اپتونوم رايونۇبۇزدۇن جەر- جەرلەرى جۇعۇشتۇۇ وورۇنۇن الدىن الىپ تىزگىندۅۅ دارىلوو قىزماتكەرلەرىنە كۅڭۉل بۅلۉپ الاردى قورعودۇ

2020-02-22 10:59

اپتونوم رايونۇبۇزدۇن جەر- جەرلەرى، ار قايسى تارماقتارى كۅپ تۉردۉۉ چارالاردى تەڭ قولدونۇپ جۇعۇشتۇۇ وورۇنۇن الدىن الىپ تىزگىندۅۅ دارىلوو قىزماتكەرلەرىنە كۅڭۉل بۅلۉپ الاردى قورعودۇ. 

 جاقىندا، باش شۇجئى شئى جئنپىڭ جۇعۇشتۇۇ وورۇنۇن الدىن الىپ تىزگىندۅۅ قىزماتىنا قاتىشقان دارىلوو قىزماتكەرلەرىنە كۅڭۉل بۅلۉۉ جانا الاردى قورعوو جۅنۉندۅ اتايىن زارىل جول- جوبو بەرگەن. اپتونوم رايونۇبۇزدۇن جەر- جەرلەرى، ار قايسى تارماقتارى باش شۇجئى شئى جئنپىڭدىن زارىل جول- جوبوسۇنۇن رۇحۇن قۇنت قويۇپ ىزچىلدەشتىرىپ جانا جۉزۅلۅشتۉرۉپ، كۅپ تۉردۉۉ چارالاردى تەڭ قولدونۇپ، جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىندەگى دارىلوو قىزماتكەرلەرىنە چىن ىقلاسىنان كۅڭۉل قويۇپ قامقوردۇق جەتكىرىپ، الار ۉچۉن بەكەم ىشەنچىلىكتۉۉ ارتقى تۉركۉك سالىپ بەردى. ەمى بۇل جۅنۉندۅگۉ ۇنىۋەرسال قابارى نازارىڭىزداردا: 

اپتونوم رايوندۇق سالاماتتىقتى ساقتوو دەن سوولۇق كومىتەتى دارىلوو اكىمچىلىگى دارىلوونۇ باشقارۇۇ باشقارماسىنىن ورۇنباسار باشچىسى ياڭ حايفىڭ، اپتونوم رايونۇبۇز كۅپ تۉردۉۉ چارالاردى قولدونۇپ، شئنجاڭدىن حۇبىيگە جاردام بەرۉۉچۉ دارىلوو اتىرەتىنىن مۉچۅلۅرۉنۉن پىسىحىكالىق جانا دەنەلەىك سالاماتتىعىنا چىنىعى كۅڭۉل بۅلۉپ قورعوعونۇن تاانىشتىرىپ مىنداي دەدى: «دارىلوو قىزماتكەرلەرىنىن قىزمات جانا ەس الۇۇ ۇباقىتىن ىلايىق ورۇنداشتىردىق، چۇقۇل تەڭتايلاش تۇرۇۇ بويۇنچا بۅلۉمچۅ زاپاس اتىرەتىنەن ەكىنى قۇرۇپ، قىزماتتى ىلايىق ورۇنداشدىرىپ، كەزەكتەشىپ قىزماتقا چىعىپ، دارىلوو قىزماتكەرلەرىنىن جەتەرلۉۉ ەس الۇۇ ۇباقتى بولۇۇسۇنا چىنىعى كەپىلدىك قىلدىق. وشونۇ مەنەن قاتار، الدى- ارتى بولۇپ ەكى پىسىحىكالىق كىيلىگىشۉۉ ادئستەر گۇرۇپپاسىن ۇيۇمداشتىرىپ جىبەرىپ، الاردىن باسىم سەزىنۉۉ ماانايىن باساڭداتتىق. دارىلوو قىزماتكەرلەرى مامىلەسى جاعىندا، ار قايسى جەرلەر تىكەلەي قاتىشقان دارىلوو قىزماتكەرلەرىنە ۇباقتىلۇۇ تولۇقتاما جاردام بەردىك. وشونۇ مەنەن قاتار تىكەلەي قاتىشقان دارىلوو قىزماتكەرلەرىنىن ۅزدۅرۉ جانا ۉي- بۉلۅ مۉچۅلۅرۉنۅ قامسىزداندىرۇۇ ساتىپ الىپ بەردىك».

شئنجاڭدان 2-تۉركۉمدۅ حۇبىيگە جاردامعا بارعان دارىلوو اترەتىنىن جەتەكتۅۅچۉسۉ، اپتونوم رايوندۇق ۇيعۇرچا ەمچىلىك دوقتۇرقاناسى پارتكومۇنۇن شۇجئسى چىن حۇي مىنداي دەدى: «بۇل جەردە قورعونۇۇ زاتتىق ماتەرىيالدارى جاعىنان كەپىلدىك بار، دارىلوو قىزماتكەرلەرىنىن جۇعۇمدانىپ قالباستىعىنا تولۇق كەپىلدىك قىلات. مئسالى كۅپچۉلۉككۅ بئر بۅلۉك تۇرمۇشۇندا، جۇمۇشقا چىققاندا كەرەكتۉۉ جالاياق، قول اسىروو سۇيۇقتۇعۇ مەنەن قامدادىق، ۋۇحاندا كۉن بئر از سۇۇق، كەەبىر جىلىتۇۇچۇ نەرسەلەر، مئسالى ەلەكتىرلىك ادىيەل دەگەندەي، بۇلاردىن باردىعى كۅپچۉلۉككۅ قامداپ بەرىلدى. كۅپچۉلۉكتۉن قولدووسۇندا، بئز بۇل بئر مايدان جۇعۇشتۇۇ وورۇنۇ توسۇپ سوقۇۇ ۇرۇۇ كۉرۅشۉندۅ سۅزسۉز جەڭىشكە جەتەرىبىزگە ىشەنەم».

ىلە وبلاسىنىن جەر- جەرلەرى جۇعۇشتۇۇ وورۇنۇن الدىن الىپ تىزگىندۅۅنۉن الدىنقى چەبىندەگى قىزماتكەرلەرگە جۇڭگوچو دارىگەرلىك دارىلارىن اقىسىز قايناتىپ، تاراتىپ بەرىپ، الاردىن ئمونت كۉچۉن جوعورۇ كۅتۅرۉۉسۉنۅ جاردام بەردى. 2- ايدىن 17- كۉنۉ كەچتەن باشتاپ، ىلە وبلاستىق جۇڭگوچو ەمچىلىك دوقتۇرقاناسى جالپى 1460 پارچا 2920 قالتا جۇڭگوچو ەمچىلىك دارىسىن قايناتىپ دايارداپ، باردىعىن ار قايسى دوقتۇرقانالاردىن دارىلوو قزماتكەرلەرىنە ، قوومدۇق قونۇش كادىرلارى جانا ەل ساقچىلار جەتكىرىپ بەردى. دوقتۇقانانىن باشچىسى ان جۉن مىنداي دەدى: «ۇچۇردا، دوقتۇرقانابىز وبلاستىبىزداعى بەكىتىلگەن دوقتۇرقانالارداعى باردىق دارىلوو قىزماتكەرلەرىن 6800 پارچادان اشۇۇن بۇل رەتىسىپ بويۇنچا جازىلعان دارى مەنەن قامدادىق. كىيىنكى قادامدا جۇڭگوچو دارىگەرلىك دارىلارى زات قاينارىن ىشتىكتۉۉ ۇيۇمداشتىرىپ، دارى تالقانىن بەلەندەپ بەرىپ جانا بۇل دارى چۅپتۅردۉ قايناتىپ دايارداپ، بئرىنچى چەپتەگى دارىلوو قىزماتكەرلەرىن جانا بئزدىن بئرىنچى چەپتەگى قوومدۇق قونۇش قىزماتكەرلەرى وشوندوي ەلە بئرىنچى چەپتەگى ساقچىلاردىن بئز دايارداعان الدىن الۇۇ دارىلارىن ئچىپ الدىن الۇۇ مۉمكۉندۉگۉنۅ ەە قىلابىز».

باي وودانى كاييئى كىيىم- كەچەك چەكتۉۉ شەرىكتىگى 300 قۇر دارىلوودو ىشتەتىلچۉۉ قورعونۇۇ كىيىمىن باي وودانىنداعى جۇعۇشتۇۇ وورۇنۇن الدىن الىپ تىزگىندۅۅنۉن بئرىنچى چەبىندەگى قالىڭ دارىلوو قىزماتكەرلەرىىنە سەلبىك قىلدى. كەرقانانىن جووپتۇسۇ مىڭ فانمئي مىنداي دەيت: «باي وودانىنىن ۅزۉندۅگۉ چاقان، مايدا كەرقانا قاتارى، ۇشۇل بئر قانچا جىلدا باي ووداندىق پارتكوم ۅكۉمۅتتۉن قامقوردۇعۇندا، كەرقانابىزدىن تئجاراتى جاقشى جۉرۉشتۉ، جۇعۇشتۇۇ وورۇ الدىندا، بئز كەسپتىك دارىلوو قىزماتكەرلەرىندەي الدىنقى چەپكە بارىپ كۉرۅش قىلا الباساق دا، بئروق كىيىم- كەچەك كەرقاناسى قاتارى، مۉمكۉندۉگۉبۉزدۉن بارىنچا كەەبىر قورعونۇۇ بۇيۇمدارى مەنەن قامداپ الاردىن قووپسۇزدۇعۇنا كەپىلدىك قىلساق دەدىك. كۅپچۉلۉكتۉن ورتوق چىمىرقانۇۇسۇندا، بۇل بئر مايدان جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉندۅ سۅزسۉز جەڭىشكە جەتەرىبىزگە ىشەنەم». 

〖2020.02.22-10:59〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز