اپتونوم رايونۇبۇزداقى 22 دارى ۅندۉرۉۉ كەرقاناسى جۇمۇشتۇ، ۅندۉرۉشتۉ قالبىنا كەلتىردى

2020-02-22 11:15

   اپتونوم رايونۇبۇز كۅپ تۉردۉۉ چارانى بىردىكتە قولدونۇپ، دارى ۅندۉرۉۉ كەرقانالارىنىن ۅندۉرۉشتۉ تارتىپتۉۉ قالبىنا كەلتىرۉۉسۉنۅ جاردام بەردى. ازىرعا چەيىن، بۉت اپتونوم رايوندوقۇ 22 دارى ۅندۉرۉۉ كەرقاناسى جۇمۇشتۇ، ۅندۉرۉشتۉ قالبىنا كەلتىردى. ىستانسىيابىز قابارچىسى ياڭ جۇ، گاۋ مىڭحۇي، رىن چئچاۋنۇن قابارى نازارىڭىزاردا: 

  شئنجاڭ حۇاشىدان دارىگەرلىك چەكتۉۉ شەرىكتىگى قاتۇۇ تۇرپاتتاقى دارى جاسوو سەحىنىن سىرتقى ورومول رايونۇندا، جۇمۇشچۇلار دارىلاردى اليۇمئن باشتىققا سالۇۇ قىزماتىن ىرەتتۉۉ الىپ بارۇۇدا. قىزماتچىسى ياۋ جئڭ مىنداي دەدى: «سااردا ار كۉنۉ كەلىپ، الدى مەنەن دىزەنفەكسىيالاپ، قىزمات كىيمىن الماشتىرىپ كىيگەندەن كىيىن انان سەحكە كىرەبىز، سەحتىن ناق مايدانىن تازالاپ دىزەنفەكسىيالاپ، بۉگۉنكۉ قىزماتتى باشتايبىز».  

  شەرىكتىك 2-ايدىن 13- كۉنۉ جۇمۇشتۇ، ۅندۉرۉشتۉ قالبىنا كەلتىرگەندەن بەرى، جۇعۇشتۇۇ وورۇنۇن الدىن الىپ تىزگىندۅۅنۉ جاقشى ىشتۅۅ مەنەن بىرگە، 30دان اشۇۇن قىزماتچىنى ۉستۅك قوشۇپ ىشتەپ، دارىلوو مۉنۅزدۉۉ دارىدان سارىمساق ەلەمەنتتۉۉ كاپسۇلدۇ ۅندۉرۉپ چىعىپ، اركۉنۉ 500مئڭ تالدىق بازار قامدووسۇن كەپىلدىككە الدى. شئنجاڭ حۇاشىدان دارى كەسىبى چەكتۉۉ شەرىكتىگى ۅندۉرۉش شئسىنىن جووپتۇۇسۇ ما شئيۇچئن مىنداي دەدى: «شەرىكتىك ۅز الدىنچا ۅز بىلگى بئلىم مۉلك ۇقۇعۇ قوزعوتقون ۋئرۇسقا قارشى تۇرۇۇ تۉشۉمۉ سارىمساق ەلەمەنتۉۉ كاپسۇلۇ ۅندۉرۉلۅ باشتاپ، ساپاتى جانا سانىنا كەپەلەتتىك قىلعان تۉردۅ اجاتمانداردىن قولۇنا ماالىندا جەتكىرۉۉدۅ». 

   ماملەكەتتىك دارى- دارمەك توبۇ شئنجاڭ دارى جاسوو چەكتۉۉ شەرىكتىگى ۅندۉرگۅن حوشئياڭ جىڭچئى كومۇلاچى «جاڭىچا تااجى سىمال ۋئرۇسۇ ۅپكۅ سەزگەنچىنە وورۇ مۉنۅزدۅپ دارىلوو دولبوورۇنۇن (4-سىناق نۇسقاسى) دايار جۇڭگو دارىسى وورۇ مۉنۅزدۅپ دارىلوو دولبوورۇنۇن تاانىشتىرۇۇ تىزمەسىنە كىرگەندەن كىيىن، شەرىكتىك ۅندۉرۉش ارىمىن ىشتىكتۉۉ تەسكەپ، 2-ايدىن 21-كۉنۉ بئرىنچى تۉركۉمدۅكۉ دايار دارىلار قامپاعا كىرگىزىلە باشتايت، 3-ايدىن 3-كۉنۉنۅ بارعاندا 4-تۉركۉمدۅكۉ ۅندۉرۉشتۉ بۉتۉرۉپ، جالپى 40مئڭ بۅتۅلكۅ ايلاناسىندا بولوت. ماملەكەتتىك دارى- دارمەك توبۇ شئنجاڭ دارى جاسوو چەكتۉۉ شەرىكتىگىنىن ورۇن باسار باش دىرەكتورۇ يۇان پئننا مىنداي دەدى: «بۉتۉن كۉچۉبۉز مەنەن توۋار دايارداپ، جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنا قارشى سوققۇ ۇرۇۇنۇ ساپاتتۇۇ، ىشەنچىلىكتۉۉ الدىن الىپ تىزگىندۅۅ دارىلارى مەنەن قامداپ، الدىن الىپ تىزگىندۅۅ دارىلارىبىز حوشئياڭ جىڭچئى كومۇلاچى، ۋئتامىن C قاتارلۇۇ تۉرۉندۅكۉلۅردۉ ەڭ تەز تەزدىك مەنەن نووقاستاردىن قولۇنا جەتكىرۉۉگۅ چىنىعى كەپىلدىك قىلابىز». 

 اپتونوم رايوندۇق دارى كۅزۅمۅلدۅۅ مەكەمەسىنىن دارىلاردى باالاپ-تەكشەرۉۉ بوربورۇنۇن مۇدۇرۇ لئى يئڭ مىنداي دەدى: «كەەبىر كەرقانالاردىن دارىلوو شايماندارىن ۅندۉرۉۉگۅ ىلايىق كەلگەن تازا زاۋوت ۉيلۅرۉن، ۅندۉرۉش مايداندارىن تاندووعو جاردام بەرىپ، ناق مايدانعا بارىپ جەتەكتەدىك. كەرقانالاردىن دارىلوو شايماندارىن قاتتاتۇۇ، ۅندۉرۉش ۇرۇقساتىن الۇۇ، بئرىنچى تۉردۅكۉ تۉشۉمدۅردۉ ەستەلىككە الۇۇنۇ بۉتۉرۉۉنۉ ساياسات جەتەكتۅۅسۉ مەنەن قامداپ، كەرقانالاردىن سۇنۇش ماتەرىيال ۇباقتىن قىسقارتتىق. كەرقانالار جۇعۇشتۇۇ وورۇ ابالى اجات بولعون زاتتىق ماتەرىيالدار قامدووسۇن قانااتتاندىردى، بئز داعى بۉتۉن كۉچۉبۉز مەنەن قولدودۇق، وشونۇ مەنەن بىرگە، كۅزۅمۅلدۅپ باشقارۇۇ قىزمات جووپتۇۇلۇعۇبۇزدۇ جاقشى اتقارىپ، ۅلچۅمدۉ قاتااڭداشتىرىپ، الاردىن ۅندۉرۉش اراكەتىن قالىپقا تۉشۉرۉپ، قىزمات جووپتۇۇلۇعۇن جاقشى اتقارىپ، قووپسۇزدۇققا سۅزسۉز جاقشى كەپەلەتتىك قىلابىز». 

〖2020.02.22-11:15〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز