شئنجاڭدا مەدىتسىنادا ىشتەتىلچۉ قورعونۇۇ كىيىمىن ۅندۉرۉش لئنىياسىنان ەكۅۅ جاڭىدان كۅبۅيدۉ

2020-02-14 12:44

  جاقىندا، اپتونوم رايونۇبۇزدا ەكى جاڭىدان كۅبۅيگۅن مەدىتسىنادا ىشتەتىلچۉ قورعونۇۇ كىيىمى ۅندۉرۉش لئنىياسى ۉرۉمچۉ شاارى مەنەن كورلا شاارىندا ارت- ارتىنان ىشتەتۉۉگۅ كىرىشتىرىلدى. ىستانسىيابىز قابارچىسى لئي ۋىي، بايىنعۇلۇن وبلاستىق رادىيو- تەلەۋىزىيا ىستانسىياسىنىن قابارچىسى جاڭ شئنحۇالاردىن قابارى:  

 شئنجاڭ تىفىڭ دارىگەرلىك جارناق چەكتۉۉ شەرىكتىگىنىن باكتەرىياسىز سەحىندە، ماشئنانىن كۉركۉرۅگۅن ۉنۉ مەنەن، ار بئر قۇر اعىش كۅك تۉستۅگۉ مەدتىسنادا ىشتەتىلچۉ قورعونۇۇ كىيىمدەرىنە ئش قوشۇلۇپ چىعا باشتادى. بۇل ۅندۉرۉش لئنىياسى 2- ايدىن 10- كۉنۉ قۇرۇلۇپ ۅندۉرۉشكۅ كىرىشتىرىلگەن، ۅندۉرۉشكۅ جووپتۇ بولعون شئنجاڭ جئحۇا 7555 كەسىپتىك كىيىم- كەچە چەكتۉۉ شەرىكتىگى پارتكومۇنۇن ورۇنباسار شۇجئسى ۋاڭ حۇي مىنداي دەدى: «ازىر بئز كۉنۉنۅ 500 قۇردان ۅندۉرۉپ باشتادىق. 2- ايدىن 22- كۉنۉ بولعوندو، بئز كۉنۉنۅ 1500 قۇردۉ ۅندۉرۉپ بۉتۉرۅبۉز. بۉتۉندۅي ەلە ەكىنچى تۉردۉۉ دارىلوو- كۉتۉۉ تۉشۉمدۅرۉنۉن تالابىنا نەگىز، بۇل جولقۇ ۅندۉرۉشتۉ ۇيۇمداپ، تۉشۉم ساپاتىنا كەپەلەتتىك قىلابىز». 

  بىلۉۉگۅ قاراعاندا، بۇل مەدىتسىنادا ىشتەتىلچۉ قورعونۇۇ كىيىمى ۅندۉرۉش سەحى 2- ايدىن 8- كۉنۉ كەچتە قۇرۇلۇش باشتاپ سالىنىپ، 38 سااتتا سالىنىپ بۉتكۅن. شئنجاڭ تىفىڭ دارىگەرلىگى جارناق چەكتۉۉ شەرىكتىگىنىن باش دىرەكتورۇ ياڭ ۋىنجىيان مىنداي دەدى: «بۇل جولۇ بئز 1028 چارچىمەتىرلىك تازا سەحتى بوشوتتۇق، بۇل سەحتىن ابا تازالىق داراجاسى، چۅيرۅسۉ بۉتۉندۅي ەلە مەدىتسىنادا ىشتەتىلچۉ قورعونۇۇ كىيىمىن ۅندۉرۉۉگۅ ىلايىق كەلەت، ۅندۉرۉش مەزگىلىندە، بۉتكۉل چۅيرۅنۉن دىزەنفەكسىياسىن جالپى بەتكەي جاقشى ىشتەپ، بۇل جولقۇ مىلدەتتى بۉتۉرۉۉگۅ كەپەلەتتىك قىلابىز». 

  2- جۉرۉش مەدىتسىينادا قولدونۇلچۇ قورعونۇۇ كىيىمى ۅندۉرۉش لئنىياسى 2- ايدىن 4- كۉنۉ شئنجاڭ كورلا ياۋ-ۋاڭ ىجىياۋ جارناق چەكتۉۉ شەرىكتىگى تازا ۅندۉرۉش سەحىندە قۇرۇلۇپ باشتادى، 2- ايدىن 12- كۉنۉ سىناق ىرەتىندە ۅندۉرۉش الىپ باردى. ۅندۉرۉشكۅ جووپتۇ بولعون كورلا بئڭجۇان كىيىم تىگۉۉ چەكتۉۉ شەرىكتىگىنىن باش دىرەكتورۇ لئيۇ شىياڭحوڭ مىنداي دەدى: «بئز ۇچۇردا جالپى جۉزدۅن اشۇۇن كىشىنى جۇمۇشقا سالدىق، بئرىنچى كۉنۉ سىناق ىرەتىندەگى ۅندۉرۉشتۅ 300 قۇر كىيىم تىگىلدى، مىندان ارى كۉنۉنۅن مئڭ قۇر ايلاناسىندا تىگەبىز. بئز مەدىتىسىنادا ىشتەتىلچۉ بئر ىرەتكى قورعونۇۇ كىيىمى ۅندۉرۉشۉن بۉت كۉچۉبۉز مەنەن بۉتۉرۉپ، جۇعۇشتۇۇ وورۇعا سوققۇ ۇرۇۇ كۉرۅشۉنۅ بئزدىن كۉچۉبۉزدۉ قوشوبۇز». 

 اپتونوم رايوندۇق دارى- دارمەكتى كۅزۅمۅلدۅپ باشقارۇۇ مەكەمەسىنىن پارتگۇرۇپپا شۇجئسى، مەكەمە باشچىسى جاڭ يۉشئياڭ مىنداي دەدى: «ۅندۉرۉش لئنىياسى ۅندۉرۉشكۅ كىرىشتىرىلگەندەن كىيىن، بۉت شئنجاڭدىن ار قايسى ايماق، وبلاستارىنداعى دوقتۇر- سەسىتىرالار، جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىندەگى قىزماتكەرلەردى قورعونۇۇ بۇيۇمدارى قامتاماسىزداندىرۇۇسۇ مەنەن قامداپ، بئرىنچى چەپتەگى قىزماتكەرلەردىن تولۇمدۇۇ، قاتىرجام بولعون قورعونۇۇ بۇيۇمدارىن كىيىپ ىشتەتۉۉسۉنۅ كەپەلەتتىك قىلابىز». 

〖2020.02.14-12:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز