بئر اتا-بالانىن تااسىردۉۉ اڭگەمەسى

2020-02-13 16:19

23 جاشتاقى چىڭ جىجۉن شئنجاڭ ۅندۉرۉش قۇرۇلۇش بئڭتۇانى 5-شى دوقتۇرقاناسىنىن دارىگەرى، كۅكتۅم مايرامى مەزگىلىندە ال دوقتۇرقانادا سىزىل كەزەكچى بولدۇ، دوقتۇرقانانىن چۇقۇل قۇلاقتاندىرۇۇسۇن تاپشىرىپ العاندان كىيىن، ال ەكى جۉرۉش جۇۇلعان كىيمىن جۅنۅكۅي ەلە جىيناشتىرىپ، شاشقان بويدون قوشۇۇنعا ەەرچىپ ۋۇحانعا اتتاندى. جولعو چىعۇۇنۇن الدىندا، چىڭ جىجۉن سالماقتۇۇلۇق مەنەن پارتئياعا كىرۉۉ سۇنۇشۇن جازات.

چىڭ جىجۉندۉن اتاسى چىڭ فاجوڭ مىنداي دەدى: ۇۇلۇم 2-ايدىن 3-كۉنۉ ۉيگۅ تەلەفون چالىپ، ۋۇحانعا بارۇۇعا قاتتالعانىن، بئزدىن پىكىرىبىزدىن بار جوقتۇعۇن سۇرادى، وشول كەزدە ويلونبوستون « ۉيدۅكۉلۅردۉن بااردىعى سەنى قولدويت»دەدىم.

  مايەكتەشۉۉ اياقتاشىپ بئر مئنوتقو جەتەر-جەتبەس ۇباقىتتا، ۇۇلۇنۇن ەرتەسى جولعو چىعاتۇرعان قابارىن تاپشىرىپ الدى، چىڭ فاجوڭ كۉلۉپ تۇرۇپ: ۇۇلۇم الدى مەنەن قاتتالىپ الىپ انان بئزگە ۇقتۇردۇ، مىنداي ئشتى اتا-ەنەسىنىن قولدوپ قۇباتتايتۇرعانىن بىلەت، مەن دا ۇۇلۇمان چەكسىز سىيمىقتانام،-دەدى.

چىڭ فاجوڭ مىنداي دەدى: مەن دىيقانمىن، جىل بويۇ پاحتا ەگىپ، جىينوو مەنەن كۉن ۅتكۅرگۅنۉم مەنەن بئروق ئشتىن جۅنۉن بىلەمىن، ۇۇلۇم جولعو چىققاندان كىيىن، ايالىم ليۇ جئنفىڭ ەكۅۅبۉز ۉچ تۉن كۅز ىرمەي البادىق، بئروق قاباتىرلانعىداي ەچ نەرسە جوق دەپ ۅزۉبۉزدۉ جۇباتتىق. 

چوڭ ۇۇلۇ چىڭ چۇانجۉن دا دارىلوو قىزماتى مەنەن الپۇرۇشات، ئنىسى اتتانعان بئرىنچى كۉنۉ اتا-ەنەسىنە: قاباتىرلانباعىلا، دوقتۇرلاردىن بااردىعى كەسىپتىك كىشلەر، ماسەلە چىقبايت،-دەدى. 

ۇشۇنداي بولسو دا، بئر ۉي-بۉلۅ كىشلەرى ار كۉنۉ ۋۇحانداقى قابارعا تىگىلە قاراپ، وشول جەردەكى جىياڭحان رايونۇ مەنەن ايلاناسىنداقى قابارلاردى ىزدەيت، چىڭ فاجوڭدۇن چۅنتۅك تەلەفونۇ 24 ساات اچىق تۇرات، كەەدە شىبىر سۅزدۅگۉ چىڭ جىجۉندۉن باش سۉرۅتۉن ارۇباقىت اچىپ كۅرۅت، اندا ۇۇلۇ اتتاناردا الار مەنەن سۉيلۅشكۅن سۅزۉ قانا بار ەلە. 

  چىڭ فاجۉن چۅنتۅك تەلەفون مەنەن شىبىر سۅزدۅ پايدالانۇۇنۇ انچا بىلبۅۅچۉ، ۇۇلۇنان ەچ قانداي ۇچۇر قابىلداي الباعاندا، ال:«ۇۇلۇما ۇچۇر جولدوبودۇم، تەلەفون چالبادىم، الاردا قاتااڭ تارتىپ بار بولۇۇ كەرەك، ۇۇلۇمدۇن نازارىن بۇرسام بولبويت، ۇباقىت چىعارىپ كۅبۉرۅۅك ەس الىپ، مىلدەتتى اتقارۇۇعا بار كۉچۉن ارنووسۇن ۉمۉت قىلا تۇرعاندىعىن، ايتتى. 

چىڭ فاجوڭ تەلەۋىزوردون دوقتۇر، سەستىرالاردىن قورعونۇۇ كىيىم كىيىپ، كۅز اينەك تاقاپ، ماسكە تاعىپ العانىن، دارااتقاناعا چىعامىن دەپ ۇباراچىلىق بولبوو ۉچۉن جالاياق سالىپ العانىن، ەر جەتكەن ۇۇلۇنۇن جالاياق سالىپ الىپ قىزماتتى قانداي ىشتەيتۇرعانىنا اقىلى جەتبەدى، چىڭ فاجوڭ : ۇۇلۇمدۇن سۅزسۉز چىداي الاتۇرعانىنا ىشەنەمىن،-دەدى.

چىڭ فاجوڭ ۅزۉن باسىپ الىپ، ۇۇلۇنا قات جازدى، بۇل انىن تۇنعۇچ جولۇ ۇۇلۇنا ۇشۇندايچا كۅپ سۉيلۅشۉ ەلە. 

  بۇل قاتتى جازۇۇ ۉچۉن چىڭ فاجوڭدۇن قانچا جولۇ ۅزگۅرتكۅنۉن، قانچا ۇچۇرلاردان پايدالانعانىن ۅزۉ دا بىلبەيت. چىڭ فاجوڭ : ۉيدۅكۉلۅردۉن بااردىعى ۇۇلۇما شىق بەرەتۇرعانىن، قاتتا ۅتۅ كۅپ ساعىنچ بىلدىربەستىك تئيىش، قاتتى جازىپ بولعوندون كىيىن ۇرۇق-تۇۇعاندارعا كۅرسۅتۉپ، جازعاندارىمدىن ىلايىقتۇۇ بولعون بولبوعونۇن ۇعۇشتۇم، باشتالعىچ داراجالۇۇ مادانئيات دەڭگەەلىندەكى مەن ۉچۉن بۇل وڭوي ەمەس،-دەدى.

ال مىنداي دەپ جازدى: مەكتەپ بۉتۉرگۅنۉنۅ بئر جىل قانا بولعون ۇۇلۇمدۇ داعى ەلە بالا دەپ ويلووچۇمۇن، بۇل جولقۇ ۇۇلۇمدۇن ەر جەتكەنىن، جووپكەرچىلىكتى ارقالايتۇرعانىن بايقادىم. 

چىڭ فاجوڭ قاتىندا مىنداي بئر ووز سۅز قوشتۇ: اتا-ەنەڭ جانا چوڭ ەنەڭ سەنىن جەڭىش مەنەن قايتىپ كەلۉۉڭدۉ كۉتۅت، ۉيدۅكۉلۅردۉن بئرۅۅ دا قالباي سۉرۅتكۅ چوعۇۇ تۉشۉپ، چوعۇلۇۇ تاماعىن بىرگە جەيبىز، مەن ەڭ جاقشى اراقتى ساقتاپ قويدۇم، وشول كەزدە ەكۅۅبۉز بئر نەچە رۇمكا ىچەبىز. 

چىڭ فاجوڭ 680 قاتتۇۇ سالام قاتتى جازىپ بولعوندون كىيىن اقىرىندا ۇۇلۇنا جولدوبودۇ، انى ۇۇلۇنۇن قىزمات وردۇنا تاپشىرىپ بەرىپ: ۇۇلۇم قايتىپ كەلگەندەن كىيىن كۅرسۅتۉڭۉزدۅر،-دەدى.

ئش جۉزۉندۅ بالاسى اتاسىنىن جازعان قاتىن كۅرگۅن ەلە. چىڭ جىجۉن دا اتاسىنا وقشوش ئچ مۉنۅز، ال اتاسىنىن ۅزۉنۅ قات جازعانىنا تاڭ قالدى.

چىڭ جىجۉن ازىر ۋۇحان فاڭساڭ دوقتۇرقاناسىندا، ەەلۅۅگۅ قاراعاندا، 2-ايدىن 4-كۉنۉ، ساات 22دە، ۋۇحان شاارى 11 مايدان سارايدى « فاڭساڭ دوقتۇرقاناسى» قىلىپ ۅزگۅرتۉپ قۇرعان. 2-ايدىن 3-كۉنۉ كەچتە، 3 « فاڭساڭ دوقتۇرقاناسى» ۋۇحاندا قۇرۇلا باشتادى، 2-ايدىن 4-كۉنۉ تاڭ سااردا نەچە جۉزدۅگۅن ۇباقتىلۇۇ وورۇ كەرەبەتى قويۇلدۇ.

چىڭ جىجۉن تۇرعان ەمدۅۅ اتىرەتى 2-ايدىن 5-كۉنۉ تاڭ سااردا جەتىپ كەلدى، انىن نەگىزكى قىزماتى دارى باشقارۇۇ، دارى بۅلۉپ تاراتۇۇعا جووپتۇۇ ەلە. انىتكەنى ار كۉنۉ ون نەچە سااتتىق قىزماتى بۉتكۅندۅن كىيىن، قىلداتتۇۇلۇق مەنەن دىزەنفەكسىيالوو الىپ بارىپ، بارعان جەرىنە باشىن قويعوندو ەلە ۇيقۇعا كەتۉۉچۉ، چۅنتۅك تەلەفون قاراي تۇرعان مۅرت كۅپ ەمەس.

  چىڭ جىجۉن اتاسىنا جووپ قايتارباعانىن ايىتتى. كىچىگىنەن باشتاپ ەلە اتاسى مەنەن بولعون قارىم-قاتتووسۇ ۅتۅ از ەلە، بۇل جولۇ اتامدىن قاتىندا ۇشۇنچا كۅپ سۅز جازعانىن كۅرۉپ اياباي تااسىرلەندىم. 

  ۉيۉندۅ اكەسى بولعوندۇقتان چىڭ جىجۉن قامسىز بولۇۇچۇ، ۅزۉنۉن ويلوعونۇنداي، اكەم دا كەسىپتەشتىك تۇرعۇسۇنان ۉيۉمدۅكۉلۅردۉ جۇباتا الات، كەسىپتىك كىشلەردىن قىزمات مەزگىلىندە ەمنەگە كۅڭۉل بۅلۅتۇرعانىن بىلەت، ۅزۉنۉن قووپسۇزدۇعۇنا كەپىلدىك قىلاتۇرعانىنا ىشەنەت دەپ ويلودۇ. 

چىڭ جىجۉن: اتام مەنەن بىرگە اراق ىچىپ كۅربۅگۅنۉن، ۇشۇل جولۇ قايىتقاندان كىيىن، «سۇنۇش بويۇنچا» اتاسى مەنەن اراق ىچۉۉنۉ چەچىم قىلعاندىعىن، ايتتى.

 


〖2020.02.13-16:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز