گوۋۇيۇاندىن جاڭىچا تاجىسىمال ۋئرۇس ۅپكۅ سەزگەنچى جۇعۇشتۇۇ وورۇسۇنا تەڭتايلاش تۇرۇپ بىرگەلەشىپ الدىن الىپ بىرگەلەشىپ تىزگىندۅۅ  مەحانىزىمى قىزماتىن جەتەكتۅۅ گۇرۇپپاسى اپتونوم رايونعو پىكىر قايتاردى

2020-03-01 11:46

 گوۋۇيۇاندىن جاڭىچا تاجىسىمال ۋئرۇس ۅپكۅ سەزگەنچى جۇعۇشتۇۇ وورۇسۇنا تەڭتايلاش تۇرۇپ بىرگەلەشىپ الدىن الىپ بىرگەلەشىپ تىزگىندۅۅ مەحانىزىمى قىزماتىن جەتەكتۅۅ گۇرۇپپاسى اپتونوم رايونعو پىكىر قايتاردى

2- ايدىن 28- كۉنۉ، گوۋۇيۇاندىن جاڭىچا تاجىسىمال ۋئرۇس ۅپكۅ سەزگەنچى جۇعۇشتۇۇ وورۇسۇنا تەڭتايلاش تۇرۇپ بىرگەلەشىپ الدىن الىپ بىرگەلەشىپ تىزگىندۅۅ مەحانىزىمى قىزماتىن جەتەكتۅۅ گۇرۇپپاسى اپتونوم رايونۇبۇزعا پىكىر قايتاردى. جەتەكتۅۅ گۇرۇپپاسىنىن باشچىسى ۋاڭ شۅتاۋ جىيىنعا قاتىشتى ارى جەتەكچى پىكىرىن قايتاردى، اپتونوم رايوندۇق پارتكومدۇن ورۇنباسار شۇجئسى، اپتونوم رايوندۇق جاڭىچا تاجىسىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىنا جەتەكچىلىك قىلۇۇ گۇرۇپپاسىنىن ورۇنباسار باشچىسى لئى پىڭشئن جىيىندى باشقاردى جانا سۅز سۉيلۅدۉ. 

ۋاڭ شۅتاۋ شئنجاڭدىن جۇعۇشتۇۇ وورۇنۇن الدىن الىپ تىزگىندۅۅ قىزماتىن تولۇق تۇراقتاندىردى. ال مىنداي دەدى: جاڭىچا تاجىسىمال ۋئرۇس ۅپكۅ سەزگەنچى جۇعۇشتۇۇ وورۇسۇ كۅرۉلگۅندۅن بەرى، اپتونوم رايوندۇق پارتكوم باش شۇجئى شئى جئنپىڭدىن زارىل سۅزۉ، جول جوبوسۇنۇن رۇحۇ جانا پارتئيا بوربوردۇق كومىتەتىنىن ساياسات بەلگىلۅۅ ورۇنداشتىرۇۇلارىن چەچكىن ىزچىلدەشتىرىپ، شئنجاڭدىن ئش جۉزۉندۉگۉنۅ بىرىكتىرىپ بەرەكەتتۉۉ جۇعۇشتۇۇ وورۇنۇن الدىن الىپ تىزگىندۅۅ چارالارىن قولدونۇپ، بئڭتۇان مەنەن جەرلىك، كەرقانا مەنەن جەرلىك بئر تۇلقۇ بولۇپ، پارتئيا، ۅكۉمۅت، ارمئيا، ساقچى، ەل، اسكەرلەرى شايكەشىپ بىرگەلىكتە قىيمىلعا كەلىپ، بىرگەلەشىپ الدىن الىپ بىرگەلەشىپ تىزگىندەپ، قالق بىرگە الدىن الىپ، قالق چوعۇۇ جۅنگۅ سالىپ، مىقتى تەڭتايلاش تۇرۇۇ قۇرباتى، ۇيۇمداشتىرىپ قوزعوتۇۇ قۇرباتى، ىزچىلدەشتىرىپ اتقارۇۇ قۇرباتى مەنەن، تۉردۉۉ ئش چارالاردى ىچكەلەي چىنىعى جۉزۅلۅشتۉرۉپ، شئنجاڭدىن جۇعۇشتۇۇ وورۇ ابالى العاچقى قادامدا توسۇلدۇ، جۇعۇشتۇۇ وورۇنۇن الدىن الىپ تىزگىندۅۅ قىزماتىنداعى باسقىچ مۉنۅزدۉۉ جەتىشكەندىك كۅرۉنۉكتۉۉ بولدۇ.

ۋاڭ شۅتاۋ كىيىنكى قادامداعى شئنجاڭدىن جۇعۇشتۇۇ وورۇنۇن الدىن الىپ تىزگىندۅۅ قىزماتىنا قاراتا سۇنۇش بەردى. ال مىنداي دەدى: سۅزسۉز سەرگەكتىكتى ساقتاپ، قىلچالىق دا بوشوشتۇرباي، ارى جۇمۇش، ۅندۉرۉشتۉ قالىبىنا كەلتىرۉۉنۉن تارتىپتۉۉ جۉرۉشۉن قامتاماسىزداندىرىپ، ەكونومىكا قووم ۅنۉگۉۉسۉن بئر كەلكى جوسپورلوپ، ارى جۇعۇشتۇۇ وورۇ ابالىنىن قايرا قوزعولۇۇسۇنان ساقتانۇۇ كەرەك. قاراماعىنداعى جەر باشقارۇۇ پئرىنسىبى بويۇنچا، قاتىشتۇۇ تارماقتاردىن نەگىزگى تۇلقۇ جووپكەرچىلىگىن چىڭالتىپ، گوۋۇيۇاندىن قاتىشتۇۇ الدىن الىپ تىزگىندۅۅ دولبوورۇ جە تەحنىكالىق كۅرسۅتكۉچۉن جاقشى جۉزۅلۅشتۉرۉۉ كەرەك. شئنجاڭعا كەلگەن، شئنجاڭعا قايتقانداردى ىرگەپ تەكشەرۉۉ جانا سالاماتتىعىن كۉزۅتۉۉنۉ ۇلاندۇۇ جاقشى ىشتەپ، كۉندۅلۉك كۉزۅتۉپ ۅلچۅۅنۉ كۉچۅتۉپ، الدىن تەكشەرىپ وورۇ مۉنۅزدۅۅگۅ بۅلۉشتۉرۉۉ، ەتى ىسىتقاندارعا وورۇ مۉنۅزدۅۅ جانا تۇنعۇچ مۉنۅزدۅتكۅندۅرگۅ دوقتۇر جووپتۇ بولۇۇ تۉزۉمۉن كۉچۅتۉپ، تۉردۉۉ الدىن الىپ تىزگىندۅۅ چارالارىن ىچكەلەشتىرىپ جانا چىڭالتىپ، ەرتە بايقوو، ەرتە دوكلات قىلۇۇ، ەرتە ايرۇۇ، ەرتە دارىلوونۇ ىشكە اشىرۇۇ كەرەك.

   لئى پىڭشئن مىنداي دەدى: جەتەكتۅۅ گۇرۇپپاسىنىن شئنجاڭ جانا بئڭتۇاندىن جۇعۇشتۇۇ وورۇنۇن الدىن الىپ تىزگىندۅۅ قىزماتىن قولدوعونۇ جانا كۅڭۉل بۅلۉپ جاردام بەرگەنىنە ىراقمات ايتابىز. بئز جەتەكتۅۅ گۇرۇپپاسى قايتارعان پىكىرلەر بويۇنچا تۉزۅتۉپ جۉزۅلۅشتۉرۉۉنۉ استەيىدىل بەكەم قارماپ، ساياسى تۇرعۇنۇ جوعورۇلاتىپ، چەچكىن تۉردۅ ئدىيا جانا اراكەتىبىزدى پارتئيا بوربوردۇق كومىتەتى، گوۋۇيۇاندىن جۇعۇشتۇۇ وورۇنۇن الدىن الىپ تىزگىندۅۅ جۅنۉندۅگۉ ساياسات بەلگىلۅۅ ورۇنداشتىرۇۇلارىنا بىردىككە كەلتىرىپ، بەلدى بەكەم بايلاپ، سىزىل كۉرۅش قىلابىز. قىرداال جانا مىلدەتتى ئلىمىي ىيگەرىپ، بوشوشۇۇ، ەندۅۅلۉك قىلۇۇ ىدىياسىن، بوشوشۇپ كۉرۅشۉۉدۅن تاجوو پىسىحىكاسىن چەچكىن جەڭىپ، تولۇق جەڭىشكە جەتمەيىنچە مۉلدۅ چەگىنبەيبىز. جۇعۇشتۇۇ وورۇنۇن الدىن الىپ تىزگىندۅۅ قىزماتىندا قىلچالىق بوشوشپوي جاقشى قارماپ، رايونعو، داراجاعا ايرىپ تۅپ الدىن الىپ تىزگىندەپ، تۉردۉۉ ئش چارالاردى چىنىعى ارى ىچكەلەي جۉزۅلۅشتۉرۉپ، سىرتتان كىرۉۉنۉن الدىن الىپ، ىچتە كەڭەيىپ كەتۉۉنۉن الدىن الابىز. كەرقانالاردىن جۇمۇش، ۅندۉرۉشتۉ قالىبىنا كەلتىرۉۉسۉن بايسالدۇۇ تۉردۅ تارتىپتۉۉ تۉرتمۅكتۅپ، الدىن الىپ تىزگىندۅۅ كۅرسۅتكۉچتۅرۉن قاتاڭ جۉزۅلۅشتۉرۉپ، جۇمۇشچۇلاردى شئنجاڭعا قايتىپ كەلۉۉگۅ تارتىپتۉۉ ۇيۇمداشتىرىپ، ساياسات جاعىنان سۉيۅمۅلدۅۅنۉ كۉچۅتۉپ، قىيىنچىلىقتاردى ماالىندا چەچىپ، جۇعۇشتۇۇ وورۇنۇن تااسئرىن تىرىشىپ ەڭ تۅمۅن چەككە تۉشۉرۅبۉز. كەمباعالدىقتان ارىلتۇۇ چابۇۇلۇ قىزماتىن بار كۉچۉبۉز مەنەن جاقشى ىشتەپ، نئشان مىلدەتتەردى بەلگىلەنگەن مۅۅنۅت ىچىندە چەچكىن اتقارابىز. دىيقانچىلىقتىن ۇباقتىن ۅتكۅرۉپ جىبەربەي، جازعى ەگىنچىلىككە دايىندىق كۅرۉۉ قىزماتتارىن استەيىدىل جاقشى ىشتەيبىز. ەل تۇرمۇشۇن چىنىعى قامتاماسىزداندىرىپ جانا جاقشىرتىپ، تۇرمۇشتۇق زارىل بۇيۇمدار مەنەن قامدوو، قىيىنچىلىقتۇۇ قالققا جاردام بەرىپ قۇتقارۇۇ، قالقتىن نەگىزگى دارىلانۇۇسۇ سىياقتۇۇ قىزماتتاردى تەرەڭدەي جىلىشتاتابىز. دارىلوو قىزماتكەرلەرىنە كۅڭۉل بۅلۉپ قامقوردۇق قىلۇۇ ساياسات چارالارىن استەيىدىل جۉزۅلۅشتۉرۉپ، دارىلوو قىزماتكەرلەرىنىن ۇقۇق- تالامىن قامتاماسىزداندىرابىز. ورگان، كەسپتىك ورۇندارداعى كادىرلاردىن شئنجاڭعا قايتۇۇسۇن تارتىپتۉۉ ۇيۇمداشتىرابىز. جۇعۇشتۇۇ وورۇنۇن الدىن الىپ تىزگىندۅۅ مەزگىلىندەگى مەكتەپتەر قىزماتىن جاقشى ىشتەپ، ىنتەرنەتتە وقۇتۇۇنۇ ئلىمىي تارتىپتۉۉ ورۇنداشتىرابىز. ۉگۉت تاربىيا جەتەكتۅۅسۉن تەرەڭدەي جاقشى ىشتەپ، ىشەنىچتى كۉچۅتۉپ، ەل كۅڭۉلۉن جىلىتپ، قالقتىن كۅڭۉلۉن داعى دا جاقشى ۇيۇتابىز. پارتئيانىن جۇعۇشتۇۇ وورۇنۇن الدىن الىپ تىزگىندۅۅ مەنەن ەكونومىكا، قوومدۇ ۅنۉكتۉرۉۉ قىزماتىن بئر كەلكى جوسپورلوپ جىلىشتاتۇۇسۇنا بولعون جەتەكچىلىگىن كۉچۅتۉپ، پارتئيا تۇۇسۇن جۇعۇشتۇۇ وورۇنۇن الدىن الىپ تىزگىندۅۅ كۉرۅشۉنۉن بئرىنچى چەبىندە بىيىك جەلبىرەتەبىز. 

 اپتونوم رايوندۇق پارتكومدۇن تۇرۇقتۇۇ مۉچۅسۉ، ۉگۉت بۅلۉمدۉن باشچىسى تئيان ۋىن قاتارلۇۇ اپتونوم رايون جەتەكچىلەرى، گوۋۇيۇان 30- قىزمات جەتەكتۅۅ گۇرۇپپاسىنىن ادىستەرى، مۉچۅلۅرۉ جىيىنعا قاتىشتى. 

〖2020.03.01-11:46〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز