قوومدۇق قونۇشتۇن جاقشى «قورعووچۇسۇ» بولۇپ، قايراتتان قورعون سالىپ جۇعۇشتۇۇ وورۇ مەنەن كۉرۅشۉۉ

2020-02-21 12:40

  جۇعۇشتۇۇ وورۇ الدىندا، اپتونوم رايونۇبۇزدۇن جەر- جەرلەرىندەكى قوومدۇق قونۇش ىقتىيارچىلارى دىلگىر ۉن قاتىپ، قوومدۇق قونۇش كادىرلارى مەنەن بىردىكتە، قوومدۇق قونۇشتۇن جۇعۇشتۇۇ وورۇنۇن الدىن الىپ تىزگىندۅۅ قىزماتىنا قاتىشىپ، قايراتتان قورعون سالىپ جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۉن جەڭىشىن قولعو كەلتىرۉۉدۅ. بۇل جۅنۉندۅ ىستانسىيابىزدىن ۇنىۋەرسال قابارى:

  (ناق مايدان ۉنۉ): ەجە، مەن ازىر بارىپ ساتىپ الايىن، بولجول مەنەن جارىم سااتتا بارىپ قالام...

 2- ايدىن 17- كۉنۉ، اسكەرلىكتەن چەگىنگەن، ۉرۉمچۉ شاارى سايباق رايونۇ ساڭفاڭگۋۇ تىلكە رايونۇن باشقارۇۇ كومىتەتى ساڭشىڭ قوومدۇق قونۇشۇنۇن ىقتىيارچىسى شۉ گوپئڭ قوومدۇق قونۇش تۇرعۇنۇ داۋلەت قاپاندىن تەلەفونۇن قابىلدادى، چوڭ ەنەنىن بۉگۉنكۉ اجاتىن بئلىپ، انىن قان باسىم تۉشۉرۉۉ دارىسى تۉگۅيۉن دەپ قالعانىن بىلگەندەن كىيىن، شۉ گوپئڭ داروو دارىقانا مەنەن بايلانىشىپ ساتىپ الۇۇعا باردى. شۉ گوپئڭ 许国平مىنداي دەدى: «بئز تۇرعۇنداردى مۉمكۉندۉكتۉن بارىنچا سىرتقا از چىعارىپ، جۇقتۇرۇپ الۇۇسۇنۇن الدىن الىپ، پارتئيا جانا كۉمۅتتۉن قامقوردۇعۇن كۅرسۅتۉپ، الارعا بئزدىن قوومدۇق قونۇش كادىرلار مەنەن ىقتىيارچىلاردىن قايرىمدۇۇلۇعۇن سەزىندىرىپ جاتابىز».

  ۇچۇردا ساڭشىڭ قوومدۇق قونۇشۇندا شۉ گوپئڭگە وقشوش 14 ىقتىيارچى جۇعۇشتۇۇ وورۇعا قارشى سوققۇ ۇۇرۇ قوشۇۇنۇنا قوشۇلعان. ساڭشىڭ قوومدۇق قونۇشتۇن پارتئيا باش ياچايكا شۇجئسى ۋاڭ چۇانشئن مىنداي دەدى: «قوومدۇق قونۇشتۇن كۉچۉ قانتكەن مەنەن چەكتۉۉ، ار قايسى پارتئيالۇۇ تۇرعۇندار، اسكەرىلتەن چەگىنگەن پارتئيالۇۇلار بۇل مايدان جۇعۇشتۇۇ وورۇعا قاراتىلعان ەلدىك توسۇپ سوققۇ ۇرۇۇ كۅرۉشۉندۅ اۋانگارتتىق ۉلگۉلۉۉ رولۇن كۅرسۅتۉپ، قاراشتۇۇ رايوندوقۇ كۅپتۅگۅن كىشىلەردىن قوومدۇق قونۇشتۇن تۉردۉ قىزماتتارىنا شايكەشۉۉگۅ تۉرتمۅكتۅدۉ».

  جىڭ وودانى جىڭ شاارچاسى دوڭجىياۋ قوومدۇق قونۇشۇندا، 14 كىشىدەن ۇيۇمداشقان پارتئيالۇۇ ىقتىيارچىلار تەيلۅۅ اتىرەتى باشتان اقىرى جۇعۇشتۇۇ وورۇنۇن الدىن الىپ تىزگىندۅۅ جانا قالققا تەيلۅۅ كۅرسۅتۉۉ ۉچۉن قاربالاس بولۇشۇۇدا. ىقتىيارچىلار قوومدۇق قونۇش كادىرلارىنا شايكەشىپ قوومدۇق قونۇشتا مىلدەت اتقارۇۇ، دىزەنفەكسىيالوو الىپ بارۇۇدان سىرت، داعى قوومدۇق قونۇش تۇرعۇندارىنا جاردامداشىپ جاشىلچا، مۅمۅ سىياقتۇۇ تۇرمۇشتۇق بۇيۇمدارىن ساتىپ الىپ بەرىشەت. بورتالا مۇڭعۇل اپتونوم وبلاسى ەكولوگىيالىق چۅيرۅ مەكەمەسىنىن جىڭ ووداندىق بۅلۉمچۅ مەكەمەسىنىن كادىرى جاڭ سىن 张森 مىنداي دەدى: «قوومدۇق قونۇش ىقتىيارچىلار تەيلۅۅ قىيمىلىنا قاتىشقاندان كىيىن، بئز ار كۉنۉ سااردا ساات 10دون باشتان قوومدۇق قونۇش تۇرعۇندارىنا تۇرمۇشتۇق كەرەكتۉۉ بويۇمداردى جەتكىرىپ بەرەبىز، ار كۉنۉ از دەگەندە 60، 70 جولۇ جەتكىرەبىز. بئر پارتئيا مۉچۅسۉ جانا ماملەكەتتىن ۅكۉمۅت كادىرى قاتارى، بۇل بئزدىن قىلۇۇعا تىيىشتۉۉ ئشىبىز. مەنىمچە مەن كۅبۉرۅۅك كۉچ چىعارسام، تۇرعۇنداردىن جۇقتۇرۇۇ قووبۇ دا ازايات».

  (ناق مايدان ۉنۉ)- ۋۇ رۇي: سالاماتىسىزبى، چوڭ ەنە، بۉگۉن مەن سئزدىن دەنە تەمپىراتۇراڭىزدى تىزىمگە العانى كەلدىم/// ۋاڭ يۉشئياڭ: كىرگىلە، بۉگۉن مەن ۅلچۅسۅم 36 سەلتسىي گرادۇس ەكەن. —ۋۇ رۇي: جاقشى ەكەن چوڭ ەنە، بۇل سىزگە العان جاشىلچابىز/// ۋاڭ يۉشئياڭ: ىراقمات

  ار كۉنۉ تۉشتۅن مۇردا، قومۇل شاارى ەۋىرعۇل رايونۇ لئى-يۇان كۅچۅ باشقارماسى باتىش العا جولۇ قوومدۇق قونۇشتۇن ىقتىيارچىسى، جوعورۇ وقۇۇ جاي وقۇۇچۇسۇ ۋۇ رۇي ۉي قىدىرىپ تۇرعۇنداردىن دەنە تەمپەراتۇراسىن تىزىمگە الات. تۇرعۇن ۋاڭ يۉشئياڭدىن ۉيۉندۅ، ۋۇ رۇي چوڭ ەنەنىن دەنە تەمپەراتۇراسىن ۅلچۅپ تىزىمگە الىپ، جاشىلچاسىن بەردى، داعى جۇعۇشتۇۇ وورۇنۇن الدىن الۇۇ بئلىمىن ۉگۉت قىلدى. ۋاڭ يۉشئياڭ مىنداي دەدى: «بۇل ىقتىيارچىلاردىن بارى جاشتار، ار كۉنۉ جاشىلچاڭىز باربى؟ دەنە تەمپەراتۇراڭىز قانچا چىقتى؟- دەپ سۇراپ تۇرۇشات، الار جاشىلچانى جەتكىرىپ بەرىشەت، بۇل جاش بالدار ابدان قىزۇۇ مامىلە جاسايت ەكەن».

  فۇكاڭ شارى فۇشئن كۅچۅ باشقارماسى ۋىنحۇا جولۇ قوومدۇق قونۇشۇ ۋىنحۇا مىكرو رايونۇندا، بئر مايدان ۅزگۅچۅ ادابئيات كۅركۅم ۅنۅر ويۇنۇ الىپ بارىلىپ جاتتى. فۇكاڭدىق ىرچى، قوومدۇق قونۇشتۇن ىقتىيارچىسى لئى جئياڭلئڭ قورونۇن ىچىندە تۇرۇپ «ۉيۉم فۇكاڭدا»، «جۇڭگونۇ انسايىن قووز قىلۇۇ» سىياقتۇۇ ىرلاردى ىردادى، قوومدۇق قونۇشتۇن تۇرعۇندارى تەرەزەدەن باشىن چىعارىپ ويۇندۇ كۅرۉشۉپ، قولۇنداعى كىچى تۇۇنۇ جەلبىرەتىشتى. لئى جئياڭلئڭ مىنداي دەدى: «باردىق تۇرعۇندار تەرەزەسىن اچىپ بئز مەنەن بىردەي اراكەتكە كەلىشتى، بۇل تۉردۉۉ جاقىندىقتى جانا جىلۇۇلۇقتۇ سەزىنىشتى، مىنداي ىقتىيارى قىيمىلداردان چەكسىز ووراقتاندىم جانا سىيمىقتاندىم».

  ۋىنحۇا جولۇ قوومدۇق قونۇشۇ پارتئيا باش ياچايكاسىنىن شۇجئسى لئى شئيەن مىنداي دەدى: «بئزدىن قوومدۇق قونۇش جانا ىقتىيارچىلار بئر نەەتتە ىنتىماقتاشىپ، قايراتتان قورعون سالسا، بۇل مايدان جۇعۇشتۇۇ وورۇنۇ توسۇپ سوققۇ ۇرۇۇ كۉرۅشۉن سۅزسۉز جەڭەرىبىزگە ىشەنەمىن».

〖2020.02.21-12:40〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز