اپتونوم رايون ۋئدىيو جىيىنىن اچىپ جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىن تالقۇۇلاپ ورۇنداشتىردى

2020-01-29 10:30

اپتونوم رايون ۋئدىيو جىيىنىن اچىپ جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىن تالقۇۇلاپ ورۇنداشتىردى

جىيىندا مىنا بۇلار تالاپ قىلىندى: باش شۇجئى شئجئنپىڭدىن زارىل سۅزۉ جانا زارىل جول- جوبوسۇنۇن رۇحۇن چەچكىن ىزچىلدەشتىرىپ، بار كۉچۉبۉز مەنەن اتتانىپ، قالققا سۅۅنۉپ جۇعۇشتۇۇ وورۇنۇن الدىن الىپ تىزگىندۅۅ، توسۇۇ، سوققۇ ۇرۇۇ كۅرۉشۉندۅ چەچكىن جەڭىشكە جەتۉۉبۉز كەرەك.

ووزچو: «قايراتبىزدان سەپىل سالىپ، جۇعۇشتۇۇ وورۇنۇن الدىن الۇۇ، تىزگىندۅۅ، توسۇۇ، سوققۇ بەرۉۉ سالعىلاشۇۇسۇندا جەڭىشكە جەتەلى»

1- ايدىن 28- كۉنۉ تۉشتۅن مۇردا، اپتونوم رايون جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتى بويۇنچا ۋئدىيو جىيىنىن اچىپ، باش شۇجئى شئى جئنپىڭدىن زارىل سۅزۉ جانا زارىل جول- جوبوسۇنۇن رۇحۇن داعى بئر دەمجىي جەتكىرىپ ۉيرۅنۉپ ىزچىلدەشتىرىپ، جۇعۇشتۇۇ وورۇنۇن الدىن الىپ تىزگىندۅۅ قىزماتىن تالقۇۇلاپ ورۇنداشتىردى. اپتونوم رايوندۇق پارتكومدۇن شۇجئسى، اپتونوم رايوندۇق جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتى جەتەكچىلىك گۇرۇپپاسىنىن باشچىسى چىن چۇانگو جىيىنعا قاتىشتى ارى سۅز سۉيلۅدۉ. 

 جىيىندا مىنا بۇلار كۅرسۅتۉلدۉ:باش شۇجئى شئى جئنپىڭ جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ قىزماتىنا ۅسكۅلۅڭ ماانئى بەرىپ، ەلدىن ۅمۉر قووپسۇزدۇعۇ جانا دەنە سوولۇعۇن ار ۇباقىت كۅكۅيۉندۅ ساقتاپ، بئر قانچا جولۇ جىيىن اچىپ، دوكلات ۇعۇپ، زارىل جول- جوبو بەردى، بۇل چىن پەيىلدەن ەلدى سۉيۉۉ، بار نەەتى مەنەن ەل ۉچۉن دەگەن تەرەڭ سەزىمىن تولۇق كۅرسۅتۉپ، «ۅزۉم» دەگەن ئدىيادان ارىلىپ، ەلدىن ۉمۉتۉن اقتاعان بىيىك ادامدىق ساپاتىن تولۇق تۇيۇنتتۇ. 1- ايدىن 27- كۉنۉ باش شۇجئى شئى جئنپىڭ داعى بئر جولۇ زارىل جول- جوبو بەرىپ، جۇعۇشتۇۇ وورۇنۇن الدىن الىپ تىزگىندۅۅگۅ قاراتا ايقىن تالاپتاردى ورتوعو قويۇپ، قالىڭ پارتئيالۇۇ كادىرلارعا العا قاراي اتتانۇۇ بۇيرۇعۇن تۉشۉردۉ. بۉتكۉل رايونۇبۇزداعى ار داراجالۇۇ ار قايسى تارماقتار، ايرىقچا ار داراجالۇۇ پارتئيا ۇيۇمدارى جانا قالىڭ پارتئيالۇۇ كادىرلار «تۅرت تاانىم»دى كۉچۅتۉپ، «تۅرتتۅ ۅزۉنۅ ىشەنۉۉ»نۉ بەكەمدەپ، «ەكىنى قورعوو»نۇ اتقارىپ، ئدىيا جانا اراكەتتى چەچكىن تۉردۅ باش شۇجئى شئى جئنپىڭدىن زارىل سۅزۉ جانا زارىل جول- جوبوسۇنۇن رۇحۇنا بىردىككە كەلتىرىپ، ەلدىن تالامى باارىدان جوعورۇ تۇرات دەگەندە بەكەم تۇرۇپ، ۅمۉر تايشان تووسۇنان دا قادىرلۇۇ دەگەندە بەكەم تۇرۇپ، جۇعۇشتۇۇ وورۇ ابالىنىن ۅزۉ بۇيرۇق، الدىن الىپ تىزگىندۅۅ ــ جووپتۇلۇق دەگەندە بەكەم تۇرۇپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن ساياسات بەلگىلۅۅ ورۇنداشتىرۇۇلارىن چەچكىن تەرمەلبەي ئزچىلدەشتىرىپ، جۉزۅلۅشتۉرۉپ، ماشاقاتتۇۇ قىيىنچىلىقتان قورقپوي، كۅكۉرۅك كەرىپ الدىعا چىعىپ، بااتىرلارچا كۉرۅشۉپ، قىزماتتاردى تىڭعىلىقتۇۇ ىشتەپ، بۉتكۉل اپتونوم رايوندوعۇ ار ۇلۇت قالقىن ىنتىماقتاشتىرىپ جەتەكتەپ، ىشەنىچتى بەكەمدەپ، قىيىنچىلىقتا العوولوشۇپ، ئلىمىي الدىن الىپ، تۅپ چارا قولدونۇپ، جالپى ەلدىن قايراتىنان بازمىرت قورعون قالىپتاندىرىپ، جالپى بئر نەەتتە جۇعۇشتۇۇ وورۇنۇن الدىن الىپ تىزگىندۅۅ، توسۇۇ، سوققۇ ۇرۇۇ كۅرۉشۉندۅ جەڭىشكە جەتۉۉبۉز كەرەك. 

   بىرىنچىدەن، تاانىمدى داعىدا جوعورۇ كۅتۅرۉۉ كەرەك. العاچقى مۉدۅۅ مەنەن ىيىق مىلدەتتى بەكەم ەستە ساقتاپ، ىشەنىچ جانا بەكىمدى بەكەمدەپ، قاتاال قىرداالدى انىق تاانىپ، مۉشكۉل مىلدەتتى ايقىنداشتىرىپ، جۇعۇشتۇۇ وورۇنۇن الدىن الىپ تىزگىندۅۅ قىزماتىن چەچكىن تۉردۅ ازىرقى ەڭ زارىل قىزمات قاتارى قارماپ، قانچا مۉشكۉل ارى قووپتۇۇ بولعون سايىن وشونچو الدىعا قاراي العالاپ، چارالاردى داعى بئر دەمجىي كۉچۅتۉپ، جووپتۇلۇقتۇ چىڭداپ، ئستىلدە بۇرۇلۇش جاساپ، قىزماتتاردى ىچكەلەشتىرىپ، جۇعۇشتۇۇ وورۇنۇ كۅزۅمۅلدۅپ كۉزۅتۉۉ، ايرىپ قۇتقارىپ دارىلوو، زاتتىق ماتەرىيالداردى زاپاس داياردوو، ۉگۉتتۅپ جەتەكتۅۅ سىياقتۇۇ تۉردۉۉ قىزماتتاردى مىقتى جاقشى ىشتەپ، ار ۇلۇت قالقىنىن ۅمۉر قووپسۇزدۇعۇ جانا دەنە سوولۇعۇن چەچكىندۉۉلۉك مەنەن بەكەم قايتارۇۇ كەرەك.

   ەكىنچىدەن، جەتەكچىلىكتى داعى كۉچۅتۉۉ كەرەك. قىرداالعا ئلىمىي ۅكۉم چىعارىپ، جوعۇشتۇۇ وورۇ ابالىن تۅپ ىگەرىپ، بئر كەلكى جەتەكچىلىك قىلىپ، بئر كەلكى قول باشچىلىق قىلىپ، بئر كەلكى اراكەتتە بەكەم تۇرۇپ، جووپكەرچىلىك جۇمۇش بۅلۉشتۉرۉۉنۉ قاتااڭداشتىرىپ، شايكەشىپ بىرلەشمە اراكەتكە كەلۉۉنۉ كۉچۅتۉپ، كۉچتۉ چوردوندوشتۇرۇپ چوڭ ئش بۉتۉرۉۉدۅي تۉزۉم ارتىقچىلىعىن تولۇق كۅرسۅتۉپ، ەڭ كۉچتۉۉ قىزمات كۉچتۅرۉن ۇيۇمداشتىرىپ، قالىڭ ەل-جۇرتقا سۅۅنۉپ، ەڭ كۉچتۉۉ ئش- چارالاردى قولدونۇپ، جۇعۇشتۇۇ وورۇنۇن الدىن الۇۇ جانا تىزگىندۅۅ قىزماتىن جاقشى، ناقتىلۇۇ، اقىرىنا چەيىن بەكەم قارموو كەرەك. 

    ۉچۉنچۉدۅن، الدىن الۇۇ جانا تىزگىندۅۅنۉ داعى تولۇق ورۇنداشتىرۇۇ كەرەك. جوعورۇ بەرەكەتتۉۉ قول باشچىلىق، شايكەشتىرۉۉ سىستەماسىن جاقشىرتىپ، كەمەلدەندىرىپ، بىرگەلەشىپ الدىن الۇۇ، بىرگەلەشىپ تىزگىندۅۅ چارالارىن جالپى بەتكەي جۉزۅلۅشتۉرۉپ، تەرەڭىنە اقىرىنا چەيىن، قاپتووسۇ تىعىز بولعون جۇعۇشتۇۇ وورۇنۇن الدىن الۇۇ جانا تىزگىندۅۅ تورۇن قالىپتاندىرىپ، قوومدۇق قونۇش، ايىل-قىشتاقتاردا چاقماق تور سىمال الدىن الۇۇ جانا تىزگىندۅۅ، الا قويبوي تەكشەرۉۉ چاراسىن داعى بئر دەمجىي كۉچۅتۉپ، ار قايسى چارالاردى ىچكەلەي، كونكىرەتنىي جۉزۅلۅشتۉرۉپ، دالدا بۇرچ، بئر داعى ادام قالىپ قالباستىعىنا چىنىعى كەپەلەتتىك قىلۇۇ كەرەك. 

  تۅرتۉنچۉدۅن، ئش-چارالاردى داعى كۉچۅتۉۉ كەرەك. قىزماتكەرلەردى تەكشەرۉۉ جانا باشقارىپ تىزگىندۅۅ ەپكىنىن داعى بئر دەمجىي اشىرىپ، ئز قۇۇپ باشقارۇۇ، مەدىتسىينالىق كۉزۅتۉۉ جانا ايرۇۇ چاراسىن قاتااڭ جۉزۅلۅشتۉرۉپ، ەرتە بايقاپ، ەرتە دوكلات قىلىپ، ەرتە ايرىپ، ەرتە دارىلووعو چىنىعى كەپەلەتتىك قىلۇۇ كەرەك؛ دارىلوو بايلىقتارىن داعى بئر دەمجىي بىرىكتىرىپ، دارىلوو دولبوورۇن جاقشىرتىپ، نووقاستاردى چوردوندوشتۇرۇۇ، ادىستەردى چوردوندوشتۇرۇۇ، بايلىقتى چوردوندوشتۇرۇۇ، دارىلاپ قۇتقازۇۇنۇ چوردوندوشتۇرۇۇدا بەكەم تۇرۇپ، دارىلاپ قۇتقازۇۇنۇ قىزماتىن ئلىمىي، تارتىپتۉۉ قۇلاچ جايدىرۇۇعا چىنىعى كەپەلەتتىك قىلۇۇ كەرەك. العىلىقتۇۇ ورۇن جانا تۉيۉندۉۉ سوورۇنداردى كۉزۅتۉپ ۅلچۅۅ ەپكىنىن داعى بئر دەمجىي اشىرىپ، قايچىلاشما بئر-بىرىنە جۇقتۇرۇۇ جانا جۇعۇشتۇۇ وورۇنۇن تارالۇۇسۇنان چەچكىن ساقتانۇۇ كەرەك؛ قىزماتكەرلەردىن اعۇۇ جانا چوعۇلۇۇسۇن داعى بئر دەمجىي ازايتىپ، تازالوو، دىزەنفەكسىيالوو، شامال ۅتۉشتۉرۉۉ سىياقتۇۇ قىزماتتاردى كۉچۅتۉپ، ۋىرۇستۇن تارالۇۇ جولدورۇن ۅنۉمدۉۉ توسۇۇ كەرەك؛ زاتتىق ماتەرىيالدار ۅندۉرۉشۉ، ۇيۇمداشتىرۇۇ جانا قامدوونۇ داعى بئر دەمجىي جاقشى ىشتەپ، تاشمالدوونۇن شىدىرلىعىنا چىنىعى كەپەلەتتىك قىلىپ، بازاردى كۅزۅمۅلدۅۅنۉ كۉچۅتۉپ، تۉردۉۉ امالدار مەنەن دارىلوو قۇتقارۇۇ، قورعونۇۇ بۇيۇمدارى، تۇرمۇشتۇق بۇيۇمدار مەنەن قامسىزداندىرۇۇنۇن جەتەرلۉۉ بولۇۇسۇنا چىنىعى كەپەلەتتىك قىلۇۇ كەرەك. 

  بەشىنچىدەن، اتتاندىرۇۇنۇ داعى تەرەڭدەشتىرۉۉ كەرەك. كەڭىرى ۉگۉتتۅپ قوزعوتۇپ، قورعونۇۇ بىلىمدەرى، قورعونۇۇ چارالارىن باارى ادامعا بىلدىرۉۉنۉ جاقشى ىشتەپ، تۉردۉۉ ئش-چارالاردى ار بئر كۅچۅ باشقارماسى، ار بئر ايىل-شاارچا، ار بئر قوومدۇق قونۇش، ار بئر قىشتاق، ار قايسى تور، ار بئر ۉي-بۉلۅگۅ چەيىن چىنىعى جۉزۅلۅشتۉرۉپ، جالپى قالقتىن دەن سوولۇق تاانىمىن جانا ۅز ۅزۉن قورعوو جۅندۅمۉن توقتووسۇز جوعورۇلاتىپ، قالىق الدىن الۇۇ جانا تىزگىندۅۅدۅن تۇرعان قاتااڭ چەپتى قۇرۇپ چىعىپ، قالايىق قالىق الدىن الۇۇ جانا تىزگىندۅۅدۅن تۇرعان كۉچتۉۉ بىرىكمە كۉچتۉ ۇيۇتۇۇ كەرەك. 

  التىنچىدان، جووپكەرچىلىكتى داعى چىڭدوو كەرەك. ار داراجالۇۇ پارتئيا ۇيۇمۇنۇن جەتەكچىلىك بانزالارى جانا جەتەكچى كادىرلار ايرىقچا نەگىزكى جووپتۇلارى قىزمات وردۇندا بەكەم تۇرۇپ، الدىندا قول باشچىلىق قىلىپ، پارتئيا، ۅكۉمۅت، ارمئيا، ساقچى، اسكەر، ەل شايكەشىپ ۅز ارا تۉرتكۉ بولۇپ، تىعىز شايكەشىپ، نەگىزكى قاتمار پارتئيا ۇيۇمۇ جانا قالىڭ پارتئيالۇۇ كادىرلار سوعۇش قورعوندۇق رولۇن جانا اۋانگارت ۉلگۉلۉك رولۇن چەچكىن كۅرسۅتۉپ، قالىڭ دارىلوو قىزماتكەرلەرى سىناققا چىداپ، الدىعا اتىرىلۇۇ كەرەك. ۉگۉتتۅۅ ەپكىنىن اشىرىپ، جۇعۇشتۇۇ وورۇنۇن الدىن الۇۇ جانا تىزگىندۅۅ، توسۇۇ، سوققۇ ۇرۇۇ كۅرۉشۉندۅ جەڭىشكە جەتۉۉ ۉچۉن جاقشى مااناي جاراتۇۇ كەرەك. 

〖2020.01.29-10:30〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز