅلۅمدۅ تاپشىرۇۇچۇلارعا قولدونۇلۇچۇ 3 پايىزدىق باجى الۇۇ سالىشتىرماسى بويۇنچا باجى الىنۇۇچۇ ساتۇۇ كىرەشەسىن 1پايىزدىق باجى الۇۇ سالىشتىرماسىنا ازايتۇۇ بويۇنچا قوشۇلما نارق باجىسى الىناتۇرعان بولدۇ. ماناس وودانى نانبەر ازىق-تۉلۉك چەكتۉۉ شەرىكتىگى 3-ايدىن 12-كۉنۉ راسمئي جۇمۇشتۇ قالبىنا كەلتىردى. شەرىكتىكتىن ساتۇۇ دىرەكتورۇ مۇ لئحۇا مىنداي دەدى: باجى الۇۇدا جەڭىلدىك بەرۉۉ ساياساتىنان باارلانعاندان كىيىن بولجول مەنەن 10مئڭ يۇاندان اشۇۇن اقچانى ۉنۅمدۅپ قالىپ، كەرقانابىزدى ۅتۅ زور جاردام مەنەن قامداپ، كەرقانابىزدىن نورمال ايلانىمىن باچىم قالبىنا كەلتىردىك.

  جۇعۇشتۇۇ وورۇنۇن تااسىرىنە بئر قىيلا زور ۇچۇراعان قاتتوو تاشىمال، اش-تاماق، جاتاق، ساياقات سىياقتۇۇ سالاالارداقى كەرقانالارعا قاراتا، اپتونوم رايونۇبۇز باجى ىشتەر تارماقتارى «بىرگە بئر»، «تۉيۉندۅن تۉيۉنگۅ» تۅپ جەتەكتۅۅ الىپ بارىپ، كەرقانالاردىن بىلۉۉگۅ تىيىشتۉۉلۅردۉن بااردىعىن بئلىپ، باارلانۇۇعا تىيىشتۉۉ ساياسات پايداسىنان باارلانا الۇۇسۇنا چىنىعى كەپىلدىك قىلدى. ۉرۉمچۉ شاارى شۇ-انگى سوودا ىشتەر قونوق سارايىنىن جووپتۇۇسۇ لئى جىيەن-ان قابارچىعا مىنداي دەدى: «باجى ىشتەر مەكەمەسى تەلەفون چالىپ ۉگۉتتۅپ جەتەكتەپ، ىنتەرنەتتە «بىرگە بئر» جەتەكتۅۅنۉ قۇلاچ جايدىرىپ، جەڭىلدىك بەرۉۉ ساياساتىنان ماالىندا باارلانۇۇبۇزعا جاردام بەردى. الاردىن جاردامىندا، ۉنۅمدۅپ قالعان باجى اقى نورمال تئجاراتىبىزعا ۅتۅ زور جاردامىن تىيگىزدى.

   «ۇچۇراشبوو ىڭعايى»ندا باجى ىشتەرىن بۉتۉرۉۉ تەيلۅۅ جولۇن كەڭىرتۉۉ ۉچۉن، اپتونوم رايونۇبۇزدۇن باجى ىشتەر تارماقتارى ماملەكەتتىك باجى ىشتەر باش مەكەمەسىنىن ىنتەرنەتتە باجى ىشتەرىن بۉتۉرۉۉ ئش تۉرۉ تىزمەسىن جالپى بەتكەي جۉزۅلۅشتۉرۉۉ نەگىزىندە، شئنجاڭدىن ئش جۉزۉندۉلۉگۉنۅ بىرلەشتىرىپ، 14 چوڭ تۉردۉ قامتىعان 149 تۉردۉۉ مازمۇنداقى باجى اقىنا قاتىشتۇۇ كەسىپتەرگە «بئر ىرەت داعى چۇرقابوو» تىزمەسىن ورتوعو چىعارىپ، 95پايىزدان جوعورۇ باجى اقى كەسىبىن نەگىزىنەن قاپتاتتى. مىندان باشقا، كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉنۅ جاردام بەرۉۉ ۉچۉن، شئنجاڭ باجى ىشتەر مەكەمەسى ماملەكەتتىك باجى ىشتەر باش مەكەمەسىنىن باجى اقىنان جەڭىلدىك بەرۉۉ ساياساتىن جالپى بەتكەي جۉزۅلۅشتۉرۉۉ نەگىزىندە، شئنجاڭ ىچىندەكى كەرقانالار ۅزگۅچۅلۉگۉنۅ بىرلەشتىرىپ، 13 تۉردۉۉ چارانى چىعارىپ، كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉنۅ قولدوو كۅرسۅتتۉ. شئنجاڭ باجى ىشتەر مەكەمەسى باجى تاپشىرۇۇ تەيلۅۅ باشقارماسىنىن ورۇن باسار باشقارما باشچىسى ۋاڭ ۋىي مىنداي دەدى: كىيىنكى باسقىچتا، شئنجاڭ با‍جى ىشتەر مەكەمەسى كۅپ تۉردۉۉ جولدور ارقىلۇۇ جۇمۇشتۇ، ۅندۉرۉشتۉ قالبىنا كەلتىرگەن كەرقانالاردىن ۅندۉرۉش تئجاراتتى قالبىنا كەلتىرۉۉ بارىشىندا جولۇققان تۉردۉۉ قىيىنچىلىق جانا ماسەلەلەرىن كەڭىرى قابىلداپ جىيىپ، باجى الۇۇ چوڭ ساندۇۇ-ماالىمات ارتىقچىلىعىن تولۇق كۅرسۅتۉپ، جۇمۇشتۇ، ۅندۉرۉشتۉ قالبىنا كەلتىرگەن كەرقانالاردىن قىيىنچىلىعىن جانا ماسەلەسىن چەچۉۉگۅ جاردام بەرىپ، نورمال ۅندۉرۉش تئجارات تارتئبىن قالبىنا كەلتىرۉۉنۉ باچىمداتات.

〖2020.03.26-16:12〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز