شئنجاڭدىن العاچقى تۉركۉمدۅكۉ حۇبەيگە جاردام بەرۉۉچۉ دارىلوو اتىرەتى جۅنۅپ كەتتى

2020-01-29 10:43

 

 1- ايدىن 28- كۉنۉ شئنجاڭدىن العاچقى تۉركۉمدۅكۉ حۇبەيگە جاردام بەرۉۉچۉ دارىلوو اتىرەتى جۅنۅپ كەتتى

 شۅحرەت زاكىر، لئى پىڭشئن قاتارلۇۇلار ۇچاق جايعا بارىپ ۇزاتتى.

 بۇل جۅنۉندۅ ىستانسىيابىز قابارچىسى دئڭ شئياۋداندىن قابارى.

  1- ايدىن 28- كۉنۉ، شئنجاڭدىن العاچقى تۉركۉمدۅكۉ حۇبەي ۅلكۅسۉ ۋۇحان شاارىنىن جاڭى تىپتەكى تاجىسىمال ۋىرۇستان جۇعۇمدانعان ۅپكۅ سەزگەنىچى جۇعۇشتۇۇ وورۇسۇنۇن الدىن الىپ تىزگىندۅۅسۉنۅ جاردام بەرۉۉچۉ دارىلوو اتىرەتىنىن 142 مۉچۅسۉ، جۇعۇشتۇۇ وورۇنۇن الدىن الىپ تىزگىندۅۅ قىزماتىنا قاتىشۇۇ ۉچۉن، ۉرۉمچۉ دئۋوپۇ ەل ارالىق ۇچاق جايىنان ۋۇحانعا جۅنۅپ كەتتى. اپتونوم رايوندۇق پارتكومدۇن ورۇن باسار شۇجئسى، اپتونوم رايوندۇن تۅراعاسى، اپتونوم رايوندۇن جاڭى تىپتەكى تاجىسىمال ۋىرۇستان جۇعۇمدالعان ۅپكۅ سەزگەنىچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىنا جەتەكچىلىك قىلۇۇ گۇرۇپپاسىنىن ورۇن باسار باشچىسى شۅحرەت زاكىر ۇچاق جايعا بارىپ ۇزاتىپ، اپتونوم رايوندۇق پارتكوم جانا ۅكۉمۅت، بۉت شئنجاڭداعى ار ۇلۇت ەلى اتىنان دارىلوو اتىرەتىندەگى مۉچۅلۅرگۅ ۇلۇۇ ۇرماتىن جانا چىن جۉرۅكتۅن ىراازىچىلىعىن بئلدىرىپ، كۅپچۉلۉكتۉن ىشتەرى ىيگىلىكتۉۉ بولۇپ، جولدورۇ شىدىر بولۇۇسۇن تىلەدى.

  اپتونوم رايوندۇق پارتكومدۇن ورۇن باسار شۇجئسى، اپتونوم رايوندۇن جاڭى تىپتەكى تاجىسىمال ۋىرۇستان جۇعۇمدالعان ۅپكۅ سەزگەنىچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىنا جەتەكچىلىك قىلۇۇ گۇرۇپپاسىنىن ورۇن باسار باشچىسى لئى پىڭشئن ۇزاتۇۇ ازەمىن باشقاردى.

  شۅحرەت زاكىر شئنجاڭدان حۇبەيگە جاردام بەرۉۉچۉ دارىلوو اتىرەتىنىن باشقى جەتەكچىسىنە تۇۇنۇ تاپشىردى. ال مىنداي دەدى: ۅمۉر تايشان تووسۇنان قادىرلۇۇ، جۇعۇشتۇۇ وورۇ ابالى بۇل بۇيرۇق. شئنجاڭداعى قالىڭ دارىلوو قىزماتكەرلەرى چاقىرىققا ىشتىكتۉۉ ۉن قاتىپ، ايداقسىز تىزىمدەلىپ، الدىنقى چەپكە ەردىك مەنەن اتتانىپ وتۇرات، جووپكەرچىلىك ابدان وور، ىيىق مىلدەت ارداقتۇۇ. كۅپچۉلۉكتۉن باش شۇجئى شئى جئنپىڭدىن زارىل سۅزۉ جانا زارىل جول- جوبوسۇ رۇحۇن ەستە بەكەم ساقتاپ، ۅزۉنۉن ەڭ چوڭ چىمىرقانۇۇسۇن كۅرسۅتۉپ، ئلمىي الدىن الىپ تىزگىندەپ، ئلمىي قۇتقارىپ دارىلاپ، وشونۇ مەنەن بىرگە ۅز سالاماتتىعىن اسىراپ، ار تۉردۉ قۇتقارۇۇ مىلدەتتەرىن جاقشى اتقارىپ كەلۉۉسۉن ۉمۉت قىلابىز.

 شۅحرەت زاكىر مىنا بۇلاردى باسا كۅرسۅتتۉ: حۇبەي ۅلكۅسۉ ۋۇحان شاارى قاتارلۇۇ جەرلەردە جاقىنقى مەزگىلدە جاڭى تىپتەكى تاجىسىمال ۋىرۇستان جۇعۇمدالعان ۅپكۅ سەزگەنىچىنىن جۇعۇشتۇۇ وورۇ ابالى ارت-ارتىنان كۅرۉلدۉ، پارتئيا بوربوردۇق كومىتەتتىن كۉچتۉۉ جەتەكچىلىگىندە، ار تۉردۉ الدىن الىپ تىزگىندۅۅ چاارالارى تارتىپتۉۉ قۇلاچ جايدىرىلۇۇدا. بئر تاراپ قىيىنچىلىققا جولۇقسا، تۇش تاراپتان جاردام قىلىشبىز كەرەك. كۅپچۉلۉك شئنجاڭداعى ار ۇلۇت ەلىنىن تەرەڭ مەەر ماحاباتى، قويۇۇ دوستۇعۇن الىپ، ىيىق مىلدەتتى ارقالاپ، جۇعۇشتۇۇ وورۇعا قارشى تۇرۇۇدا كەسىپتىك جۅندۅمۉن كۅرسۅتۉپ، جۇعۇشتۇۇ وورۇنۇن الدىن الۇۇ تىزگىندۅۅ، توسۇۇ، سوققۇ ۇرۇۇ كۉرۅشۉنۉن جەڭىشىن چەچكىن تۉردۅ قولعو كەلتىرۉۉسۉ كەرەك. 

  شۅحرەت زاكىر : كۅپچۉلۉكتۉن ۋۇحانعا بارعاندان كىيىن باردىق اراكەتتە قول باشچىلىقتى ۇعۇپ، جوعورۇ داراجاداعى جووپكەرچىلىك پوزىتسىياسىندا ۅزۉنۉن مىلدەتىن جاقشى اتقارۇۇسۇن ۉمۉت قىلابىز، وشونۇ مەنەن قاتار، كۅپچۉلۉكتۉن ۅزۉن قورعووعو ماانى بەرىپ، دەنە سوولۇعۇنا كۅڭۉل بۅلۉۉسۉن ۉمۉت قىلابىز. شئنجاڭداعى ار ۇلۇت ەلى سىلەردىن مىلدەتتى ارداقتۇۇ اتقارىپ، سالامات قايتىپ كەلىشىڭەردى كۉتۅت!

  شۅحرەت زاكىردىن چىن جۉرۅكتۅن سۉيلۅگۅن سۅزۉ دارىلوو اتىرەتىندەگى مۉچۅلۅردۉن قىزۇۇ قول چابۇۇسۇنا ەە بولدۇ.

 بىلۉۉگۅ قاراعاندا، بۇل جولۇ حۇبەيگە جاردامعا كەتكەن شئنجاڭ دارىلوو اتىرەتىندەگى دوقتۇر قىزماتكەرلەر شئنجاڭ مەدىتسىنا داشۅسۉنۅ قاراشتۇۇ دوقتۇرقانالاردان كەلىشكەن. دارىلوو اتىرەتىندەگى مۉچۅلۅر: بۉتۉن كۉچۉ مەنەن، قولۇنان كەلىشىنچە ار تۉردۉ قۇتقارىپ جاردام بەرۉۉ مىلدەتىن سۅزسۉز تۉردۅ چەچكىن اتقارىپ، باش شۇجئى شئى جئنپىڭدىن جانا پارتئيا بوربوردۇق كومىتەتتىن تاپشىرماسىن، جۇرتۇنداعى ەلدىن ۉمۉت تىلەگىن مۉلدۅ جەر قويبوي تۇرعاندىعىن بئلدىرىشتى. 

 اپتونوم رايون جەتەكچىلەرىنەن تىيان ۋىن، مەڭلىك سەيىت، ۋان حايچۇان ۇچاق جايعا بىرگە بارىپ ۇزاتىشتى.

〖2020.01.29-10:43〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز