مەتنۇرى مەتتۇرسۇندۇن «الدۇۇ قووم اڭسووسۇ»

2020-01-25 11:07

  كىرىيە وودانى جاي ايىلى قاتىقكۉن قىشتاعىنىن قىشتاق تۇرعۇنۇ مەتنۇرى مەتتۇرسۇندۇن سامسا بىشىرۇۇ جاقشى ۅنۅرۉ بار، 2019-جىلى ال دۉكۅندۉن ايانتىن كەڭىرتىپ، ۅزۉنۉن بايۇۇ اڭسووسۇنا جەتىپ ەلە قالباي داعى انسايىن كۅپ قىشتاق تۇرعۇندارىنىن كەمباعالدىقتان ارىلۇۇسۇنا جاردام بەردى. كىرىيە ووداندىق رادىيو-تەلەۋىزىيا ىستانسىياسىنىن قابارچىلارى جاڭ شۇحۇا، مەرەمنىسانىن قابارىنا كۅڭۉل بۇرۇڭۇزدار: 

  اركۉنۉ ساارقى ساات 7 لەردە، كىرىيە وودانى جاي ايىلى قاتىقكۉن قىشتاعىنىن تۇرعۇنۇ مەتنۇرى مەتتۇرسۇن ايالى مەنەن بىردىكتە سامساقاناسىنا ەرتەلەپ كەلىپ، بئر كۉن كەچكە چەيىن قاربالاس بولۇشات. قامىر جۇۇرۇ، جايۇۇ، ەت تۇۇراپ، سامسا تۉيۉپ، تاندىرعا بىشىرعاندان كىيىن، بئر جارىم ساات ۇباقىتتا ەلە بئرىنچى تاندىرداعى سامسا جاڭىدان بىشىپ چىعا كەلدى. 

  قابارچى :- ۇشۇنداي سامسادان بئر كۉندۅ قانچانى بىشىراسىز؟ 

  مەتنۇرى: ەكى جۉز ايلاناسىندا.

  قابارچى: بئر سامسانى قانچادان ساتاسىز؟ 

  مەتنۇر: بىرۅ 10 يۇاندان. 

  قابارچى: مىنداي بولعوندو، كۉنۉنۅ 2مئڭ يۇاندىق سامسا ساتىپ چىعارات ەكەنسىز دا؟

  مەتنۇرى: ووبا، تۇۇرا ايتاسىز!

  مەتنۇرى مەتتۇرسۇن ۅتكۅن مەزگىلدەردە قىشتاقتاقى ارحىپ تۇرۇپ، كارتا بۉتۉرۉلگۅن كەمباعال تۉتۉن بولچۇ. 2015-جىلى 50 مئڭ يۇاندىق چاقان سومماداقى كەمباعالداردى جۅلۅۅ قارىز اقچا ساياساتىنىن قولدووسۇندا ال سامساقانا اچقان. انىن سامسالارىنىن قامىرى جۇقا، سىرتى جالتىراق-داامدۇۇ، ئچى جۇمشاق، ايلاناداقى ايىل-شاارچالاردىن بااردىعىندا بئر قىيلا داڭقى بار، بئر ۉي-بۉلۅدۅكۉلۅر كەمباعالدىقتان جەڭىشتۉۉ ارىلعان. 2019-جىلى، مەتنۇرى مەتتۇرسۇن «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن جاردامىندا داعى بئر 100 چارچى مەتىردەن اشۇۇن دۉكۅندۉ ئجاراعا الىپ، اشقانا اچقان. مەتنۇرى مەتتۇرسۇن مىنداي دەيت:-ازىر مەنىن ەكى دۉكۅنۉم بار، بۇل دۉكۅندۅ سامسا جانا كاباپ بىشىرىپ ساتابىز، جانىنداقىسى اشقانا، وردۇ داعى جاقشى، لاعمان، قۇۇرۇمالاردىن باارىن چىعارابىز، اشقانانىن جاسالعاسى مەنەن قۇۇرۇمالاردىن بااردىعىن قىزمات اتىرەتى ماعا جاردامداشىپ، بىردىكتە دولبوورلوپ بەردى، تئجاراتىم ابدان جاقشى. 

  قاپچىعى قامپايعان مەتنۇرى مەتتۇرسۇن قىشتاقتاقى ۉچ كەمباعال تۉتۉندۉن جۇمۇشقا ورۇنداشۇۇ ماسەلەسىن چەچۉۉگۅ ىشتىكتۉۉ جاردام بەرگەن. ال قابارچىعا، ازىر تئجاراتىنىن جاقشى، تۇرمۇشۇ بايىپ-سايراپ، داعىدا كۅپ كىشىلەردىن بايۇۇسۇنا جاردام بەرۉۉ جووپكەرچىلىگى بار ەكەندىگىن ايتىپ مىنداي دەدى:- بئر كىشى بايىسا بايىعاندىق بولبويت، كۅپچۉلۉك بىردىكتە بايىسا انان بايىعاندىق بولوت. وشوندۇقتان، مىندان كىيىن، مەن كۅۅلۅمدۉ كەڭىرتىپ، تئجاراتىمدى جاقشى ىشتەپ، بئر اش-تاماق تەيلۅۅ شەرىكتىگىن قۇرۇپ، داعىدا كۅپ كىشىلەردىن مەنى مەنەن بىردىكتە بايىپ، الدۇۇ قوومعو جەتۉۉسۉنۅ تۉرتكۉ بولوم. 

幸福年·心里话〖2020.01.25-11:07〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز