كۅپچۉلۉك بئر نەەتتە جۇعۇشتۇۇ وورۇنۇ توسۇپ سوققۇ ۇرۇپ، بئر ماقساتتا شايكەشىپ قىيىنچىلىقتى ورتوق جەڭۉۉدۅ

2020-02-13 17:10

  2- ايدىن 10- كۉنۉ، باش شۇجئى شئى جئنپىڭ بەيجىندە جاڭىچا تااجى سىمال ۋئرۇس ۅپكۅ سەزگەنىچىنىن الدىن الىپ تىزگىندۅۅ قىزماتىن تەكشەرىپ ىزىلدەپ جەتەكتەپ، بئرىنچى چەپتەگى كادىر جۇمۇشچۇلاردان ال سۇراپ، جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىن جاقشى ىشتۅۅ بويۇنچا زارىل سۅز سۉيلۅدۉ. اپتونون رايونۇبۇزداعى ار ۇلۇت كادىر، قالق: ئدىيا مەنەن اراكەتتى باش شۇجئى شئى جئنپىڭدىن زارىل سۅز رۇحۇنا بىردىككە كەلتىرىپ، پارتئيا بوربوردۇق كومىتەتتىن جۇعۇشتۇۇ وورۇنۇن الدىن الىپ تىزگىندۅۅ جۅنۉندۅكۉ تۉردۉۉ ساياسات بەلگىلۅۅ ورۇنداشتىرۇۇلارىن چەچكىن ىزچىلدەشتىرىپ، جۇعۇشتۇۇ وورۇنۇن الدىن الىپ تىزگىندۅۅدۅكۉ ەل كۉرۅشۉ، جالپى تۇلقۇ كۉرۅشۉ، توسۇپ سوققۇ بەرۉۉ كۉرۅشۉن بار كۉچۉ مەنەن جاقشى الىپ بارارىن بئلدىرشتى. بۇل جۅنۉندۅ ىستانسىيابىزدىن ۇنىۋەرسال قابارى:

  باش شۇجئى شئى جئنپىڭ تەكشەرىپ ىزىلدۅۅدۅ مىنا بۇلاردى باسا كۅرسۅتكۅن، ماملەكەت بويۇنچا قوومدۇق قونۇشتار جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ رولۇن تولۇق كۅرسۅتۉپ، الدىن الىپ تىزگىندۅۅ كۉچۉن قوومدۇق قونۇشتارعا تۉشۉرۉپ، قوومدۇق قونۇشتاردىن تۉردۉۉ الدىن الىپ تىزگىندۅۅ چاارالارىن جۉزۅلۅشتۉرۉۉسۉن كۉچۅتۉپ، باردىق قوومدۇق قونۇشتاردى جۇعۇشتۇۇ وورۇنۇن الدىن الىپ تىزگىندۅۅدۅكۉ كۉچتۉۉ قورعونعو ايلاندىرۇۇ كەرەك. ۉرۉمچۉ شاارى تىيانشان رايونۇ سايماچاڭ تىلكە رايونۇن باشقارۇۇ كومىتەتى يۉيۇان جولۇ قوومدۇق قونۇشۇ پارتئيا ياچايكاسىنىن شۇجئسى لئى جىنحۇا مىنداي دەدى: «بئز باش شۇجئنىن چىن ىقىلاستۇۇ كەڭەشىن ەستە بەكەم ساقتاپ، كوممۇنىستەردىن جووپكەرچىلىگى مەنەن ىيىق مىلدەتىن ەستە ساقتاپ، قوومدۇق قونۇشتاعى پارتئيا مۉچۅلۅرۉ، قاراشتۇۇ رايوندوقۇ پارتئيا مۉچۅلۅرۉن كەڭىرى اتتانىشقا كەلتىرىپ پارتئيا مۉچۅلۅرۉ الدىن الىپ تىزگىندۅۅ اتىرەتى، پارتئيا مۉچۅلۅرۉ ۉگۉت اتىرەتى، پارتئيا مۉچۅلۅرۉ تەيلۅۅ اتىرەتىن قۇردۇق. تۅپ انىقتاپ، بئر دا تۉتۉن قالتىربوو، بئر كىشى قالتىربوونۇ چىنىعى جاقشى ىشتەپ، جۇعۇشتۇۇ وورۇنۇن الدىن الىپ تىزگىندۅۅنۉن ەلدىك قورعونۇۇ چەبىن قۇرۇپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ كۉرۅشۉنۉن جەڭىشىن چەچكىن قولعو كەلتىرەبىز».

  ونسۇۇ وودانى ونسۇۇ شاارچاسى مئنشىڭ قوومدۇق قونۇشۇ پارتئيا ياچايكاسىنىن ورۇن باسار شۇجئسى، تۇرعۇندار كومىتەتىنىن مۇدۇرۇ ايگۉل ابلا مىنداي دەدى: «24 ساات كەزەكچىلىكتى قاتاڭ جۉزۅلۅشتۉرۉپ، كىشىلەر جانا ماشئنا اعىمىن قاتاڭ تىزگىندەپ، ارى دىزەنفەكسىيالوو دەنە تەمپەراتۇراسىن ۅلچۅۅ سىياقتۇۇ قىزماتتاردى جاقشى ىشتەپ جاتابىز. كادىر-قالقتى جۇعۇشتۇۇ وورۇنۇن الدىن الىپ تىزگىندۅۅ كۉرۅشۉنۅ قاتىشۇۇعا قوزعوتۇپ، بىردىكتە قالىڭ قالقتىن ۅمۉر قووپسۇزدۇعۇ مەنەن دەنە سالاماتتىعىن قورعويبۇز».

  باش شۇجئى شئى جئنپىڭ مىنا بۇلاردى كۅرسۅتكۅن، ازىر جۇعۇشتۇۇ وورۇنۇن الدىن الىپ تىزگىندۅۅ تىركەشۉۉ ابالىندا تۇرات، قالىڭ دارىلوو قىزماتكەرلەرى سۅزسۉز اقىرىنا چەيىن بەكەم تۇرۇشۇ كەرەك. بۇعا قاراتا، تەكەس وودانى جئياڭنئڭ ەل دوقتۇرقاناسى جۇعۇشتۇۇ وورۇ بۅلۉمۉنۉن سەستىراسى مئحىرنىسا تۇرسۇن مىنداي دەدى: «ۅز قىزماتىبىزدى جاقشى ىشتەيبىز، بۇل جۇعۇشتۇۇ وورۇ بئزدىن چىمىرقانۇۇبۇزدا سۅزسۉز تەز ارادا ۅتۉپ كەتەرىنە ىشەنەمىن».

  اپتونوم رايوندۇق جۇعۇشتۇۇ وورۇلار دوقتۇرقاناسى بولسو جاڭىچا تااجى سىمال ۋئرۇس ۅپكۅ سەزگەنىچىنە چالدىققان نووقاستاردى مۉنۅزدۅپ بەكىتۉۉچۉ اپتونوم رايون داراجالۇۇ تۉيۉندۉۉ دوقتۇرقانا. بئر قانچا كۉندۅن بەرى، دوقتۇرقاناداعى 150دۅن اشۇۇن دوقتۇر سەستىرالار قۇتقارىپ دارىلوونۇن 1-چەبىندە بەكەم تۇرۇپ كۉرۅشۉپ، بار كۉچۉ مەنەن نووقاستاردى قۇتقاردى. دوقتۇرقانانىن پارتكوم مۉچۅسۉ، ورۇن باسار دوقتۇرقانا باشچىسى سوڭ يۉشيا مىنداي دەدى: «بئز سۅزسۉز باش شۇجئى شئى جئپىڭدىن جول-جوبو رۇحۇن ناقتىلۇۇ جۉزۅلۅشتۉرۉپ، بئزدىن دارىلوو دولبوورۇبۇزدۇ تىنباي جاقشىرتىپ، قابىلداپ دارىلوو جانا ايىقتىرۇۇ سالىشتىرماسىن كۅتۅرۉپ، جۇعۇمدالۇۇ سالىشتىرماسى جانا ۅلۉۉ سالىشتىرماسىن تۅمۅندۅتۅبۉز. بئز جۇڭگوچو ەمچىلىك جانا باتىشچا مەدىتسىنانى بىرىكتىرۉۉ، كۅپ ئلىمدى بىرلەشتىرۉۉنۉ قولدونۇپ نووقاستاردى دارىلاپ، نووقاستاردى ەرتە ايىقتىرىپ دوقتۇرقانادان چىعارىشىبىز كەرەك».

  اپتونوم رايوندۇق جۇعۇشتۇۇ وورۇنۇن الدىن الىپ تىزگىندۅۅ بوربورۇنۇن ورۇن باسار مۇدۇرۇ جاڭ لئڭ مىنداي دەدى: «باش شۇجئى شئى جئنپىڭ، بۇل مايدان جۇعۇشتۇۇ وورۇ ماملەكەتتەگى ار داراجالۇۇ جۇعۇشتۇۇ وورۇنۇن الدىن الىپ تىزگىندۅۅ بوربورلورۇنۇن تەڭتايلاش تۇرۇپ بئر جاڭسىل قىلۇۇ قۇرباتىنا بولعون بئر جولقۇ چوڭ سىنوو،-دەپ كۅرسۅتتۉ. ۇچۇرداعى جۇعۇشتۇۇ وورۇنۇن وورلۇعۇ مەنەن تاتاالدىعىن انىق تاانىپ بئلىپ، جۇعۇشتۇۇ وورۇنۇن الدىن الىپ تىزگىندۅۅدۅ جۇعۇشتۇۇ وورۇ ابالىن كۉزۅتۉۉ، جۇعۇشتۇۇ وورۇ ابالىن باالوو، ناق مايداندى تەكشەرۉۉ، تاجىرىيباقانانى تەكشەرۉۉ، سالاماتتىق تاربئياسى جانا وپۇرتالدى باالوو سىياقتۇۇ قىزماتتاردى جاقشى جۉزۅلۅشتۉرۉۉ كەرەك. ەڭ چوڭ چىمىرقانۇۇ جانا بەكىمىبىز ارقىلۇۇ، بۇل مايدان جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۉن جەڭىشىن چەچكىن تۉردۅ قولعو كەلتىرىشىبىز كەرەك».

  باش شۇجئى شئى جئنپىڭ، جۇعۇشتۇۇ وورۇ كۅرۅلگۅن سايىن، ەل تۇرمۇشۇن قامتاماسىزداندىرۇۇ جانا جاقشىلوو قىزماتىنا انسايىن كۅڭۉل بۅلۉپ جاقشى ىشتۅۅنۉ كۅرسۅتكۅن. ۉرۉمچۉ سۇۇ كەسىبى توبۇ جاڭى شاار رايوندۇق سۇۇ مەنەن قامدوو شەرىكتىگى بەلدۉۉ كادىرلاردى چىعارىپ 24 ساات بۇيرۇق كۉتۉپ، چۇقۇل كۅرۉلۉۉچۉ سەل قىرسىعىنىن كۅرۉلۉۉسۉنۅ تەڭتايلاش تۇرات. ۉرۉمچۉ سۇۇ كەسىبى توبۇ جاڭى شاار رايوندۇق سۇۇ مەنەن قامدوو شەرىكتىگى كەسىپ بۅلۉمۉنۉن تەحنىگى ياڭ جىشئن مىنداي دەدى: «بئز ەل تۇرمۇشۇنا تەيلۅۅ كۅرسۅتۉپ قامتاماسىزداندىرۇۇچۇ ورۇن قاتارى، ايرىم ادامداردى چىعارىپ، تاماعىن جانا جاتاعىن قىزمات ورۇندا ورۇنداشتىرىپ، 24 ساات بۇيرۇق كۉتتۉرۉۉدۅبۉز، بئز ار قايسى جاقتاعى دايىندىقتاردىن باارىن تولۇق جاقشى ىشتەدىك، تۉردۉۉ چۇقۇل كۅرۉلۉۉچۉ وقۇيالارعا تەڭتايلاش تۇرابىز. بئر عانا پئرىنسىپ بار، ال بولسو قاراپايىم ەلدى، كەرقانا كەسىپتىك ورۇنداردى قالىپتۇۇ ىشتەتۉۉچۉ سۇۇ جانا ىچەر سۇۇ مەنەن قامتاماسىزداندىرۇۇ».

  جۇڭگو نەفىتى تابىيعىي گاز ساتۇۇ شئنجاڭ شەرىكتىگى سانجى بۅلۉمچۅ شەرىكتىگى ماناس بەكەتىنىن نەگىزگى باشقارۇۇچۇسۇ يە يوڭ مىنداي دەدى: «باش شۇجئى شئى جئنپىڭ: سۇۇ، ەلەكتىر، گاز، جىلۇۇلۇق سىياقتۇۇ شااردىن جاشوو لئنىياسىن اسىروونۇ كۉچۅتۉپ، شااردىن قالىپتۇۇ ايلانىمىن قامتاماسىزداندىرۇۇنۇ ايتقان. بئز تابىيعىي گاز مەنەن قامدووچۇ ورۇن قاتارى، ماناس وودانىنداعى 30 مىڭدەن اشۇۇن تۉتۉن تۇرعۇندار مەنەن ۅنۅرجاي ماشئنادا ىشتەتۉۉچۉ تابىيعىي گاز مەنەن قامدووعو جووپتۇۇبۇز، جووپكەرچىلىگىبىزدى تولۇق اتقارىپ، تابىيعىي گاز مەنەن تۇرۇقتۇۇ قامدووعو كەپىلدىك قىلىپ، بازار اجاتىن قانااتتاندىرابىز».

  شئنجاڭ شۉنفىڭ تەز جەتكىرۉۉ چەكتۉۉ شەرىكتىگى جالپىلىق ىشتەر بۅلۉمۉنۉن دىرەكتورۇ جاڭ ياڭ مىنداي دەدى: «جۇعۇشتۇۇ وورۇعا قارشى تۇرۇۇ مەگىلىندە، بئزدىن باردىق تور تۉيۉندۅر قالىپتۇۇ تئجارات قىلىپ، مۉمكۉنچۉلۉكتۉن بارىنچا شاار تۇرعۇندارىنىن جولدونمو جۅتۅتۉۉ اجاتىن قانااتتاندىرۇۇدا، جۇعۇشتۇۇ وورۇنۇن الدىن الىپ تىزگىندۅۅ دارىلوو زاتتىق ماتەرىيالدارىنىن تاشىمالدانۇۇسۇن بار كۉچ مەنەن قامتاماسىزداندىرىپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۉن جەڭىشىن چەچكىن تۉردۅ قولعو كەلتىرەبىز».

〖2020.02.13-17:10〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز