اپتونوم رايوندۇق دارىلوو قامتاماسىزداندىرۇۇ مەكەمەسى اپتونوم رايون داراجالۇۇ 4 دارىلوو قۇتقارۇۇ بەلگىلەنگەن دوقتۇرقاناعا 20 مئللىيون يۇاندىق دارىلوو قامسىزداندىرۇۇ اتايى تۉر قارجىسىن چۇقۇل الدىن الا تۉشۉردۉ

2020-01-28 10:16

  اپتونوم رايوندۇق دارىلوو قامتاماسىزداندىرۇۇ مەكەمەسى اپتونوم رايون داراجالۇۇ 4 دارىلوو قۇتقارۇۇ بەلگىلەنگەن دوقتۇرقاناعا 20 مئللىيون يۇاندىق دارىلوو قامسىزداندىرۇۇ اتايى تۉر قارجىسىن چۇقۇل الدىن الا تۉشۉردۉ. 

   اپتونوم رايونۇبۇزدۇن جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ قۇتقارىپ دارىلوو قىزماتىن بۉتۉن كۉچۉ مەنەن قولدوو ۉچۉن، اپتونوم رايوندۇق دارىلوو قامتاماسىزداندىرۇۇ مەكەمەسى جاقىندا (1- ايدىن 24- كۉنۉ) اپتونوم رايون داراجالۇۇ جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنچىن دارىلوو قۇتقارۇۇ بەكىتىلگەن 4 دوقتۇرقاناعا 20 مئللىيون يۇاندىق دارىلوو قامسىزداندىرۇۇ اتايى تۉر قارجىسىن الدىن الا تۉشۉردۉ. ەمى، بۇل جۅنۉندۅ شئنجاڭ رادىيو- تەلەۋىزىيا ىستانسىياسىنىن قابارچىلارى ياڭ جۇ، چئيۇ جئندىن قابارى نازارىڭىزداردا: 

  بىلۉۉگۅ قاراعاندا، دارىلوو قامسىزداندىرۇۇ اتايى تۉر قارجىسىن الدىن تۉشۉرگۅن دوقتۇرقانالار اپتونوم رايوندۇق جۇعۇشتۇۇ وورۇلار دوقتۇرقاناسى، اپتونوم رايوندۇق ەل دوقتۇرقاناسى، شئنجاڭ مەدەتسىيا داشۅسۉنۅ قاراشتۇۇ بئرىنچى دوقتۇرقانا، شئنجاڭ ۅندۉرۉش قۇرۇلۇش بئڭتۇانى دوقتۇرقاناسى، ار قايسىسىنا دارىلوو قامسىزداندىرۇۇ اتايى تۉر قارجىسى 5 مئللىيون يۇان تۉشۉرۉلگۅن، دوقتۇرقانانىن الدىن تۅلۅي تۇرعان چىعاشا جۉگۉن جەڭىلدەتەت. اپتونوم رايوندۇق دارىلوو قامتاماسىزداندىرۇۇ مەكەمەسى داعى جاشىل جول اچىپ، چوردوندۇۇ دارىلوو قۇتقارۇۇدا بەكىتىلگەن دوقتۇرقانا مەنەن جالعىز ەسەپتەشىپ، بئرىنچى ۇباقىتتا تاستىقتاپ، بئرىنچى ۇباقىتتا ەسەپتەشىپ، بئرىنچى ۇباقىتتا تۉشۉرۉپ، قۇتقارۇۇ دارىلوو قىزماتىنىن شىدىر الىپ بارىلۇۇسۇنا كەپەلەتتىك قىلات. اپتونوم رايوندۇق دارىلوو قامتاماسىزداندىرۇۇ مەكەمەسى پارتگۇرۇپپاسىنىن ورۇن باسار شۇجئسى، ورۇن باسار مەكەمە باشچىسى ۋاڭ جىحۇا 王志华 مىنداي دەدى: «دارىلوو چىعاشاسىن تىكەلەي ەسەپتەشۉۉ جاعىندا، وورۇ مۉنۅزدۅلۉپ بەكىتىلگەن نووقاستا كۅرۉلگۅن چىعاشا نەگىزگى دارىلوو قامسىزداندىرۇۇسۇندا ىشتەتىلەت، چوڭ وورۇلار قامسىزداندىرۇۇسۇ جانا دارىلوو قۇتقارۇۇ جاردامى سىياقتۇۇلار بەلگىلەمە بويۇنچا تۅلۅنگۅندۅن كىيىن، جەكەلەر ۅز كۅتۅرچۉ بۅلۉگۉن الدى مەنەن دارىلوو قۇتقارۇۇدا بەكىتىلگەن دوقتۇرقانا الدىن تۅلۅيت، ار قايسى ايماقتى (وبلاس، شااردىق) دارىلوو قامتامسىزداندىرۇۇ مەكەمەلەرى اي سايىن ۇيۇمداپ ەسەپتەيت، ۅلكۅ اتتاپ باشقا جەردە دارىلانعان جەلەلەردىن چىعاشاسىن الدىن تۅلۅگۅندۅرگۅ قاراتا، قامسىزداندىرۇۇعا قاتىشقان جەردىن دارىلوو قامسىزداندىرۇۇنۇ بۉتۉرگۅن تارماقتارى قولدو ەسەپتەيت. ۅلكۅ اتتاپ باشقا جەردە دارىلانعاندا داعى باردىققا كەلگەن جەكەلەر الدىن تۅلۅگۅندۅر، قامسىزداندىرۇۇعا قاتىشقان جەرگە قايتىپ قامسىزداندىرۇۇنۇ بۉتۉرۉۉ اپپاراتى قولدو ەسەپتەيت. باشقا جەردە ارىلانۇۇنۇ ەستەلىككە الۇۇ قىزماتىن جاقشى ىشتۅۅ جاعىندا، ار قايسى ايماقتىق (وبلاس، شااردىق)دارىلوو قامتاماسىزداندىرۇۇ مەكەمەسى ۅلكۅ اتتاعان جانا شئنجاڭ ىچىندە باشقا جەردە دارىلانعانداردى ەستەلىككە الۇۇ جاشىل جولۇن اچتى، قوومعو مايرام مەزگىلىندەگى ەستەلىككە الۇۇ تەلەفونۇن جارىيالادى، 24 ساات قابارلاشۇۇعا بولوت. جاڭى تىپتەگى تاجىسىمال ۋئرۇس مەنەن جۇعۇمدالعان ۅپكۅ سەزگەنىچى نووقاستارى جە كۉمۅندۉۉ نووقاستار تىكەلەي ەستەلىككە الۇۇ تەلەفونۇنا چالىپ، دارىلوو چىعاشاسىن تىكەلەي ەسەپتەشسە بولوت». 

   وشونۇ مەنەن قاتار، اپتونوم رايوندۇق دارىلوو قامتاماسىزداندىرۇۇ مەكەمەسى ار قايسى ايماق (وبلاس، شاار)عا «اپتونوم رايوندۇن جاڭى تىپتەگى تاجىسىمال ۋئرۇس مەنەن جۇعۇمدالعان ۅپكۅ سەزگەنىچى جۇعۇشتۇۇ وورۇ ابالىن دارىلوو قامسىزداندىرۇۇسۇن بۉتۉرۉۉ قىزماتىن چىنىعى جاقشى ىشتۅۅ جۅنۉندۅگۉ چۇقۇل قۇلاقتاندىرۇۇسۇ»ن تۉشۉرۉپ، جۇعۇشتۇۇ وورۇ ابالىنا تەڭتايلاش تۇرۇۇ جانا قۇتقارۇۇ دارىلوو قامسىزداندىرۇۇسۇن بۉتۉرۉۉ قىزماتىنا ورۇنداشتىرۇۇ- جايعاشتىرۇۇ الىپ باردى. ۋاڭ جىحۇا مىنداي دەدى: «اپتونوم رايوندۇق دارىلوو قامتاماسىزداندىرۇۇ مەكەمەسى جۇعۇشتۇۇ وورۇ ابالىنىن الدىن الىپ تىزگىندۅۅ ماالىماتىن دوكلات قىلۇۇ جانا جۇعۇشتۇۇ وورۇ ابالىن الدىن الىپ تىزگىندۅۅنۉ دىلگىر جاقشى ىشتەپ، دارىلوو قامتاماسىزداندىرۇۇ سىستەماسىنىن ماالىماتىنىن شىدىرلىعىن ساقتاپ، جۇعۇشتۇۇ وورۇ ابالىنىن الدىن الىپ تىزگىندۅۅ قىزماتىن ۉن قاتۇۇ، ماالىندا تەڭتايلاش تۇرۇۇعا چىنىعى كەپىلدىك قىلات. تەزدىك مەنەن پارتئيا بوربوردۇق كومىتەتى جانا اپتونوم رايوندۇق پارتكومدۇن تالابى جانا ورۇنداشتىرۇۇسۇ بويۇنچا، جۇعۇشتۇۇ وورۇ ابالى بۇيرۇق، الدىن الۇۇ دارىلوو جووپتۇۇلۇق، دارىلوو قامتاماسىزداندىرۇۇنۇن جۅندۅمۉن دىلگىر كۅرسۅتۉپ، ايداقسىز ارقالاپ، جۇعۇشتۇۇ وورۇ ابالىنىن الدىن الىپ دارىلوونۇن قۇتقارۇۇ دارىلوو قىزماتىن بۉت كۉچۉ مەنەن قولدويبۇز». 

〖2020.01.28-10:16〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز