چىن چۇانگو ۉرۉمچۉ شاارىندا مەكتەپتەردىن وقۇۇ باشتاپ ساباقتى قالبىنا كەلتىرۉۉ جانا مەكتەپ باقچاسىنىن جۇعۇشتۇۇ وورۇنۇن الدىن الىپ تىزگىندۅۅ قىزماتىن تەكشەرىپ ىزىلدەدى

2020-03-24 10:35

چىن چۇانگو ۉرۉمچۉ شاارىندا مەكتەپتەردىن وقۇۇ باشتاپ ساباقتى قالبىنا كەلتىرۉۉ جانا مەكتەپ باقچاسىنىن جۇعۇشتۇۇ وورۇنۇن الدىن الىپ تىزگىندۅۅ قىزماتىن تەكشەرىپ ىزىلدەگەندە، وقۇۇ باشتوو قىزماتىن قاتاڭ ىچكە ناقتىلۇۇ جاقشى ىشتەپ، وقۇتۇۇ تارتئبىنىن قالىپتۇۇ بولۇشۇ، وقۇتۇۇچۇ-وقۇۇچۇلاردىن دەنى سوو بولۇۇسۇنا چىنىعى كەپىلدىك قىلۇۇنۇ باسا كۅرسۅتتۉ

 

 3- ايدىن 23- كۉنۉ بولسو بۉت اپتونوم رايوندوقۇ ورتو باشتالعىچ مەكتەپتەر مەنەن ورتو داراجاداعى كەسىپتىك مەكتەپتەردىن وقۇۇ باشتاپ ساباقتى قالبىنا كەلتىرۉۉنۉ باشتاعان بئرىنچى كۉنۉ، 5 مىڭدەن اشۇۇن مەكتەپتەگى 4 مئللىيوندون اشۇۇن وقۇۇچۇ مەكتەپ باقچاسىنا قايتىپ بارىشتى. تۉشتۅن مۇردا، اپتونوم رايوندۇق پارتكومدۇن شۇجئسى چىن چۇانگو ۉرۉمچۉ شاارىنا بارىپ ورتو باشتالعاچ مەكتەپتەر مەنەن ورتو داراجاداعى كەسىپتىك مەكتەپتەردىن وقۇۇ باشتاپ ساباقتى قالبىنا كەلتىرۉۉ جانا مەكتەپ باقچاسىنىن جۇعۇشتۇۇ وورۇنۇن الدىن الىپ تىزگىندۅۅ قىزماتىن تەكشەرىپ ىزىلدەدى. ال مىنا بۇلاردى باسا كۅرسۅتتۉ، باش شۇجئى شئى جئنپىڭدىن جۇعۇشتۇۇ وورۇنۇن الدىن الىپ تىزگىندۅۅ جانا ەكونومىكا قوومدۇ ۅنۉكتۉرۉۉ قىزماتىن بئر جۅڭكۉ جوسپورلوپ جىلىشتاتۇۇ جۅنۉندۅكۉ زارىل سۅزۉنۉن، زارىل جول-جوبوسۇنۇن رۇحۇن تەرەڭدەي ئزچىلدەشتىرىپ جۉزۅلۅشتۉرۉپ، مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅ جانا وقۇۇ وقۇتۇۇ قىزماتىن قاتاڭ ىچكە ناقتىلۇۇ جاقشى ىشتەپ، وقۇۇ وقۇتۇۇنۇن قالىپتۇۇ بولۇۇسۇنا، وقۇتۇۇچۇ- وقۇۇچۇلاردىن دەنى سوو بولۇۇسۇنا چىنىعى كەپىلدىك قىلۇۇ كەرەك.

  چىن چۇانگو ۉرۉمچۉ شااردىق 1-اۋعۇست ورتو مەكتەبىنە بارىپ، تولۇق ورتو، تولۇقسۇز ورتو، باشتالعىچتاعى ار قايسى جىلدىقتاردىن وقۇۇ وقۇتۇۇ ابالىن ناق مايداندا ارالاپ تەكشەردى. بىلەسەلۉۉ تۉردۅ دەنە تەمپەراتۇراسىن ۅلچۅتكۅندۅن كىيىن، چىن چۇانگو وقۇتۇۇ ئماراتىنا كىرىپ، وقۇتۇۇچۇ-وقۇۇچۇلاردىن مەكتەپكە كەلگەندەكى سالاماتتىعىن تەكشەرتۉۉ، جەكە قورعونۇۇ، چۅيرۅنۉ دىزەنفەكسىيالوو سىياقتۇۇ ابالداردى ىچكەلەي ەەلەپ، مەكتەپ جەتەكچىلەرى مەنەن وقۇتۇۇچۇلاردىن پىكىر سۇنۇشۇن استەيدىل ۇقتۇ. چىن چۇانگو الدى-ارتى بولۇپ تولۇق ورتو 2-جىلدىق 1-، 2- كىلاسى، باشتالعىچ مەكتەپ 3-جىلدىق 1-كىلاسىنا كىرىپ جانا سىرتتا قىيمىل الىپ بارىپ جاتقان تولۇقسۇز ورتو 2-جىلدىق 7- كىلاسىنا بارىپ، ار ۇلۇت وقۇتۇۇچۇ-وقۇۇچۇلار مەنەن جاقىندان سۉيلۅشۉپ مايەكتەشتى. وقۇۇچۇلاردى ماسكە مەنەن قامدوو جەتەرلۉۉ، مەكتەپكە بارعاندا ۉيگۅ قايتقاندا ۅزۉن قورعووسۇ جاقشى، جاتاقانا كىلاس اشقانا ۇباعىندا دىزەنفەكىسىيالانىپ اباسى الماشتىرىلىپ جاتقانىن بىلگەندەن كىيىن، چىن چۇانگو تۇراقتاندىرعانىن بئلدىردى. ال مىنداي دەدى: انسايىن قاتاڭ، انسايىن ىچكە، انسايىن ناقتىلۇۇ تۉردۅ ار تۉردۉ قورعونۇۇ چاارالارىن جاقشى جۉزۅلۅشتۉرۉپ، مەكتەپكە بارۇۇ مەكتەپتەن قايتۇۇ، جوعورۇ قارقىندان وولاق تاماقتاندىرۇۇ، ساباق ارالىعىندا سۇۇ ىچۉۉ، جاتاقتى باشقارۇۇ سىياقتۇۇ ار قايسى باسقىچ، ار قايسى ىچكە قىزماتتاردى استەيدىل جاقشى ىشتەپ، وقۇۇچۇلاردىن قادىرجام ۉيرۅنۉش قىلۇۇسۇ ۉچۉن سوو قووپسۇز چۅيرۅ جاراتىپ بەرۉۉ كەرەك.

  ۉرۉمچۉ شااردىق 42- ورتو مەكتەپتىن چۅيرۅسۉ تازا، كىتەپ وقۇعان ۉندۅر جاڭىرىپ، وقۇۇچۇلار وقۇۇ باشتالعانداعى بئرىنچى ساباقتى وقۇپ، جاڭىچا تااجى سىمال ۋئرۇس ۅپكۅ سەزگەنچىنىن الدىن الىپ تىزگىندۅۅ بىلىمدەرىن ۉيرۅنۉپ جاتقان ەلە. چىن چۇانگو باشتالعىچ مەكتەپ 1-جىلدىق 3-كىلاسىنا كىرىپ، وقۇۇچۇلاردىن ۉيرۅنۉۉ تۇرمۇش ابالىن كۅڭۉل قويۇپ سۇراشتىرىپ، ارى كۅپچۉلۉكتۉ ماسكە تارتۇۇ، ەرىنبەي قولدۇ جۇۇش، ۉيمۅلۅكتۅپ چوعۇلۇپ الباستىعىن تابىشتادى. ال وقۇتۇۇچۇلارعا: باشتالعىچ مەكتەپ وقۇۇچۇلارىنىن جاشى كىچى، ۅزۉن قورعوو قۇرباتى السىز، وقۇتۇۇ ۇباقىتىن ئلمىي ورۇنداشتىرىپ، ئلمىي الدىن الۇۇ بىلىمدەرىن جالپىلاشتىرىپ، ۅزۉن قورعوو تاانىمىن جوعورۇ كۅتۅرۉپ، بالداردىن دەنە سالاماتتىعىن چىنىعى قورعوپ، اتا ەنەرلەردى قامسىز قىلىپ، قوومدۇ قادىرجام قىلۇۇنۇ تابىشتادى.

  چىن چۇانگو مىنا بۇلاردى باسا كۅرسۅتتۉ، مەكتەپ باقچاسىنىن جۇعۇشتۇۇ وورۇنۇن الدىن الىپ تىزگىندۅۅسۉ جانا وقۇۇ باشتاپ ساباقتى قالبىنا كەلتىرۉۉ ار بئر بالاعا بايلانىشتۇۇ چوڭ ئش، ار بئر اتا-ەنەنىن جۉرۅگۉن تىتىرەتكەن ئش. ار داراجالۇۇ ار قايسى تارماقتار باش شۇجئى شئى جئنپىڭدىن زارىل سۅزۉ جانا زارىل جول-جوبو رۇحۇن استەيدىل ئزچىلدەشتىرىپ جۉزۅلۅشتۉرۉپ، مەكتەپ باقچاسىنىن قووپسۇزدۇعۇ مەنەن وقۇتۇۇچۇ-وقۇۇچۇلاردىن دەنە سالاماتتىعىن قورعوو ساياسىي جووپكەرچىلىگىن چەچكىن ارقالاپ، داعى دا قاتاڭ پوزىتسىيا، داعى دا قاتاڭ چاارا، داعى دا قاتاڭ باشقارۇۇ ارقىلۇۇ، جۇعۇشتۇۇ وورۇنۇن الدىن الىپ تىزگىندۅۅ جانا وقۇۇ وقۇتۇۇنۇن ار تۉردۉۉ مىلدەتتەرىن جالپى بەتكەي جۉزۅلۅشتۉرۉپ، وقۇۇ باشتوونۇن قووپسۇز تارتىپتۉۉ بولۇۇسۇنا، قىنتىقسىز بولۇۇسۇنا چىنىعى كەپىلدىك قىلۇۇ كەرەك. الدىن الىپ تىزگىندۅۅ چاارالارى ىچكەلەي بولۇش كەرەك. بئر مەكتەپكە بئر چاارا قولدونۇۇدا بەكەم تۇرۇپ، مەكتەپ، كىلاستى بىردىك قىلىپ، وقۇتۇۇچۇ وقۇۇچۇلاردىن سالاماتتىق ابالىن تۅپ ىيگەرىپ، دەنە تەمپەراتۇراسىن ۅلچۅۅ، ماسكە تارتۇۇ، ابا الماشتىرىپ دىزەنفەكسىيالوو، تۉيۉندۉۉ جەرلەردى قاتاڭ دىزەنفەكسىيالوو سىياقتۇۇ چاارالاردى جۉزۅلۅشتۉرۉپ، مەكتەپ باقچاسى چۅيرۅسۉنۉن تازالىعىن ساقتوو كەرەك؛ ماسكە، تەرمومەتىر، دىزەنفەكسىيا سۇۇسۇ سىياقتۇۇ جۇعۇشتۇۇ وورۇنۇن الدىن الىپ تىزگىندۅۅ زاتتىق ماتەرىيالدار مەنەن قامدوونۇ كۉچۅپ قامتاماسىزداندىرىپ، وقۇتۇۇچۇ-وقۇۇچۇلاردىن قورعونۇۇ اجاتىن چىنىعى قامتاماسىزداندىرۇۇ كەرەك. مەكتەپ باقچاسىن قاتاڭ باشقارۇۇ كەرەك. مەكتەپ باقچاسىنا كىرىپ چىققانداردى باشقارۇۇنۇ قاتاڭ كۉچۅتۉپ، ۉي-بۉلۅ مەنەن مەكتەپ بىرگەلەشىپ، بىردىكتە وقۇۇچۇلاردىن قورعونۇۇ قىزماتىن جاقشى ىشتۅۅ كەرەك؛ وقۇتۇۇچۇ-وقۇۇچۇلاردى ۇباقىت ايرىپ تاماقتاندىرۇۇنۇ ئلمىي ورۇنداشتىرىپ، ىلايىعىندا جاتقىرىپ، جوعورۇ قارقىندان وولاق تالاادا قىيمىل قىلدىرتىپ، توپتوشۇپ الۇۇسۇنۇن الدىن الۇۇ كەرەك؛ دايىمدۇۇ كەزەكتەشىپ كەزەكچىلىك قىلىپ، مەكتەپ باقچاسى ايلاناسىنىن چۅيرۅسۉن جۅنگۅ سالۇۇنۇ كۉچۅتۉپ، قووپسۇز جاقشى چۅيرۅ جاراتىپ بەرۉۉ كەرەك.

 وقۇۇ وقۇتۇۇ ئلمىي بولۇش كەرەك. جىلدىق، كىلاس، وقۇۇچۇعا قاراي وقۇتۇۇ پئلانىن قىلداشتىرىپ، وقۇتۇۇنۇ ىزىلدۅۅ قىزماتىن ىچكەلەشتىرىپ، وقۇتۇۇنۇ كۅڭۉل قويۇپ قۇلاچ جايدىرىپ، ىرعاعىن ىيگەرىپ، فورماسىن مولۇقتۇرۇپ، ۅنۉمۉن جوعورۇ كۅتۅرۉپ، وقۇتۇۇ ساپاتىن تىنباي كۅتۅرۉۉ كەرەك. باشقارۇۇ جووپكەرچىلىگىن چىڭدوو كەرەك. ار داراجالۇۇ پارتكوم قاراشتۇۇ جەر جووپكەرچىلىگىن تەرمەلبەي ارقالاپ، بئرىنچى قول ۅزۉ ورۇنداشتىرىپ، الدىنقى چەپكە تۉشۉپ تەكشەرىپ ايداقتوو كەرەك؛ اعارتۇۇ اكىمچىلىك تارماقتارى وقۇۇ باشتوو مەنەن مەكتەپ باقچاسىنىن جۇعۇشتۇۇ وورۇنۇن الدىن الىپ تىزگىندۅۅسۉن ۇچۇرداعى الدىنقى چوڭ ئش قاتارى قاراپ، جەتەكتۅۅنۉ كۉچۅتۉپ، بئر جۅڭكۉ جوسپورلوپ باشقارۇۇ كەرەك؛ ار داراجالۇۇ مەكتەپتەر جۉزۅلۅشتۉرۉۉنۉ ىچكەلەشتىرىپ، ار تۉردۉۉ چاارالاردى مەكتەپكە چەيىن، ادامعا چەيىن چىنىعى تۅپتۅشتۉرۉۉ كەرەك؛ بايلانىشتۇۇ تارماقتار تىعىز شايكەشىپ، بىردىكتە اراكەتكە كەلىپ، بئر نەەتتە كۉچ توپتوپ وقۇۇ باشتوو جانا مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅ قىزماتىن جاقشى ىشتۅۅسۉ كەرەك.

  اپتونوم رايوندۇق پارتكومدۇن تۇرۇقتۇۇ مۉچۅسۉ، ۉرۉمچۉ شااردىق پارتكومدۇن شۇجئسى شۉ حايروڭ قاتارلۇۇلار تەكشەرىپ ىزىلدۅۅدۅ چوعۇۇ بولدۇ.

〖2020.03.24-10:35〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز