ۉرۉمچۉ شاارىنداعى ار قايسى قوومدۇق قونۇشتار ئز قۇۇپ تەيلۅۅ جۉرگۉزۉپ، جۇعۇشتۇۇ وورۇنۇ توسۇپ، جىلۇۇلۇق جەتكىردى

2020-03-03 11:29

  ۉرۉمچۉ شاارىنداعى ار قايسى قوومدۇق قونۇش قىزماتكەرلەرى ۅز قىزماتىن چىعىش قىلىپ، دىلگىر تەيلۅۅ جۉرگۉزۉپ، ىشتىكتۉۉ ىشتەپ، جۇعۇشتۇۇ وورۇنۇن الدىن الىپ تىزگىندۅۅگۅ دەمۅۅر بولدۇ. ەمى ىستانسىيابىزدىن ۇنۇۋەرسال قابارى نازارىڭىزداردا: -«بايكە، ووزۇڭۇز قانتئپ قالدى؟....» 

  ار كۉنۉ تۉشتۅن مۇردا، ۉرۉمچۉ شاارى تئيانشان رايونۇ سۇيچۇان جولۇ تىلكە رايونۇن باشقارۇۇ كومىتەتى جاشتار جولۇ تۉشتۉك قوومدۇق قونۇشۇنۇن كادىرى، قىيىنچىلىقتۇۇ كىشىلەرگە جاردام بەرۉۉ گۇرۇپپاسىنىن مۉچۅسۉ ادىل قۇربان قوومدۇق قونۇش تۇرعۇنۇ چىڭ شئنچۇاندىن دەن سالاماتتىق ابالىن سۇراشتىرىپ تۇرات. 2- ايدىن 24- كۉنۉ كەچ ساات 10 جارىمدا، 66 جاشتۇۇ چىڭ شئنچۇاندىن مەە تىعىلما وورۇسۇ قوقۇس قوزعولۇپ، باشى وورۇپ، كۅزۉ قاراڭعىلاشىپ، انىق سۉيلۅي الباي قالعان. ادىل قۇربان ابالدان قابار تاپقاندان كىيىن، داروو انى دوقتۇرقاناعا جەتكىرگەن. چىڭ شئنچۇان مىنداي دەدى: «الار شاشقالاقتاپ مەنى بئڭتۇان دوقتۇرقاناسىنا جەتكىردى. وورۇمدۇ مۉنۅزدۅپ بەكىتىپ دوقتۇرقاناعا جاتقاندان كىيىن، الار انان قامسىز بولۇپ قايتىپ كەتىشتى، اياباي ىراقمات». 

  ۉيۉندۅ كۉزۅتۉلۉۉچۉلۅردۉن تۇرمۇش ماسەلەسىن چەچۉۉ ۉچۉن، جاشتار جولۇ تۉشتۉك قوومدۇق قونۇشۇ قىيىنچىلىقتۇۇ كىشىلەرگە جاردام بەرۉۉ گۇرۇپپاسىن اتايى قۇرۇپ، كۅپچۉلۉككۅ جاردامداشىپ نەرسە-كەرەك ساتىپ الۇۇسۇنا چاپقىلاپ، قارارى جوق قارتاڭداردىن ابالىنان قابار العان. ادئل قۇربان وشولوردۇن اراسىنداعى بىرۅۅ. ال مىنداي دەيت: «قارارى جوق قارتاڭدار جانا نەگىزكى وورۇعا چالدىققان وشول قارتاڭدارعا اياباي كۅۅن بۇرابىز، ار كۉنۉ الارعا تەلەفون چالىپ، ۉيۉنۅ بارىپ كۅرۉپ، الارعا دىزەنفەكسىيا سۇيۇقتۇعۇ، اتىر سامىن جەتكىرىپ بەرەم». 

   مىندان باشقا، تۇرعۇن قالقتىن ۉيدۅ تۇرعانداعى مادانئي تۇرمۇشۇن بايىتۇۇ ۉچۉن، قوومدۇق قونۇش كۅپتۉن اقىلىن كۅرسۅتۉپ، شىبىر سۅز توبۇندا «ىنتەرنەتتەگى قوڭشۇلار ارا مايرام» قىيمىلىن قۇلاچ جايدىردى. قىيمىل جارىيالانعاندان كىيىن، تۇرعۇندار ار قايسىسى ۅزدۅرۉنۉن ۅنۅرۉن كۅرسۅتۉپ، ارت- ارتىنان جۇڭگو قايرات قىل دەگەن قول ئشاراتى، ۇلۇتتۇق بئي سىياقتۇۇ قىسقا ۋئدىيولوردۇ جۅنۅتتۉ. قوومدۇق قونۇش شۇجئسى جاڭ شىشىيا مىنداي دەدى: «ىنتەرنەتتەگى قوڭشۇلار ارا مايرام ۅتكۅردۉك، انتكەنى ۅزگۅچۅ مەزگىل بولعوندۇقتان، بئزدىن قاراشتۇۇ رايونۇبۇزداعى تۇرعۇن قالقتىن بااردىعى دىلگىر قاتىشتى. وشونۇ مەنەن بىرگە داعى بئزدىن ايلانابىزداعى ار بئر كىشى جۇعۇشتۇۇ وورۇعا سوققۇ ورۇۇداعى دىلگىر بئر جاعىن ەەلەدىك، ۇچۇرداعى جۇعۇشتۇۇ وورۇنۇ جەڭۉۉنۉن ىشەنىچى جانا چەچىمىن تۇرعۇزۇدا زور جاردامى بولدۇ». 

  (ناق مايدان ۉنۉ) «كۅپچۉلۉك بىلەسەلۉۉ ىرەتكە تۇرعۇلا، اقسىز نومۇر الىنات...» 2- ايدىن 26- كۉنۉ تاڭ سااردا، ۉرۉمچۉ شاارى جوعورۇ جاڭى تەحنىكا اچىپ ۅنۉكتۉرۉ رايونۇ (جاڭى شاار رايونۇ) نانۋىي جولۇ تىلىكە رايونۇ ببيۋبي بئرىنچى جولۇ قوومدۇق قونۇشۇنۇن كادىرلارى قاراشتۇۇ رايون ىچىندەگى قايرىمدۇۇلۇق كەرقانالارىن تۇرعۇندارعا اقسىز چاچ جاساپ، دەنەسى وڭتويسۇز بولعون ۇلعايعان قارتاڭدارعا ەشىك الدىنا بارۇۇ تەيلۅۅسۉن قامدووعو ۇيۇمدادى. قوومدۇق قونۇش پارتئيا باش ياچەيكا شۇجئسى داي حوڭيان مىنداي دەدى: «بئز قاراشتۇۇ رايون ئماراتىنىن بۅلۉك ەشىگىنىن سىرتىنا ەل تۇرمۇشۇ تىمىسىز بايلانىشى لئنىياسى نومۇرۇن چاپتاپ، جوعورۇ جاڭى تەحنىكالىق اچىپ ۅنۉكتۉرۉۉ ريونۇ جاڭى شاار رايونۇ رايوندۇق كومىتەتتەن بئزدىن قوومدۇق قونۇشقا چەيىنكى 24 ساات تىنىمىسز بايلانىشقا بەلگى سالىپ، تۇرعۇنداردىن تەلەفون چالىپ بئز مەنەن بايلانىشۇۇسۇنا وڭتويلۇۇلۇق جاراتتىق. دوقتۇرقاناعا بارۇۇعا اجاتتۇۇ تۇرعۇندار ۉچۉن، بئز اتايىن اۋتوۇناا، اتايىن كىشىنى بىرگە بارۇۇعا ورۇنداشتىردىق». 

  جۇعۇشتۇۇ وورۇنۇن الدىن الىپ تىزگىندۅۅ قىزماتىن قۇلاچ جايدىرعاندان بەرى، ۉرۉمچۉ شاارى سايباع رايونۇ 1- اۋعۇست تىلگە رايونۇن باشقارۇۇ كومىتەتى تۇرعۇندارعا كۉندۅلۉك تەيلۅۅ جۉرگۉزۉۉ قىزماتىن مىقتۇۇ ىشتۅۅ مەنەن بىرگە پىسحىكالىق جاقتان جەتەكتۅۅ چاقان بۅلۉمچۅ اتىرەتىن قۇرۇپ، 4 جۇعۇشتۇۇ وورۇ بويۇنچا پىسحىكالىق جەتەكتۅۅ الىپ بارۇۇ تىنىمسىز لئنىياسىن اچتى، پىسحىكالىق جاقتان جەتەكتۅۅ الىپ بارۇۇ چاقان اتىرەتى رايونعو قاراشتۇۇ جوعورۇ وقۇۇ جاي پىسحىكالىق جاقتان جەتەكتۅۅ مۇعالىمى جانا دوقتۇرقانانىن پىسحىك دوقتۇرلارى سىياقتۇۇ 6 كىشىدەن قۇرالعان بولۇپ، تەلەفون، ۋئدىيو، شىبىر سۅزدۅ پىكىر الماشتىرۇۇ سىياقتۇۇ ىڭعايلار ارقىلۇۇ قاراشتۇۇ رايوندوعۇ 16 مئكىرو رايونداعى تۇرعۇندارعا پىسحولوگىيالىق جاقتان جەتەكتۅۅ الىپ باردى. قوومدۇق قونۇش تۇرعۇنۇ گوفئيشۅ مىنداي دەدى: «ۉيدۉن قارىزىن قايتارۇۇ ماعا باسىم بولۇپ، جاقىنقى مەزگىلىندە باشىم قاتىپ، كەچتە ۇقتاي الباعامىن، بۇل ىشكە قاراتا ماملەكەتىبىز داعى كەە بئر ساياساتتاردى بىزگە جەتكىردى، ۉي قارىزىن مىندان ابالدا كەچىكتىرىپ تۅلۅسۅ بولوتۇرعان بولدۇ، مۇنۇن مەنەن پىسحولوگىيالىق باسىمىم كۅپ ەلە جەڭىلدەدى، مەنچە ماملەكەتتىن ساياساتى اياباي جاقشى تۇرسا جەڭە الباي تۇرعان قىيىنچىلىق جوق». 

 (ناق مايدان ۉنۉ) «ەجە سىز كەچە ماعا جۅنۅتۉپ بەرگەن ماتىرىيال جانا تەكىستتى سىزگە جۅنۅتۉپ قويدۇم، -ىراقمات، قوومدۇق قونۇشتاقىلار بئزدى ويلوپ تۇرات....» 3- ايدىن 1- كۉنۉ تۉشتۅن مۇردا ساات 11 جارىمدا ۉرۉمچۉ شاارى تئيانشان رايونۇ جىيەفاڭ تۉشتۉك جولۇ تىلكە رايونۇ يوڭحى تار كۅچۅسۉ قوومدۇق قونۇش كادىرى ۉيدۅكۉ تۇرعۇندارعا كىتەپ جەتكىردى بەردى. ۇدا بئر قانچا كۉندۅن بەرى تۇرعۇنداردىن اجاتىنا تەڭتايلاش تۇرۇۇ ۉچۉن، قوومدۇق قونۇش قىزماتكەرلەرى قاراشتۇۇ رايوندوعۇ كىتەپقانا مەنەن بايلانىش جاساپ، تۇرعۇندار كىتەپ زاكاس قىلۇۇسۇنا جاردامداشتى، وشوندوي ەلە ۉيۉنۅ جەتكىرىپ بەردى، ۇچۇردا قوومدۇق قونۇشتاقىلار تۇرعۇندارعا جاردامداشىپ جالپى 215 كىتەپ ساتىپ الىپ بەرگەن، قوومدۇق قونۇش پارتئيا باش ياچايكا شۇجئسى گاۋ چئڭجۉ مىنداي دەدى: «يوڭحى تار كۅچۅسۉ قوومدۇق قونۇشۇبۇز قاراشتۇۇ رايوندوعۇ تۇرعۇنداردىن مادانئي تۇرمۇشۇن مولۇقتۇرۇپ، بالداردىن ىنتەرنەتتە ساباق وقۇۇسۇنا جاردام بەرىپ، الاردى داعى دا جاقشى ۉيرۅنۉۉ شارتىنا ەە قىلدىق. اندان كىيىن قاراشتۇۇ رايوندوعۇ كىتەپقانا مەنەن بايلانىش جاساپ، كۅپچۉلۉكتۉۉ كەە بئر تاربئيالوو كىتەپ ماتىرىيالدار مەنەن قامدادىق، ارتىنان بئزدىن ىقتىيارچىلاربىز كىتەپ، ماتىرىيالداردى ۉيگۅ چەيىن جەتكىرىپ بەردى». 

〖2020.03.03-11:29〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز