شئنجاڭ سۉت تۉشۉمدۅرۉ كەرقانالارى دىلگىرلىك مەنەن جۇعۇشتۇۇ وورۇنۇن الدىن الىپ، قامدوونۇ قامتاماسىزداندىردى

2020-02-14 12:47

  اپتونوم رايونۇبۇزدۇن جەر- جەرلەرىندەگى سۉت تۉشۉمدۅرۉن ۅندۉرۉۉ كەرقانالارى جۇعۇشتۇۇ وورۇنۇن الدىن الۇۇ تالابىن قاتااڭ اتقارۇۇ مەنەن بىرگە، ۅندۉرۉش قۇرباتىن قالبىنا كەلتىرۉۉنۉ باچىمداتىپ، اپتونوم رايونۇبۇزدۇن سۉت تۉشۉمدۅرۉنۉن قامدووسۇ جەتەرلۉۉ بولۇۇ، بااسى تۇرۇقتۇۇ بولۇۇسۇنا كەپەلەتتىك قىلدى. ىستانسىيابىزدىن ۇنۋەرىسال قابارى:  

  2- ايدىن 13- كۉنۉ، قابارچى ۉرۉمچۉ ەكونومىكا تەحنىكالىق اچىپ ۅنۉكتۉرۉۉ رايونۇ (توۋتۉنحى رايونۇ) نا جايعاشقان شئنجاڭ مىڭنئيۇ سۉتچۉلۉك چەكتۉۉ شەرىكتىگى قالىپتۇۇ تەمپىراتۇرا ۅندۉرۉش سەحىنە كىرگەندە، قاپ- قاپ سۉتتۅردۉن ۅندۉرۉش لئنىياسىندا بۅتۅلكۅلۅرگۅ قۇيۇلۇپ، ورومولونۇپ بۉتۉرۉلۉپ ۅندۉرۉشتۅن چىققانىن. جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇ ابالى كۅرۉلگۅندۅن بەرى، كەرقانا جۇعۇشتۇۇ وورۇنۇن الدىن الىپ تىزگىندۅۅ تالابىنا نەگىز، چىيكى قوشۇمچا ماتەرىيالداردى زاۋوتقو كىرگىزۉۉ، جابدۇۇلاردى اسىراپ تازالوو، قامپادان چىققان تۉشۉمدۅردۉ قورعوو سىياقتۇۇ جاقتاردان قول سالىپ، زاۋوتتون چىققان ار بئر تۉشۉمدۉن قووپسۇزدۇعۇنا كەپەلەتتىك قىلدى. شئنجاڭ مىڭنئيۇ سۉتچۉلۉك چەكتۉۉ شەرىكتىگىنىن ۅندۉرۉش تئجارات باشقى دىرەكتورۇ شئى جىمئڭ مىنداي دەدى: «اتايىن دىزەنفەكسىيالووچۇ جانا جۇعۇشتۇۇ وورۇنۇن الدىن الىپ تىزگىندۅۅ اتايىن كىشىلەرىن ورۇنداشتىرىپ، ار بئر جۇمۇشچۇ، ار بئر جاتاق، ار بئر ئشقانا رايونۇنا ۇباقىت، تۉيۉن بەلگىلەپ تەكشەرۉۉ جانا دىزەنفەكسىيالوو الىپ باردىق. بااردىق تارماقتار بئزدىن كەرقاناعا ابدان قامقوردۇق قىلدى جانا كۅۅن بۇردۇ، بئز ازىر بااردىق سۉتتۅردۉ باشقا ايماق، وبلاس، ووداندارعا جەتكىرە الابىز. قايراتتان قورعون سالىپ، جوعورۇ- تۅمۅن بئر نەەتتە بولۇپ، جۇعۇشتۇۇ وورۇنۇن الدىن الىپ تىزگىندۅۅنۉ جاقشى ىشتەپ، ۅندۉرۉش تئجاراتىبىزدى قامتاماسىزداندىرىپ، بئزدىن سۉتتۅردۉ مىڭدەگەن ۉيلۅرگۅ، تۉمۅندۅگۅن تۉتۉندۅرگـۅ جەتكىرەبىز». 

  «بئزدىن تۅرتۉنچۉ مەزگىل قالىپتۇۇ تەمپىراتۇۇراداعى سۉت سەحىبىز التى ۅندۉرۉش لئنىياسىن اچتى». شئنجاڭ شئى-يۉچۉن سۉتچۉلۉك چەكتۉۉ جووپتۇلۇق شەرىكتىگى 4- مەزگىل قالىپتۇۇ تەمپىراتۇۇرا سۉت سەحىندە، جۇمۇشچۇلار ار قايسى ۅندۉرۉش لئنىيالارىنداعى سۉتتۅردۉ جاشىككە سالۇۇ مەنەن شاشىلىش ەلە. جۇعۇشتۇۇ وورۇ ابالى مەزگىلىندە، شەرىكتىك مۇرداعى جەمەكتىك قووپسۇزدۇعۇن باشقارۇۇ تۉزۉمۉ نەگىزىندە، ار قايسى القاقتارداعى تەكشەرىپ دىزەنفەكسىيالوونۇ كۉچۅتۉپ، سۉتتۉن مال فەرماسىنان داستورقونعو چەيىنكى قووپسۇزدۇنا كەپەلەتتىك قىلدى، شەرىكتىك ئشقاناسىنىن ورۇنباسار مۇدۇرۇ حى يۉتئڭ مىنداي دەدى: «شەرىكتىك تۉشۉم ۅندۉرۉش قۇرۇلماسىن ماالىندا تەسكەپ، ازىر نەگزىنەن قالىپتۇۇ تەمپىراتۇۇراداعى سۉت ۅندۉرۉشۉن نەگىز قىلدىق. كەرەكتۅۅچۉلۅردۉن سۉتكۅ بولعون اجاتىنا كەپەلەتتىك قىلۇۇ ۉچۉن، شەرىكتىك مىنداي ۇبادا بەرەت: ساپاتقا، بااعا، ۅندۉرۉشكۅ كەپەلەتتىك قىلىپ، سۉت تۉشۉمدۅرۉ قامتاماسىزداندىرۇۇ قىزماتى جانا بۉت ماملەكەت ەلى بىردىكتە جۇعۇشتۇۇ وورۇ ابالىنا قارشى سوققۇ ۇرۇۇنۇ جاقشى ىشتەيبىز». 

  بايىنعولۇن وبلاسى رۉييۇان سۉتچۉلۉك چەكتۉۉ جووپتۇۇلۇق شەرىكتىگى 1- ايدىن 27- كۉنۉ ىراسمئىي تۉردۅ جۇمۇشتۇ قالبىنا كەلتىرىپ، كەرقانا بااردىق كۉچۉ مەنەن سۉت، ايران سىياقتۇۇ تۉشۉمدۅردۉن ۅندۉرۉپ، بازار قامدووسۇن قامتاماسىزداندىردى. شەرىكتىك مۇدىرىيات باشچىسى يۉ رۉي حوڭ مىنداي دەدى: «بئزدىن جۇمۇشچۇلار ئش قوشۇپ ۅندۉرۉش الىپ بارىپ، ۅندۉرگۅن بئرىنچى تۉركۉم تۉشۉمدۅردۉ بئز ۋۇحانعا سەلبىك قىلىپ بەردىك. ازىر بئز داعى ۇلاندۇۇ تۉردۅ ۅندۉرۉپ قالىپتۇۇ بازار قامدووسۇنۇن جەتەرلۉۉ بولۇۇسۇن قامتاماسىزداندىرابىز». 

 بىلۉۉگۅ قاراعاندا، ازىرعا چەيىن، بۉت اپتونوم رايوندۇن سۉت تۉشۉمدۅرۉ كەرقانالارىنىن جۇمۇشتۇ قالبىنا كەلتىرۉۉ سالشتىرماسى 60 پايىزدان اشقان، اپتونوم رايوندۇق مالچىلىق مال دوقتۇرلۇق مەكەمەسى مالچىلىق باشقارماسىنىن باشچىسى سۉن جىياپىڭ مىنداي بئلدىردى: «2- ايدىن 1- كۉنۉنۅن باشتاپ، بۉت اپتونوم رايوندوعۇ مالچىلىق كەسىبى ۅندۉرۉشۉ، زاتتىق ماتەرىيالداردى تاشۇۇ، تۉشۉمدۅردۉ ساتۇۇ، مالچىلىق تۉشۉمدۅرۉنۅ ئش قوشۇۇ، كەرقانانىن جۇمۇشتۇ، ۅندۉرۉشتۉ قالبىنا كەلتىرۉۉسۉ سىياقتۇۇ ابالداردى ار ەكى كۉندۅ بئر ىرەتتەن تەسكەپ، كۅرۉلگۅن جاڭى ابال، جاڭى ماسەلەلەردى ماالىندا ىيگەرىپ تۇردۇق. اپتونوم رايوندۇق سۉتچۉلۉك كەسىبى قوومۇ سىياقتۇۇ قوومدۇق ۇيۇمداردىن رولۇن تولۇق كۅرسۅتۉپ، ابالدى تەكشەرۉۉ، ماالىمات تاراتۇۇنۇ باچىمداتىپ، مالچىلىققا قاتىشتۇۇ كەرقانالار، كۅلۅمدۉۉ باقماچىلىق مايداندارىنىن ۅز ارا چىركەشۉۉ جانا تەحنىكا تەيلۅۅ قىزماتىن تۉيۉندۉۉ جاقشى ىشتەيبىز. جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، قامدوونۇن قالىپتۇۇ، ساپاتتىنىن قووپسۇز، باانىن تۇرۇقتۇۇ بولۇۇسۇنا چىمىرقانا كەپەلەتتىك قىلىپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۉن جەڭىشىن قولعو كەلتىرۉۉگۅ دەمۅۅر بولوبۇز».

〖2020.02.14-12:47〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز